သင့်ကိုယ်သင် တန်ဖိုးဖြတ်နိုင်ဖို့

**********************************


မြတ်စွာဘုရားရှင်လက်ထပ်တုန်းက သာကေတမြို့ မှာ “အနောပမာ” ဆိုတဲ့ သူဌေးသမီးတစ်ဦး ရှိခဲ့ဖူးပါ တယ်။ လှပတဲ့ ရုပ်အဆင်း၊ ကြော့ရှင်းတဲ့ ခန္ဓာကိုယ် အချိုးအဆစ်တွေက ဘယ်သူမှ နှိုင်းယှဉ်လို့ မရအောင် ချောမောပြေပြစ် ကျက်သရေရှိလွန်းလို့ သူ့ကို “အနောပမာ” လို့ ခေါ်တာပါ။

“ အနောပမာ” ဆိုတာ “နှိုင်းယှဉ်လို့မရ၊ နှိုင်းယှဉ်စရာမရှိ၊ အနှိုင်းယှဉ်မဲ့၊ အနှိုင်းမဲ့” လို့ အဓိပ္ပာယ်ရပါ တယ်။ မြန်မာလိုဆိုရင် သူ့နာမည်က “အနှိုင်းမဲ့” ပေါ့။ အနှိုင်းမဲ့လေး ၁၆ နှစ်အရွယ် အရွယ် ရောက်တယ် ဆိုရင်ပဲ ဘုရင့်သားတော်တွေ၊ သူဌေးသားတွေ၊ ရာထူးရှိသူ၊ ပိုက်ဆံရှိသူတွေက ဖခင်ဖြစ်သူ မဇ္ဈသူဌေးကြီး ဆီကို ကိုယ်စားလှယ်တွေ လွှတ်ပြီး အပြိုင်အဆိုင် သမီးတောင်းကြပါတော့တယ်။ “သူဌေးကြီး…၊ သင့်သမီး အနောပမာလေးကို ကျွန်ုပ်ကိုပေးပါ၊ ကျွန်ုပ်က သင်သူဌေးကြီးကို ရွှေဘယ်နှပိဿာပေးပါ့မယ်။”


 “သင့်သမီး အနှိုင်းမဲ့လေးဟာ ကျွန်ုပ်နဲ့ပဲ ထိုက်တန်ပါတယ်၊ သင့်ကို စိန် ဘယ်နှတင်းပေးမယ်လေ” “အနှိုင်းမဲ့လေးအတွက်ဆိုရင် ပတ္တမြား၊ ကျောက်စိမ်း၊ ပုလဲ၊ သန္တာ၊ နီလာ၊ မြ ကျွန်ုပ်မှာ ရှိသမျှ ကျောက် မျက် ရတနာတွေ အကုန်ပုံပေးပါ့မယ်၊ အနှိုင်းမဲ့လေးကို ပိုင်ဆိုင်ခွင့်ရရင် ကျေနပ်ပါပြီ”

“သင့်သမီး အနှိုင်းမဲ့ကို ရုပ်လက္ခဏာ နားလည်သူ ရာဖြတ်တွေနဲ့ တန်ဖိုးဖြတ်လိုက်ပါ ၊ ရာဖြတ်တွေ ဖြတ်တဲ့ တန်ဖိုးထက် ရှစ်ဆပေးပြီး အနှိုင်းမဲ့ကို ယူပါမယ်” “ဆယ့်ခြောက်ဆ ပေးမယ်” “သုံးဆယ့်နှစ်ဆ ပေးမယ်”

အနှိုင်းမဲ့လေးဟာ ကိုယ့်ကို လိုချင်တပ်မက် သူတွေရဲ့  တန်ဖိုးဖြတ်တောင်း ဆိုသံတွေကို ကြားရတဲ့ အခါ “ငါ တော်တော် တန်ဖိုးကြီးပါလား”လို့ မာနစိတ် လုံးဝမဖြစ်ဘဲ “ ငါတန်ဖိုးဖြတ်ခံနေရပါလား” လို့ သံဝေဂစိတ်တွေပဲ တဖွား ဖွား ဖြစ်လာပါတယ်။ “အို … ကြည့်စမ်း….၊ ငါ့ကို တန်ဖိုးဖြတ်နေလိုက် ကြ တာ…၊ ဘယ်သူက ရွှေဘယ်နှပိဿာပေးမယ်၊ ဘယ်သူက စိတ်ဘယ်နှတင်း ပေးမယ်နဲ့၊ ဘယ်သူက ရှစ်ဆပေးမယ်၊ ဘယ်သူက ဆယ်ခြောက်ဆ ပေးမယ်နဲ့” “သူတို့က ငါ့ရဲ့  ခန္ဓာကို ပစ္စည်းဥစ္စာနဲ့ တန်ဖိုးဖြတ်နေကြတာ …၊ ဟင့်အင်း…၊ ငါ့ရဲ့  ခန္ဓာကို ပစ္စည်းဥစ္စာနဲ့ လုံးဝ တန်ဖိုးဖြတ်မခံနိုင်ဘူး၊ ဘုရားပွင့်လို့ တရားပွင့်နေတဲ့ အခုလိုအချိန်မှာ ငါ့ရဲ့  ခန္ဓာကို တရားဓမ္မနဲ့ပဲ တန်ဖိုးအဖြတ်ခံမယ်” “အိမ်ထောင်ပြုတဲ့အလုပ်ကို ငါလုံးဝ စိတ်မ၀င်စားဘူး၊ ငါလုံးဝ အိမ်ထောင်မပြုချင်ဘူး၊ အိမ်ရာ တည်တောင် လူ့ဘောင်မှာလည်း ငါလုံးဝမနေချင်ဘူး ။

