ထားဝယ် ဆိုတာ နေရပ်ကိုခေါ်တာလား လူမျိုးကို ခေါ်တာလား။

ဒီမေးခွန်းအတွက် ဖြေဆိုဖို့ရာ အနည်းငယ် ခဲခက်တဲ့ သဘော ရှိပါသည်။ သာမန်အားဖြင့် ဆိုလျှင် ထားဝယ် ရခိုင် မွန် ကရင် ရှမ်း စတာတွေ ကတော့ ထားဝယ်ကို လူမျိုးလို့ မှတ်ယူကြပါတယ်။ ပညာရှင် လောကမှာလည်း
အချို့က လူမျိုးလို့ မှတ်ယူပါတယ်။ အချို့က ထားဝယ် ဆိုတာ မြန်မာသာ ဖြစ်ပြီး မြန်မာဘာသာစကားရဲ့ ဒေသိယျ စကားပြော အုပ်စုလို့ ဆိုကြပါတယ်။

ဒီလို ကွဲလွဲချက်တွေ ရှိတဲ့ နေရာမှာ ကျွန်တော်တို့ အနေနဲ့ ကိုယ့်ခံယူချက်နဲ့ကိုယ် ပြောဆိုနေရုံနဲ့ မရသလို ငါနဲ့ သဘောထား ညီတယ် ဆိုပြီး နှစ်သက်ရုံနဲ့လည်း ကောက် ယူလို့ မရပါ။ အဆိုများ အပေါ် တိုက်ဆိုင် စီစစ် ညှိနှိုင်း ကြည့်ပြီး အဖြေရှာသင့်ပါသည်။ သို့သော် မူလ ပျူ အုပ်စု အရ အတူတူသာ ဖြစ်သည်ဆိုသော အချက်ကို သတိထား ရပေမည်။ ထားဝယ်သည် ပျူ ဖြစ်သည်ဟု ဆိုပါလျှင် မည်သည့် ပညာရှင်မှ မငြင်းပါ။ မြန်မာသည်လည်း ပျူပင် ဖြစ်သည် ဟူသော အဆိုကို တရားဝင် ချေဖျက်နိုင်သည့် ပညာရှင် တစ်ဦးတစ်ယောက်မှ မပေါ်သေးသည်ကို တွေ့ရ သည်။ နောက်များကာလတွင်တော့ ပေါ်လာနိုင် မနိုင် မသိပါ။ ယခု အချိန်အထိ တွေ့ရှိချက်များအရ ဆိုရပါမူ ချေဖျက်နိုင်စရာ အကြောင်း မရှိနိုင်ဟု ယူဆရပါသည်။

ထားဝယ် မြန်မာ ရခိုင်တို့ သည် ပျူ ဖြစ်သည်။ ပျူမှသည် တစ်နေရာစီ ဖြစ်သည့်အလျောက် ကွဲလွဲစွာ ခေါ်ဆိုလာခြင်း ဖြစ်သည်မှာ သံသယ မရှိပါ။ ပျူ ကနေ ကြည့်ပါမူ မြန်မာ သည်လည်း ဒေသိယျစကား ထားဝယ်သည်လည်း ဒေသိယျစကား ရခိုင်သည်လည်း ဒေသိယျစကား ဖြစ် သည်ဟု မှတ်ယူဖွယ်ရာ ရှိသည်။ မြန်မာသည် ပင်ရင်း ဖြစ်သည် ဟူ၍ကား လုံးလုံး ဆိုနိုင်ဖွယ် မရှိပါ။ ဆိုရန် ခက်ခဲ ပါလိမ့်မည်။  အကြောင်းကား ကျောက်စာတို့တွင် ထားဝယ်သံ ရခိုင်သံ မြန်မာသံ တို့ဖြင့် ရောနှောစွာ သုံးစွဲ ထားခြင်း ဖြစ်သည်ကို တွေ့ရပါလိမ့်မည်။

မြန်မာ၏ ဒေသိယျ စကားဟု ထားဝယ် ရခိုင် အင်းသား ယော စသည် တို့ကို မှတ်ယူ ရန် မသင့်လျော်ပေ။ ဘာသာ ဗေဒ အရ ဆရာကြီး ဦးဖိုးလတ် နှင့် အစရှိသည်တို့က မြန်မာကို မူသေထား၍ ကျန်သည်များကို ဒေသိယျ စကား ဟု ဖော်ပြထားကြသည်များ ရှိပါသည်။ ဤတွင် ဆင်ခြင် သင့်သည်ကား ဦးဖိုးလတ်တို့ စီစစ် ပြောဆိုချိန်တွင် ပျူ နှင့် မြန်မာ မတူ ဟူသော မူအရ စီစစ်ထားသည်ကို သတိချပ် သင့်ပါသည်။ ပျူနှင့် မြန်မာ တူသည် ဟူသော ယခု မူအရ
ဆိုပါလျှင် ထားဝယ် မြန်မာ ရခိုင် စသည် တို့သည် ပျူ ချည်းသာ ဖြစ်ရာ မြန်မာကျမှ အခွင့်ထူးခံ အနေဖြင့် မူလ ဖြစ်သည်ဟု ဆိုပါလျှင် ယခုကဲ့သို့ပင်လျှင် အငြင်းပွားနေ ဖွယ်ရာသာ ရှိပါသည်။

