သမုစ္စည်းပိုင်း – မိဿကသင်္ဂဟ

မိဿကသင်္ဂဟ

ကုသိုလ်၊ အကုသိုလ်၊ အဗျာကတဖြစ်သော တရားတို့ကို ရောနှော သိမ်းယူ၍ အကျဉ်းပြဆိုခြင်း ဖြစ်၏။

မိဿကသင်္ဂဟ၌ –

(၁) ဟိတ် ၆-ပါး

(၂) ဈာနင် ၇-ပါး

(၃) မဂ္ဂင် ၁၂-ပါး

(၄) ဣနြေ္ဒ ၂၂-ပါး

(၅) ဗိုလ် ၉-ပါး

(၆) အဓိပတိ ၄-ပါး

(၇) အာဟာရ ၄-ပါး အားဖြင့် ဝေဖန် ပြဆို၏။

+++++

(၁) ဟိတ်

အာရုံ၌ မိမိနှင့် ယှဉ်ဘော်ယှဉ်ဘက် ဖြစ်ကုန်သော ပစ္စယုပ္ပန် အကျိုးတရားတို့ကို ကောင်းစွာ တည်တံ့စေတတ်သော အကြောင်းတရားသည် ‘ဟိတ်’ မည်၏။

၎င်းဟိတ်တရားတို့သည် သစ်မြစ်နှင့် တူကုန်၏။

သစ်မြစ်တို့သည် ပင်စည်ကို ကြီးပွား ခိုင်ခံ့ တည်တံ့စေကုန်သကဲ့သို့ ဟိတ် ၆-ပါးသည် မိမိနှင့် ယှဉ်ဘော်ယှဉ်ဘက် ဖြစ်ကုန်သော စိတ် စေတသိက်တရားတို့ကို အာရုံ၌ စွဲမြဲ တည်တံ့ ခိုင်ခန့် ကြီးပွားစေကုန်၏။

ထို့ကြောင့် “ရေသောက်မြစ်နှယ်၊ ကျေးဇူးကြွယ်၊ ကြီးကျယ်ကြောင်းရင်းများ”ဟု ဆို၏။

ဟိတ်တရားတို့သည်

‘လောဘဟိတ်’

‘ဒေါသဟိတ်’၊

‘မောဟဟိတ်’၊

‘အလောဘဟိတ်’၊

‘အဒေါသဟိတ်’၊

‘အမောဟဟိတ်’ ဟူ၍ ၆-ပါး အပြားရှိကုန်၏။

(၂) ဈာနင်

ကောင်းသော အာရုံ၌ ဖြစ်စေ၊ မကောင်းသော အာရုံ၌ ဖြစ်စေ၊ စူးစူးစိုက်စိုက် စွဲစွဲမြဲမြဲ ကပ်၍ ရှုတတ်သောကြောင့် ဈာန် မည်၏။

ထို့ကြောင့် “စိုက်စိုက်စူးစူး၊ အထူးမြဲမြံ၊ ရှုအားသန်၊ ဈာန်ဟု ခေါ်သတတ်” ဟု ဆို၏။

ထို ဈာန်၏ အစိတ်အစိတ်ဖြစ်သော အင်္ဂါတို့သည် ဈာနင် မည်၏။

ဈာနင်တို့သည်

ဝိတက်ဈာနင်၊

ဝိစာရဈာနင်၊

ပီတိဈာနင်၊

ဧကဂ္ဂတာဈာနင်၊

သောမနဿဈာနင်၊

ဒေါမနဿဈာနင်၊

ဥပေက္ခာဈာနင် ဟူ၍ ၇-ပါး အပြားရှိကုန်၏။

(၃) မဂ္ဂင်

ခရီးလမ်းကို မဂ္ဂဟူ၍ ဆိုအပ်၏။

စိတ်၏ ဖြောင့်ဖြောင့်သွားရန်၊ ကောက်ကောက်ကွေ့ကွေ့သွားရန် ခရီးစဉ်လည်း မဂ်မည်၏။

အကုသိုလ်မဂ္ဂင်သည် အပါယ်သို့ လားကြောင်းဖြစ်၍ ကုသိုလ်မဂ္ဂင်သည် နတ်ရွာသုဂတိ နိဗ္ဗာန်ချမ်းသာသို့ ရောက်ခြင်း၏ အကြောင်းဖြစ်သောကြောင့် ခရီးကောက် ခရီးဖြောင့် နှစ်ပါးတို့၏ အင်္ဂါအဆောက်အဦးတို့သည် မဂ္ဂင်မည်ကုန်၏။

မဂ္ဂင်တို့သည်

သမ္မာဒိဋ္ဌိ၊

သမ္မာသင်္ကပ္ပ၊

သမ္မာဝါစာ၊

သမ္မာကမ္မန္တ၊

သမ္မာအာဇီဝ၊

သမ္မာဝါယာမ၊

သမ္မာသတိ၊

သမ္မာသမာဓိ၊

မိစ္ဆာဒိဋ္ဌိ၊

မိစ္ဆာသင်္ကပ္ပ၊

မိစ္ဆာဝါယာမ၊

မိစ္ဆာသမာဓိ ဟူ၍ ၁၂-ပါး အပြားရှိကုန်၏။

(၄) ဣနြေ္ဒ

သမ္ပယုတ်တရားတို့ကို အစိုးရသောကြောင့် ဣနြေ္ဒ မည်၏။

အစိုးရဟူသည်ကား မိမိတို့၏ ဆိုင်ရာ ဆိုင်ရာ ဌာနကိစ္စတို့၌ သမ္ပယုတ်တရားတို့ကို မိမိအလိုသို့ လိုက်စေခြင်း၊ မိမိသဘောအတိုင်း ဖြစ်ရခြင်းကို ဆိုလိုသည်။

