အစိုးရကို လွှတ်တော်ခေါ်ကြားနားသင့်နေပါပြီလား

=================================

ဘက်ဂျက် ရှိ/ မရှိကိစ္စ ရှင်းသွားအောင် ပညာယူနိုင်အောင် ဖတ်ကြပါ...

တိုင်းဒေသကြီးနှင့် ပြည်နယ်များအပါအဝင် အစိုးရအဖွဲ့တွင် ဘတ်ဂျက်မလုံလောက်မှု ပြဿနာများ ရင်ဆိုင်နေရပြီး ဝန်ထမ်းလစာအတွက် ကမ္ဘာ့ဘဏ်ကပင် ငွေချေးယူ၍ ဖြေရှင်း ရန်စီစဉ်နေကြောင်း အစိုးရက ပြောဆိုထားသည်။ အဆိုပါ ပြောဆိုမှုများနှင့် ပတ်သက်၍ မြန်မာနိုင်ငံ၏ ဘတ်ဂျက်အခြေ အနေ သဘောသဘာဝနှင့်  လက်ရှိပြဿနာများအပေါ် စီးပွားရေးသုတေသီ ဦးစောမြင့်မောင်နှင့် The Voice တို့ တွေ့ဆုံမေးမြန်းထားသည်များကို ပြန်လည်ဖော်ပြအပ်ပါသည်။

ပထမဆုံး မေးချင်တာတော့ လက်ရှိအစိုးရမှာ ဘတ်ဂျက် ပြဿနာနဲ့ ကြုံနေရတယ်လို့ သတင်းထွက်နေတာပေါ့။ လျှပ်စစ်ဓာတ်ကြိုးတွေ လဲရမယ့်ကိစ္စလည်း ဘတ်ဂျက်မရှိဘူး ပြောတယ်။ ဘတ်ဂျက်ရဲ့ သဘောသဘာဝနဲ့ ဘတ်ဂျက် မလုံလောက်တာ ဘာကြောင့်လဲ ဆိုတာ သိချင်ပါတယ်ပေါ့။

မေးတာ အဓိကတော့ နှစ်ချက်ပေါ့။  အဲဒါတွေမဖြေခင် သိချင်တဲ့ ဘတ်ဂျက်ဆိုတာ  ဘာလဲ။ အဲဒီဟာက စပြောမယ်။ ဘတ်ဂျက်က  ဒါဘယ်စနစ်ပဲ ကျင့်သုံးကျင့်သုံး၊ ဘယ်နိုင်ငံမှာ ပဲဖြစ်ဖြစ်  အစိုးရအဖွဲ့ဆိုတဲ့ဟာက ပြည်သူ့အရေးကိစ္စတွေ ဆောင်ရွက်ဖို့ Public Services ပေါ့။ Public Goods ခေါ်တာတယ်။ အဲဒါတွေ ဆောက်ရွက်ဖို့အတွက်က သုံးစွဲခွင့် ပြုတာ။  ဥပဒေကြောင်းအရ သုံးစွဲခွင့်ပြုတဲ့ဟာ ဘတ်ဂျက်။ ဒါ ဘယ်နိုင်ငံမှာပဲ ဖြစ်ဖြစ် ကျွန်တော်တို့ ထွင်ထားတာ မဟုတ် ဘူး။ ကျွန်တော်တို့က ဒီစနစ်ထဲ လိုက်တာပေါ့။ အဲဒီ ဘတ်ဂျက် ဆိုတဲ့ဟာက အမြဲတမ်းသူက တစ်နှစ်စာ နောက်နှစ်ကို လုပ် မယ့်ဟာကို ဒီနှစ်ကစ ကြိုတင်ပြီးတော့ အဲဒီ ဘတ်ဂျက်ကို ရေးဆွဲရတယ်၊ ပြဋ္ဌာန်းရတယ်။ ပြဋ္ဌာန်းတော့ ပထမ Estimate လို့ ခေါ်တာပေါ့ ခန့်မှန်းခြေပေါ့။  ခန့်မှန်းခြေ ဆိုတာ တိကျချင်မှ တိကျမယ်။ ဒီကြားထဲ  အပြောင်းအလဲ တွေက ရှိနိုင်တယ်။ ငွေကြေးတန်ဖိုး  ပြောင်းသွားတာတို့၊ အခြားနိုင်ငံရေးစီးပွားရေး အခြေအနေ ကမ္ဘာ့အခြေအနေနဲ့ ပြောင်းသွားတာတို့ ဈေးနှုန်းပမာဏ ပြောင်းသွားတာတို့ စသည်ဖြင့်ပေါ့။ အဲဒါတွေကြောင့်မို့ လိုက်ညှိရတာ ရှိတယ်။

ပထမ Budget Estimate ပေါ့နော် BE လို့ ခေါ်တယ်။ ပြန်ပြီးတော့  Re-estimate ပြန်လုပ်ရတယ်။ အဲဒါ RE လို့ ခေါ်တယ်။ ဒီဘတ်ဂျက်ကိုပဲ ကိန်းဂဏန်းတွေ လိုက်ပြင်တာ အတိုးအလျှော့ ပြန်လုပ်တာ တင်ထားတဲ့ ကဏ္ဍတွေကနေ ခေါင်းစဉ်တွေပြောင်းတာ စသည်ဖြင့် အကုန်ပေါ့လေ။  ပြင်တဲ့ဟာ ပြန်ခွင့်ပြုချက် ယူရတယ်။ လွှတ်တော်ကို။ Re-estimate ပြီးပြီဆိုတော့မှ တစ်ခါတလေကျတော့  အဲဒါနဲ့ တင်မပြီးပြတ်ဘဲ ထပ်ပြီးတော့ အပြောင်းအလဲ တွေက ရှိနိုင် တဲ့အခါကျတော့ အဲဒီမှာ ငွေကဒီလောက်နဲ့ မလောက်တော့ ဘူး ထပ်ပေးပါ ထပ်သုံးခွင့်ပြုပါဆိုပြီးတော့ Supplementary Budget ဆို တစ်ခါလာရတယ်။ 

