မိဘများအတွက် ပညာရေး (၃)

**********************************

မွေးလာတဲ့ ကလေးတိုင်းဟာ ပညာတော်ပြီးချမ်းသာဖို့ ဆိုတာ ဖြစ်နိုင်ပါ့မလား ဒီလိုမေးရင် အချိုလူတွေက ဖြစ်နိုင်ပါတယ်တဲ့ အချို့ကတော့ မဖြစ်နိုင်ပါဘူးတဲ့ ဒီအဖြေနှစ်ခုကြားထဲ ဘာတွေ ကွာဟသွားမလဲ တွေးစရာ အမြောက်အမြားရှိပါတယ်

ကျွန်တော့် အနေနဲ့တော့ ပညာတော်ဖို့နဲ့ ချမ်းသာဖို့ မွေးလာတာပါလို့ ယုံကြည်ပါတယ် ဒါက ကျွန်တော်ယုံတာ ပြောတာပါ

သင်ကြားရေး ပုံစံတွေဟာ အမျိုးမျိုး ရှိတဲ့အထဲမှာ ကျွန်တော် နဲနဲ ထုတ်ပြပေးပါမယ် စီးပွားရေးနဲ့ ယှဉ်တဲ့ သင်ကြားပုံစံပေါ့ နောက်ပိုင်းတွေမှာ ပါလာပါလိမ့်မယ်
ကျွန်တော် လေ့လာထားမိသလောက် သင်ကြားမှုပုံစံဟာ ဆင်းရဲစေမယ့်ပုံစံကို ဦးတည်သွားမယ် ဆိုရင် သင်ကြားခံ ကလေးဟာ သူများထက် ညံ့သွားတာပါပဲ ဒါက ဘယ်လိုဖြစ်လို့လဲ ဆိုရင် သင်ကြားမှု ပုံစံဟာ လူတစ်ယောက်ကို ပြောင်းလဲ သွားစေနိုင်လို့ပဲပေါ့

ဒါကို နောက်ထပ် တနည်းပြောရရင် သုတပညာကို ရိုက်သွင်းလို့ မရဘူးလို့ ပြောချင် တာပါ နောက်ထပ် ပြောရင် ကလေးငယ်ရဲ့ ပညာပါရမီကို နိုးထလာအောင် လှုံ့ဆော်ပေးလို့လဲ ရတယ်ဆိုတာ ကိုယ်တွေ့ စမ်းသပ်ခဲ့ဖူးလို့ ယုံကြည်ပါတယ်

ပညာရေး ဆိုတော့ ကျွန်တော်တို့ ပထဦးဆုံး ဒီစကားလုံးက ဘာလဲ သိသင့် တယ်ပေါ့ နော်

ပညာသင်ကြားမှု ဆိုတဲ့ စကားလုံး Education ဟာ ဆွဲထုတ်ပေးခြင်း ဆိုတဲ့ လက်တင် စကား Educare ကနေ ဆင်းသက်လာ တာပါ ဆွဲထုတ်တာနော် ရိုက်သွင်းတာ မဟုတ်ဘူး

အခု နိုင်ငံ အကုန်လုံးက ပညာရေးသင်ကြားမှု စနစ်တွေက ဒီအနက် ကို ပြောင်းပြန် လှန်ပြီး အတင်းရိုက်သွင်းပစ်နေတာ မြင်ပါလိမ့်မယ် ဒါကြောင့်ပဲ လူအများုကြီး က နွံ့နစ် နေရတယ် ဆိုတဲ့ အဖြေကိုလဲ ပူးတွဲ ရရှိလာစေတာ ရှင်းရှင်းလင်း လင်း မြင် ရပါလိမ့်မယ်

ဒီနေရာမှာ အခြားသူတွေ ဘယ်လို ပြောတာ ကျွန်တော် မဝေဖန်ပါဘူး ကျွန်တော် ပြော လိုတဲ့ အချက်နဲ့ ကိုက် ညီအောင် ယူပြထားတာပါ ဆီလျော်တယ် လို့တော့ မြင်ရလိမ့်မယ်လို့ ယူဆပါတယ် ဒီလိုပြောတာက ပုံစံကွဲတွေ ရှိနေနိုင်လို့ပါ

ကျွန်တော်တို့ အများစုဟာ ကံမကောင်းစွာပဲ သုံးစားမရတာတွေကို ခေါင်းထဲ ရိုက် သွင်းခံရပြီး မစို့မပို့ သိသ လောက် လေးကို ကြာရှည် ကြာမျော အသည်းစွဲ မှတ်ထား ရပါတယ် ဒီထက်ဆိုးတာက အစမ်းစာမေးပွဲတွေ ဖြေဖို့ ကျက်မှတ် ထား တာတွေကို စာမေးပွဲလည်း ပြီးရော သင်ကြားချက်တွေနဲ့ အတူ မေ့ဖျောက်ပစ်လိုက်ကြ တာပါပဲ

