မုန်း၍မဟူ

မုန်း၍မဟူ

မင်္ဂလာညချမ်းပါ သူငယ်ချင်းတို့ ရေ …..

မုန်း၍မဟူ …..

ခေါင်းစဉ်လေးတပ်ပြီ ပြောပြချင်တဲ့ အကြောင်းရာ လေးတော့ စာရေးဆရာမကြီး ဂျာနယ်ကျော် မမလေးရဲ့ မုန်း၍မဟူ ဆို တဲ့ စာအုပ်လေး အကြောင်း ပြောပြချင်လို့ ပါ …
သိပြီးသား သူငယ်ချင်းတွေကတော့ ကျော်သွား ကြပါ

ဒီ စာအုပ်ကို မဖတ်ဘူးတဲ့ သူငယ်ချင်းတွေ အတွက် ရည်ရွယ်ပြီး  ဖတ်စေချင်လို့  ဒီစာလေးကို ရေးဖြစ် တာပါ ….

ဆရာမကြီး ဂျာနယ်ကျော် မမလေးရေး တဲ့ ဝတ္တု အားလုံးလိုလို ကြိုက် နှစ်သက်မိပါတယ် ဆရာမကြီ ရေးတဲ့ ဝတ္တုတွေထဲက ဒီ မုန်း၍မဟူ နဲ့  သည်မိုး ဆိုတဲ့ ဝတ္တု နှစ်အုပ်ကို အကြိုက်ဆုံးပါ ....။

မုန်း၍မဟူ ဝတ္တုမှာ ယခုခေတ် နှင့် ဆိုရင် နှစ်ပေါင်း ၅၆ နှစ် ရှိခဲ့ပါပြီ ကျွန်တော်တို့ လူငယ်တွေ ရှေ့ ခေတ် ဝတ္တုများကို ဖတ်ရာတွင် စကားလုံး အသုံး နှုန်းများ ထောက်နေသောကြောင့် ဖတ်ရာတွင် စိတ်တိုင်းမကျ ဖြစ်တတ်ပါတယ် …
သို့ သော် မုန်း၍မဟူ ဝတ္တုတွင် ရေးသားထား စကားလုံးများမှာ ယနေ့ ခေတ် ဝတ္တု စာအုပ်တစ် အုပ်ဖတ်နေရ သလိုပင် စကားလုံး ရိုးရှင်း လှပါ တယ် … 

ကျွန်တော် ဒီစာအုပ်လေးကို ၆ ကြိမ်တိတိ ဖတ်ပြီး ပါပြီ …. ဖတ်မိတိုင်း အသိ တစ်ခုရပါတယ် … အထူးသဖြင့် ဘဝသစ်ကို တည်ဆောက်မဲ့ သူတိုင်း ဒီစာအုပ်လေးဖတ်သင့်ပါတယ် …
လူငယ်တွေတဲ့အခါ တခါတခါ အချစ်နဲ့ တွေ့ ရင် ချစ်ဆိုတာဘာလည်း လို့  မေးတက်ကြပါတယ် …
ကိုယ်ထင်သလို ဘာသာပြန်တက်ကြပါ သေချာ တိကျတဲ့ အဖြေတော့မရပါဘူး ….
အချစ်ဆိုတာ … လူတစ်ယောက်ရဲ့ ဘဝ ကို တိုးတက်ပြောင်းလဲ စေသလို့ အချစ်ကြောင့် အဆိပ့် သင့်လို့ ဘဝ ဆုံးတဲ့သူတွေလဲရှိကြပါတယ် …
လို့ ပြောရင်တော့ အာလုံး လက်ခံ ကြမှာပါ ... ။

ဒီ စာအုပ်လေးထဲက ဇာတ်လမ်းလေးဟာ အချစ် ကြောင့် အဆိပ့်သင့် ရတဲ့ မိန်းကလေး တစ်ယောက် ရဲ့ အကြောင်းကို အဓိက ထားရေးထားတာတွေ့ ရ လို့  ချစ်တတ်သော ကျွန်တော့်ရဲ့ သူငယ်ချင်းများ အချစ်အဆိပ့်သင့်ခြင်းမှ ကင်းဝေးအောင် ဒီ စာအုပ် လေးကို တစ်ခေါက်လောက်တော့ အချိန်ပေးပြီး ဖတ်ပေးပါလို့  တိုက်တွန်းပါတယ် …