ဣနြေ္ဒတို့သည်

(၁) စက္ခုပသာဒရုပ်သည် စက္ခုနြေ္ဒ၊

(၂) သောတပသာဒရုပ်သည် သောတိနြေ္ဒ၊

(၃) ဃာနပသာဒရုပ်သည် ဃာနိနြေ္ဒ၊

(၄) ဇိဝှါပသာဒရုပ်သည် ဇိဝှိနြေ္ဒ၊

(၅) ကာယပသာဒရုပ်သည် ကာယိနြေ္ဒ၊

(၆) ဣတ္ထိဘာဝရုပ်သည် ဣတ္ထိနြေ္ဒ၊

(၇) ပုမ္ဘာဝရုပ်သည် ပုရိသိနြေ္ဒ၊

(၈) ရုပ်ဇီဝိတ၊ နာမ်ဇီဝိတ ၂-ပါးသည် ဇီဝိတိနြေ္ဒ၊

(၉) စိတ်တစ်ခုယုတ်ကိုးဆယ်သည် မနိနြေ္ဒ၊

(၁၀) သုခဝေဒနာသည် သုခိနြေ္ဒ၊

(၁၁) ဒုက္ခဝေဒနာသည် ဒုက္ခိနြေ္ဒ၊

(၁၂) သောမနဿဝေဒနာသည် သောမနဿိနြေ္ဒ၊

(၁၃) ဒေါမနဿဝေဒနာသည် ဒေါမနဿိနြေ္ဒ၊

(၁၄) ဥပေက္ခာဝေဒနာသည် ဥပေက္ခိနြေ္ဒ၊

(၁၅) သဒ္ဓါစေတသိက်သည် သဒ္ဓိနြေ္ဒ၊

(၁၆) ဝီရိယစေတသိက်သည် ဝီရိယိနြေ္ဒ၊

(၁၇) သတိစေတသိက်သည် သတိနြေ္ဒ၊

(၁၈) ဧကဂ္ဂတာစေတသိက်သည် သမာဓိနြေ္ဒ၊

(၁၉) လောကီဉာဏသမ္ပယုတ်စိတ် ၃၉ ခု၌ ယှဉ်သော အမောဟစေတသိက်သည် ပညိနြေ္ဒ၊

(၂၀) သောတာပတ္တိမဂ်၌ ယှဉ်သော အမောဟစေတသိက်သည် အနညာတညဿာမီတိနြေ္ဒ၊

(၂၁) အထက်မဂ် ၃-ခု၊ အောက်ဖိုလ် ၃-ခု၌ ယှဉ်သော အမောဟစေတသိက်သည် အညိနြေ္ဒ၊

(၂၂) အရဟတ္တဖိုလ်၌ ယှဉ်သော အမောဟစေတသိက်သည် အညာတာဝိနြေ္ဒ။

ဤဣနြေ္ဒ ၂၂-ပါးတို့တွင် သုခိနြေ္ဒ၊ ဒုက္ခိနြေ္ဒ၊ သောမနဿိနြေ္ဒ၊ ဒေါမနဿိနြေ္ဒ၊ ဥပေက္ခိနြေ္ဒ ၅-ပါးတို့သည် တရားကိုယ်အားဖြင့် ဝေဒနာစေတသိက် ၁-ပါးသာ ဖြစ်၏။

ပညိနြေ္ဒ၊ အနညာတညဿာမီတိနြေ္ဒ၊ အညိနြေ္ဒ၊ အညာတာဝိနြေ္ဒ ၄-ပါးတို့သည် တရားကိုယ်အားဖြင့် ပညာစေတသိက် တစ်ခုသာတည်း။

နာမ်ဣနြေ္ဒ ၈-ပါး၊ ရုပ်ဣနြေ္ဒ ၈-ပါး ဖြစ်၏။

အနညာတညဿာမီတိနြေ္ဒ စသော ဣနြေ္ဒ ၃-ပါး အထူး

အနညာတံဥဿာမီတိ ပဋိပန္နဿဣန္ဒြိယံ။

ံအနညာတံ – မသိအပ်ဖူးသော နိဗ္ဗာန် (ဝါ) သစ္စာ ၄-ပါး တရားကို။

ဥဿာမီတိ – သိအောင် အားထုတ်အံ့ ဟူ၍။

ပဋိပန္နဿ – ကျင့်သော ပုဂ္ဂိုလ်၏။

ဣန္ဒြိယံ – ဣနြေ္ဒသည်။

အနညာတညဿာမီတိန္ဒြိယံ – အနညာတညဿာမီတိနြေ္ဒ မည်၏။

အဓိပ္ပာယ်ကား ရှေးဦးစွာ သင်္ခါရတရားတို့ကို လက္ခဏာရေးသုံးပါးသို့ တင်၍ နှလုံးသွင်းသည်မှ စ၍ မသိအပ်သေးသော သစ္စာလေးပါးတရားတို့ကို မသိလျှင် ငါမနေ၊ သိအောင် ကျင့်ကြံ အားထုတ်သော ပုဂ္ဂိုလ်အား ထိုကြိုးစားမှု မငြိမ်းမစဲမီပင်လျှင် သောတပတ္တိမဂ်ကို ရဆဲဖြစ်သော သောတာပန်ပုဂ္ဂိုလ်၏ ပညိနြေ္ဒသည် အနညာတညဿာမီတိနြေ္ဒ မည်၏။

အာဇာနာတီတိ အညံ။

အာဇာနာတိ – ထင်ရှားစွာ ထပ်၍ သိတတ်၏။

ဣတိ – ထို့ကြောင့်။

အညံ – အည မည်၏။

အညံဧဝ ဣန္ဒြိယံ။

အညံဧဝ-ထင်ရှားစွာ ထပ်၍ သိတတ်သော တရားသည်ပင်လျှင်။

ဣန္ဒြိယံ – ဣနြေ္ဒတည်း။

ဣတိ – ထို့ကြောင့်။

အညိန္ဒြိယံ – အညိန္ဒြိယ မည်၏။

အဓိပ္ပာယ်ကား သောတာပတ္တိမဂ်ဖြင့် သိအပ်ပြီးသော သစ္စာလေးပါး နိဗ္ဗာန်တရားတို့ကို အဖန်ဖန် အဆင့်ဆင့် ထပ်၍ သိသောကြောင့် အထက်မဂ် ၃-ပါး၊ အောက်ဖိုလ် ၃-ပါး၌ ရှိသော ပညိနြေ္ဒသည် ပညိနြေ္ဒ မည်၏။