ဘတ်ဂျက်တစ်ခု လုပ်မယ် ဆို အဲဒီသုံးဆင့်လောက် ဖြတ်ရ တယ်။ သုံးဆင့်လုံးကို ဥပဒေပြုအဖွဲ့အစည်း ဖြစ်တဲ့  လွှတ်တော်က အတည်ပြုရတာ ချည်းပဲ။ ဘတ်ဂျက်ကို  ကိုင်တွယ်ရတဲ့ ဘဏ္ဍာရေးဝန်ကြီးဌာန အနေနဲ့ အဲ့ဒီ  Time-line လိုတယ်။ ကြိုပြီးတော့ လွှတ်တော်ကိုတင်ရတယ်။ သုံးဆင့် တင်ရတယ်။ နောက်ဘတ်ဂျက်နှစ်စတာ  မြန်မာပြည် မှာဆို ဧပြီ ၁ ရက်မှာ စတယ်။ အဲဒီ ဧပြီ ၁ ရက်မှာ ခုနက သုံးချက်က လုပ်ပြီးသား ဖြစ်နေရမယ်။ လုပ်ငန်းစဉ် သုံးရပ်က အတည်ဖြစ်ပြီးသား ဖြစ်ရမယ်။  အဲဒီဟာကို လုပ်နိုင်ဖို့က များသောအားဖြင့်ဆိုရင် ဧပြီမှာ လုပ်မယ့်ဟာကို စက်တင်ဘာ လောက်မှာ စတင်ရတယ်။ သူ့အချိန်ဇယားအတိုင်းပေါ့။ အဆင့်ဆင့် တင်ရတယ်။ တင်ဖို့ ဆိုတဲ့အခါမှာ မြန်မာပြည်မှာ ဆိုရင် ဗဟိုအစိုးရက နေပြီးတော့ ပြည်နယ်နဲ့တိုင်း အစိုးရတွေ ဆီကနေ သူတို့ဆီမှာ ပြည်နယ်/တိုင်းအလိုက် ကုန်ကျ စရိတ် တွေ၊ သုံးမယ့်ငွေတွေ ဘာတွေစီမံချက်ရှိတယ်။  စီမံကိန်းတွေ ဘာတွေလုပ်မယ်၊ ဘယ်လောက်သုံးမယ်၊  ဘယ်လိုသုံးမယ် စသည့်ဟာတွေကို တောင်းရတယ်။  နောက် ဗဟိုအစိုးရမှာ လည်း Sector တွေရှိတယ်။  စိုက်ပျိုးရေးက ဘယ်လောက်၊ စက်မှုကဘယ်လောက်၊  လူမှုဝန်ထမ်းက ဘယ်လောက်၊ ပညာရေး ကျန်းမာရေးက  ဘယ်လောက်စသည်ဖြင့် အဲ့ဒီ Sector တွေကနေ နောက်လာမယ့်နှစ်အတွက် တောင်းရ တယ်။ အဲဒါတွေ စုပြီးပေးတော့မှ အစိုးရအဖွဲ့ တစ်ခုလုံး အတွက် ကို ဘဏ္ဍာရေးဝန်ကြီးဌာနကနေ လွှတ်တော်ကို တင်ရတယ်။  ပထမဦးဆုံးတင်တာသည်  BE။  ခန့်မှန်းအသုံး စရိတ်ပေါ့။ ဒါကြောင့် ရသုံးခန့်မှန်းခြေလို့ ဗမာလိုခေါ်တာ။ အဲဒါကို စက်တင်ဘာလောက်ကတည်းက တင်ရတယ်။ အဲဒီလိုတင်မှ လွှတ်တော်မှာ ဆွေးနွေးတာ တွေဘာတွေ သူ့လုပ်ငန်းစဉ်အတိုင်း သွားတာ။ နောက်  ဒီဇင်ဘာလောက် ကျတော့ ဒုတိယအကြိမ် RE ပြန်တင်ရတယ်။ နောက်တစ်ခါ ကျတော့ မတ်လမှာ အပြီးသတ် တင်ရတယ်။ မတ်လမှာ မပြီး လို့ မရဘူး။ မတ်လကုန်ရင်  ဧပြီရောက်မယ်။ ဧပြီရောက်ရင် ဒီပိုက်ဆံက သုံးရတော့မှာ။ မတ်လမှာ ဒီဟာမဖြတ်ရင် နောက် အစိုးရက သုံးစရာ မရှိတော့ဘူး ဖြစ်သွားမယ်။ ဘာလို့လဲ ဆိုတော့ လွှတ်တော်ရဲ့ခွင့်ပြုချက် မရှိဘဲနဲ့ အစိုးရက ပိုက်ဆံ သုံးခွင့်မရှိ။ ဒါ ဘတ်ဂျက်ရဲ့ လုပ်ငန်းစဉ်။

လူတွေက အခုပြောတယ်။  အခုက အစိုးရအပြောင်းအလဲ ကာလကိုး။ အစိုးရ အပြောင်းအလဲကာလ ဆိုတာမှာ ဒီအစိုးရ တက်မှာက  ဧပြီမှတက်မှာ ဟိုအရင်အစိုးရ အဟောင်းက ဒီဧပြီမှာ သူကနေ နောက်အစိုးရကို လွှဲပေးတဲ့အခါ နောက် အစိုးရက ပိုက်ဆံ ဘာနဲ့သုံးမလဲ။ သုံးဖို့အတွက်က ကြိုလုပ်ပေး ရတာ။ ကြိုလုပ်ပေးရတော့ စက်တင်ဘာလောက်မှာ လုပ်ရ တာ။ ခန့်မှန်းခြေပေါ့။ ဘတ်ဂျက်မှတ် အချိန်ဇယားရှိ တယ်။ ဘယ်နေ့ ဘယ်လောက်ပြီး သူ့အစီအစဉ်ကိုရှိပြီး သား။ ရမ်းလုပ်းနေတာ မဟုတ်ဘူးနော်။ အဲဒီအချိန်မှာ  နောက် အစိုးရ က ဘယ်သူဖြစ်မှန်း မသိသေးဘူး။ ရွေးကောက်ပွဲမှ မရောက်သေးတာ။ ဒီတော့ အရင်အစိုးရဟောင်းက လုပ်ပေး ရမှာပဲ။ ဒါ ထုံးစံ။ မလုပ်ပေးလို့ကို  မဖြစ်ဘူး။ မလုပ်ပေးရင် အဲဒီကာလ ပိုက်ဆံသုံးစရာမရှိတော့ဘူး ဖြစ်မှာပေါ့။ ကောင်းပြီ မတ်လဆိုပါတော့။  ဒီအစိုးရမတိုင်ခင် ဒီအစိုးရမတက်သေးခင် မတ်လဆိုတဲ့ အခါ လွှတ်တော်က အသစ်ဖြစ်နေပြီ။ အစိုးရ အဟောင်းက လုပ်တယ်။ အစိုးရအဟောင်းက လုပ်သွားတဲ့ ဒီဘတ်ဂျက်ကို နောက်ဆုံးအဆင့်တော့ ရောက်နေပြီ။ အဲဒီ ကာလကျတော့။ နောက်ဆုံးအဆင့် ရောက်နေတော့ ဒီလွှတ်တော် အသစ်က ဥပဒေပြုပေးရမှာ။ အဲဒီအခါမှာ တချို့ ပြောသံတွေ ကြားရတယ်။ ဘာလဲဆိုတော့ လွှတ်တော် ကတော့ ဥပဒေကို သဘောတူပါတယ် ပြုပေးလိုက်ရတာပေါ့။ ဒါပေမဲ့ အရင်က သူတို့လုပ်သွားတာလေ ကျုပ်တို့က သိတာ မဟုတ်ဘူး။ ဒါမျိုးတွေပြောတာ။ ခင်ဗျားတို့လည်း  ကြားမှာ။ အဲဒါက သဘာဝမကျဘူး။ ဘာလို့လဲဆိုတော့ အရင်ကလူက ပစ်စလက်ခတ်လုပ်သွားတာ မဟုတ်ဘူး ဆိုတာ ဒီစာရင်းမှာ ပေါ်နေတယ်။ စီမံကိန်းတွေ ဘာလုပ်မယ်ဆိုတာက ရှိပြီးသား။ ဘာလို့လဲဆိုတော့ အစိုးရဝန်ကြီး တွေသာ ပြောင်းသွားတာ။ ဒီဘတ်ဂျက်ကို ဆက်လုပ်မယ့် ဝန်ထမ်းတွေက ရှိနေဆဲ။ ဒီလူတွေလုပ်ရမှာ ဒီလူတွေက သူတို့လုပ်ဖို့ရာ အစီအစဉ်ရှိ ထားရင် တွက်ချက်ပြီးတော့ တင်တာ ဒီလူတွေတင်တာ။ နောက်ရောက်လာတဲ့လူက ဒီလူတွေကို မေးရုံပဲရှိတာပေါ့။