အငြင်းပွားနေရခြင်းမှ ရှောင်ရှားနိုင်ရန်သော်လည်းကောင်း စိတ်ဝမ်းကွဲပြားစေခြင်းကို ထိန်းသိမ်းနိုင်စေရန် သော်လည်း ကောင်း တတန်းစားထဲ ထားသင့်ပါသည်။

ပျူ ကို မြန်မာ ဗမာဟု ခေါ်သဖြင့် မြန်မာသည်သာ မူလ ဖြစ်သည်ဟု အယူအဆမျိုး မဖြစ်သင့်ပါ။ ပျူ မြန်မာ ဗမာ ဆိုရာတွင် ဗမာ ထားဝယ် ရခိုင် တောင်ရိုး အင်းသား ဓနု ယော စသည့် အားလုံးတို့ကို အတူတူ ခေါ်ဆိုသည်သာ ဖြစ်သည်။

မြန်မာဟု ဆိုရာတွင် ယခင် ပုဂံမြန်မာ နှင့် အင်းဝခေတ် မြန်မာတို့ကို၏ စာပေအပေါ် ကြည့်၍ ခွဲပြောသင့်သည် ယူဆပါသည်။ အကြောင်းက အင်းဝခေတ်စာပေသည် ယနေ့ မြန်မာစာနှင့် တိုက်ရိုက်နီးပါးမျှ တူညီမှု ရှိပါသည်။

ပုဂံ မြန်မာသည် ရခိုင်သံ မြန်မာသံ ထားဝယ်သံ တောင်သူ
စသော အသံများ ရောထွေးနေသည့် စာအရေးအသား ဖြစ် ပါသည်။ အင်းဝခေတ် မြန်မာသည် ယနေ့မြန်မာနှင့် အတူ တူ နီးပါးမျှ ဖြစ်သည်။ ပုဂံမြန်မာစာနှင့် အင်းဝ မြန်မာ စာတို့ စာပေအဆင့်အတန်း တိုးတက်လာသည့် အလျောက် အနည်းငယ် ကွာဟလာသည်ကို တွေ့ရ သည်။ ပုဂံမြန်မာ အင်းဝမြန်မာဟု ဆိုသော်လည်း မတူဟု ဆိုလိုခြင်း မဟုတ် ပါ။ ထိုအချိန်က စကားအသံသည် မည်သို့ ပြောဆိုသည် ကို မည်သူမှ သိနိုင်သည့်အရာ မဟုတ်သည့် အတွက် စာပေအပေါ် သုံးနှုန်းထားသော အသံတို့က တဆင့် ကြည့်မြင်ရခြင်း ဖြစ်သည်။

ပုဂံခေတ် မြန်မာတို့သည် စကားပြောဆိုရာတွင် မြန်မာ အုပ်စုဝင် အားလုံးတို့၏ အသံများ ရောထွေးနေသည်။ ထို့သို့ ရောနှောနေသော အချိန်ကာလက ပင်လျှင် မြန်မာ နှင့် ထဝယ်ဟု တစ်ခုစီ ကွဲပြား နေသည်ကို တွေ့ရသည်။
ထိုထက် ကာလစော၍ ကွဲပြားနေသောအချက်ကို ပြည်ပ မှတ်တမ်းအဖြစ် အသံလှယ်ထားသော AD 5 လျန် မင်းဆက် တရုတ်မှတ်တမ်းတွင် တွေ့ရသည်။ ပြည်တွင်း မှတ်တမ်းအရ အရိုးအိုးကျောက်စာအရ တနင်္သာရီပျူ (မြို့တော်ထားဝယ်) ဆိုသော AD-2 မှတ်တမ်းကို တွေ့ရ သဖြင့် ထိုထက်စော၍ မြန်မာ ထားဝယ်ဟု ကွဲပြားနေသည် ကို တွေ့နိုင်သည်။ မည့်သည့်အချိန်မှ စ၍ ကွဲပြားနေသည် ကို မသိရသေးပါ။ လေ့လာဆဲ ဖြစ်ပါသည်။ တွေ့လျှင် ထပ်မံ ပြင်ရပါမည်။