မုန်း၍မဟူ ဇတ်လမ်း အကျဉ်းမုန်း၍မဟူ ဝတ္တု ဇတ်လမ်းလေးမှာ ရိုးရိုးလေးပင်ဖြစ်ပါတယ် … နောက်ခံအကြောင်းမှာ ဗြိတိသျှ အုပ်စိုးစဉ် ကာလ က ဘိလပ်ယဉ်ကျေးမှု ကို အလွန် အထင်ကြီးပြီ ဘိလပ်သားလို တွေးခေါ်နေထိုင်သူ ခင်ပွန်းနှင့် မြန်မာ့ယဉ်ကျေးမှုကို စံထား လိုက်နာသော မိသား စုမှ ပေါက်ဖွားလာသည့် ဇနီးသည်တို့ ၏ ယဉ် ကျေးမှု ဝိရောဓိကို ဖော်ပြထားပြီး ….
မေတ္တာ လွန်ကဲမှု သို့ မဟုတ် အချစ် လွန်ကဲခြင်း ကြောင့် မွန်းကျပ်သောဘဝသို့ ရောက်သွားရသော ဇတ်ကောင်တစ်ဦး၏ အဖြစ်ကို ရင်နင့်ဖွယ် ရေးဖွဲ့ ထာပါတယ် …

စာအုပ် မျက်နှာ ဖုံးတွင်ဖော်ပြ ထားသော ဖန်ပေါင်း ချောင် ကလပ်အတွင်းမှ နှင်းဆီပွင့် တစ်ပွင့် ရဲ့ ပုံ ဟာ ဒီစာအုပ်လေး ဖတ်ပြီး သေချာကြည့်ရင် အသက်ဝင်လှပါတယ် ….

မုန်း၍မဟူ သမိုင်း

မုန်း၍မဟူ ဝတ္တုလေးဟာ မြန်မာ စာပေသမိုင်းမှာ ထူးခြားတဲ့ မှတ်တမ်းများရှိလို့ ကျွန်တော်သိ သိသလောက် မဆိုသလောက်လေး မုန်း၍မဟူ သမိုင်းကြောင်းကို ဖော်ပြပေးပါမယ် ….

မူရင်း မုန်း၍မဟူ ဝတ္တု ကို ၁၉၅၅ မေလထုတ် ရူမဝ မဂ္ဂဇင်း တွင် ဝတ္တု ရှည် အစ အဆုံး ဖော်ပြခဲ့ပါတယ် ။ ဆရာမကြီး မှာ ရေးရင်းနဲ့  လက်တွေ့ လှသဖြင့် မုန်း၍မဟူ ဇာတ်သိမ်းအဖြစ် ဇွန်လထုတ် တွင်း ဆက်လက် ရေးသားခဲ့ပါတယ် ။ သို့ သော် မုန်း၍မဟူမှာ ဇာတ်မသိမ်း နိုင်ခဲ့ပါ ။

အကြောင်းမှာ ထိုစဉ်က ထုတ်ဝေ သော မဂ္ဂဇင်း အားလုံး အညီအညွတ် ဆုံးဖြတ်ထားသော စာမျက် နှာ ၂၆၀ ထက် ကျော်လွန်၍ မရ သည်က တစ် ကြောင်း ၊ မဂ္ဂဇင်း ကို လဆန်းတစ်ရက်နေ့ အမှီ ထွက်နိုင်အောင် စီစဉ်ရခြင်းကြောင့် ဇွန်လထုတ် တွင်လည်း မုန်း၍မဟူမှာ ဇာတ်မသိမ်းနိုင်ခဲ့ ပါ …..