အညာယိတ္ထာတိ အညာတာဝီ။

အညာယိတ္ထ – အလုံးစုံ သိပြီ။

ဣတိ – ထို့ကြောင့်။

အညတာဝီ – အညာတာဝီ မည်၏။

သိသင့် သိအပ်သော တရားများကို သိရှိပြီးဖြစ်သော ရဟန္တာပုဂ္ဂိုလ် ရ၏။

အညာတာဝီနောဣန္ဒြိယန္တိ အညာတာဝိန္ဒြိယံ။

အညာတာဝိနော – သစ္စာ ၄-ပါး နိဗ္ဗာန်တရားကို သိပြီးသော ရဟန္တာပုဂ္ဂိုလ်၏။

ဣန္ဒြိယံ – ဣနြေ္ဒတည်း။

ဣတိ – ထို့ကြောင့်။

အညာတာဝိန္ဒြိယံ – အညာတာဝိနြေ္ဒ မည်၏။

အဓိပ္ပာယ်ကား သိမှုကိစ္စ အပြီးသို့ ရောက်သော ရဟန္တာပုဂ္ဂိုလ်၏ အရဟတ္တဖိုလ်၌ တည်ရှိသော ပညိနြေ္ဒသည် အညာတာဝိနြေ္ဒ မည်၏။

ဣနြေ္ဒ ၂၂-ပါးကို ဘုံအားဖြင့် ဝေဖန်ခြင်း

စက္ခု၊ သောတ၊ ဃာန၊ ဇိဝှာ၊ ကာယ၊ ဣတ္ထိဘာဝ၊ မုမ္ဘာဝ၊ သုခ၊ ဒုက္ခ၊ ဒေါမနဿိနြေ္ဒ၊ ဤဣနြေ္ဒ ၁၀-ပါးတို့သည် ကာမဘုံ၌ ဖြစ်ကုန်၏။

မနိနြေ္ဒ၊ ဇီဝိတိနြေ္ဒ၊ ဥပေက္ခိနြေ္ဒ၊ သဒ္ဓိနြေ္ဒ၊ ဝိရိယိနြေ္ဒ၊ သတိနြေ္ဒ၊ သမာဓိနြေ္ဒ၊ ပညိနြေ္ဒ၊ ဤဣနြေ္ဒ ၈-ပါးတို့သည် စတုဘူမိကဘုံ ၄-ပါး၌ ဖြစ်ကုန်၏။

သောမနဿိနြေ္ဒသည် ကာမ၊ ရူပ၊ လောကုတ္တရာ တေဘူမိကဘုံ ၃-ပါး၌ ဖြစ်ကုန်၏။

အနညာတညဿာမီတိနြေ္ဒ၊ အညိနြေ္ဒ၊ အညာတာဝိနြေ္ဒ၊ ဤဣနြေ္ဒ ၃-ပါးတို့သည်ကား လောကုတ္တရာဘုံ၌သာ အကျုံးဝင်၏။

(၅) ဗိုလ်

ကြံ့ခိုင် မြဲမြံသောကြောင့် ဗိုလ် မည်၏။

လောက၌ ဗိုလ်အခေါ်ခံသော လူတို့သည် ထိုထိုကိစ္စကို ပြုလုပ်ရာ၌ မယိမ်းမယိုင် မြဲခိုင်ကြသကဲ့သို့၊ ထို့အတူ သဒ္ဓါအစရှိသော တရားများသည် ယုံကြည်ခြင်းစသော ကိစ္စ၌ မယိမ်းမယိုင် မြဲခိုင်ကြသဖြင့် ဗလဟူသော အမည်ကို ရ၏။

ဗိုလ်တို့သည်

သဒ္ဓါဗိုလ်၊

ဝီရိယဗိုလ်၊

သတိဗိုလ်၊

သမာဓိဗိုလ်၊

ပညာဗိုလ်၊

ဟိရိဗိုလ်၊

သြတ္တပ္ပဗိုလ်၊

အဟိရိကဗိုလ်၊

အနောတ္တပ္ပဗိုလ် ဟူ၍ ၉-ပါး အပြားရှိကုန်၏။

(၆) အဓိပတိ

အတူပြိုင်ဘက်မရှိ စိုးမိုးကြီးကဲသော တရား။

မိမိနှင့် ဆက်သွယ်လျက် တကွဖြစ်ဘက်တရားတို့ကို လွှမ်းမိုး အုပ်ချုပ် အရှင်သခင်လုပ်ပြီးလျှင် တကွဖြစ်ဘက် တရားစုကို ထိုထိုကိစ္စ၌ မိမိအလိုကျအောင် လိုက်ပါစေနိုင်သော တရားကို အဓိပတိ ခေါ်သည်။

အဓိပတိတို့သည်

(၁) ဆန္ဒာဓိပတိ = သာဓိပတိဇော ၅၂-ခု၌ ရှိသော ဆန္ဒစေတသိက်။

(၂) ဝီရိယာဓိပတိ = သာဓိပတိဇော ၅၂-ခု၌ ရှိသော ဝီရိယစေတသိက်။

(၃) စိတ္တာဓိပတိ = သာဓိပတိဇောစိတ် ၅၂-ခု။

(၄) ဝီမံသာဓိပတိ = တိဟိတ်ဇော ၃၄-ခု၌ ရှိသော ပညာစေတသိက်။

အဓိပတိ နှင့် ဣနြေ္ဒ အထူး

တစ်ပါးကုန်သော တရားတို့၏ အစိုးရသည်၏ အဖြစ်ကို တားမြစ်၍ မိမိတစ်ပါးတည်းသာ အစိုးရခြင်းသည် အဓိပတိ မည်၏။

တစ်ပါးကုန်သော ဣနြေ္ဒတို့သည် ရှိကုန်သော်လည်း သက်သက် မြင်ခြင်း အစရှိသည်တို့၌ စက္ခုဝိညာဏ် အစရှိသည်တို့သည် မိမိအလိုသို့ လိုက်စေခါမျှကို ဣနြေ္ဒ မည်၏။

