စစ်မှန်တဲ့ချမ်းသာခြင်းဆိုတာ

*****************


ဗုဒ္ဓမြတ်စွာရဲ့ ပရမတ္ထဓမ္မများကို ကိလေသာအပှုဘေးမှ ကင်းကွာတဲ့ချမ်းသာရာကို ရှာဖွေခံစားလိုသူ ပုဂ္ဂိုလ် တစ်ယောက်အနေနဲ့ အမှန်တကယ် လိုက်နာကျင့်ကြံ အားထုတ်မယ်ဆိုရင် မိမိလိုလားတဲ့ ကိလေသာ အပှု ကင်းရာဖြစ်တဲ့ ချမ်းသားခြင်းများကို နိဗ္ဗာန်တိုင်အောင် ရရှိနိုင်ပါတယ်။ 

၁။ အတ္ထာယ-သတ္တ၀ါများအတွက် ကောင်းကျိူးတရားများ ရရှိစေဖို့ရာ၊

၂။ ဟိတာယ-သတ္တ၀ါအများအတွက် အစီးအပွားရရှိစေဖို့ရာ
၃။ သုခါယ-သတ္တ၀ါများအတွက် ချမ်းသားခြင်းတရားများ ရရှိစေဖို့ရာ

ဆိုတဲ့ ကြီးမြတ်တဲ့ ကရုဏာတော်နဲ့အတူ ဒီဘဒ္ဒ ကမ္ဘာမှာ သိဒ္ဓတ္ထဘုရင်ဟာ ဘုရားအဖြစ်ကို ရရှိအောင် အားထုတ် တော်မှုပြီး တရားဓမ္မများကို ဟောကြားခဲ့တာပါ။”

သံသရာတစ်ဖက်ကမ်းဆိုတဲ့ နိဗ္ဗာန်ကို အရောက်ပို့နိုင်ဖို့ အတွက် ဘုရားအဖြစ်ရရှိအောင် လေးအသင်္ချေနဲ့ ကမ္ဘာ တစ်သိန်းကာလကြာအောင် ကျင့်ကြံအားထုတ်ခဲ့တယ် ဆိုတာလည်း ဗုဒ္ဓဘာသာဝင်များအားလုံး သိပြီးသားပါ။

ပါရမီတွေကို ဘ၀များစွာဖြည့်ကျင့်ရင်း နောက်ဆုံးဘ၀ သိဒ္ဓတ္ထမင်း အဖြစ်နဲ့ နန်းတော်ကိုစွန့်ခွာ မအိုခြင်းတရား၊ မနာခြင်းတရား၊ မသေခြင်းတရားများကို ရှာဖွေတွေ့ရှိပြီး သက်တော် ၃၅ နှစ်မှာပဲ ဘုရားအဖြစ်သို့ရောက်ရှိခဲ့ပါတယ်။

ဘုရားအဖြစ်သို့ ရောက်ရှိပြီး ရုပ်ခန္ဓာ ပန်းပန်းနွမ်းနယ်မှု့ကို (ဗုဒ္ဓမြတ်စွာသည် စိတ်ပင်ပန်း နွမ်းနယ်မှု့ မဖြစ်ပါ) အပန်း ဖြေရင်း နောင်ဟောကြားမယ့် ဘ၀များစွာ ဖြည့်ဆည်းခဲ့တဲ့ တရားဓမ္မများကို သုံးသပ်ဆင်ခြင်ဖို့အတွက် လိုအပ်တာ ကြောင့် ဗုဒ္ဓမြတ်စွာဟာ သတ္တသတ္တာဟ-ရက်သတ္တ (၇)ပတ် အနားယူပါတယ်။

သတ္တသတ္တာဟရဲ့ ဆဋ္ဌမသတ္တာဟအတွက် မဟာဗောဓိပင်၏ အရှေ့တောင်အရပ်မှ အလံငါးဆယ်ဝေးကွာတဲ့ မုစလိန္ဒာ ရေအိုင်ကြီးအနီးမှာတည်ရှိတဲ့ ကျည်းပင်အောက်မှာ မိုးဒဏ် ကာကွယ်ဖို့သင့်တော်တာကြော့င် အနားယူပါတယ်။ ဗုဒ္ဓမြတ်စွာ မုစလိန္ဒရေအိုင်ကြီးနား ကျည်းပင်အောက်မှာ ဖလသမာပတ် ၀င်စားနေခိုက်မှာ ပြင်းထန်သော မိုးကြီးရွာ ချလာပါတယ်။ ထိုရေအိုင်ကို ပိုင်ဆိုင်တဲ့ မုစလိန္ဒ နဂါးမင်း ဆိုတာရှိပါတယ်။ သူဟာ အလောင်းတော်ဘ၀ကတည်းက ဘုရားအဖြစ်ကို ရရှိအောင်ကျင့်ကြံအားထုတ်တော်မှုတဲ့ သိဒ္ဓတ္ထမင်းသားရဲ့ ကြီးမြတ်တဲ့ပညာ၊ ကြီးမားတဲ့ ၀ီရိယတော် များကို ကြည်ညိုခဲ့တာပါ။