ထို့ နောက် ဆရာမကြီးမှာ မုန်း၍မဟူကို အချိန်ပေး ၍ သေချာ ပြန်ရေးချင်သောကြောင့် မဂ္ဂဇင်းတွင် ဆက်လက် မဖော်ပြတော့ပဲ စာဖတ်သူများအား လုံးချင်း ထွက်မှ ဖတ်ပါရန် တောင်းပန်ခဲ့ပါတယ်

နောက်ဆုံးတော့ ရူမဝ မဂ္ဂဇင်း တွင် အခန်းဆက် အဖြစ် နှစ်လတိတိ ဖော်ပြခဲ့သော အခန်းဆက်ဝတ္တု ကို အကျယ်ချဲ့ကာ မုန်း၍မဟူ လုံးချင်း အဖြစ် ရူမဝ စာအုပ်တိုက်မှပင် ထုတ်ဝေခဲ့ပါတယ် ….။

မုန်း၍မဟူ ဝတ္တု ကို ထုတ်ဝေပြီ တစ်လ အတွင်းမှာ ပင် ဒုတိယ အကြိမ် ထပ်မံ ရိုက်နှိပ် ခဲ့ရပြီ ၊၁၉၅၅ ခုနှစ်တွင် ထုတ်ဝေသော ဝတ္တုများအနက် အကောင်းဆုံးဖြစ် ရွေးချယ်ကာ စာပေဗိမာန်ဆု ရရှိခဲ့ပါတယ်။
မုန်း၍မဟူ ဝတ္တုကို ၁၉၅၅ မှ စ၍ ယနေ့ အချိန်ထိ စာပေတိုက် အသီးသီးမှ ၁၁ ကြိမ်တိုင် ထုတ်ဝေ ခဲ့ပြီး ဖြစ်ပါတယ် ထိုမျှမက ဘာသာ ၅ မျိုးဖြင့် ထုတ် ဝေ ခဲ့သောကြောင့် မြန်မာစာပေ သမိုင်းတွင် ငါးမည်ရ မုန်း၍မဟူလို့ နာမည်ကျော်ကြား လူသိ များခဲ့ ပါတော့တယ် …..

ဘာသာပြန် ထုတ်ဝေခဲ့ သော ဘာသာ ငါးမျိုးက အောက်ပါအတိုင်းဖြစ်ပါတယ် …

၁ … တရုတ် ဘာသာပြန် (၁၉၈၅)
၂ … အင်္ဂလိပ်ဘာသာပြန် (၁၉၉၁)
၃….ပြင်သစ်ဘာသာပြန် (၁၉၉၄)
၎…. ရုရှ ဘာသာပြန် (၁၉၇၂)
၅ … ဥဇဘက် ဘာသာပြန် (၁၉၈၁)

၁ … တရုတ်ဘာသာပြန် မုန်း၍မဟူ ဝတ္တျကို ဘေဂျင်းတက္ကသိုလ်အရှေ့ တိုင်းဘာသာ ဌာနမှ ၁၉၈၅ စက်တင်ဘာလ တွင် ဘူရှီဟဲန် (Bu shihen) အမည်ဖြင့် ဘာသာပြန် ထုတ်ဝေခဲ့ပါ တယ် …
ဘာသာပြန် စာရေးသူမှာ ကျီလျှံဖန် (မြန်မာအမည် ဒေါ်သန်းသန်း) နှင့် ယောင်ပင်ယံ (မြန်မာ အမည် ဦးမောင်ရှိန်) တို့ ဖြစ်ကြပါတယ်

အင်္ဂလိပ် ဘာသာပြန်အမေရိကန် နိုင်ငံ အိုဟိုင်အို တက္ကသိုလ် (Ohio University) ၏ နိုင်ငံတ ကာ လေ့လာရေး စင်တာ မှ ၁၉၉၁ ခုနှစ်တွင် မုန်း၍မဟူ ဝတ္တုကို NOT OUT OF HATE အမည် ဖြင့် ဘာသာပြန် ထုတ်ဝေခဲ့ပါတယ် …။ ဘာသာပြန်စာရေးသူမှာ Margaret Aung Thwin ဖြစ်ပြီး အိုဟိုင်အို တက္ကသိုလ် တွဲဖက်ပါမောက္ခ Willam H . Ferederik က တည်းဖြတ်ကာ လန်ဒန် တက္ကသိုလ် ရှေ့ တိုင်းနှင့် အာဖရိက လေ့လာရေး ကျောင်းမှ မြန်မာစာ ဆရာမ Anna Al – lot က အမှာစာရေး၍ ထုတ်ဝေခဲ့ပါတယ် …။

မြန်မာပြည် ပြင်ပတွင် ပထမဦးဆုံး အကြိမ် အဖြစ် မြန်မာ ဝတ္တုတစ်ပုဒ် ကို အင်္ဂလိပ်ဘာသာ ဖြင့်ပြန်ဆို ထုတ်ဝေသော စာအုပ်တစ်အုပ်အဖြစ် မှတ်တမ်း တင်ခဲ့ပါတယ် …။