ဤ အရိုးအိုးကျောက်စာအရ တနင်္သာရီပျူ (မြို့တော် ထားဝယ်) ဟူသော စာအရ ထားဝယ်မြို့တော် ဖြစ်သည်။
တနင်္သာရီပျူ(မြို့တော်ထားဝယ်) ဟူသော စကားရပ်ကို အထူး သတိချပ်သင့်သည်။ တနင်္သာရီပျူ ဟူသည် ယခု  တနင်္သာရီမြို့နေ လူတွေကို သီးခြား ဆိုလိုသည်မဟုတ်။ ထားဝယ်ဒေသဟု ရည်ညွှန်းခြင်း ဖြစ်သည်။ တနင်္သာရီမြို့ သည်လည်း ထားဝယ်မြို့တော်၏ လက်အောက်ခံ ဆိပ်ကမ်း မြို့ တစ်မြို့ အဖြစ် ဆိုလိုရာ ရောက်နေသည်။

ယခုအခါတွင် လူမျိုး ၁၀၁ ပါး စာရင်းတို့မှ အချို့ စာရင်း တွင် ပါနေသော တနင်္သာရီလူမျိုး ဟူသည်ကို ယူ၍ တနင်္သာရီလူမျိုး ဟု ရေးသားဖော်ပြလာသော စာအုပ် စာတမ်းများ ရှိလာသည်ဖြစ်၍ ထိုအကြောင်းကို ထည့်ဆိုရ ခြင်း ဖြစ်သည်။ တနင်္သာရီမြို့ဟောင်းများ အကြောင်း ဖော်ပြရာတွင် သီးခြား အကျယ် ဆွေးနွေးဖော်ပြပါမည်။

တနင်္သာရီပျူ မြို့တော် ထားဝယ်ဟု ဆိုသဖြင့် ထိုခေတ်က နန်းစိုက်ရာ နေရာဖြစ်သည့် ထားဝယ်မြို့ကို ဖော်ပြခြင်း ဖြစ်သည်ကို သိနိုင်သည်။ ထိုကြောင့် လက်အောက်ခံ မြို့ ဖြစ်သည်ဟု ဆိုခြင်းဖြစ်သည်။ စာတစ်လုံးတစ်ပါဒက စကား အများကြီး ထပြောလေသည့်အခါ ယခင့်ယခင် AD-2 မတိုင်မီကာလကပင်လျှင် ထားဝယ်၏ နယ်ပယ် ဧရိယာသည် တနင်္သာရီ မြိတ်အထိ ဖြစ်သည်ကို တွေ့နိုင် သည်။

မြိတ်ဟူ၍ ထိုအခါက မပေါ်ပေါက်သေး ဟူသော အဆို သည်လည်း မှားယွင်းကြောင်း သိနိုင်သည်။ မြိတ်မြို့ ပေါ် ပေါက်လာသည့်အချိန်ကား AD-7 ထက် နောက်မကျ နိုင်ပေ။ ထိုသို့ ဆိုရခြင်းအကြောင်းကား မြိတ် ဟူသည့် စကားသည်ပင် ပျူမြန်မာ ဘာသာစကားအရ အစွန်း အဖျား ဟု အနက်ထွက်သည် ဖြစ်ရာ ပျူခေတ်ကတည်းက ပေါ်ပေါက်နေသည်မှာ ယုံမှားဖွယ်ရာ မရှိပါ။ တနင်္သာရီမြို့ ထက် နောက်ကျမှ ပေါ်လာလေသလား အတူတူပင် ပေါ် နေ လေသလား မသိရသေးပါ။

ရာဇဝင်လာ စကားရပ်များပါ အကြောင်းအချက်များသည် ထားဝယ်ရာဇဝင် ဖြစ်စေ တနင်္သာရီ မြိတ်ရာဇဝင်များဖြစ်စေ လိမ်လည် ရေးသားထားသည့် အကြောင်းများအဖြစ် ထင်ရှား ပေါ်ပေါက်နေပြီး ဖြစ်ရာ ခေတ်ပြိုင်မှတ်တမ်း မပြနိုင်သမျှနှင့် လက်လှမ်းမှီနိုင်သောကာလ (ကုန်းဘောင်မှ ယနေ့ထိ) မဟုတ်သည့် ကာလများကို မင်းအမည်လည်း အမှန် မယူအပ်။ မြို့အမည်လည်း အမှန် မယူအပ်။ ယာယီသာ ခေါ်ဆိုသင့်သည်သာ ဖြစ်သည်။
တွေ့ရှိထားသော မြေပေါ်မြေအောက် အထောက်အထား များသည်လည်း ရာဇဝင်လာနှင့် လားလားမှမဆိုင်သည် မှာလည်း မျက်မြင်ပင် ဖြစ်သည်။ အကျယ်တဝင့် ပြောဆို နေစရာမလိုပါ။