ကြည်ညိုမှု့သဒ္ဓါတရား အားကြီးတာကြောင့် မုစလိန္ဒနဂါးမင်း ဟာ ဗုဒ္ဓမြတ်စွာကို ရေဒဏ်၊ မိုးဒဏ်မှ ကာကွယ်ဖို့အတွက် ကြီးမားတဲ့ ပှုဇော်မှု့အခွင့်အရေးကို ရရှိတာကြောင့် သိပ်ကို ပျော်ရွှင်သွားပါတယ်။ ဒါကြောင့်လည်း မိုးများရွာချလာတော့ သူ့ရဲ့တန်ခိုးတော်နဲ့ ကြီးမားတဲ့ကိုယ်ခန္ဓာကို ဖန်ဆင်းပြီး ဗုဒ္ဓမြတ်စွာကို ခှုနှစ်ပတ်ပတ်ကာ ဦးခေါင်းတော်နဲ့ ၇ ရက် ပတ်လုံးမိုးပေးကာ မိုးဒဏ်၊ လေဒဏ်မှာ ကာကွယ်ပေးပါ တယ်။ ၇ ရက်ပြည့်တော့ မိုးကြီးကလည်း ရပ်ဆဲ ဗုဒ္ဓမြတ်စွာ ကလည်း ဖလသမာပတ် ၀င်စားရာက ထပါတယ်။

ဗုဒ္ဓမြတ်စွာ ဖလသမာပတ်ဝင်စားရာက ထတော်မှုစဉ်မှာပဲ မုစလိန္ဒနဂါးမင်းဟာ လုလင်တစ်ယောက်အသွင်ကို ဖန် ဆင်းပြီး ဗုဒ္ဓမြတ်စွာကို အရိုအသေပေး ရှိခိုးပှုဇော်လိုက်ပါ တယ်။ ထိုအခါမှာ ဗုဒ္ဓမြတ်စွာက မုစလိန္ဒနဂါးမင်းကို နဂါးမင်းတို့ရဲ့သဘာဝအရ မာန်ဟုန်ပြင်းတဲ့ ဒေါသစရိုက်၊ ကာမဂုဏ်ခံစားမှု့အားကြီးတဲ့ ရာဂစရိုက်အားကြီးတာကို သိရှိတာကြောင့် သူ့စရိုက်နဲ့ သင့်လျှော်မယ့် တရားဓမ္မကို ဟောကြားပေးပါတယ်။

ဗုဒ္ဓမြတ်စွာဟာ တရားမဟောခင်မှာ ဟောကြားမယ့် သူရဲ့ စရိုက်ကိုကြည့်မြင်တော်မှုပြီးမှ ဟောကြားလေ့ရှိပါတယ်၊ ဒါကြောင့်လည်းပဲ ဗုဒ္ဓရဲ့ တရားပွဲများမှာ ကျွတ်ထိုက်သွား သောသတ္တ၀ါများ အများကြီးရှိခဲ့တာပါ။

မုစလိန္ဒနဂါးမင်းကို ဗုဒ္ဓမြတ်စွာဟောကြားတဲ့ တရားကတော့ ချမ်းသာခြင်းကို ဖြစ်စေတတ်တဲ့ တရားတွေပါပဲ။ ချမ်းသာ ခြင်းကို လိုလားသူအတွက် လိုက်နာကျင့်ကြံဖို့ လိုပါတယ်။ ထိုချမ်းသာခြင်းတရားများကို လိုက်နာကျင့်ကြံလို့ရအောင် ဘယ်လိုတရားတွေလဲဆို သိရှိပြီး ရရှိအောင်အားထုတ်ဖို့ ပှုဇော်ကြည်ရအောင်ပါ။