ပြင်သစ် ဘာသာပြန်ပြင်သစ်ဘာသာ ပြန်စာအုပ်ကို ၁၉၉၄ ခုနှစ် တွင် ပါမောက္ခ ရွှန်ကလိုဒ် အိုဂျေ (Jean Claude Auge) နှင့် ဒေါက်တာ ဒေါ် ခင်လေးမြင့် တို့ က ဘာသာပြန် ဆိုပြီ ၊ အာရှစာပေ ဌာန ( မြန်မာစာ ) ၏ လာမာတန် ( L . Harmattan ) တိုက်မှ ထုတ်ဝေခဲ့ပါတယ် ..။ ထိုစာအုပ်တွင် ကဗျာ ဆရာ Rudyard Kipling ၏ The Road to Mandalay (1887) ဆို တဲ့ ကဗျာ စာပိုဒ် ပါဝင်ခဲ့ ပြီး ၊ မြန်မာ ဝတ္တု ကို ပြင်သစ်ဘာသာသို့  ပထမဆုံး ပြန်ဆို ထုတ်ဝေခဲ့ ကြောင်း မှတ်တမ်း တင်ခဲ့ ရပါတယ် ….။

ဒေါက်တာ ဒေါ်ခင်လေးမြင့် ဆိုသည်မှာ ဆရာမကြီး ဂျာနယ်ကျော် မမလေး၏ သမီး ဖြစ်ပြီး ၊ ပြင်သစ် နိုင်ငံ ဆိုဘွန်း တက္ကသိုလ်မှ ပြင်သစ်စာပေ ဒေါက်တာဘွဲ့ ရ၍ ရန်ကုန် ပြင်သစ်သံရုံးတွင် ဖွင့် လှစ်သော A L Allince Francaise ( ယဉ် ကျေးမှု့ ကျောင်း) တွင် ပါမောက္ခ အဖြစ် စာပြလျှက် chevalier des palmes academiques သင်ကြားမှု့ ဆိုင်ရာ အထူးဘွဲ့  ကိုပါ ရရှိသူ ဖြစ်ပါ တယ် ……။

ရုရှ ဘာသာပြန်ရုရှ ဘာသာပြန်စာအုပ်ကို ၁၉၇၂ တွင် ထုတ်ဝေခဲ့ ပြီး ၊ G.P.Popov က တည်းဖြတ် ၍ ဘာသာပြန် စာရေးသူမှာ V.D Mazo ဖြစ်ပါတယ်..။ စာအုပ်ရေ ၃၀,၀၀၀ ထုပ်ဝေခဲ့တယ် လို့  သိရပါတယ် ….ဥဇဘက် ဘာသာပြန် ထိုစာ အုပ် ကိုတော့ မှတ်တမ်း မတင်ခဲ့ပါ … သို့ သော် ဆရာမကြီး၏ ၂၈ . ၉ . ၈၁ ရက်စွဲပါ စာပေဗိမာန် အုပ်ချုပ်ရေးရုံး ညွှန်ကြားရေးမှုးသို့ ပေးစာတွင် ဥဇဘက်နိုင်ငံက ၄င်း တို့ ဘာသာဖြင့် ဘာသာပြန် အုပ်ရေ ၈၀,၀၀၀ (ရှစ်သောင်း) ထုတ်ဝေ ခဲ့ကြောင်း ဖော်ပြပါရှိတယ်လို့ သာ မှတ်တမ်း တင်နိုင်ခဲ့ပါ တယ် ….

မှတ်သားမိသမျှ မုန်း၍မဟူ၏ အမိုင်းကြောင်းတော့ အကုန်ပါပဲ … မုန်း၍မဟူ စာအုပ်မှာ စာအုပ်ကောင်း လေး တစ်အုပ်ဖြစ်လို့  မဖတ်ဖြစ်သေးတဲ့ သူငယ် ချင်းများ အချိန်လေးရမယ်ဆိုရင် တစ်ခေါက် လောက် ဖတ်ကြည့်ပါလို့  တိုက်တွန်းရင် … ဒီစာလေးကို အဆုံးသတ်လိုက်ပါပြီ