ပညာရေးစနစ်က အထက်တန်းနဲ့ တကသိုလ် အဆင့်မြင့်တန်းတွေ အဆင့်က ဥာဏ်ရည်အပေါ် အားပြုထားပါ တယ်( မြန်မာမှာပဲ မမှတ်ပါနဲ့ ဒီဆောင်းပါးမှာ မြန်မာ တစ်ခုတည်း ကွက်ပြောတာ နဲနဲသာပါပါတယ်) နိုင်ငံတိုင်းမှာ ဖြစ်နေတာ ကို ပြော တယ်ပဲ မှတ်ပါ

တယောက်ယောက်ကို ဒီလူ အိုင်ကြူမြင့်တယ်လို့ ပြောလိုက်ရင် အဲဒါ အဲဒီ လူရဲ့ ကျောင်းစာမှာ ဒါမှမဟုတ် တကသိုလ် ပညာအရ အိုင်ကြူကို ဆိုလိုတာပါပဲ

တကယ်တော့ လူတစ်ဦးနဲ့ တစ်ဦးဟာ သင်ယူတတ်မြောက်မှုပုံစံတွေဟာ တစ်ဦးချင်း အလိုက် ကွဲပြားပါတယ်

ဒါက ဘာလို့ ဖြစ်ရတာလဲ အကုန် တော်တဲ့လူချည်း မွေးလာတာပါဆို ခု တစ်မိုးပြောပြန်ပြီလား ပြောနိုင်သလို
ကျွနှ်တော့်မှာလဲ အဖြေအသင့်ရှိပါတယ် ဘာကြောင့်လဲ ဆိုရင် လူတစ်ဦးချင်းစီရဲ့ ဥာဏ်ရည်ဥာဏ်သွေး ကွာဟချက်ကြောင့်ပဲပေါ့ ဘာဖြစ်ရဦးမတဲ့တုန်း

ပြောနေကြစကားလေးပဲ ပြန်သုံးလိုက်ပါမယ် ဥပမာပြောရင် တစ်ချို့က ကျောင်းစာမှာ အရမ်းတော် ဥာဏ်အရမ်းကောင်းကြတယ် ဒါပေမယ့် အဲကလေးကို စစ်တုရင် သွားဆော့ခိုင်း ကြည့်ပါ ဘာမှသုံးစားမရတဲ့ ကလေး ဖြစ်နေတာမျိုး တွေ့ရပါလိမ့်မယ် တချို့ ကလေးတွေက ကျောင်းစာသာ ညံ့တာ အခြားနေရာတွေမှာ ဘောကန်တာ ခြင်း ခတ် တာ တီထွင်တတ်တာ စသဖြင့် တစ်နေရာရာမှာ သွားပြီး မာစတာ ဥာဏ်စွမ်း အားတွေ ရှိနေတတ်ပါတယ်

သင်ယူမှုပုံစံမှာ နှစ်မျိုးရှိပါတယ် အဲဒါက လူသားတိုင်းလုပ်နေရတာပါပဲ ဘာတွေလဲ ဆိုရင်

ဖတ်ရင်းသင်တဲ့ပုံစံ နဲ့ လုပ်ရင်းသင်တဲ့ပုံစံပေါ့

ဒီနှစ်မျိူးမှာ ကိုယ့်ကလေးနဲ့ ဘယ်ပုံစံက အံဝင်ဂွင်ကျ ဖြစ်စေမလဲ ဆိုတာကို မိဘ က ရွေးချယ်ရမှာပါ မိဘတင်ပဲလားဆို မဟုတ်ဘူး ကလေးကိုယ်တိုင် ရွေးချယ် တာလဲ ဖြစ်ဖို့ လိုပါတယ် ဒီလိုမှ မဟုတ်ရင်တော့ ဘောလုံးကစား ရာမှာ ဥာဏ် ရည်ထက်တဲ့ ကလေးကို ကျောင်းစာချည်း ဖိသင်ပေးနေရင်တော့ ဒီကလေး လူမွေးပြောင်ဖို့ မလွယ် ပါဘူး နှစ်ဖက်စလုံးမှာ ညံ့သွားမှာပါ

ကျောင်းစာ အရမ်း တော်ပါတယ်ဆိုတဲ့ လူတွေ တကယ့်လက်တွေ့ဘဝမှာ မလုပ်တတ် မကိုင်တတ် ဖြစ်ကုန်ကြ တာတွေ ရှိတယ် ဆိုတာ မိဘတွေ အနေနဲ့ တွေ့မြင် သိရှိပြီး သား ဖြစ်မှာပါ ဘာကြောင့် ဖြစ်ရတာလဲ ကိုယ်တိုင် တွေူးကြည့်သင့်ပါတယ် ကျွန်တော် များများ မပြောလိုပါဘူး

