ရိုသေစွာ လျှောက်ထားပါသည် အရှင်မြတ်ဘုရား။ တပည့်တော်သိလိုသည်မှာ - တပည့်တော်သည် ကိစ္စမြားမြောင် လူတို့ဘောင်မှာ နေထိုင်လျက်ပင် တတ် နိုင်သမျှ စေတီကျောင်းကန်နှင့် ပရဟိတဌာနတွေမှာ ဒါနကောင်းမှုပြုလုပ်ပါသည်။ ငါးပါးသီလကိုလည်း အနည်းဆုံး တစ်ပတ်သုံးရက် မကျိုးမပေါက်အောင် အထူးရည်ရွယ်ပြီး စောင့်ထိန်းပါသည်။ အခြား လူမှု ရေးကိစ္စ အကျိုးဆောင်မှုတွေကိုလည်း တစ်နိုင်တစ်ပိုင် ပြုလုပ်ပါသည်ဘုရား။ ကမ္မဋ္ဌာန်းဘာဝနာ အား ထုတ်မှုကိုတော့ ဘဝပေးအခြေအနေအရ ကျေနပ်လောက်အောင် အချိန်မပေးနိုင်သေးပါဘုရား။ တပည့် တော်၏ ထိုထိုကုသိုလ်အထူးများအတွက် ကျမ်းဂန်နှင့်အညီ မည်သို့ ဆုတောင်းမှုပြုသင့်သည်ကို ညွှန်ကြား ပေးစေလိုပါသည်ဘုရား။ - မေစုချစ် (စင်ကာပူ)
ကိုယ့်ဆန္ဒသာ
**************
ကောင်းမှုတစ်ခု ပြုပြီးနောက် ဆုတောင်း တယ်ဆိုတာ ကိုယ့်ဆန္ဒနဲ့ ကိုယ့်အကြိုက်ကို အခြေ ခံတာပါပဲ။ ကိုယ်ဖြစ်ချင် တာကို ကိုယ့်ဘာသာ ဦး တည်ချက်၊ ရည်ညွှန်းချက် ထားနိုင်ပါတယ်။ 'နိဗ္ဗာန် ကိုသာဆုတောင်းရင် ဝဋ် ကင်းရာကို ဆုတောင်းခြင်း ဖြစ်လို့ အကောင်းဆုံးဖြစ် ပါတယ်။ ဒါပေမဲ့ နိဗ္ဗာန်ကိုမျက်မှောက်ပြုတဲ့အခါ မည် သို့မည်ပုံပြုလိုတယ်၊ နိဗ္ဗာန်မရမီ မည်သို့မည်ပုံဖြစ်လို တယ်လို့ တောင့်တနိုင်ပါတယ်' (ထေရဝါဒစွယ်စုံ ကျမ်း၊ စာ-၈၆ဝ)။ မေးခွန်းရှင်ရဲ့ဆန္ဒအတိုင်း ရှေးက သူတော်ကောင်းပုဂ္ဂိုလ် တွေရဲ့ဆုတောင်း အထူးပြုခဲ့ကြပုံတွေကို အနည်းငယ် ပြောပြပါမယ်။ မိမိနှစ်သက်ရာပုံစံကိုရွေးချယ်ပြီး အတု ယူဆုတောင်းနိုင်ဖို့ သို့မဟုတ် ဆုတောင်းနည်းရဖို့ ဖြစ် ပါတယ်။
အကိတ္တိဆုတောင်း
*******************
ဗုဒ္ဓလောင်းလျာ အကိတ္တိရသေ့ဆုတောင်းပုံ က ဒီိလိုပါ။ 'လူမိုက်တို့ကိုမတွေ့မြင်ရသည့်ကိုယ်၊ (လူ မိုက်အကြောင်း) မကြားရသည့်ကိုယ် ဖြစ်ရပါလို၏။ လူ မိုက်တို့နှင့် ပေါင်းသင်းမှုမပြုရသည့်ကိုယ်၊ လူမိုက်တို့နှင့် စကားစမြည်ပြောဆိုမိခြင်း(မျှပင်) မပြုရသည့်ကိုယ် ဖြစ် ရပါလို၏။ လူမိုက်တို့ကို မနှစ်သက်နိုင်သည့်ကိုယ် ဖြစ် ရပါလို၏'(ဇာ၁၊ ၁၆၈)။ အတုယူဆုတောင်းကြည့်ပါ။