တနင်္သာရီလူမျိုး မြိတ်လူမျိုး ဟူ၍ မရှိဟု ပြောဆိုမိသဖြင့် တနင်္သာရီသား မြိတ်သားတို့က ထားဝယ်က လက်ဝါးကြီး အုပ်တယ် လူမျိုးကြီးဝါဒ လုပ်တယ် ဆိုသော အပြောများ ကျွန်တော်သည်ပင် အစွန်းရောက် ဖြစ်သည် ဟူသော အပြောအဆိုများ ခံရဖူးပါသည်။ နန်းစိုက်ရာ မြို့တော် ဖြစ်သည့် ထားဝယ်သည်ပင်လျှင် ပညာရှင်များအကြား
လူမျိုး ဟုတ်၏ မဟုတ်၏ ဟူ၍ အငြင်းပွားလျှက် ရှိဆဲ ဖြစ်ရာ တနင်္သာရီလူမျိုး မြိတ်လူမျိုးဟု ထလုပ်ကြလေသော အခါ ရီရခကိ ငိုရခက် ဖြစ်လေတော့သည်။ မြိတ်လူမျိုး ဟူ၍ တော့ဖြင့် pre history တွင် မရှိပါ။ တနင်္သာရီ လူမျိုး အဖြစ် ဖော်ပြထားသည့် လူမျိုး တစ်ရာ့တစ်ပါးစာရင်းကိုပဲ ကြည့်၍ တနင်္သာရီ လူမျိုး ရှိသည်ဟု ဆိုချင်ပါသော် တနင်္သာရီ လူမျိုးသည် ပျူလား ရှမ်း (၃၀)အတွင်းက ရှမ်း  တစ်မျိုးလားဟူ၍ အရင် ကွဲပြားအောင် လုပ်ကြပါဦးဟု အမြည်းမျှ ပြောလိုပါသည်။ မိမိကိုယ်မိမိ ဘာလူမျိုးမှန်း မသိ ဖြစ်သွားပေမည်။ ရူးသလိုလို နှမ်းသလို ပေါသလို သွပ်သလို ကြောင်သလိုလို ချာတာတာနှင့် လိုရာဆွဲ ရေးသားဖော်ပြ၍ သမိုင်းတု သမိုင်းယောင်များ ဖန်တီး မဖော်ပြသင့်ပေ။


လူမျိူး ၁၀၁ ပါး  စာရင်းသည် မူကွဲ ၁၁ မျိုး ရှိ၏။ အဓိက ကျသော လူမျိုး စာရင်း တို့မှအပ အတည်ယူသင့်သော မှတ်တမ်း မဟုတ် ပေ။ ဤသို့ ဆိုပြန်သော် ရှေးဆရာများ ကို စော်ကားသည် ဆိုကြပြန်၏။ ရှေးဆရာတွေရေးတိုင်း ကျွန်တော်တို့အနေ ဖြင့် အားလုံးကို မစဉ်းစား မဆင်ခြင်ဘဲ ယုံရပါမည်လား။ ဘုရားလည်း မကြိုက် ကျွန်တော်လည်း မကြိုက်သော အလုပ်မျိုး ကျွန်တော် မလုပ်နိုင်ပါဟုသာ ဆိုပါမည်။ တနင်္သာရီလူမျိုးဟု ပါသည့်စာရင်း အချို့ ရှိပါ သည်။ ရှမ်းမျိုး တွင် ထည့်သွင်း ဖော်ပြထားပါသည်။ ထိုကြောင့် မိမိကိုယ် မိမိ စစ်ဆေးကြည့်ကြပါကုန်။ ရှမ်းဖြစ် လျှင် ပျူ မဟုတ်။ ပျူ ဖြစ်လျှင် တနင်္သာရီလူမျိူး ဟူသည် မရှိ။

AD-2 အရိုးအိုးကျောက်စာမှတ်တမ်း
AD-5 လျန်မင်းဆက် မှတ်တမ်း
AD-12  ဓမ္မရာဇိကကျောက်စာ
တို့အရ ထားဝယ် ဆိုသည်ကို နေရပ်ဒေသကို ဖော်ပြခြင်း ဖြစ်သည်ကို တွေ့ရပါသည်။ လူမျိုး တမျိုး ဖြစ်သည်ဟု ဖော်ပြထားချက်ကို မှတ်တမ်း မှတ်ရာတွင် မတွေ့ရပါ။