အဓိပတိသည် စကြဝတေးမင်းကြီးနှင့် တူ၏။

ဣနြေ္ဒသည် ပဒေသရာဇ်မင်းငယ်တို့နှင့် တူကုန်၏။

(၇) အာဟာရ

မိမိဆိုင်ရာ အကျိုးတရားများကို ဆောင်တတ်သော တရားကို အာဟာရ ခေါ်၏။

ဆောင်ဟူသည် ဖြစ်စေခြင်း ထောက်ပံ့ခြင်းတည်း။

ဆောင်ပုံ

(၁) ကဗဠီကာရ အာဟာရသည် သြဇဋ္ဌမရုပ်ကို ဆောင်၏။

(၂) ဖဿာဟာရသည် ဝေဒနာ ၃-ပါးကို ဆောင်၏။

(၃) မနေသဉ္စေတနာဟာရသည် သုံးပါးသော ဘဝ၌ ပဋိသန္ဓေကို ဆောင်၏။

(၄) ဝိညာဏာဟာရသည် မိမိနှင့် အတူတကွ ဖြစ်သော နာမ်ရုပ်တို့ကို ဆောင်၏။

အာဟာရ ၄-ပါးကား –

(၁) သြဇာရုပ်သည် ကဗဠီကာရ အာဟာရ မည်၏။

(၂) ဖဿစေတသိက်သည် ဖဿအာဟာရ မည်၏။

(၃) စေတနာစေတသိက်သည် မနောသဉ္စေတနာဟာရ မည်၏။

(၄) စိတ်တစ်ခုယုတ် ကိုးဆယ်သည် ဝိညာဏာဟာရ မည်၏။

အာဟာရ ၄-ပါးကို ဘုံပုဂ္ဂိုလ်အားဖြင့် ဝေဖန်ပြခြင်း

ကာမဘုံ၌ အာဟာရ ၄-ပါးလုံးကို ရ၏။

အသညသတ်ကြဉ်သော ရူပဘုံ၊ အရူပဘုံတို့၌ အာဟာရ ၃-ပါးကိုသာ ရ၏။

အသညသတ်ဘုံ၌ ပစ္စယာဟာရကို ရသည်။

အသညသတ်ဗြဟ္မာတို့အား မိမိရအပ်ပြီးသော ပဉ္စမဈာန်သည်ပင်လျှင် အာဟာရဖြစ်၍ ပစ္စယာဟာရကို ရသည်ဟု ဆို၏။

ပုဂ္ဂိုလ်အားဖြင့် “သဗ္ဗေသတ္တာ အာဟာရ ဌိတိကာ” ဆိုခြင်းကြောင့် အလုံးစုံသော ပုထုဇဉ် အရိယာတို့မှာ ရကြသည်။

+++++

ဈာနင်၊ ဗိုလ်၊ မဂ္ဂင်၊ ဣနြေ္ဒကိစ္စ မတတ်သော တရားများ

ဒွေးပဉ္စဝိညာဏ် ၁၀ တို့၌ ဈာနင်တို့ကို မရအပ်ကုန်။

ဝီရိယမယှဉ်သော စိတ် ၆-ခုတို့၌ ဗိုလ်တို့ကို မရအပ်ကုန်။

ထို့အတူ ဝိစိကိစ္ဆာသဟဂုတ်စိတ်၌ ဧကဂ္ဂတာစေတသိက်သည် မဂ္ဂင်၊ ဣနြေ္ဒ၊ ဗိုလ်အဖြစ်သို့ မရောက်။

ဒွေးပဉ္စဝိညာဏ် ၁၀ ၌ ယှဉ်သော ဥပေက္ခာဝေဒနာနှင့် ဧကဂ္ဂတာတို့သည် ဈာနင်မျိုးဖြစ်သော်လည်း ဝိတက်ကင်းသောကြောင့် အာရုံ၌ ရှေးရှုကာမျှ ဖြစ်၍ အားနည်းသောကြောင့် ဈာနင်ကိစ္စ မတတ်။

ဝီရိယ မယှဉ်သောစိတ် ၁၆-ခု၌ ရှိသော ဧကဂ္ဂတာသည် ဗိုလ်မျိုးဖြစ်သော်လည်း ဝီရိယမကင်းသောကြောင့် အားနည်းသဖြင့် ဗိုလ်ကိစ္စ မတတ်။

အဟိတ်စိတ် ၁၈-ခုတို့၌ ရှိသော ဝိတက်၊ ဝီရိယ၊ ဧကဂ္ဂတာတို့သည် မဂ္ဂင်မျိုးဖြစ်သော်လည်း ဟိတ်ကင်းသောကြောင့် အားနည်းသဖြင့် မဂ္ဂင်ကိစ္စ မတတ်။

ဝိစိကိစ္ဆာ၌ ရှိသော ဧကဂ္ဂတာသည် ဗိုလ်မျိုး၊ ဣနြေ္ဒမျိုး၊ မဂ္ဂင်မျိုး ဖြစ်သော်လည်း အဓိမောက္ခကင်းသောကြောင့် ဆုံးဖြတ်ခြင်း မရှိသဖြင့် ဗိုလ်ကိစ္စ၊ ဣနြေ္ဒကိစ္စ၊ မဂ္ဂင်ကိစ္စ မတတ်။

သမ္ပယုတ်ဟိတ်အားဖြင့်လည်းကောင်း၊ ဇောတည်းဟူသော ကိစ္စအားဖြင့်လည်းကောင်း၊ လွန်စွာ အားရှိကြကုန်သော ဒွိဟိတ်ဇော ၁၈-ခု၊ တိဟိတ်ဇော ၃၄-ခုတို့သည်သာလျှင် အဓိပတိကိစ္စကို တစ်ခုစီ တစ်ခုစီ ရအပ်၏။

ဧကဟိတ်ဇော မောဟမူဒွေး၊ အဟိတ်ဇော ဟသိတုပ္ပါဒ်၊ လောကီဝိပါက် ၃၂-ပါးတို့၌ အချင်းခပ်သိမ်း အဓိပတိ မဖြစ်။

+++++

တရားကိုယ်ကောက်နည်း

….. ‘ဟိတ်’ ‘ဈာ’ ‘မဂ္ဂ’၊ ‘ဣံ’ ‘ဗလ’၊ ‘ဓိ’ ‘အာ’ ခုနစ်မည် ဆိုတဲ့ တရား ၇-မျိုးကို မိဿကသင်္ဂဟမှာ ပြဆိုတယ်။