အို ….ငါ ဘုရားဆီသွားပြီး တရားနာတာပဲ ကောင်းတယ်” တရားနားရင်း တရားအားထုတ်လိုက်တာ ပါရမီဉာဏ် ရင့်ကျက်ချိန်နဲ့ တိုက်ဆိုင်သွားတဲ့ အတွက် အနှိုင်းမဲ့လေး အနာဂါမ်ဖြစ်သွားပါတယ်။

တရားပွဲအပြီးမှာ မြတ်စွာဘုရားထံခွင့်တောင်းပြီး ရဟန်းမ (ဘိက္ခူနီမ) ပြု ၊ဆက်တရားအားထုတ်လိုက်တာ ခုနှစ်ရက်မြောက်နေ့မှာ ရဟန္တာ ဖြစ်သွားခဲ့ ပါ တယ်။

 “ကျွန်ုပ်ကို သင့်ရဲ့  သမီးပေးပါ၊ သင့်ကို ဒါတွေ ဒါတွေ ပေးပါ့မယ်” ကြည့်စမ်းပါဦး…၊ လူကိုများ ကုန်ပစ္စည်းတစ်ခုလို ၀ယ်ယူနေလိုက်ကြတာ..။ “သင့်သမီး ဘယ်လောက်တန်သလဲ၊ ရာဖြတ်တွေနဲ့ တန်ဖိုးဖြတ်လိုက်ပါ၊ တန်ကြေးထက် ရှစ်ဆပေးမယ်” “ဆယ့်ခြောက်ဆပေးမယ်” “သုံးဆယ့်နှစ်ဆပေးမယ်” ကြည့်စမ်းပါဦး…၊ လူကိုများ လေလံဆွဲသလို ဆွဲနေလိုက်ကြတာ။ ကိုယ့်ကို ကုန်ပစ္စည်းတစ်ခုလို သဘောထားပြီး ၀ယ်ယူနေလိုက်ကြတာ၊ လေလံဆွဲသလို ဈေးပြိုင်ပေးနေကြတာ ရှက် တတ်ရင် နေရာမှာတွင် လဲသေလိုက်ဖို့ ကောင်းပါတယ်။ ဒါပေမဲ့ အများ စုက တော့ မရှက်တတ်ကြပါဘူး။ ဘယ်သူဈေးပိုပေးနိုင်မလဲ ဆိုတာကိုပဲ စိတ်ဝင်စား နေကြတာများပါတယ်။ စိန်ဘယ်နှဆင်စာ တင်တောင်းတယ်၊ သိန်းဘယ်နှရာတင်တောင်းတယ် ဆိုတာတွေက ကိုယ့်ကို ကုန်ပစ္စည်း တစ်ခုလို သဘောထားပြီး တန်ဖိုးဖြတ် ၀ယ်ယူ လိုက်တာပါ။ ■ မိဘတွေက ဘယ်လောက် တင်တောင်းမှ လက်ခံနိုင်မယ်၊ ဘာနဲ့ တင်တောင်းမှ သဘောတူ နိုင်မယ်လို့ ပြောတာဟာလည်း ကိုယ့်သားသမီးကို ကုန်ပစ္စည်း တစ်ခုလို သဘောထားပြီး တန်ဖိုးဖြတ် ရောင်းချနေတာပါပဲ။