အင်းဝခေတ် မြန်မာသည် ပျူ၏ ဒေသိယစကား အဖြစ် မှတ်ယူရန် ရှိသည်။ ပျူသဒ္ဒါ ပျူစာသည် မြန်မာသဒ္ဒါ မြန်မာစာ ဖြစ်သည် ဆိုသော်လည်း ပုဂံခေတ်နှင့် အင်းဝ ခေတ် ပင်လျှင် အခေါ်အသုံး မတူသည် ဖြစ်ရာ အင်းဝမှ စ၍ နောက်ပိုင်း မြန်မာစကားကို ပျူ၏ ဒေသိယျ စကားဖြင့် မှတ်ယူရမည် ဖြစ်ပါသည်။ ဦးဖိုးလတ်တို့ စစ်ဆေးသကဲ့သို့
ထားဝယ် ရခိုင် စသည့် မြန်မာအုပ်စုဝင်တို့သည် မြန်မာ၏ ဒေသိယျ စကား ဖြစ်သည် ဟူ၍ မှတ်ယူခြင်းငှာ မသင့်ပေ။ ထိုခေတ်အခါက ပျူ နှင့် ဗမာ မတူ ဟူသော မူဝါဒအရ စစ် ဆေးထားခြင်း ကိုလိုနီခေတ် ရောက်ကာမှ ဘာသာစကား များကို ညှိနှိုင်း စစ်ဆေးထားခြင်း ဖြစ်သည်ကို သတိမူ၍ ပြန်လည် ပြင်ဆင်သင့်သည်ဟု ယူဆပါသည်။

ပျူသည် မြန်မာ ဖြစ်သည်။ ထားဝယ် ဖြစ်သည်။ ရခိုင် ဖြစ်သည်။ စသဖြင့် အုပ်စုဝင် အားလုံးသည် ပျူမြန်မာ ဖြစ်သည်ဟု ဆိုပါလျှင် အင်းဝမှအစ နောက်ပိုင်း မြန်မာ တို့သည်လည်း ရခိုင် ထားဝယ်များ နည်းတူ ပျူမြန်မာ၏ ဒေသိယျ စကားသာ ဖြစ်ရပါမည်။ အင်းဝ နောက်ပိုင်း မြန်မာသည် ပျူမြန်မာ၏ ဒေသိယျ စကားမဟုတ်ဟု ဆိုပါ လျှင် ကျန်သည့် မြန်မာ အုပ်စုဝင်များကိုလည်း ဒေသိယျ စကား ဟု မမှတ်ယူသင့်ပေ။ ပုဂံခေတ်တွင် စကားအသုံး အတူတူပင် ရှိကြသေးသည်ဟု မူတစ်ခု ထားပြီး ရှုမြင်ခြင်း ဖြစ်ပါသည်။ သမိုင်းလိမ် သမိုင်းဖျက်သမားများက ဤ အချက်ကို အခွင့်ကောင်းယူ၍ ပျူနှင့် မြန်မာ မတူပါ ဟူ၍ မဆိုသင့်ပါ။ ဆိုလိုရင်းကား မြန်မာအချင်းချင်းကြား ညှိနှိုင်း စီစစ် နေခြင်းမျှသာဖြစ်ရာ အဖက်ဖက်ကနေ ကြံဆကြည့် သည့် သဘော မြန်မာအချင်းချင်း သွေးမကွဲစေလိုသော ဆန္ဒမွန်ဖြင့် ဆွေးနွေးတင်ပြနေခြင်းသာ ဖြစ်ပါသည်။

ဗမာ ထားဝယ် ရခိုင် တို့သည် ပျူချည်းသာ ဖြစ်သဖြင့် အတူတူပင် ဖြစ်သည်။ ရခိုင်ဟူသော ဝေါဟာရ၏ အနက် ကို စကားရင်းမြစ်ပညာဖြင့် စီစစ်ကြည့်ပါဦးမည်။ မည်သို့ ထွက်သနည်း ဟူသည်အချက်က အဆုံးအဖြတ် ပေးနိုင် မည်ဟု ထင်ပါသည်။ ရှေးက ဆရာကြီးများက ရခိုင်သည် မြန်မာအကြီး- အကိုကြီး ဖြစ်သည်ဟု ဖော်ထုတ် မှတ်တမ်း တင် ထားခဲ့သည် ရှိသည်။ သို့သော်လည်း ဆရာတို့ ပြော တိုင်း မယုံသင့်။ ကိုယ်တိုင် ဖော်ထုတ်ကြည့်သင့်သည်။ ရခိုင် ပညာရှင်များကလည်း ဖော်ထုတ် တင်ပြသင့်လှ သည်။ ထားဝယ်၏ အနက်ကား မူလအရင်းခံ နောင်တော် ကြီးများဟု အနက်ထွက်သဖြင့် ဆက်စပ်မှု ရှိသည်သာ ဖြစ် သည်။ နောင်တော်ကြီးဟု အနက်ပြန်ထားသဖြင့် တင်စီး သည်။ စီးပိုးသည်ဟု အကျမကောက်သင့်ပေ။ အကြီး ပုဒ် ကို ဆီလျော်အောင် ဘာသာပြန်၍ အနက်ဖော်ဆောင် ထားခြင်းမျှသာ ဖြစ်သည်။ ထဝယ်ဟူသည် ပျူစကားလုံး ဖြစ်သည်မှာ အသေအချာပင် ဖြစ်ကြောင်း သိရသည်။