တစ်ခေါက် ပြန်လိုက်စမ်း။

ဟိတ် ၆-ပါး၊

ဈာန် ၇-ပါး၊

မဂ္ဂင် ၁၂-ပါး၊

ဣနြေ္ဒ ၂၂-ပါး၊

ဗိုလ် ၉-ပါး၊

အဓိပတိ ၄-ပါး၊

အာဟာရ ၄-ပါး။

ကောင်းပြီ … အခု ဘာလာမလဲဆိုတော့ တရားကိုယ်ကောက်နည်းပေါ့လေ။

ဈာန်, ဗိုလ်, မဂ္ဂင်, ဣနြေ္ဒ ကိစ္စမတတ်သော တရားများတဲ့၊ ဒါက အရေးကြီးတယ်။

သာမညအားဖြင့် ပြောမယ်ဆိုရင် ဒွေးပဉ္စဝိညာဏ် ၁၀ မှာ စေတသိက် ၇-ပါးပဲ ယှဉ်တယ်။ သဗ္ဗစိတ္တသာဓာရဏ စေတသိက် ၇-ပါးပေါ့။

အဲဒီ သဗ္ဗစိတ္တသာဓာရဏစေတသိက် ၇-ပါးကို သေသေချာချာ ကြည့်လိုက်စမ်း။

ဖဿ၊

ဝေဒနာ၊

သညာ၊

စေတနာ၊

မနသိကာရ၊

ဧကဂ္ဂတာ၊

ဇီဝိတိနြေ္ဒ … ၇-ခု။

အဲဒီ စေတသိက် ၇-ခုထဲမှာ ဈာနင်ဧကန်ဖြစ်တဲ့ စေတသိက်များ ပါသလား?

ဖဿဟာ ဈာန်အင်္ဂါ မဟုတ်ဘူး။

ဝေဒနာဟာ ဈာန်အင်္ဂါ။

သညာ, စေတနာ မပါဘူး။

ဧကဂ္ဂတာ = ဈာန်အင်္ဂါထဲ ပါတယ်။

မနသိကာရ = ဈာန်အင်္ဂါထဲ မပါဘူး။

ဇီဝိတိနြေ္ဒ မပါဘူး။

ဒါကြောင့် ဒွေးပဉ္စဝိညာဏ် ၁၀ ထဲမှာ ဝေဒနာယှဉ်တယ်။ ဧကဂ္ဂတာ ယှဉ်တယ်။

အဲဒီ ဒွေးပဉ္စဝိညာဏ် ၁၀ ထဲမှာ ပါတဲ့ ဝေဒနာသည် ဈာနင်အမည်ရသလား၊ ဧကဂ္ဂတာသည် ဈာနင်အမည်ရသလား၊ ဒီမှာ ဖြေထားတယ်။

ဒွေးပဉ္စဝိညာဏ် ၁၀ တို့၌ ဈာန်တို့ကို မရအပ်ကုန်တဲ့။

ဈာန်တို့ကို မရဘူးဆိုတာ ဒွေးပဉ္စဝိညာဏ် ၁၀ နဲ့ ယှဉ်တဲ့ စေတသိက်ထဲမှာ သာမညအားဖြင့် ပြောမယ်ဆိုရင် ဈာန်အင်္ဂါပါတယ်။ ဒါပေမယ့် သူတို့ကို အဲဒီအခါကျ ဈာန်အင်္ဂါလို့ မခေါ်နိုင်ဘူး။

ဈာန်အင်္ဂါကောက်ပါဆိုရင် ဒွေးပဉ္စဝိညာဏ် ၁၀ မှာ ယှဉ်တဲ့ ဝေဒနာ မထည့်နဲ့၊ ဧကဂ္ဂတာ မထည့်နဲ့လို့ ဆိုတယ်။

ဒါကြောင့် ဒွေးပဉ္စဝိညာဏ် ၁၀ တို့၌ ဈာန်တို့ကို မရအပ်ကုန်လို့ ဆိုတာ။

ဘာကြောင့်တုန်း … ဝီရိယ မယှဉ်သောစိတ် စသည်ဖြင့် လာတယ်။ အမှန်ကတော့ ဝိတက် မပါလို့။

ဝိတက်ပါမှ၊ ဝိတက်က အာရုံကို ပို့ပေးမှ၊ အာရုံကို စူးစူးစိုက်စိုက် မြဲမြဲမြံမြံ ရှုရမှာကိုး။

အခုတော့ ဝိတက် မပါဘူး။ ဒါကြောင့်မို့ ဈာန်အင်္ဂါ မထိုက်ဘူး။

အဲဒီတော့ ဝေဒနာနဲ့ ဧကဂ္ဂတာဟာ ဒွေးပဉ္စဝိညာဏ် ၁၀ မှာ ယှဉ်ပေမယ်လို့ ဈာန်ကို အရကောက်တဲ့အခါမှာ သူတို့ကို ချန် ကောက်ရမယ်။

+++

“ဝီရိယ မယှဉ်သော စိတ် ၁၆-ခုတို့၌ ဗိုလ်တို့ကို မရအပ်ကုန်” တဲ့။

ဗိုလ်ဆိုတာ ကြံ့ကြံ့ခံရမယ်။ အားရှိရမယ်။ ဝီရိယမရှိတဲ့သူ ဗိုလ် မဖြစ်နိုင်ဘူး။

ဒါကြောင့်မို့ ဝီရိယနဲ့ မယှဉ်တဲ့ စိတ်မှာ ဗိုလ်အမည်ရတဲ့ တရားတွေ ပါပေမယ်လို့ အဲဒီအခါကျတော့ သူတို့ ဗိုလ်မထိုက်ဘူး။

ဝီရိယမယှဉ်တဲ့စိတ်ဆိုတာ (ဇယားမှာ ပြန်ကြည့်ရင်) ဘာတွေတွေ့လဲ။

ဒွေးပဉ္စဝိညာဏ် ၁၀ မှာ ဝီရိယ မယှဉ်ဘူး။

သမ္ပဋိစ္ဆိုင်းမှာ ဝီရိယ မယှဉ်ဘူး။

သန္တီရဏမှာ ဝီရိယ မယှဉ်ဘူး။

ပဉ္စဒွါရာဝဇ္ဇာန်းမှာ ဝီရိယ မယှဉ်ဘူး။

အဲဒီ ဝီရိယမယှဉ်တဲ့ စိတ်တွေမှာ စေတသိက်တွေ ယှဉ်လိမ့်ဦးမယ်။

အဲဒီစေတသိက်တွေထဲမှာ သာမညအားဖြင့် ပြောမယ်ဆိုရင် ဗိုလ်ဆိုတဲ့ တရားတွေ ပါချင်ပါလိမ့်မယ်။