***********************
အေဒီငါးရာစုမှာပေါ်ထွန်းပြီး သီဟိုဠ်မှာ သာ သနာပြုခဲ့တဲ့ အိန္ဒိယနိုင်ငံသား ထေရဝါဒဂုဏ်ဆောင် အရှင်မြတ်ကြီးဖြစ်ပါတယ်။ ပိဋကတ်သုံးပုံရဲ့ အဖွင့်ကျမ်း တွေကို ပေရွက်ပေါ်မှာ ကညစ်နဲ့ရေးတာ ခေတ်သစ် ကျမ်းစာ စာမျက်နှာပေါင်းတစ်သောင်းခွဲလောက်ရှိတယ်။ ကျမ်းပြုကုသိုလ်ရဲ့အကျိုးအတွက် ဒီအရှင်မြတ်ဆုတောင်း ပုံက - 'သဒ္ဓမ္မသုံးဖြာ သာသနာအဓွန့်ရှည်ပါစေ။ သတ္တဝါအားလုံး ဓမ္မကို ရိုသေလေးစားစွာ လိုက်နာကျင့် သုံးနိုင်ကြပါစေ။ လိုက်နာကျင့်သုံး၍ ဝိမုတ္တိရသ(နိဗ္ဗာန် ချမ်းသာ)ကို ခံစားနိုင်ကြပါစေ။ မိုးမင်းသည် ရွာသင့် သည့်အချိန်၌ ကောင်းစွာရွာသွန်းပါစေ (ကမ္ဘာမြေပေါ် မှာ ရာသီဥတုတွေ ကောင်းမွန်ပါစေ)။ ပြည့်ရှင်မင်း(အုပ် ချုပ်သူ)တို့သည် ရှေးမင်းကောင်းမင်းမြတ်များကဲ့သို့ ပြည် သူများကို မိမိ၏သားသမီးရင်းများပမာ ကရုဏာ ဖြင့် စောင့်ရှောက်နိုင်ကြပါစေ'တဲ့။
တောင်ဖီလာဆုတောင်း
***********************
မြန်မာနိုင်ငံ အင်းဝခေတ်မှာ တောင်ဖီလာဆရာတော် (အေဒီ ၁၄၉၉-၁၅၇၂)က ပါဠိဘာသာနဲ့ရေးတဲ့ ဝိနယာလင်္ကာရဋီကာနိဂုံးမှာ ကျမ်း ပြုကုသိုလ်အတွက် မိမိရဲ့စိတ်ညွတ်ပုံကို ဒီလိုပြတယ်- 'ဤကျမ်းပြုကုသိုလ်ကြောင့် ဒုတိယဘဝတွင် ဟိမဝန္တာရှိ ဂန္ဓမာဒနတောင် ပတ္တမြားဂူအနီး မဉ္ဇူသက နတ်ပန်းပင်၌ သက်တမ်းရှည် ဗုဒ္ဓဝါဒီရုက္ခစိုးနတ် ဖြစ် ရလို၏။ သာသနာတွင်းကာလ၌ ပဋိပတ္တိကျင့်ကြံတော် မူကြသော သံဃာတော်များ၏ဝေယျာဝစ္စကိုဆောင်ရွက် လျက် ပရိယတ္တိသင်ကြားသူတို့၏ ယုံမှားသင်္ကာကို ပယ် ဖျောက်ရပါလို၏။ သာသနာစောင့်မင်းတို့၏ မိတ်ဆွေ ဖြစ်ပြီး သာသနာဖျက်မင်းတို့အား နှိမ်နင်းနိုင်စွမ်းရှိသူ ဖြစ်ရပါလို၏။ သာသနာပကာလ၌ မဉ္ဇူသကသစ်ပင် မြတ်ကို အစဉ်အမြဲ ပူဇော်စောင့်ရှောက်လျက် ပစ္စေက ဗုဒ္ဓါ အရှင်မြတ်တို့ ပွင့်ထွန်းလာသောအခါ ထိုပစ္စေကဗုဒ္ဓါ များအား အလုပ်အကျွေးပြုရပါလို၏။ ဤရုက္ခစိုးနတ် ဘဝဖြင့် မေတ္တယျဘုရားရှင် ပွင့်တော်မူသည်အထိနေရ ပြီး ဘုရားပွင့်ချိန်၌ လူ့ဘဝသို့ပြန်ရောက်လျက် ဘုရား ရှင်၏ သာသနာတော်၌ ရဟန်းအဖြစ်ဖြင့် သာသနာပြု ပုဂ္ဂိုလ်ဖြစ်ရ၍ ထို(မေတ္တယျ)ဘုရားရှင်၏ ဘုရားစင်စစ် ဖြစ်လိမ့်မည်ဟူသော ဗျာဒိတ်စကားကို ခံယူရပါလို၏။ ဗျာဒိတ်ရပြီးနောက် ပါရမီဆယ်ပါး အပြားသုံးဆယ်တို့ကို ဖြည့်ကျင့်လျက် အနာဂတ်တစ်ချိန်တွင် ဘုရားဧကန် ဖြစ်ရပါလို၏။
ဒီပဲရင်းဆုတောင်း
******************
ဒီပဲရင်းဆရာတော်ဟာ တတိယရွှေကျင်သာ သနာပိုင်ပါ။ ဆရာတော်ရဲ့ ပရမတ္တစက္ခုကျမ်းနိဂုံးမှာ ဆုတောင်းထားပုံက အတုယူဖွယ်ကောင်းပါတယ်။ 'သူ တစ်ပါးအကျိုးကို လိုလားသူ ဖြစ်ရလို၏။ သူတစ်ပါးက လည်း ငါ့အကျိုးကို လိုလားပါစေ။ သူတစ်ပါး၏ဆင်းရဲ ဒုက္ခကို မနှစ်သက်သူ ဖြစ်ရလို၏။ သူတစ်ပါးကလည်း ငါ့ဒုက္ခကို နှစ်သက်သူ မဖြစ်ပါစေနှင့်။ တစ်ပါးသောသတ္တ ဝါကို မညှဉ်းဆဲရလို။ သူတစ်ပါးကလည်း ငါ့ကို မညှဉ်း ဆဲပါစေနှင့်။ ငါသည် သူတစ်ပါး၏ရန်သူ မဖြစ်ရလို။ သူတစ်ပါးကလည်း ငါ့ရန်သူ မဖြစ်ပါစေနှင့်။ လူအပေါင်း သည် လမ်းဆိုးလမ်းကောက်ကိုရှောင်ရှား၍ လမ်းကောင်း လမ်းဖြောင့်ကို လိုက်နိုင်ကြပါစေ။ ငါသည်လည်း လမ်း ဆိုးလမ်းကောက်ကို ဖယ်ကြဉ်၍ လမ်းကောင်းလမ်းဖြောင့် သို့ လိုက်နိုင်သည့်ကိုယ်ဖြစ်ရလို၏။'
'ပညာမဲ့သူလူမိုက်တို့သည် ခါးသီးသောအကျိုး ကိုဖြစ်စေသည့် မကောင်းမှုကိုပြုကြလျက် ရန်သူဖြစ် သည့် ကိုယ်ဖြင့်သာ (သံသရာ)ခရီးကို သွားနေကြ၏ (သံ ၁၊ ၅၁)'လို့ မြတ်ဗုဒ္ဓမိန့်ပါတယ်။ ဒါကြောင့် အရေး ကြီးတာက မိတ်ဆွေဖြစ်တဲ့ ဤခန္ဓာကိုယ်နဲ့ ဘဝသံ သရာခရီးကို သွားနိုင်မယ့် အခြေအနေ အခွင့် အလမ်းမျိုးကိုရအောင် ဆုတောင်းတာဟာ သင့်မြတ်တဲ့ ဆုတောင်းခြင်းမျိုး ဖြစ်ကြောင်းပါ။
0 comments:
Post a Comment
သင့် Comment တစ်ခုသည် ကုသိုလ်တော် အသိ ပိုရှိသွားနိုင်ပါသည်