ပျူချည်း အတူတူ ဖြစ်ပါလျက် မြန်မာ အနေဖြင့် မူလ ဘာသာစကား ဖြစ်သည် ဟူ၍ ယခင်က ဆရာများစစ်ဆေး သကဲ့သို့ မြန်မာကို မူလထား၍ တရားသေ ကိုင်စွဲ မပြောဆို သင့်ပေ။ ထိုသို့ မူလထား၍ ယူချေသော် ကျန်သူများက လက်သင့်ခံနိုင်ဖွယ် မရှိပါ။ ပျူ ကိုသာ မူလ ဟု ထားသင့် ပါသည်။ ဥပမာ ဆိုရချေသော် "ညီအစ်ကိုချင်း အတူတူ မင်းကျမှ မုန့်တစ်တုံး ပိုစားချင်နေတာလား" ဆိုသော အတွေးအမြင်ကို ကျန်သော မြန်မာအုပ်စုဝင်များကို မပေးသင့် မတွေးစေသင့်ပေ။ ထိုအတွေးအမြင်များသည်  ပဋိပက္ခ ဖြစ်စေခြင်း စည်းလုံးညီညွတ်မှု ပျက်ပြားစေခြင်း သို့သာ ဦးတည် နေသည်ကို သတိထားသင့်ပါသည်။

ပျူကို မူလထားသော် အားလုံးသည် တန်းတူညီမျှ ဖြစ် သည်။ ကွဲလွဲစရာလည်း မရှိတော့ပါ။ မြန်မာကို ပျူ၏ ဒေသိယျ စကားဟု မထားနိုင်စရာလည်း မရှိပါ။ အကြောင်း ကား ပျူ၏ မူလစကားသံများသည် အင်းဝခေတ် မြန်မာ၏ အသံနှင့် ထပ်တူညီမျှ မရှိတော့ဘဲ ပြောင်းလဲလာပြီ ဖြစ် သည်ကို ရိုးသားစွာ လက်ခံပါမူ သဘောညီပါလိမ့်မည်။
အချင်းချင်း သွေးမကွဲစေလိုသော ဦးတည်ချက်ကိုသာ ရှေးရှု သင့်သည်။ ပျူ ဟု မထားဘဲ ဗမာ မြန်မာဟု ထား ပါမည် ဆိုသော်လည်း ပျူသည် ဗမာ မြန်မာ ဖြစ်၍
"မင်းလဲ မြန်မာ ငါလဲ မြန်မာ မင်းကျမှ ဘာကြောင့် မူလ ဖြစ်ရတာလဲ" ဆိုသော အတွေးအမြင်မျိုးသည် ကောင်း သည့်ဘက်ကို ရောက်မလာနိုင်ပါ။ ဂရုစိုက်သင့်သည်။

ပျူသည် မြန်မာ ဖြစ်သည်။ မြန်မာသည် လူမျိုး ဖြစ်သည်။
ပျူသည် ထဝယ် ဖြစ်သည်။ ထဝယ်သည် လူမျိုးဖြစ်သည်။
ပျူသည် ရခိုင် ဖြစ်သည်။ ရခိုင်သည် လူမျိုး ဖြစ်သည်။
ကျန်သည့် အုပ်စုဝင်များသည်လည်း ထပ်တူ မှတ်ယူသင့် သည်။

ထားဝယ်သည် လူမျိုး မဟုတ် ဒေသိယျစကားသာ ဖြစ် သည်။ အရပ်ဒေသကို ခေါ်ဝေါ်သည် ဟူသော အမြင် ဖြစ်ပါ လျှင် နောက်တွင် ထားဝယ်နှင့် ဗမာတို့သည် သွေးကွဲဖွယ် အဖြစ်မျိုး ဖြစ်လာနိုင်သည်။ ယနေ့ ရခိုင်တို့၏ စိတ်တွင် ဖြစ်ပွား အမြစ်တွယ်နေသော စိတ်မျိုး ဖြစ်လာဖွယ်ရာ ရှိ သည်။ ထားဝယ်တို့သည်လည်း သူတို့ကိုယ် သူတို့ ထားဝယ်လူမျိုးဟုသာ သတ်မှတ်ကြသည်ဖြစ်ရာ ထားဝယ် သည် ဗမာ ဖြစ်သည်ဟူ၍ ဆိုပါလျှင် မကြိုက်ကြသည်ကို ကျွန်တော် ကောင်းကောင်းသိပါသည်။ စာအားဖြင့် ဘယ်လိုပင် ရှင်းပါသော်လည်း လူက အဓိကကျသည် ဖြစ် ရာ အတော်အတန် စဉ်းစားသင့်လှသည်။

မျိုးရင်းတူမှ အမည်ကွဲလာခြင်းမှသည် သက်ဆိုင်ခြင်း မရှိ ဟူသော အဖြစ်ကို မရောက်စေသင့်ပေ။ ထိန်းသိမ်းသင့် သည်။ Pre History တွင် ထားဝယ်သည် ထင်ထင် ရှားရှား မှတ်တမ်းများများစားစား မဝင်သည် ဖြစ်ရာ ထိုသို့ မှတ်တမ်း အားနည်းသည်ကို အကြောင်းပြု၍လည်း နေရပ် ကို စွဲ၍ ခေါ်ဆိုသည်ဟု မဆိုနိုင်ပါ။