ဒါပေမယ်လို့ ဗိုလ်ကို အရကောက်တဲ့အခါကျတော့ အဲဒီစိတ်တွေမှာ ယှဉ်တဲ့ ဗိုလ်တရားတွေကို ထည့်ကောက်လို့ မရဘူး။

ဝီရိယ မယှဉ်လို့ကို ဗိုလ်မထိုက်တော့ဘူး။

ဒါက တရားကိုယ်ကောက်နည်းတွေကို ပြောနေတာ ဆိုပါတော့။

ဗိုလ်တို့မှာ သဒ္ဓါဗိုလ်၊ ဝီရိယဗိုလ်၊ သတိဗိုလ်၊ သမာဓိဗိုလ်၊ ပညာဗိုလ်ဆိုပြီး ရှိတယ် မဟုတ်လား။

အဲဒီမှာ သမာဓိဗိုလ်ကို ကြည့်လိုက်။

သမာဓိဆိုတာ ဧကဂ္ဂတာ။

အဲဒီတော့ ဝီရိယနဲ့ မယှဉ်တဲ့စိတ်ဆိုရင် ဒွေးပဉ္စဝိညာဏ် ၁၀ ပဲ ပြန်သွားကြစို့။

ဒွေးပဉ္စဝိညာဏ် ၁၀ မှာ ဝီရိယ မယှဉ်ဘူး။

အဲဒီ ဒွေးပဉ္စဝိညာဏ်မှာ ဧကဂ္ဂတာ ယှဉ်တယ်။ ဧကဂ္ဂတာက သဗ္ဗစိတ္တသာဓာရဏစေတသိက်ထဲ ပါလို့ ယှဉ်တယ်။

အဲဒီ ဧကဂ္ဂတာကို သမာဓိဗိုလ်လို့ ခေါ်ရမလား …. မခေါ်ရဘူး။

ဝီရိယနဲ့ မယှဉ်တဲ့ စိတ်မှာ ယှဉ်တဲ့ ဧကဂ္ဂတာကို သမာဓိဗိုလ်လို့ မခေါ်ရဘူး။

အဲသလို နားလည်ရမယ်။

“ဝီရိယ မယှဉ်သောစိတ် ၁၆-ခုတို့၌ ဗိုလ်တို့ကို မရအပ်ကုန်”ဆိုတာ အဲဒါ ပြောတာ။

ပြန်ပြောဦးမယ်။

ပထမဦးဆုံး … ဝီရိယမယှဉ်တဲ့ စိတ်တွေကို (ဇယားမှာ) ကြည့်လိုက်ရင် … အလွယ်ပြောမယ်ဆိုရင် ဒွေးပဉ္စဝိညာဏ် ၁၀ တွေ့တယ်။

အဲဒီ ဒွေးပဉ္စဝိညာဏ် ၁၀ ဟာ သဗ္ဗစိတ္တသာဓာရဏစေတသိက် ၇-ခုနဲ့ ယှဉ်တယ်။ အဲဒီ ၇-ခုထဲမှာ ဧကဂ္ဂတာ ပါတယ်။

အဲဒီ ဧကဂ္ဂတာသည် သမာဓိဗိုလ် အမည်ရလား။

မရဘူး။

အဲဒါကြောင့် သမာဓိဗိုလ် အရကောက်လိုက်စမ်းပါဆိုရင် ဒွေးပဉ္စဝိညာဏ် ၁၀ မှာ ယှဉ်တဲ့ ဧကဂ္ဂတာကို ချန်ကောက်ရလိမ့်မယ်။

ဒါတင်မကဘူး။ သမ္ပဋိစ္ဆိုင်း, သန္တီရဏ, ပဉ္စဒွါရာဝဇ္ဇန်းတို့မှာ ယှဉ်တဲ့ ဧကဂ္ဂတာကို ချန်ပြီး ကောက်ရလိမ့်မယ်။

ဒါကို ဆိုလိုတယ်။

+++

“အဟိတ်စိတ် ၁၈-ခုတို့၌ မဂ္ဂင်တို့ကို မရအပ်ကုန်”။

ခုနက မဂ္ဂင် ၁၂-ပါး တွေ့ခဲ့ပြီ။

အဟိတ်စိတ်မှာ ယှဉ်တဲ့ အဲဒါတွေကို မဂ္ဂင်လို့ မခေါ်နဲ့တော့။

အဲဒီတော့ မဂ္ဂင်တွေ ကြည့်လိုက်စမ်း။

သမ္မဒိဋ္ဌိ၊ သမ္မာသင်္ကပ္ပ၊ သမ္မာဝါစာ၊ သမ္မာကမ္မန္တ၊ သမ္မာဝါယာမ၊ သမ္မာသတိ၊ သမ္မာသမာဓိတဲ့။

အဟိတ်စိတ် ၁၈-ခုထဲမှာ မနောဒွါရာဝဇ္ဇန်းကို ကြည့်လိုက်စမ်းပါ။

မနောဒွါရာဝဇ္ဇန်းဟာ ဝီရိယ ယှဉ်တယ်။

အဲဒီ မနောဒွါရာဝဇ္ဇန်းမှာ ယှဉ်တဲ့ ဝီရိယကို သမ္မာဝါယာမမဂ္ဂင်လို့ ခေါ်ရမလား။

မခေါ်ရဘူး။

အဟိတ်စိတ်မှာ ယှဉ်နေလို့။ ဘာလို့တုန်းဆိုတော့ မခိုင်မြဲလို့ပေါ့။

အမြစ်တွယ်ပြီး စွဲနေမှ ဒီလမ်း ဖြောင့်ဖြောင့် သွားလို့ရမှာ။

ခိုင်ခိုင်ခန့်ခန့် ဖြစ်နေမှ သူက လမ်းအဖြစ်နဲ့ အသုံးခံနိုင်မှာ၊ နိဗ္ဗာန်ပို့နိုင်မှာ။