အလုပ်သဘောသက်သက် ပြောတာနော်။ ဘယ်ပါတီဘာညာ နိုင်ငံရေးနဲ့ပြောတာ မဟုတ်ဘူး။ ခုဟာက ကိုယ်ကနားမလည် ဘဲ  အရင်လူ လုပ်သွားလို့ ကျုပ်တို့မလုပ်တတ်ဘူး၊ အရင်လူ လုပ်သွား လို့ ကျုပ်တို့မသိဘူးဆိုတဲ့ပုံစံ။ ဒီလိုလုပ်လို့မရဘူး လေ။

ဒီလိုဖြစ်ရပ်မျိုးက အစိုးရပြောင်းတဲ့ ငါးနှစ်တစ်ကြိမ်တော့ ဖြစ်နေမှာပဲလားတွေးနေမယ်ထင်တယ်

ငါးနှစ်တစ်ကြိမ်မှာတော့ ဖြစ်မှာပဲ။  နောက်တက်လာမယ့် အစိုးရအတွက်လည်း ဒီအစိုးရက  နောက်ဆုံးဘတ်ဂျက်ကို လုပ်ပေးရမှာပဲ။ ဆိုကြပါစို့  ပြီးခဲ့တဲ့ ဦးသိန်းစိန်အစိုးရ လက်ထက်ကလည်း ပထမ ဦးဆုံးဘတ်ဂျက်ကို နဝတက လုပ်သွားတာကြီး သူလုပ်ရတာ။ ဒါကထုံးစံပဲ။ လုပ်မပေးရင် ဦးသိန်းစိန် လက်ထက်ကျတော့ သုံးစရာမရှိတော့ဘူးလေ ပိုက်ဆံက။ ဒါကြောင့်မို့ ဘတ်ဂျက်ကို အရင်အစိုးရက လုပ် သွားတဲ့အတွက်  အခုကျုပ်တို့က သုံးစရာပိုက်ဆံမရှိဘူးလို့ ပြောတာ သဘာဝမကျဘူး။

နံပါတ်တစ်
လက်လွတ်စပယ် ပြောတာ ဖြစ်မယ်။
နံပတ်နှစ်က
သူနားမလည်ဘူး ဘတ်ဂျက် ဆိုတာ။ တည့်တည့်ပြောရလို့ ရှိရင် နားမလည်ဘဲနဲ့  ပြောတာ။ ဒီကြားထဲက သာမန်ပြည်သူ တွေကပြောရင်  အရေးမကြီးပါဘူး။ ဘယ်သူပြောပြော အရေးမကြီးပါဘူး။ ဒါကတော့ နိုင်ငံရေးအရ ပြောတာပေါ့။ တာဝန်ရှိတဲ့လူက  ဒီလိုမပြောသင့်ဘူး။ အဲဒီလို ပြောနေတာ တွေဟာ အခြေခံ  သဘောတရားအရ လွဲတယ်။ ဘတ်ဂျက်နဲ့ ပတ်သက်ရင် အဲဒီလိုပြောခြင်းဟာ လွဲနေတယ်။

နောက်တစ်ချက်က ဘတ်ဂျက် လိုငွေရှိနေတယ်လို့  ပြော တယ်။ လိုငွေ ရှိနေတယ်ဆိုတာ ကြာလှပြီ။ ဟိုးအရင် အစိုးရ လက်ထက် ကတည်းက။ အခုနောက်ဆုံး ကမ္ဘာ့ဘဏ်ရဲ့ အစီရင်ခံစာမှာ ဘာလဲဆိုရင် မြန်မာပြည်ဟာ  စီးပွားရေး တိုးတက်နေတယ်။ ၈ ရာခိုင်နှုန်း တိုးတယ် တဲ့။ အမှန်က စီးပွားရေးတိုးတက်မှု ၈ ရာခိုင်နှုန်း တိုးတယ် ဆိုတဲ့နိုင်ငံဟာ တော်တော်မြင့်တဲ့ နိုင်ငံထဲမှာ ပါတယ်နော်။  စီးပွားရေးတိုး တက်တဲ့နှုန်း တွက်ကြရင် တချို့နိုင်ငံ ဒီလောက်တောင် မရှိ ဘူးလေ။ ဟာ ဒို့နိုင်ငံ သူများတွေ နိုင်ငံထက် စီးပွားရေး တိုးတက်မှုမြင့်တာပဲ ဒီတုန်းက ပြောတယ်။ တစ်ဖက်က ပြန်ကြည့်တဲ့အခါ ငွေကြေး ဖောင်းပွမှုက ၁၂ ရာခိုင်နှုန်း ရှိနေတယ်။ အဲဒီ ကမ္ဘာ့ဘဏ်ရဲ့ အစီရင်ခံစာထဲမှာ ပါတယ်။ ငွေကြေးဖောင်းပွ မှုက ၁၂ ရာခိုင်နှုန်း၊ စီးပွားရေးတိုးတက်မှုက ၈ ရာခိုင်နှုန်း ဆိုတော့ ဘယ်နည်းနဲ့မဆို ဘတ်ဂျက်လိုငွေ ဖြစ် မှာပဲ။  ဘတ်ဂျက်လိုငွေ ဖြစ်မယ်ဆိုတာကြီးက ကြိုပြီးတော့ တွက်ထားပြီးသား ဖြစ်ရမယ်။ ဒါကို ဘယ်လိုလုပ်မလဲ ဆိုတဲ့ ဟာပေါ့။ အရင်အစိုးရ အရင်လွှတ်တော်ထဲမှာ ဆိုရင်လည်း ဒါအများကြီး ပြောခဲ့တာ။ ဘတ်ဂျက်လိုငွေက ဒီတစ်နှစ်ထဲ ဖြစ်တာ မဟုတ်ဘူး။ လွန်ခဲ့တဲ့ သုံးလေးနှစ်ကတည်းက ဖြစ် လာတာ။ ဘတ်ဂျက်လိုငွေ ပြလာနေတယ်နော် အမြဲတမ်း တောက်လျှောက် လိုငွေပြနေတယ်။  ဒါဟာ မကောင်းဘူး။ စီးပွားရေးမူဝါဒတွေ ပြောင်းဖို့လိုတယ်။ လွှတ်တော်ထဲမှာ အများကြီး ပြောခဲ့ကြပါတယ်။  အရင်လွှတ်တော်ထဲမှာ လွှတ်တော်အမတ်တွေ မပြောခဲ့တာမဟုတ်ဘူး။ ပြောတယ်။ အမှန်က အခုလွှတ်တော် အမတ်တွေ အဲဒီအကြောင်း ဘယ်သူ မှကို မပြောသေးတာ။