ကုန်းဘောင်ခေတ်နှောင်းတွင် ထားဝယ်မြို့ အမည်သည်
သာယာဝတီ ဖြစ်သည်။ သို့သော်လည်း ဆရာအရှင်များက
"ဥသြအော်သည် ထားဝယ်တည်" ဟူ၍သာ စာချိုးပြုသည်။
ထိုစာချိုးအရ ကိုလိုနီခေတ်တွင် အင်္ဂလိပ်တို့က ထားဝယ် မြို့ ဟုသာ မှတ်တမ်းတင်သည်။ ယနေ့အထိ ထားဝယ်မြို့ ဖြစ်နေသည်။ ဆရာများက အဘယ်ကြောင့် သာယာဝတီ ဟု ဆိုစမှတ် မပြုကြလေသနည်း စဉ်းစားဖွယ်ရာ ဖြစ်သည်။

သာယာဝတီ မတိုင်မီ ပြည်တွင်း ခေတ်ပြိုင်မှတ်တမ်းများ ကလည်း ထားဝယ်တို့၏ မြို့အမည်ကို ခေါ်ဆိုရာတွင် ရာဇဝင်လာ မြို့အမည်များကို ခေါ်ဆိုသည် မရှိ။ ထားဝယ်စား ထားဝယ်သို့ စသဖြင့်သာ ခေါ်ဆို ဖော်ညွှန်း ကြရာ နေရပ်ကိုသာ ခေါ်ဝေါ်သည့် သဘော ဖြစ်နေသည်။
မင်းရှင်ဇော်လက်ထက်တွင်လည်း ထားဝယ်မြို့စား ဟုသာ ပြသည်။ အတော်ပင် အတွေးရခက် ရေးရခက်သော အနေ အထား ဖြစ်ပါသည်။

ဘက်မလိုက်စတမ်း ရေးရပါမူ မှတ်တမ်း အထောက်အထား တို့အရ ထားဝယ်ဟူသည် နေရပ်ဒေသကို ခေါ်ဆိုသော အနေအထားတွင်လည်း ရှိသည်။ လူမျိူး မဟုတ်ပါဟုလည်း ယတိပြတ် ဖြေရခက်သည်။

ရာဇဝင်လာ မြို့အမည်များမှ သာဂရ။ မုတ္တသုခ(မုတ္ထီး)။ ယေး။ သာယာဝတီ။ မဟာသုခနာဂရ။ တို့ကိုသာ အတည် ပြုနိုင်သည်။ ကျန်အမည်များမှာ အမှန်တကယ် ဟုတ်၏ မဟုတ်၏ မသိရသေးပါ။ မှတ်တမ်း အထောက်အထား မတွေ့ရသေးသဖြင့် ဖြစ်သည်။ အတည်ပြု၍ ရသော ဤ မြို့အမည်များကို ကြည့်ပြန်သော် ထားဝယ်သည် လူမျိုးကို စွဲ၍ ခေါ်သော အခေါ်အဖြစ် ထင်ရှား ပြန်ပါသည်။

ဤ နေရာတွင် ပြောလိုသည်မှာ ယခု ကျွန်တော် ရေးသား နေသော စာသည် လူပြိန်းများကြိုက်နှစ်သက်စေရန် အတွက် ရေးသားနေခြင်းမျိုး မဟုတ်ပါ။ ပညာရှင်များ စဉ်းစားနိုင်ရန် ရနိုင်သမျှ လမ်းကြောင်းများကို စုစည်း၍  ကောက်ကြောင်းဖော်ပေးနေသည့် သဘောသာ ဖြစ်သည် ကို မှတ်သားထားစေလိုသည်။

ကျွန်တော်က ထားဝယ်ဖြစ်တာမို့ ထားဝယ်ဘက်ကို ဘက်လိုက်ပြီးရေးရမည်ဟု သမိုင်းပညာတွင် မရှိပါ။ ထိုသို့ လည်း ရေးမည်မဟုတ်ပါ။ နိုင်ငံတော်သမိုင်း၏ အထောက် အပံ့ ဖြစ်စေခြင်းဆီကိုသာ ရည်ရွယ်ပါသည်။ ကိုယ့်လူမျိုးမို့ သာသာထိုးထိုး ရေးနေခြင်းမပါ။ အချို့နေရာများတွင် အဂတိ လိုက်သော သဘောဟန်များ ပါကောင်းပါနိုင် သည်။ လုံးဝ ခြောက်ပြစ်ကင်း ဖြစ်သည်ဟူ၍ တော့ ကျွန်တော် မဆိုလိုပါ။ ကျွန်တော်သည် လူသာမာန် တစ်ယောက်သာ ဖြစ်သည့်အလျောက် အဂတိမှ မလွတ် နိုင်ပါ။ သို့သော်လည်း အတတ်နိုင်ဆုံး ထိန်းသိမ်း၍ ရေး ထားပါသည်။