“နဂါးမင်း၊ ဒေါသတရားကို ပယ်ပါ၊ သတ္တ၀ါအပေါင်းတို့ကို စိတ်ရော၊ ကိုယ်ပါ ထိပါးတိုက်ခိုက်ကာ ဆင်းရဲခြင်းတရား များကို ဖြစ်စေတတ်တဲ့ ဒေါသတရားကင်းခြင်းဟာ ချမ်းသာ လှပါတယ်။ အာရုံငါးပါး ကာမဂုဏ်တရားတို့၌ ခုံမင်ကပ်ငြိ တတ်တဲ့ ရာဂတရားကင်းခြင်းဟာလည်းပဲ ချမ်းသာလှပါ တယ်။ မာန်မာနတရားကို ပယ်ပါ၊ သတ္တ၀ါများကို ညှာတာ ထောက်ထားကာ ညှင်းဆဲခြင်းမပြု သည်းခံခြင်းဟာလည်း ချမ်းသာလှပါတယ်။ မဂ်ဥာဏ်လေးပါးဖြင့် ရဟန္တာဖြစ်ကာ နိဗ္ဗာန်စံမြန်းရခြင်းကတော့ အချမ်းသာဆုံးပဲ ဖြစ်ပါတယ်။ ဒါကြောင့် သင်နဂါးမင်းအနေနဲ့ အဟိတ်တိရစ္ဆာန် ဖြစ်ပေ မယ့်လို့ ထိုချမ်းသာမှု့များကို ပြည့်စုံရရှိအောင် ကြိုးစားပါ”လို့ တိုက်တွန်းဟောကြားခဲ့ပါတယ်။

“နိဗ္ဗာနံ ပရမံ သုခံ- နိဗ္ဗာန်သည် အလွန်ကဲဆုံး ချမ်းသာဖြစ် တယ်” လို့လည်း ဓမ္မပဒမှာလည်း ဟောကြားထားခဲ့တာ ရှိပါတယ်။

“စစ်မှန်တဲ့ ချမ်းသာခြင်းဆိုတာ ဒေါသကိုပယ်သတ်ခြင်း၊ ရာဂကိုပယ်သတ်ခြင်း၊ မာန်မာနကို ပယ်သတ်ခြင်း၊ နိဗ္ဗာန် ရောက်အောင် အားထုတ်ခြင်းတို့ပဲ ဖြစ်ပါတယ်။”

တကယ်တော့ အဟိတ်တိရစ္ဆာန်အဖြစ်နဲ့ မဂ်ဖိုလ် မရရှိနိုင် ပါဘူး။ သာမာန် ကာမာဝစရကုသိုလ် တော့ရရှိနိုင်ပါတယ်။ အထက်ပါ သုံးပါးသော ဒေါသ၊ ရာဂ၊ မာနတရားများဟာ အကုသိုလ်တရားများဖြစ်ပါတယ်။ ထိုအကုသိုလ်တရား များ ကို မဖြစ်အောင် လိုက်နာကျင့်ကြံနေထိုင်မယ်ဆိုရင် ကုသိုလ် ရနိုင်ပါတယ်။ ကုသိုလ်တရားများ ကိုယ့်သန္တာန်မှာ တည်ရှိနေမယ်ဆိုရင် ချမ်းသာခြင်းကိုလည်း ရရှိပါတယ်။ ဗုဒ္ဓမြတ်စွာက ဒီဘ၀မှာ ထိုတရားများကိုပယ် ကောင်းတာ လုပ် နောက်ဘ၀လူ့အဖြစ်ကိုရရှိကာ မဂ်ဖိုလ်ရအောင် ကြိုး စားအားထုတ်ပါလို့ ဆိုလိုရင်းဖြစ်ပါတယ်။

ဗုဒ္ဓမြတ်စွာ သာသနာနဲ့ တွေ့ကြံဆုံခိုက်ခွင့်ရပြီး အဖိုးတန် လှု့ဘ၀ကို ရရှိနေခိုက်မှာ အပမာဒတရားလက်ကိုင်ထားပြီး မလျှော့တဲ့ ၀ီရိယတရားနဲ့အတူ အလွန်ကဲဆုံး ချမ်းသာဆုံး ဖြစ်တဲ့ နိဗ္ဗာန်ချမ်းသာကို ရရှိအောင် ကြိုးစားသင့်ပါတယ်။