အနှိုင်းမဲ့လေးကတော့ ပါရမီဓာတ်ခံ ရင့်သန်နေသူဖြစ်တဲ့အတွက် ဘယ်လောက် ချမ်းသာကြွယ်ဝတဲ့ သူက တင်တောင်းတောင်း၊ ဘယ်လောက် အရှိန်အ၀ါကြီးမားတဲ့သူက ဈေးခေါ်ခေါ်၊ လုံးဝ မတုန်လှုပ်ပါဘူး။ ကိုယ့်ကို ရောင်းကုန်တစ်ခုအဖြစ် သတ်မှတ်တာကို အရှက်ကြီးရှက်ပါတယ်။ လဲတော့ မသေချင်ပါဘူး။ ရဟန်းပြုပြီး တရားပဲ အားထုတ်ချင်ပါတယ်။ ကိုယ့်ကို လိုချင်သူတွေ ဈေးပြိုင်စနစ်နဲ့ လေလံဆွဲပြီး အဖေ့ဆီ စကားကမ်း လှမ်းကြတာကို ကြားတဲ့အတွက် သံဝေဂရပြီး ရဟန်းပြုဖြစ်သွားတာမို့ အပြိုင် အဆိုင် ဈေးခေါ်ကြတဲ့ မောင်မင်းကြီးသား တွေကို ကျေးဇူးရှင်တွေအဖြစ် ကျေးဇူးတောင် တင်ရပါဦးမယ်။ သူတို့ကသာ အိမ်ထောင်ပြုဖို့ စကားမကမ်း လှမ်းသေးရင်၊ ရဟန်းပြုချင်စိတ် ဖြစ်ချင်မှ ဖြစ်ဦးမှာလေ။

ပါရမီဓာတ်ခံရင့်သန်တဲ့သူများကြတော့ “အိမ်ထောင်ပြုရတော့မှာပါလား” ဆိုတဲ့ အသိဝင်တာနဲ့ တစ်ပြိုင်နက် သံဝေဂတွေရပြီး ရဟန်းပြုချင်တဲ့စိတ်၊ တရားကိုပဲ ဇောက်ချအားထုတ်ချင်တဲ့ စိတ်တွေ ဖြစ်သွားပါတယ်။ “ကာမဂုဏ် ခံစားရတော့မှာပါလား” လို့ ၀မ်းမသာဘဲ “အိမ်ထောင်ကျ” - ဆိုတဲ့အတိုင်း “ အိမ်” ဆိုတဲ့ လွတ်ရက်မရှိတဲ့ “ ထောင်” ထဲ “ကျ” တော့မှာပါလား လို့ ၀မ်း နည်းသွားပါတယ်။

ကိုယ့်ကိုယ်ကိုယ် တန်ဖိုးဖြတ်တဲ့နေရာမှာ “တန်ဖိုးဖြတ် ရတဲ့ အရာနဲ့ တန်ဖိုးဖြတ်တာရယ်” ၊ “တန်ဖိုး ဖြတ်မရတဲ့အရာနဲ့ တန်ဖိုးဖြတ် တာရယ်” လို့ နှစ်မျိုးရှိပါတယ်။

ကာမဂုဏ်ချမ်းသာနဲ့ တန်ဖိုး ဖြတ်တာဟာ တန်ဖိုးဖြတ်ရတဲ့အရာနဲ့ တန်ဖိုးဖြတ်တာပါ။ တရားဓမ္မချမ်းသာနဲ့ တန်ဖိုးဖြတ်တာဟာ တန်ဖိုးဖြတ်မရတဲ့အရာနဲ့ တန်ဖိုးဖြတ်တာပါ။ ကာမဂုဏ်ချမ်းသာဆိုတာ လူတကာခံစားနေတဲ့ ချမ်းသာမို့ တန်ဖိုးဖြတ်မရတဲ့အရာ မဟုတ်ပါဘူး။ လူရယ်လို့ဖြစ်လာရင် အရွယ်ရောက်တာနဲ့ အိမ်ထောင်ပြုပြီး ကာမဂုဏ် ချမ်းသာခံစားကြတာပါပဲ။ ဒါ လောကသဘာဝ၊ ဒါ လောကဓမ္မတာလို့လည်း အမြဲပြောနေကြတာပဲလေ။ သူသူကိုယ်ကိုယ် လူတိုင်းလုပ်နေကြတဲ့ အစဉ်အလာ လုပ်ရိုးလုပ်စဉ်အလုပ်မို့ ကာမဂုဏ်ချမ်းသာ ခံစားတဲ့အလုပ်ဟာ တန်ဖိုးဖြတ်မရတဲ့ အလုပ်မဟုတ်ပါဘူး။ ပြီးတော့ ကာမဂုဏ်ချမ်းသာဆိုတာ လူ့အဆင့်မျိုးစုံ၊ လူ့အတန်းအစားမျိုးစုံ ခံစားနေတဲ့ချမ်းသာပါ။

♦ မကောင်းမှုဒုစရိုက်ကျူးလွန်နေကြသူတွေလည်း ကာမဂုဏ် ခံစားကြတာပါပဲ။
♦ တစ်ကိုယ်ကောင်းဆန်တဲ့သူ၊
♦ အတ္တကြီးတဲ့သူ၊
♦ သူတစ်ပါးကို ဒုက္ခပေးနေတဲ့သူတွေလည်း ကာမဂုဏ် ခံစားကြတာပါပဲ။ ကိုယ်ရည်ကိုယ်သွေး အဆင့်နိမ့်တဲ့သူတွေလည်း ခံစားနေကြတဲ့ ချမ်းသာမို့ ကာမဂုဏ်ချမ်းသာဟာ တန်ဖိုးