လက်ဝါးပြကာရတဲ့ နိုင်ငံ - ဒေါက်တာသန်းထွန်း

နိုင်ငံဟူသော ဝေါဟာရကို ပုဂံခေတ်ကပင် စတင် တွေ့ရှိခဲ့ပါတယ်။ (ပုံ ၁၉ က၆) ၇ အောက်တိုဘာ ၁၁၉၆၊ ၁၈ စက်တင်ဘာ ၁၁၉၈) ပုဂံခေတ် ခရစ် တစ်ဆယ့်နှစ်ရာစုနှစ် ကုန်ခါနီး ဒုတိယစည်သူ(? ၁၁၆၅-၁၂၁၁) လက်ထက် ပုဂံနိုင်ငံ ရဲ့ အကျယ်ကို ပြောရရင်

အရှေ့ သံလွင်မြစ်

တောင် သလင်ကြေ  (Cape Salang, Phukhet)

အနောက် မစ္ဆဂီရိ (? Chin Hills)

မြောက် ငဆောင်ချံ (? Bhamo)



ထိဖြစ်တယ်လို့ ဓမ္မရာဇိက ဘုရားကျောက်စာ (ပုံ ၁၉)မှာ ရေးထားပါတယ်။ မြေပုံ "လက်ဝါးပြကာရတဲ့နိုင်ငံ ၁၈ ဖေဖေါ်ဝါရီ ၁၅၆၄" ကို ကြည့်ပါ။ ဟံသာဝတီ ဆင်ဖြူရှင်လက်ထက်မှာ အာသံ၊ မဏိပူရ၊ ကိုးရှမ်းပြည်၊ လူးတစ်ဆယ့်နှစ် ပန္နာသ (Sisom Panna)၊ ဇင်းမယ် (Chiengmai)၊ ယိုးဒယား (ထိုင်း Thailand)၊ အဲဒီလောက်ထိ ကျယ်ပြန့်လာတယ်။ ဒီနယ်တွေကို နိုင်ငံလို့ ခေါ်ပါတယ်။ တိုက်ခိုက်အောင်နိုင်လို့ "နိုင်"ဆိုတဲ့စကားလုံး (ဝေါဟာရ)အပြင် ချစ်ခင်ရင်းနှီးပြီး သမီးကညာ ဆက်တာမျိုးနဲ့ လက်အောက်ခံမဟာမိတ် (Subordinate Alliance) ဖြစ်လာတဲ့အခါ ဖြည့်စွက် ပြည့်ဝလာ လို့ ရည်ငံ ဆိုတဲ့စကားက "ငံ" ကို ယူပြီး "နိုင်ငံ" ဖြစ်လာတယ်လို့ ထင်ရပါတယ်။ ချစ်ကြည်တယ်၊ ပြည့်ဝတယ်၊ သံတမန် လဲလှယ်ပြီး လက်အောက်ခံ ဖြစ်လာတဲ့ပဒေသရာဇ်ဟာ သူ့မူလနေရာမှာပဲ "အသက်အိုးအိမ် စည်းစိမ်မပျက်" ဆက်လက်  နေခွင့်ရတယ်။ စစ်အင်္ဂ࿿ါ ခင်းကျင်းပြီး ခြိမ်းခြောက်ရုံနဲ့ သမီးကညာဆက်၊ အခွန်ဆက်တာကို "လက်ဝါးပြကာ အောင်တယ် "လို့ (မှန်၊ ၂၊ ၁၉၅၇၊ ၃၆၈) ဖော်ပြတတ်ပါတယ်။

သက္ကရာဇ် ၉၂၅ ခု၊ တပေါင်းလဆန်း ၈ ရက် (၁၈ ဖေဖေါ်ဝါရီ ၁၅၆၄) တွင် ဆင်ဖြူဆင်နီများသခင် ဘဝရှင် မင်းတရား ကြီးဘုရားသည် တိုင်းကြီးပြည်ကြီးအပေါင်း ထီးဆောင်းမင်းတကာတို့နှင့် တကွ ချီတော်မူ၍ လုပ်ကြံတော်မူလျှင် ဘုန်း လက်ရုံး အာဏာနှင့်ပြည့်စုံတော်မူသော မင်းတို့နေရာ ဖြစ်သော ဒွာရာဝတီ အမည်ရှိသော ယိုးဒယား(ထိုင်း)ကို လက်ဝါး ပြကာ အောင်မြင်တော်မူသည်။ (မှန်၊ ၂၊ ၁၉၅၇၊ ၃၆၈)