ထားဝယ်သည် လူမျိုး တစ်မျိုး ဟုတ်သလား မဟုတ်ဘူး လား ဆိုတဲ့ မေးခွန်းအတွက် အဖြေကို ကျွန်တော့် အနေ ဖြင့် လူမျိုးတမျိူး ဖြစ်ပါသည်ဟု ဖြေပါလျှင် တဖက်က နေရပ်ဒေသကို စွဲ၍ ခေါ်တာပါလို့ ပြောလို့ ရသည်။ နေရပ် ကို စွဲ၍ ခေါ်သည် ဆိုပြန်သော် လူမျိုး ကို စွဲ၍ ခေါ်သည်ဟု ဆိုနိုင်ပြန်သည်။ နှစ်မျိုးစလုံးကို အပြန် အလှန် ဆိုနိုင်သော ကောက်ကြောင်းများ ကျွန်တော် တင်ပြလာပြီး ဖြစ်ပါသည်။

ကျွန်တော့် မတိုင်မီကပင်လျှင် ဆရာကြီးထားဝယ်ကျော်မင်း
ကလည်း ထားဝယ်သည် နေရပ်ဒေသကို စွဲ၍ ခေါ်သည် ယူဆနိုင်သော်လည်း ထားဝယ်သမိုင်းကို သုတေသန ပြုပြန်သော် ထားဝယ်လူမျိုးက အစ ဖြစ်သည်ကို တွေ့နိုင် သော အချက်အလက် အထောက်အထားများ တွေ့နိုင် သေးသည်။ လို့ ပြောခဲ့ဖူးပြီး ဖြစ်ပါသည်။

မြို့ဟောင်းအမည်များတွင်လည်း ထားဝယ်မြို့ ဟူ၍ တစ်ကြိမ်မျှ မရှိခဲ့ဖူးပေ။ ထားဝယ်လူမျိုးတို့ နေထိုင်ရာကို အစွဲပြု၍ နောက်ဆုံး မြို့ အမည် သာယာဝတီကိုပင် မခေါ်ကြဘဲ ထားဝယ်ဟု ခေါ်ခဲ့ခြင်း ဖြစ်သည်။ ထားဝယ်တို့ က ထားဝယ်ဟုသာ အသိအမှတ်ပြုပြီး ကုန်းဘောင်ခေတ် ကပင်လျှင် ထားဝယ်ဟုသာ ခေါ်ဆိုခဲ့ခြင်း ဖြစ်သည်ကို လည်း တွေ့နိုင်သည်။ ဤသည်မှ ဆက်၍ တွေးကြည့် သော် ရှေးကာလများကတည်းကပင်လျှင် ထားဝယ် တို့သည် မြို့အမည်ကို ပြောရိုးထုံးစံ မရှိ။ လူမျိုးအမည် ကိုသာ စွဲ၍ မိမိတို့နေရာကို ထားဝယ်ဟု ပြောဆိုတတ် သည့် သဘောကို တွေ့နိုင်ပါသည်။

ထားဝယ်လူမျိုးနှင့် ထားဝယ်မြို့ ဘယ်က အရင်စသည် ဆိုသည်ကို ရသမျှ အထောက်အထား တို့ဖြင့် ရှာဖွေပါ သော်လည်း ကြက်ဥ အစရှာရသလို ဖြစ်နေပါသည်။
အစကိုလည်း ကျွန်တော်တို့ အနေဖြင့် မသိနိုင်။ ထိုကြောင့် ဤ အချက်အပေါ်တွင် အငြင်းမပွားသင့်ဘဲ အဆို နှစ်ခု စလုံး မှန်သည်ဟုသာ ဖြေပါမည်။

လူမျိုး ဖြစ်သင့် မသင့် ဟူသော အချက်များကို စာပေဖြင့် မရှင်းနိုင်သေးပါ။ နိုင်ငံတော်အဆင့် ပညာရှင်များမှလည်း ကောင်း  ဥပဒေထုံးနည်းများဖြင့် လည်းကောင်း နိုင်ငံတော် အကျိူးစီးပွားကို ရှေးရှု၍သော်လည်းကောင်း ပြည်ထောင်စု စိတ်ဓါတ်ဖြစ်ပေါ်စေရေးကို ဦးတည်၍ လည်းကောင်း အဖက်ဖက်မှ ကျွန်တော့်ထက် တတ်သိနားလည်သော ပညာရှင်များမှ ဆုံးဖြတ်ခြင်းငှာသာ သင့်လျော်သည်ဟု ယူဆပါသည်။