ထင်မြင်ချက်ကို ပြောပါဆိုရင် နည်းနည်းလောက် ပြောကြည့်မလား ထင်တာပေါ့နော် ဒါက ဘာကြောင့် ဖြစ်ရတာလဲ ဆိုရင် ဆရာတွေဟာ သင်ရိုးညွှန်းတန်း မူဝါဒ အရပေါ့နော် စိတ်ပိုင်းဆိုင်ရာ ကျွမ်းကျင်မှုကိုပဲ အခြေခံ ရှုမြင်ပြီး စိတ်နဲ့ဆိုင်တဲ့ သုတပညာတွေကို ရုပ်ပိုင်းဆိုင်ရာ သုတပညာအ့ဖြစ် ပြောင်းမပေးနိုင်ခဲ့ကြလို့ လို့ ယူဆ ပါတယ်

ဒါ့အပြင် ဆရာတွေက အမှားလုပ်တဲ့ အတွက် အပြစ်ပေးတဲ့စနစ်ကို သုံးတယ် ဒီအခါမှာ စာသင်သားတွေဟာ မှားမှာကြောက်ပြီး ဘာမှ အသစ်အဆန်းတွေ မလုပ်ရဲတော့ဘူး ပညာ သင်ပေးတဲ့အခါမှာ မှန်ဖို့ကိုပဲ ဦးစားပေး တယ် မှားမှာကို ကြောက်ကြတယ် ဒီအချက်ဟာ လက်တွေ့ လုပ်ဆောင်မှုတွေကို ဟန့်တားရာ ရောက်သွားစေ တယ် ဆိုတဲ့ အချက်ကိုတော့ ကျွန်တော် သေသေချာချာ ယုံကြည်ပါတယ်

တကယ်တမ်း ကျွန်တော်တို့ဟာ ပညာသင်ယူတယ် ဆိုရာမှာ လှုပ်ရှားလုပ်ဆောင် မှုတွေကနေ တစ်ဆင့် သင်ယူကြရတာပါ အမှားတွေ လုပ်ပြီးမှ အမှန်လမ်း ကို လျောက်နိုင်မှာပါ

ကျောင်းပညာသင်စနစ်မှာတော့ အမှားများတာနဲ့ အပြစ်ပေးခံရတော့တာပါပဲ ဒါက လက်တွေ့ အခြေခံ ပညာ သင်ယူမှုပုံစံကို ချိူးဖောက်လိုက်တာပါပဲ အခြေခံ သင်ယူမှုပုံစံ အကြောင်း နောက်ပိုင်းမှာ ထည့်သွင်းဖော်ပြ ပေး ပါမယ်

ပညာရေးလောက အနေနဲ့ အားလုံးကိုချုံပြောရမှာမို့ပါ မင်းဘောလုံးကစားတဲ့ အကြောင်း သိထားဖို့ လိုအပ်တယ် ပြောချင်ပြောလိမ့်မယ် ဒါပေမယ့် သူတို့ ကိုယ်တိုင်က ဘောလုံးကစားတာ တတ်ချင်မှ တတ်ကြတာမျိုးပါ ဒါ အပေါ်မှာပြောခဲ့တဲ့ ရုပ်ပိုင်းဆိုင်ရာကို ပြောင်းလဲ မပေးနိုင်ဘူး ဆိုတဲ့ အချက်ကို ပြန်ထောက်ပေးတာပါ

ဘာဖြစ်ဖြစ် ကျွန်တော်တို့ သိမှတ်ထားရမှာက ပညာရေးဆိုတာ အထင်အမြင် သဘော ထားပဲ ဖြစ်တယ်ဆိုတာပါ

ဘာကိုဆိုလိုတာလဲ ဆိုရင် လူတစ်ယောက်အနေနဲ့ သင်ကြားရေးကို အပြုသဘောဆောင်တယ် မြင်ရင် အဲဒီလူ ဟာ တိုးတက်မှု ရအောင် ကြိုးစားမှာပဲ တကယ်လို့ အမြင်မရှင်းရင် ဒါမှမဟုတ် အထင်သေးမိရင်တော့ အဲဒီလူ
ဟာ ဘာကိုမှ သင်လို့ တတ်တော့မှာ မဟုတ်ပါဘူး ကကြီး ခခွေး ကတော့ ရမှာပေါ့ဗျာ

အပိုင်း (၄) ဆက်ရန်