ဒီလို မဟုတ်ဘဲနဲ့ သူ့မှာ အမြစ်မရှိတော့ မခိုင်မြဲဘူးပေါ့။

ဒါကြောင့်မို့ မနောဒွါရာဝဇ္ဇန်းစိတ်မှာ ဝီရိယယှဉ်သော်လည်းပဲ ထိုဝီရိယကို သမ္မာဝါယာမလို့ မခေါ်ရ။

သမ္မာဝါယာမမဂ္ဂင် မဟုတ်ဘူး။

မဂ္ဂင်မထိုက်ဘူးလို့ ဆိုလိုတယ်။

+++

“ထို့အတူ ဝိစိကိစ္ဆာသဟဂုတ်စိတ်၌ ဧကဂ္ဂတာစေတသိက်သည် မဂ္ဂင်, ဣနြေ္ဒ, ဗိုလ်အဖြစ်သို့ မရောက်။”

ဝိစိကိစ္ဆာစိတ်နဲ့ ဧကဂ္ဂတာ မယှဉ်ဘူးလား။

ဧကဂ္ဂတာကတော့ စိတ်တစ်ခုယုတ် ကိုးဆယ် အကုန် ယှဉ်နေတာပဲ။

ဒါပေမယ်လို့ အဲဒီ ဝိစိကိစ္ဆာစိတ်မှာ ရှိတဲ့ ဧကဂ္ဂတာစေတသိက်ကို သမာဓိမဂ္ဂင်လို့လည်း မခေါ်ရဘူး။

သမာဓိနြေ္ဒလို့လည်း မခေါ်ရဘူး။

သမာဓိဗိုလ်လို့လည်း မခေါ်ရဘူး။

ဒါကြောင့် သမာဓိမဂ္ဂင် အရကောက်ပါ၊ သမာဓိနြေ္ဒ အရကောက်ပါ၊ သမာဓိဗိုလ် အရကောက်ပါဆိုရင် ဝိစိကိစ္ဆာသဟဂုတ်မှာ ယှဉ်တဲ့ ဧကဂ္ဂတာကို ချန်ရလိမ့်မယ်။

ဒါက တကယ်လုပ်ရင် အတော်ရှုပ်တယ်။ ဘာကြောင့်လဲဆို အကုန်ကြည့်ရမှာကိုး။

ဝီရိယနဲ့ မယှဉ်တဲ့ စိတ် ၁၆-ခုမှာ ဗိုလ်မရဘူး။

အဟိတ်စိတ် ၁၈-ခုမှာ မဂ္ဂင် မရဘူး။

ဝိစိကိစ္ဆာသဟဂုတ်စိတ်မှာ ဧကဂ္ဂတာစေတသိက်ဟာ မဂ္ဂင်၊ ဗိုလ်၊ ဣနြေ္ဒတို့ မရဘူး တဲ့။

အောက်မှာ အဓိပ္ပာယ်လေးတွေ ပြထားတယ်။

ဒွေးပဉ္စဝိညာဏ် ၁၀ ၌ ယှဉ်သော ဥပေက္ခာဝေဒနာနှင့် ဧကဂ္ဂတာတို့သည် ဈာန်မျိုးဖြစ်သော်လည်း ဝိတက်ကင်းသောကြောင့် အာရုံ၌ ရှေ့ရှုကာမျှ ဖြစ်၍ အားနည်းသောကြောင့် ဈာန်ကိစ္စ မတတ်။

ဝီရိယ မယှဉ်သော စိတ် ၁၆-ခု၌ ရှိသော ဧကဂ္ဂတာသည် ဗိုလ်မျိုးဖြစ်သော်လည်း ဝီရိယကင်းသောကြောင့် အားနည်းသဖြင့် ဗိုလ်ကိစ္စ မတတ်။

အဟိတ်စိတ် ၁၈-ခုတို့၌ ရှိသော ဝိတက်၊ ဝီရိယ၊ ဧကဂ္ဂတာတို့သည် မဂ္ဂင်မျိုးဖြစ်သော်လည်း ဟိတ်ကင်းသောကြောင့် အားနည်းသဖြင့် မဂ္ဂင်ကိစ္စ မတတ်။

ဝိစိကိစ္ဆာ၌ ရှိသော ဧကဂ္ဂတာသည် ဗိုလ်မျိုး၊ ဣနြေ္ဒမျိုး၊ မဂ္ဂင်မျိုး ဖြစ်သော်လည်း အဓိမောက္ခကင်းသောကြောင့် ဆုံးဖြတ်ခြင်း မရှိသဖြင့် ဗိုလ်ကိစ္စ၊ ဣနြေ္ဒကိစ္စ၊ မဂ္ဂင်ကိစ္စ မတတ်။

ဒါကြောင့်မို့ ဗိုလ်အရကောက်မယ်၊ ဣနြေ္ဒအရကောက်မယ်၊ မဂ္ဂင်အရကောက်မယ်ဆိုရင် ဒီဟာကို သတိရရမယ်။

ဒီဟာကို ကြည့်ပြီး ကောက်ရမယ်။ အရမ်းသွားကောက်လို့ မရဘူး။

ဒီစေတသိက်ဟာ ဒီစိတ်မှာ ယှဉ်နေတာပဲ။ ငါတော့ ကောက်လိုက်မယ်ဆိုလို့ မရဘူး။

ခုနလို ဝိတက်မယှဉ်တဲ့ စိတ်က ဖြစ်တဲ့အတွက်ကြောင့် ဈာန်မရဘူးဆိုတာမျိုးတွေ ရှိတယ်။

+++

ကောင်းပြီ၊ နောက် ဘာလာသလဲ။

“သမ္ပယုတ်ဟိတ်အားဖြင့်လည်းကောင်း၊ ဇောတည်းဟူသော ကိစ္စအားဖြင့်လည်းကောင်း၊ လွန်စွာ အားရှိကြကုန်သော ဒွိဟိတ်ဇော ၁၈-ခု၊ တိဟိတ်ဇော ၃၄-ခုတို့သည်သာလျှင် အဓိပတိကိစ္စကို တစ်ခုစီ တစ်ခုစီ ရအပ်၏။”

