သတိထားသင့်သော မအင်္ဂါပြဿနာများ

တစ်ကိုယ်ရေ သန့်ရှင်းစင်ကြယ်မှုကို ထိန်းသိမ်းရာတွင် မည်မျှ ပင် ကောင်းအောင်ဂရုစိုက်နေစေကာမူ မှားယွင်းမှုများရှိနိုင်သည်။ အနံ့ဆိုးထွက်ခြင်းမှနေ၍ ပုံမှန်မဟုတ်ဘဲ အရည်များဆင်းခြင်း (သို့ မဟုတ်) ထူးထူးဆန်းဆန်း အရည်ကြည် ဖုပေါက်ခြင်းများအထိ သင်၏ မအင်္ဂါ ကျန်းမာရေးကို ကာကွယ်ရေးသည် ရောဂါပိုးဝင်ရောက် နိုင်သည့် အန္တရာယ်များကို လျှော့ချရေးအတွက် အရေးကြီးသော ကိစ္စတစ်ခုဖြစ်လာသည်။ မမြင်ကွယ်ရာ ကိုယ်ကာယ ပိုင်းကို သန့်ရှင်းအောင် အသေအချာ လုပ်ဆောင်နေသော်လည်း ကြုံတွေ့နိုင်သည့် မအင်္ဂါဆိုင် ရာပြဿနာများကို ဖော်ပြပေးလိုက်ပါသည်။ မအင်္ဂါသို့ ဗက်တီးရီးယားများ ၀င်ရောက်မှုပိုများခြင်းကြောင့် မပြင်း ထန်သော လက္ခဏာများ ပြသနိုင်သည်။ အကယ်၍ တစ် ဦးထက်ပိုသော လိင်ဆက်ဆံဖော်ရှိပါက ရောဂါပိုးမွှားများ ၀င်ရောက်နိုင်သည့် အန္တရာယ်ပိုများသည်။ ယင်းရောဂါလက္ခဏာ သည် သူ့အလိုလို ပျောက်သွားလေ့ ရှိသော်လည်း အချို့သော အ ခြေအနေများတွင် ပြဿနာကြုံတွေ့နိုင် သဖြင့် ဆရာဝန်နှင့် တိုင်ပင်ခြင်းမှာ အကောင်းဆုံးဖြစ်သည်။

လိင်ဆက်ဆံမှုမှ တစ်ဆင့် အလွယ်တကူ ကူးစက်နိုင်သော ကူးစက်လွယ် ဂနိုရောဂါသည် သားအိမ်ခေါင်း၊ သားအိမ်၊ သားဥပြွန် တို့အပါအ၀င် နွေးပြီး စိုစွတ်သော နေရာများတွင် ဂနိုရောဂါပိုးများ ဖြစ်ပေါ်လာနိုင်သည်။ ခံတွင်း၊ လည်ချောင်းနှင့် စအိုတို့တွင်လည်း ယင်းရောဂါပိုး အလွယ်တကူ ကူးစက်နိုင်ပြီး ရောဂါပိုးရှိသော မိခင်မှ ရင်သွေးသို့ အလွယ်တကူ ကူးစက်နိုင်သည်။ လိင်ဆက်ဆံမှုမှ တစ်ဆင့် ကူးစက်သည့် ရောဂါတစ်မျိုးဖြစ် သော Trichomoniasis သည် သေးငယ်သောရောဂါ ပိုးမွှားတစ်မျိုးကြောင့်ဖြစ်သော ရောဂါဖြစ်သည်။ ယင်းရောဂါသည် ငယ်ရွယ် ပြီး လိင်မှုကိစ္စနှင့် မကင်းသော အမျိုးသမီးများတွင် အဖြစ်များသော ကုသနိုင်သည့် ရောဂါဖြစ်သည်။ မအင်္ဂါအတွင်းပိုင်း ယားယံခြင်း၊ ဆီးသွားစဉ် နာကျင်ခြင်း၊ ၀ါစိမ်းရောင် အရည်များထွက်ခြင်း၊ အနံ့ ဆိုးထွက်ခြင်းတို့မှာ ယင်းရောဂါ၏ လက္ခဏာအချို့ဖြစ်သည်။

ရောဂါ လက္ခဏာပြ သလေ့မရှိသော နောက်ထပ်လိင် ဆက်ဆံမှု မှတစ်ဆင့် ကူးစက်သည့် ရောဂါတစ်မျိုးဖြစ်သော Chamydia သည်လိင်ဆက်ဆံဖော်ကို မသိဘဲ ကူးစက်စေနိုင်သည်။ ထို့ကြောင့် ယင်း ရောဂါကူးစက်ခံရမှုကို ဖော်ထုတ်သိရှိရန် မလွယ်ကူပေ။ လိင်ဆက် ဆံပြီး သီတင်းတစ်ပတ် (သို့မဟုတ်) သုံးပတ်ကြာမှသာ ယင်းရောဂါ လက္ခဏာများကို တွေ့ရလေ့ရှိသည်။ ပုံမှန်မဟုတ်ဘဲ မအင်္ဂါမှ အရည်များဆင်းခြင်း၊ ဓမ္မတာလာချိန် နာကျင်ခြင်း၊ မအင်္ဂါတစ်ဝိုက် (သို့မဟုတ်) အထဲတွင် ပူစပ်ခြင်းတို့သည် ယင်းရောဂါ၏ လက္ခဏာ အချို့ဖြစ်သည်။ Candida ဟုခေါ်သော မှိုကြောင့်ဖြစ်သည့် ရောဂါသည် အရေ ပြား၊ မျိုးပွားအင်္ဂါ၊ ခံတွင်း၊ လည်ချောင်းနှင့် သွေးထဲသို့ပင် ကူးစက် နိုင်သည့် ခန္ဓာကိုယ်၏ စိုစွတ်သော၊ နွေးသောနေရာများ၌ ယင်းရော ဂါကူး စက်နိုင်သည်။ ယင်းရောဂါကြောင့် မသက်သာသော၊ အန္တ ရာယ်ရှိသော လက္ခဏာများဖြစ်ပေါ်လာနိုင်သည်။ သို့သော်ရောဂါ ပိုးဝင်ရောက်နေပြီဟု သံသယရှိပါက ဆရာဝန် စစ်ဆေးမှုခံယူပြီးမှ ဆေးဝါးကုသမှုခံယူသင့်သည်။