ဘတ်ဂျက် လိုငွေပြနေတယ် ပြဖို့အလားအလာလည်း ရှိနေ တယ် ဒါတွေ ဘယ်လိုကုစားမလဲဆိုတာ  အစိုးရကပဲ လုပ်ရ မှာ။ အစိုးရကို ပြောတာနော်။ USDP  ကို ပြောတာလည်း မဟုတ်ဘူး၊ NLD ကို ပြောတာလည်း  မဟုတ်ဘူး။ အစိုးရကို ပြောတာ။  ဘယ်သူပဲ အစိုးရတက်လုပ်လုပ် ဒီအစိုးရက လုပ် ရမှာ။  ဘတ်ဂျက်လိုငွေ ဖြစ်လာလိမ့်မယ်ဆိုတာ ကြိုသိထားပြီး သား။ ဘယ်လိုကုစားမယ် ဆိုတာ။ အဲဒါ စီးပွားရေး မူဝါဒပဲ။ စီးပွားရေးမူဝါဒမှာ အဲဒီဘတ်ဂျက်လိုငွေပြမှုကို လျော့သွား အောင်၊ လိုငွေပြမှုက ကြီးလာတယ်ဆိုရင် လျော့သွားအောင်။ ဒါမှမဟုတ်ရင် ဟန်ချက်ညီဘတ်ဂျက် ဖြစ်အောင် လုပ်မယ်။ မဖြစ်နိုင်သေးဘူး ဆိုရင်လည်း ရှိနေတဲ့  အဟကို ကျဉ်းသွား အောင် ဘယ်လိုလုပ်မလဲဆိုတာ  ဒါစီးပွားရေး မူဝါဒပဲ။ အစိုးရသည် ဒါကိုကြိုပြီးတော့  တွက်ထားရမှာ မြင်ထားရမယ်။ ပေါ်လစီတွေ ပြင်ဆင်ထားရမယ်။ အဲဒါတွေ လုပ်ထားတယ် မလုပ်ထားဘူး ဆိုတာ ဒါ သူ့တာဝန်ပဲ။ အစိုးရရဲ့ တာဝန်ပဲ။

နောက်တစ်ချက်က ဘာလဲဆိုတော့ အစိုးရက ဘတ်ဂျက် မလောက်ဘူး ဆိုတာ။ ဟုတ်တယ်။ ဘတ်ဂျက်မလောက် နိုင်ဘူး ဆိုတာ  ကျွန်တော်တို့လည်း သိတယ်။ ဒါပေမဲ့ ဘယ်လောက်  မလောက်တာလဲ၊ ဘယ်လောက်လိုတာလဲ ဆိုတာ ကျွန်တော်တို့မသိဘူး၊ သူတို့လည်း မကြေညာဘူး။ ဒါကြောင့်မို့  သေချာတာလေး တစ်ခုပြောမယ်။ ဒီဘတ်ဂျက်ကို ဆွဲပေးတာ အရင်အစိုးရက ဆွဲပေးတာ။ အရင်အစိုးရ ဆွဲပေး တဲ့ဟာက အရင်ကရှိခဲ့တဲ့ အစိုးရရဲ့ယန္တရားကြီး တစ်ခုလုံးပေါ် ကို အခြေခံပြီး လုပ်သွားတာ။ လုပ်သွားတဲ့ အခါမှာ အစိုးရသစ် တက်လာတော့ သမ္မတကြီးဦးထင်ကျော်က ဘာစပြောလဲဆို ရင် အစိုးရအဖွဲ့ကို ကျစ်ကျစ်လျစ်လျစ် ဖွဲ့မယ်၊ အရွယ်အစား လျှော့ချမယ်။ လျှော့ချလိုက်ရင်  သန်းသုံးထောင်ကျော် လောက်လား သက်သာသွားမယ် ဆိုပြီး ပြောဖူးသေးတယ်။ အရင်က ဘတ်ဂျက်လိုငွေ ပြနေတဲ့အထဲက ဒီသန်းသုံးထောင် လောက် ပိုထွက်လာ ဖို့ မရှိဘူး။ သမ္မတ အပြောအရ ပြောတာ နော်။  တကယ် အတိအကျ ကိန်းဂဏန်း ကျွန်တော်လည်း  မသိပါဘူး။ အဲဒီ ပြောဆိုချက်အရဆိုရင် သန်းသုံးထောင် လောက်က ပိုသက်သာဖို့သာ ရှိတာပေါ့။ ဘတ်ဂျက်လိုငွေ ပြမယ် ဆိုတာ လူတိုင်းသိပြီးသား။ ဘတ်ဂျက် လိုငွေပြတာ  အရင်လူကြောင့် အရင်လူကြောင့် ဒီလိုချည်းပြောလို့  မရဘူး လေ။ အရင်လူလက်ထက်ကလည်း ဘတ်ဂျက်က လိုခဲ့တာပဲ။ သူတို့ လုပ်ခဲ့တဲ့ဟာတွေ လုပ်ငန်းတွေကို  ငါတို့က ပြင်မယ်။ ဒီလို သွားရမှာ။ ငါ့လက်ထက်ရောက်ရင်  ဒါတွေပြင်မယ်၊ ဒီလိုငွေပြတာတွေ လျော့သွားအောင် ဘယ်လိုပြင်မလဲ။ ဒါ အစိုးရတိုင်းရဲ့ ကိစ္စလေ။

အစိုးရသစ်တက်လာတဲ့အခါ အစိုးရသစ် လက်ထက်မှာ အရေးပေါ် လုပ်ရမယ့်ဟာမျိုးတွေ ရှိလာပြီ။ အရင်အစိုးရ ကတော့ မတင်သွားဘူး။ ဒါပေမဲ့ ဒီအစိုးရလက်ထက်မှာ မဖြစ်မနေ အမြန်ဆုံးလုပ်ရတော့မယ် ဆိုရင် ဘယ်ကနေ ဘတ်ဂျက်ကို တင်တောင်းမလဲ  ဘယ်လိုပုံစံမျိုးနဲ့ သွားရမလဲ