ဒါက သာဓိပတိဇော ၅၂ ကို အဓိပ္ပာယ်တစ်မျိုးနဲ့ ပြောနေတာ။

ဇော ၅၅-ပါး ရှိတဲ့အနက်က ဒွိဟိတ်ဇောနဲ့ တိဟိတ်ဇောသာ အဓိပတိ ထိုက်တယ်။

အဲဒီတော့ ဒွိဟိတ်ဇော၊ တိဟိတ်ဇော ပြီးရင်၊ တခြား ဘာဇောတွေ ရှိသေးသလဲ။

ဇောဆိုတာ ကုသိုလ်, အကုသိုလ်, ဖိုလ်, ကြိယာ။

(ဇယားမှာ မြင်ရဲ့လား)။

အဲဒီထဲက ဟိတ်နဲ့ ယှဉ်တဲ့အခါမှာ တိဟိတ် – ဟိတ် ၃-ပါးနဲ့ ယှဉ်တဲ့စိတ်၊ ဒွိဟိတ် – ဟိတ် ၂-ပါးနဲ့ ယှဉ်တဲ့စိတ်၊ ဟိတ် ၁-ပါးနဲ့ ယှဉ်တဲ့စိတ် … မရှိဘူးလား။ ဟိတ်နဲ့ မယှဉ်တဲ့စိတ်လည်း ရှိတယ်။

ဒါဖြင့် ဇောထဲမှာ ဟိတ် ၁-ပါးနဲ့ ယှဉ်တဲ့ ဇောရှိတယ်။

အကုသိုလ်ထဲ ကြည့်။

မောဟမူဒွေးဟာ မောဟနဲ့သာ ယှဉ်တယ်။ လောဘနဲ့ မယှဉ်ဘူး၊ ဒေါသနဲ့ မယှဉ်ဘူး။

သူ့ကို ဧကဟိတ်ဇောလို့ ခေါ်တယ်။ ဟိတ်တစ်ခုတည်းနဲ့သာ ယှဉ်တယ်။

ပြီးတော့ ဟသိတုပ္ပါဒ်ကို ကြည့်လိုက်စမ်း။

ဟသိတုပ္ပါဒ်ဟာ ဇောပဲ။ သူက ဟိတ်နဲ့ လုံးဝ မယှဉ်ဘူး။ အဟိတ်စိတ်ပဲ။

ဒါကြောင့်မို့ ဒွိဟိတ်ဇော၊ တိဟိတ်ဇောလို့ ပြောလိုက်ရင် အဲဒီ ၃-ခု (မောဟမူဒွေး၊ ဟသိတုပ္ပါဒ်) ကျန်ရစ်တယ်။

ဇော ၅၅-ပါးထဲက ၃-ခု နုတ်လိုက်ရင် ၅၂-ပါး ကျန်တယ်။

အဲဒီ ၅၂-ပါးကို အဓိပတိတတ်တဲ့ ဇောဖြစ်တဲ့အတွက်ကြောင့် ပါဠိလို “သာဓိပတိဇော”လို့ ခေါ်တယ်။

ဒါကြောင့်မို့ “သမ္ပယုတ်ဟိတ်အားဖြင့်လည်းကောင်း၊ ဇောတည်းဟူသော ကိစ္စအားဖြင့်လည်းကောင်း လွန်စွာ အားရှိကြကုန်သော ဒွိဟိတ်ဇော ၁၈-ခု၊ တိဟိတ်ဇော ၃၄-ခုတို့သည်သာလျှင် အဓိပတိကိစ္စကို တစ်ခုစီ တစ်ခုစီ (တစ်ကြိမ်မှာ တစ်ခုသာ) အဓိပတိ တတ်တယ်။”

ဆန္ဒက အဓိပတိတတ်တယ်ဆိုရင် ကျန် ၃-ပါးက အဓိပတိ မတတ်နိုင်တော့ဘူး။ ဝီရိယက အဓိပတိတတ်တယ်ဆိုရင် ကျန် ၃-ပါးက မတတ်နိုင်တော့ဘူး။ တစ်ကြိမ်မှာ တစ်ခုပဲ အဓိပတိတတ်မယ်၊ ဒါကို ပြောတာ။

“ဧကဟိတ်ဇော မောဟမူဒွေး၊ အဟိတ်ဇော ဟသိတုပ္ပါဒ်၊ လောကီဝိပါက် ၃၂ တို့၌ အချင်းခပ်သိမ်း အဓိပတိ မဖြစ်။”

+++

ဟိတ် ၆-ပါးမှာ တရားကိုယ် ၆-ပါး ရ၏။

ဈာန် ၇-ပါးမှာ တရားကိုယ် ၅-ပါး (သောမနဿ၊ ဒေါမနဿ။ ဥပေက္ခာတို့ကို ဝေဒနာ ၁-ပါး ယူ၏။) ရ၏။

မဂ္ဂင် ၁၂-ပါးမှာ တရားကိုယ် ၉-ပါး (ရိုးရိုး မဂ္ဂင် ၈-ပါးမှာ မိစ္ဆာဒိဋ္ဌိမှ ဒိဋ္ဌိစေတသိက် ၁-ပါးတိုး။) ရ၏။

ဣနြေ္ဒ ၂၂-ပါးမှာ တရားကိုယ် ၁၆-ပါး (သောမနဿိနြေ္ဒ, ဒေါမနဿိနြေ္ဒ, သုခိနြေ္ဒ, ဒုက္ခိနြေ္ဒ, ဥပေက္ခိနြေ္ဒ ငါးခုကို ဝေဒနာ ၁-ပါး ယူ၊ ဇီဝိတိနြေ္ဒမှာ ရုပ်ဇီဝိတ, နာမ်ဇီဝိတ ရှိသဖြင့် ၂-ပါး ယူ၊ ပညိနြေ္ဒ, အနညာတညဿာမီတိနြေ္ဒ, အညိနြေ္ဒ, အညာတာဝိနြေ္ဒ လေးခုကို ပညာ ၁-ပါး ယူ။) ရ၏။

ဗိုလ် ၉-ပါးမှာ တရားကိုယ်လည်း ၉-ပါး၊

အဓိပတိ ၄-ပါးမှာ တရားကိုယ် ၄-ပါး၊

အာဟာရ ၄-ပါးမှာ တရားကိုယ် ၄-ပါး ရကြ၏။

+++++