ယိုးဒယား(ထိုင်း)မင်း သားတော်ကြီး မဟိန်ကို ယိုးဒယား(ထိုင်း) (Ayuthia) မှာပဲ မင်းမြှောက်ခဲ့ပြီး နန်းကျမင်းရယ်၊ သားတော်အငယ် ဗြရာမသွန်ရယ်၊ အမတ်ကြီးဗြစက္ကိရယ် ဆင်ဖြူလေးစီးရယ် ယူပြီး ဟံသာဝတီကို ပြန်ခဲ့ပါတယ်။ ယိုးဒ ယား(ထိုင်း)က နှစ်စဉ်ဆက်သွင်းရမယ့် အခွန်က တိုက်ဆင် ၃ဝ၊ ငွေ ၃ဝဝ (သုံးပိဿာ)၊ တနင်္သ࿿ာရီသင်္ဘ࿿ောအကောက် ဖြစ် ပါတယ်။ ယိုးဒယား(ထိုင်း)က ခေါ်ယူခဲ့တဲ့ လက်မှုပညာ ထူးချွန်သူတွေက

-ဆံထုံးရကင်တတ်သူ

-ဆင်ဆေးသမား

-ပိသုကာ

-ပန်းချီ

-ပန်းဆိုးတတ်သူ

-ပန်းတမော့

-ပန်းတယား

-ပန်းတော့

-ပန်းတည်း

-ပန်းတိမ်

-ပန်းပု

-ပန်းပဲ

-ပန်းပွတ်

-ပန်းယွန်း

-မြင်းဆေးသမား

-လက်သမား

-သဘင်သည်

-အကျော်အလျော် အပေါင်းအကျစ်တတ်သူ

-အထုံအနံ့ကောင်းအောင် ဖော်စပ်တတ်သူ

တွေကို သားမယားပါ အားလုံးသိမ်းပြီး ဟံသာဝတီကို ခေါ်ခဲ့တယ်။ အရပ်အကွက် ချပြီး နေစေတယ်။ ယိုးဒယား(ထိုင်း) မြို့မှာ ပျက်စီးနေတဲ့ ဂူကျောင်းဘုရားတန်ဆောင်း၊ ဇရပ်အားလုံးကို ပြင်ပါဆိုပြီး ယိုးဒယား(ထိုင်း)မင်းကို ငွေသုံးပိဿာ ပေးအပ်ခဲ့တယ်။ သက်တော်စေ့ ပဉ္စင်းခံတယ်။ ရဟန်းတစ်ရာကို ဆွမ်းကျွေးတယ်၊ ပရိက္ခရာရှစ်ပါး လှူတယ်။ ယိုးဒယား (ထိုင်း)မင်းက "ချစ်ကြည်လေးမြတ်လှစွာသော သမီး" ရွှေပိဿာတစ်ရာလုပ် မင်းဆောင် မင်းယောင်၊ မင်းခမ်းမင်းနား၊ ငွေတစ်ပိဿာ၊ ဆင်ကောင်းတစ်​ဆယ် ထပ်ပြီး ဆက်သတယ်။ ဟံသာဝတီကို ၂၈ မတ် ၁၅၆၄ ပြန်ရောက်တယ်၊ ၁၅ မေ ၁၅၆၄ မှာ ရာဇဒေဝီဖုရား နတ်ရွာစံတယ်၊ ခုနစ်ရက်တိုင်တိုင် ငလျင်ကြီး လှုပ်လို့ ဂူဘုရားကျောင်းတွေ ပြိုပျက်တယ်။ ငွေ တော်တစ်ရာထုတ်ပေးပြီး ပျက်သမျှ ပြင်ရတယ်။

ကလျာမဂ္ဂဇင်း၊ အမှတ် ၁၈၃၊ ၂ဝဝဝ။