ဘတ်ဂျက်ထဲမှာကိုက ဒါနှစ်တိုင်း အခုမှမဟုတ်ဘူး။ ဟို ၁၉၅၂ ခုနှစ်ကတည်းက ဥပဒေ ရှိတယ်။  အရေးပေါ်ရန်ပုံငွေ ဆိုတဲ့ ဟာ။ အဲဒီအရေးပေါ်ရန်ပုံငွေဟာ  ခုထက်ထိရှိနေတုန်း။ ဦးသိန်းစိန်လက်ထက်က အရေးပေါ် ရန်ပုံငွေသုံးစွဲမှုနဲ့ ပတ်သက်လို့ ပုံစံမကျလို့ ဦးသိန်းစိန် အစိုးရကို အများကြီး ဝေဖန်ခဲ့တာတွေ ရှိတယ်။ အဲဒါ  အစိုးရတိုင်းမှာ အရေးပေါ် ရန်ပုံငွေဆိုတာ ရှိတယ်။ ပမာဏကတော့ ပြောင်းသွားတာပေါ့။ ၅၁ ခုနှစ်က အခြေအနေနဲ့ အခုနဲ့ မတူတော့ဘူး။ အရေးပေါ် ရန်ပုံငွေရဲ့ သဘောက အရေးပေါ်ဆိုကတည်းက မမျှော်မှန်းတဲ့  ကိစ္စတွေ။ အထူးသဖြင့် လူမှုဝန်ထမ်းကယ် ဆယ်ရေးနဲ့  ပြန်လည်နေရာချထားရေး၊ ရေဘေးမီးဘေး ငလျင်ဘေး  စသည်ဖြင့် မမျှော်မှန်းတဲ့ ဒုက္ခတွေရောက်တဲ့အခါ သုံးဖို့။ သုံးတဲ့အခါမှာ သုံးခွင့်အာဏာကို သမ္မတကို ပေးထား တာ။ သမ္မတက ဟေ့ အရေးပေါ်ပဲ။ အဲဒီအထဲက ဘယ်လောက်သုံး ဘယ်သူသုံး တစ်ခါတည်း အမိန့်ပေးရတာ။ သူ့အတွက် သုံးပိုင်ခွင့် ပေးထားတဲ့ ပမာဏ။ အဲဒါ သမ္မတကို ပေးထားတဲ့ အာဏာ။ ဒါပေမဲ့ သမ္မတသည်  အဲဒါတွေ အတွက်ပဲ သုံးရမယ်။ တစ်ခြားဟာအတွက်  မသုံးရဘူး။ ဥပဒေထဲမှာ ပါတာကိုပြော တာ။ အဲဒီဟာ သုံးဖို့ရာအတွက် သမ္မတကလွှတ်တော်ကို ခွင့်ပြုပါလို့  တောင်းဆိုစရာ မလိုဘူး ဥပဒေအရ။ သို့သော် သုံးပြီးပြီ ဆိုရင် ဒီအရေးပေါ် ရန်ပုံငွေထဲက ဘယ်လောက်သုံးပါ တယ်၊ ဘယ်နေရာမှာ သုံးပါတယ်၊ ဘယ်လို သုံးပါတယ်  စတာ တွေကို လွှတ်တော်ကို သမ္မတက တင်ရတယ်။  လွှတ်တော်က သဘောတူသည်၊ လက်ခံသည်လို့ ဆိုလိုက် တာနဲ့ တစ်ပြိုင် နက် အဲ့ဒီငွေကို ဒီထဲ ပြန်ဖြည့်ပေးရတယ်။  ဆိုကြပါစို့။ သန်းသုံးထောင်ဆို သုံးထောင်ပြည့်နေရတယ်။ အဲဒါ သမ္မတကို ဥပဒေအရ လုပ်ပိုင်ခွင့်ပေးထားတာ အရေးပေါ်ကိစ္စအတွက် သုံးဖို့။  ကျွန်တော်တို့ စာရင်းသဘောအရတော့ သာမန်အသုံး စရိတ်တို့ ငွေလုံးငွေရင်း အသုံးစရိတ်တို့ ဒီလိုမခွဲနေတော့ဘူး။ ဒါကြောင့်မို့ အရေးပေါ်ဆိုပေသည့် သာမန်အသုံး စရိတ် ခေါင်းစဉ်ထဲမှာ အကြုံးဝင်တယ်။ ဥပမာ- အဆောက်အအုံကြီး တွေ အသစ်ဆောက်တာတို့၊ တံတားဖြစ်ဖြစ် ဘာဖြစ်ဖြစ် တိုင်းပြည်အတွက် လုပ်တာပဲဗျာဆိုပြီး အရေးပေါ်ရန်ပုံငွေ သုံးခွင့်မရှိဘူး။ အဲဒီ ပြီးခဲ့တဲ့အစိုးရ တုန်းက ဝေဖန်ခံရတာ အဲဒါ။ သူက တစ်ခုခုလုပ်ချင်တယ် ဘတ်ဂျက်ကိုတင်တုန်းက စီမံကိန်းထဲမှာမပါဘူး အခု ကျမှ လုပ်ချင်တဲ့အခါ အရေးပေါ် ရန်ပုံငွေထဲက ထုတ်သုံး ဆိုပြီးတော့ ထုတ်သုံးလိုက်တာ။ ဆိုကြပါစို့ အဲဒီအထဲမှာ  အာဆီယံဂိမ်းတုန်းက သုံးတာတွေပါ တယ်။ နောက်ပြီး သမ္မတရဲ့ ဗိုလ်ရှုခံကြီး ဆောက်တာတွေပါ တယ်။ အများကြီး လွှတ်တော်ထဲမှာ ဝေဖန်ကြတာ။ ဒါတွေ မလုပ်သင့်ဘဲ  လုပ်တယ်ဆိုပြီး။ ဒါပေမဲ့ လုပ်ပြီးနေပြီ။ လုပ်ပြီး နေတော့  ဘယ်ကပိုက်ဆံနဲ့ လုပ်တာတုန်းလို့ လွှတ်တော်က  မေးတော့။ ဘာလို့ လွှတ်တော်က မေးတုန်းဆို ဘတ်ဂျက် ခွင့်ပြုတဲ့အထဲမှာမှ မပါတာ။ အဲဒီတော့ ဟိုဘက်က ပြန်ဖြေတာ သမ္မတအရေးပေါ် ရန်ပုံငွေထဲက သုံးတယ်လို့  ဖြေတယ်။ ဆိုတဲ့အခါ သမ္မတအရေးပေါ်ရန်ပုံငွေဟာ  ဒါတွေသုံးဖို့ မဟုတ်ဘူး ဆိုပြီး ပြန်ထောက်တယ်။  ဒါကြောင့် အရေးပေါ် ရန်ပုံငွေဆိုပြီး သမ္မတသုံးပိုင်ခွင့် ပေးထားတဲ့ဟာရှိတယ်။ ဥပဒေအရကို ရှိတယ်။ ဒါကြောင့် အရေးပေါ်ကိစ္စတွေ ဆောင် ရွက်ဖို့ရာအတွက် ဘတ်ဂျက် မရှိပါဘူးလို့ ပြောလို့ကို ဒါသဘာဝ မကျဘူး။ ပြောစရာကို  မဟုတ်ဘူး။ ဒါပေမဲ့လို့ ဥပဒေအရ သတ်မှတ်ပေးထားတာ  မဟုတ်ဘဲ တခြားဟာတွေ သွားမသုံးရဘူး ဒါပဲ။ အရင် အစိုးရတုန်းက သုံးခဲ့တယ်။ အခု အစိုးရကျ ဘာမှ မသုံးဘူး။ မသုံးဘဲနဲ့ ပိုက်ဆံမရှိဘူးလို့ ပြောတယ်။ ဒါရှင်း အောင်ပြောရင် အရင်အစိုးရက အဲဒီလိုလုပ် တယ်။  အခု အစိုးရက ဒီလိုလုပ်တယ်။ ကျွန်တော်တို့ ပြည်သူ တစ်ယောက်  အနေနဲ့ မြင်ကြည့်ရမယ်ဆိုရင်  နှစ်ခုလုံးက လွဲနေတယ်။

အခု ကမ္ဘာ့ဘဏ်က ဒေါ်လာသန်းတစ်ရာချေးဖို့ အစိုးရက ပြင် နေတယ်။ အဲဒီအထဲကမှ သန်းခြောက်ဆယ်ကို ဝန်ထမ်းလစာ ပေးဖို့အတွက် သုံးမယ်ပြောတယ်။ ဘတ်ဂျက်လိုငွေများနေလို့ ဒီလို ချေးသုံးရတဲ့ ပုံစံလို့လည်း သမ္မတရုံးက ပြောထားတယ်။

ကမ္ဘာ့ဘဏ်က သန်းခြောက်ဆယ် ချေးမယ့်ကိစ္စ။ ဘတ်ဂျက်က လိုငွေပြနေတယ်။ လိုငွေကို ဖြည့်ဆည်းဖို့ရာ အတွက် ငွေချေး တာတွေရှိနိုင်တယ်၊ အခွန်ပိုကောက်တာတွေ ရှိနိုင်တယ်။ Loans တွေ Grants တွေ ရှိနိုင်တယ်။ ဒါတွေ ယူလို့ရတယ် ယူပါ့မယ်ဆိုတာ လွှတ်တော်ကို တင်ရတယ်။ လွှတ်တော်က သဘောတူရင် ရတယ်။  တစ်ခုစီတစ်ခုစီက သူ့စည်းကမ်းနဲ့ သူပေါ့ မတူဘူး။  ဘာပဲပြောပြော လွှတ်တော်ကသဘောတူရင် လုပ်လို့ ရတယ်။ လိုနေတဲ့ငွေပေါ့ဗျာ ဘတ်ဂျက်က လိုတဲ့ဟာ ကိုတော့ ချေးငွေနဲ့သုံးရမှာပဲ။ ဒါလည်း ကျွန်တော်တို့  သဘော ပေါက်တယ်။ ဒါလည်းလုပ်ရမှာပဲ။ ဒါပေမဲ့  အခုက ဘာဖြစ်လဲ ဆို အကြောင်းပြတဲ့အခါမှာ အချက် ငါးချက်ပေးထားတယ်။ ဒေါ်လာသန်းတစ်ရာ ချေးမယ့်ဟာကို ၇၅ ရာခိုင်နှုန်းက ဘဏ္ဍာရေးက၊ ၂၅ ရာခိုင်နှုန်းက  ဗဟိုဘဏ်က။ ဗဟိုဘဏ်က လုပ်မယ့်ဟာက လေးခု။  နိုင်ငံခြားငွေနဲ့လုပ်မှ ဖြစ်မယ့်ဟာ မျိုးတွေ တွေ့ရတယ်။ ဥပမာ - သင်တန်းကျောင်းတွေတို့၊ ဘဏ်ကိုအဆင့်မြှင့်မှာတို့၊ သင်တန်းတွေ ပို့ချဖို့ဆိုတဲ့ဟာတွေ က အဲဒါက  သဘာဝကျတယ်။ ဗဟိုဘဏ်က နေပြီးတော့ သူ ဘာလုပ်ပါ့မယ်လို့ ပြောပြီးတော့လုပ်တဲ့ဟာ သိပ်ပြောစရာမရှိ ဘူး။ ဒါပေမဲ့လို့ ဘဏ္ဍာရေးဝန်ကြီးဌာနက ပြောတဲ့  နယ်ပယ် လေးခုမှာ သုံးမယ်ဆိုတဲ့ဟာမှာ နယ်ပယ်သုံးခု ကတော့ထား တော့။ ဒီဟာ နည်းနည်းအဓိပ္ပာယ် ရှိတယ်။ ဝန်ထမ်းလစာ စရိတ် ချီးမြှင့်ငွေအပါအဝင် ဘတ်ဂျက် ထောက်ပံ့မှုအတွက်တဲ့ ဒါတစ်ခု။ နောက်တစ်ခုက  အသေးစားငွေကြေး လုပ်ငန်းကဏ္ဍ တဲ့။ နောက်တစ်ခုက ဝန်ကြီးဌာနဝန်ထမ်းများ အရည်အသွေး မြှင့်တင်ရေးတဲ့။  ဒီသုံးခုက သူ့ရဲ့ အသုံးစရိတ်အနေနဲ့ ကြည့် လိုက်မယ်ဆိုရင် ဒါက သာမန်အသုံးစရိတ်တွေထဲမှာ ဝင်တယ်။ သာမန် အသုံးစရိတ်ဆိုရင် အသုံးစရိတ်က ဘတ်ဂျက်ထဲမှာ  ပါရမယ်။ အထူးသဖြင့် ဒီထဲမှာ ပြောစရာရှိတာ ဝန်ထမ်းလစာ၊ ချီးမြှင့်ငွေ၊ ပင်စင်၊ စရိတ် စတာတွေက ဘတ်ဂျက်ကို တင်က တည်းက ပါပြီးသား။ အဲဒီ ဘတ်ဂျက်ခေါင်းစဉ်ထဲပဲ သွားရမယ်။ ဒီချေးတဲ့ ချေးငွေဆိုတာက ဒီလိုဒီလို  ဒီဟာတွေအတွက် သုံးပါ မယ်လို့ ပြောစရာမလိုဘူး။ သူက ဘာပဲပြောရမှာလဲဆိုရင် ဘတ်ဂျက်ကို ဖော်ပြတဲ့အခါမှာ အရကဘယ်လောက်၊ အသုံး ကဘယ်လောက်  လိုငွေကဘယ်လောက်ရှိနေပြီလဲ။ ရှိတဲ့အခါ ဖြည့်မယ်။  ဖြည့်တဲ့အခါ ကမ္ဘာ့ဘဏ်က ဘယ်လောက်ချေး မယ်။  ဒါပဲပြောလိုက်ရင် လုံလောက်တယ်။ ဝန်ထမ်းလစာ ဆို တာက စကတည်းက ဘတ်ဂျက်ရေးဆွဲတဲ့အထဲမှာကို  ပါပြီး သား။ လွှတ်တော်ကို ဘတ်ဂျက်တင်တဲ့အခါမှာ  လွှတ်တော် ကနေပြီးတော့ ဘတ်ဂျက်ဖြတ်လို့ မလောက်လို့ပြောတယ်။ ဒါပေမဲ့ လွှတ်တော်က ဘတ်ဂျက်ဖြတ် ခွင့်ရှိတဲ့ဟာက သတ် သတ် ဖြတ်ခွင့်မရှိတာက သတ်သတ်။ ဒီဝန်ထမ်းလစာဆိုတာ လွှတ်တော်က ဖြတ်လို့ကို မရဘူး။ ထိကို ထိလို့မရဘူး။ နောက်ပြီးတော့ အကြွေးတွေ  ဆပ်ရမယ့်အချိန်ကျရင် အကြွေး တွေဆပ်ရမှာ ဖြတ်လို့မရဘူး။ ချေးထားတဲ့ ချေးငွေတွေ ပေးရ မယ့်အတိုး  ဖြတ်လို့မရဘူး။ နောက်ပြီး ချေးငွေအတွက်ကို ဝန်ဆောင်ခ ဘာညာရှိတယ်။ အဲဒါတွေ ဖြတ်လို့မရဘူး။ အဲဒီ ဟာ  သူ့ခေါင်းစဉ်နဲ့သူ လွှတ်တော်ကို ဘတ်ဂျက်တင်တဲ့အခါ  အဲ့ဒါတွေ တင်လိုက်ရတယ်။ လွှတ်တော်က အဲဒါတွေ  ထိကို မထိရဘူး။ လွှတ်တော်က ဘာကိုထိလဲဆိုရင် ဥပမာ - စီမံကိန်း ပဲ ဆိုကြပါစို့။ အဲဒီစီမံကိန်းတွေ  လုပ်သင့် မလုပ်သင့်ဆိုတာ လွှတ်တော်က စစ်မယ်။  လုပ်သင့်တယ်ဆိုရင်တောင် ကုန်ကျ စရိတ်က ဖြစ်သင့်လား မဖြစ်သင့်လား ကြည့်မယ်။ သုံးတဲ့အခါ မှာ သုံးပုံသုံးနည်းဟာ ဘဏ္ဍာရေးစည်းမျဉ်းနဲ့ ကိုက်ညီလား  မကိုက်ညီလားကြည့်မယ်။ လွှတ်တော်က ဒါကြည့်တာ။ မကိုက်ညီရင် ဖြတ်တာ လွှတ်တော်ရဲ့ အလုပ်က။ ဒါကြောင့် ဘတ်ဂျက်ကို ဖြတ်တယ်ဆိုတာ အလကားမျက်စိမှိတ်  ဖြတ်တာ မဟုတ်ဘူး။ အဲဒီတော့ ဘတ်ဂျက်ထဲမှာ ဝန်ထမ်း လစာတွေ စရိတ်တွေမပါလို့ ငွေချေးပြီးတော့ ပေးရတယ်ဆို တာ ဒါကြီးက လူကြားလို့တောင် မကောင်းဘူး။  ဘတ်ဂျက်ထဲ မှာ ပါကိုပါပြီးသား ဖြစ်ရမယ်။ နောက်တစ်ခုက ဝန်ထမ်းတွေ အသစ်ခန့်မှာတွေလား။ အဲ့လိုလည်း  မပြောထားဘူး။ ဘတ်ဂျက်ကို အထောက်အပံ့လုပ်တယ် ဆိုတာလုပ်တာ ငွေချေးပြီး ထည့်ရသလား။ သာမန် အသုံးစရိတ်အတွက် ငွေချေးပြီး ထည့်ရသလား။ သဘောက ဘတ်ဂျက်ကို Concept ကို ကောက်ယူပုံက တစ်မျိုးကြီးဖြစ်နိုင်တယ်။ နောက်တစ်ချက် ဘတ်ဂျက်ခွဲဝေမှုမှာ သိပ်ပြီးတော့ သဘာဝ မကျတဲ့ ခွဲဝေမှုတွေ ပါနေတယ်။  နောက်တစ်ခုက ဆိုကြပါစို့ ကျွန်တော်စဉ်းစားကြည့်တာပါ။ ဒီဝန်ထမ်းတွေက အခုမှ အသစ်ခန့်မှာတွေ ဆိုရင်  အဲဒီလောက်ဝန်ထမ်းအတွက် သန်းခြောက်ဆယ်တောင်မှဆိုတော့ အဲဒီလောက် ဝန်ထမ်း အသစ် ခန့်မှာလား။  အဲဒီလိုဆို စောစောက သမ္မတကြီးပြော ထားတဲ့ အစိုးရအရွယ်အစား လျှော့လိုက်တဲ့အတွက် ပိုလာတဲ့ ငွေတွေရော။ ဒါတွေက ဝန်ထမ်းခေါင်းစဉ်နဲ့ ဆက်သုံးလို့ ရနေ တာပဲ။ ဒါ ခွဲဝေမှုပြဿနာ။ ကျွန်တော်က ကြေညာတဲ့ အပေါ် မှာ မူတည်ပြီးတော့ ကြည့်ရတာပေါ့။ အသေးစိတ်တော့ မသိ ဘူးပေါ့။

ဒါဆို ဝန်ထမ်းလစာ မလောက်ဘူးလို့ ပြောလို့ မရဘူး။ ပြီးခဲ့ တဲ့နှစ် ဘတ်ဂျက်ထဲမှာ ဒီဝန်ထမ်းအတွက်ကို ထည့်ထားပြီး သားပေါ့။

အဲဒါပြောတာ။ ဒီလိုဆို ဝန်ထမ်းအသစ် ခန့်ချင်လို့ရှိရင်လည်း သတ်သတ် ဝန်ထမ်းခန့်ဖို့ရာအတွက် အစီအစဉ်ကို အရင်တင် ရမယ်။ ဘယ်ဌာနဖွဲ့မယ်၊ ဘယ်လို အရည်အချင်းရှိသူ ဘယ်နှယောက်နဲ့ဖွဲ့မယ်၊ လစာ ဘယ်လောက်ကျမယ် ဝန်ထမ်းတိုးချဲ့ ဖွဲ့စည်းခွင့်ပြုပါ ဆိုတာ အရင်တင်ရမယ်။ တင်ပြီးတော့ လွှတ်တော်ကနေ  သဘောတူတယ်ဆိုတဲ့အခါ အဲဒီအတွက် လစာ ဘယ်လိုသုံးမယ် ပါရမယ်။

အခု လေ့လာသလောက် လူတွေရဲ့ ဝယ်လို အားကျလာတယ်။ လုပ်ငန်းတွေကလည်း ထုတ်လုပ်မှု လိုက်ကျတယ်။ ရပ်ကွက် ဈေးတွေထဲမှာဆိုလည်း ဈေးတွေတက်တဲ့အသံ ကြားရတယ်။ ဈေးသည်တွေဘက် ကျတော့လည်း ကုန်လျှော့ဝယ်တာ တောင် ရောင်းမကုန်ဘူး ဆိုပြီး ပြောတယ်။ ဆိုက်ကားသမား လည်း ဝင်ငွေကျတယ်ဆိုတဲ့ အသံကြားရတယ်။ ကုန်ဈေးနှုန်း တက်၊ ထုတ်ကုန်ကျ၊ ဝင်ငွေကျနဲ့ ဒါကြီးက ရေရှည်ဆိုရင် အန္တရာယ် ရှိလာမလား။

ဒါက ဘတ်ဂျက်လိုငွေပြမှုနဲ့ နောက်ဆက် တွဲအကျိုးဆက် ရလဒ်တွေ။ လိုငွေပြတဲ့အတွက် လုပ်ငန်းတွေ မတိုးချဲ့နိုင်ဘူး။ အလုပ်လက်မဲ့တွေ ပိုများလာတယ်။ ဝင်ငွေတိုးအောင် ဘာလုပ်မလဲဆို အလုပ်အကိုင်တွေ  ဖန်တီးဖို့လိုတယ်။ ဘယ်သူက ဖန်တီးနိုင်တာလဲဆို အစိုးရနဲ့ ပုဂ္ဂလိက။ အစိုးရကဏ္ဍက ဘာလုပ်ပေးနိုင်တယ်  ပုဂ္ဂလိကကဏ္ဍက ဘာလုပ်ပေးနိုင်တယ် ဒါကိုစဉ်းစားပြီးတော့ လုပ်ငန်းတွေ ဖော်ရမှာ။ အဲဒီတော့မှ ဝင်ငွေတိုးလာပြီး ဝယ်လိုအားတက်မှာ။ ဝင်ငွေမရှိရင် ဝယ်မစားဘူး။  ဝယ်မစားရင် တောက်လျှောက် ဒီသံသရာကြီးက သွားမှာ။ ဒါက တစ်ခါ ငွေကြေးဖောင်းပွမှု ပြန်ဖြစ်သွားမှာ။ အဆိုးကြော့သံသရာ ပြန်သွားတာ။ အစိုးရ တစ်ရပ် အနေနဲ့ စီးပွားရေးမူဝါဒချတဲ့အခါ ဒါကြီးဖြစ်နေတယ်၊ ဒါကိုဘယ်လို ကျော်လွှားမလဲ ဆိုတဲ့ဟာမျိုးကို စနစ်တကျ  စဉ်းစားထားတဲ့ မူဝါဒ ထွက်လာစေချင်တယ်။ အခုက  ကြေညာတဲ့အထဲမှာ အဲဒီလိုမပါဘူး။ ယေဘုယျသက်သက်  ဖြစ်နေတော့ လူတိုင်းပါးစပ်ကပြောတာကိုပဲ လိုက်ပြောနေတဲ့ သဘော ဖြစ်နေတယ်။ အထူးအဆန်းမဟုတ်ဘူး။  နောက် တစ်ခု ကျွန်တော်စိတ်မကောင်းတာ ရှိတယ်။  ဒါက ခိုင်ခိုင် လုံလုံ ကြားထားတဲ့ကိစ္စ။ ခင်ဗျားတို့လည်း  ကြားမှာပဲ။ ဒီအစိုးရထဲမှာ နိုင်ငံခြားသားပညာရှင်တွေ အကြံပေးတွေ ရှိတယ် ဆိုပြီးတော့ ပြောတာ။ အထူးသဖြင့် စီးပွားရေးပညာ တတ်တဲ့ လူတွေ။ သူတို့ပြောတဲ့  နာမည်တွေက ကြားဖူးတဲ့ စီးပွားရေးပညာရှင်တွေတောင် ပါတယ်။ အဲဒီလူတွေ ပညာရှင်ကြီးတွေ အကြံပေးနေတဲ့ ကြားထဲက ဒီလိုဥပဒေ၊ ဒီလိုမူဝါဒမျိုး ထွက်လာရသလား။  ကျွန်တော် ပြန်စဉ်းစားတာ ပေါ့နော်။ ဒီပညာရှင်တွေက  ပေးတဲ့အကြံအတိုင်း လုပ်ခဲ့တာ ဆိုလည်း ပညာရှင်တွေရဲ့ အကြံကို တော်တော်သံသယ ဖြစ် စရာ ကောင်းနေပြီ။ နောက်တစ်ခုက နိုင်ငံခြားသားတွေ ဖြစ်ခြင်းကြောင့် အဲဒီ နေရာတွေမှာ လစာတွေ အများကြီးပေး ရမှာ။ လစာတွေ  အများကြီးပေးတယ်ဆို အဲဒီလစာတွေ ဘယ်ကပေးတုန်း။ ကျွန်တော်တို့ မသိဘူး။ ဘတ်ဂျက်ထဲမှာ မပါသလို တရားဝင်နိုင်ငံခြားသား ခန့်အပ်ခြင်းလည်းမပါဘူး။ ဒါဖြင့်ရင် အဖွဲ့အစည်းတစ်ခုက ထောက်ပံ့ပါတယ် ဆိုရင်လည်း ကျွန်တော်တို့မသိရဘူး။ အဲဒီလိုဆိုရင်  တစ်လျှောက်လုံးပြော နေတဲ့ ပွင့်လင်းမြင်သာမှုဆိုတာ ကြီးက မေးခွန်းထုတ်စရာ ဖြစ်မနေဘူးလား။ ပွင့်လင်း မြင်သာမှု တစ်လျှောက်လုံး ပြော နေပြီးတော့ ဒီဟာကျတော့ ဘာလို့ ပွင့်လင်းမြင်သာမှု မဟုတ် လဲ။ နိုင်ငံခြားသားတွေ ခန့်တာကို ကျွန်တော် ဆန့်ကျင်တာ မဟုတ်ဘူးနော်။ သူတို့က ဒီလောက်ပဲ နားလည်တဲ့ပညာရှင် ဆိုရင်တော့ ဒါဟာ သိပ်သဘာဝမကျဘူး။ ခန့်မယ်ဆိုလည်း တကယ်နားလည်တဲ့လူဆို ခန့်ပါ။ ကျွန်တော့်အမြင်အရဆို ဒီစီးပွားရေးမူဝါဒမျိုး အင်မတန်အခြေခံကျတာလောက်မျိုး ကတော့ မြန်မာပြည်မှာ လူတော်တွေအများ ကြီးရှိပါတယ်။ ပညာရှင်တွေ အများကြီးရှိပါတယ်။  အဲဒီလူတွေသုံးရင်လည်း ဖြစ်ပါတယ်။ ဘာလို့ အဲဒီလူတွေကို မသုံးတာတုန်း။ ဒါလည်း မေးစရာဖြစ်လာတယ်။  ဗဟိုဘဏ်ကို သီးခြားအဖွဲ့အစည်း၊ လွတ်လပ်တဲ့အဖွဲ့အစည်း အနေနဲ့ ဥပဒေကြောင်းအရ ဖွဲ့ပြီးပြီ။ ဒါပေမဲ့  ဗဟိုဘဏ်က သီးခြားလွတ်လပ်တဲ့ အဖွဲ့အစည်းအနေ နဲ့ ရပ်တည်နိုင်ခြေ မရှိသေးဘူး။ သူ့ဟာသူ ဘတ်ဂျက်နဲ့ပဲ သွားနေတုန်းရှိသေးတယ်။  ဒါကြီးက သိပ်ပြီး သဘာဝ မကျဘူး။ အတွင်းကျကျ ဘာတွေညာတွေ ကျွန်တော်လည်း မသိပါဘူး။ သို့သော် သေချာတာကတော့  ဘဏ်လုပ်ငန်းကြီး တစ်ခုလုံးက ဖွံ့ဖြိုးလာတာ မတွေ့ရဘူး။ သူ့မှာ အကန့် အသတ် အချုပ်အချယ်တွေတော့  အများကြီးရှိမှာပေါ့။ အဲဒါ တွေကို ဖြတ်သန်းဖို့ရာ ခုငါးနှစ်ကျော်သွားပြီ။ ဒီကာလအတွင်း မှာ ဒီလိုကြီး  အီလည်လည်ကြီးတော့ မဖြစ်သင့်ဘူး။

ငွေကတော့ ချေးတော့ချေးလိုက်ပြီ။ ဘတ်ဂျက်လိုငွေ ချေးတယ် ဆိုတာလည်း ဒါတော့ ချေးရ မှာပေါ့။ ငွေချေးတာနဲ့ ပတ်သက်လို့ ဘာမှမပြောပါဘူး။  ဒါပေမဲ့ ချေးတဲ့အခါမှာ ဘာအတွက် ချေးသလဲဆိုတဲ့ ဟာကို ရှင်းလင်းတာက တလွဲ ဖြစ်နေတယ်။ လိုနေတာတော့ သေချာတယ်။ ဘယ်နားသုံး မလဲ ဆိုတဲ့ဟာကို  တိတိကျကျ မပြောဘူး။ ဒါက ပွင့်လင်း မြင်သာမှု ပြဿနာဖြစ်သွားရော။ ဘာအတွက် ချေးတာလဲ ဆိုတဲ့ဟာ။ လိုတော့ လိုနေတာ သိတယ်။ ပြောမပြနိုင်လောက် အောင် လျှို့ဝှက်ထားရမယ့် အကြောင်းအရာ ရှိနေလို့လား။ ဒီလို သွားတွေးစရာဖြစ်သွားတယ်။ မပြောသင့်တဲ့ ကိစ္စကို ဒီလိုလှည့်ပြောတာလား။ မီးခိုးကြွက်လျှောက်  စဉ်းစားရမှာ တွေ ဖြစ်လာတယ်။ '

အစိုးရကို လွှတ်တော်ခေါ်ကြားနာတာတွေ ဖြစ်လာစရာရှိတယ်
လွဲနေတာက များနေတယ် ။ လိုအပ်ချက်အရကတော့ စီစစ် ကြားတာသင့်တယ် (သို့) စနစ်တကျဖြစ်အောင် ပြန်ရှင်းးလင်း ပြပေးသင့်တယ် ထင်ပါတယ်။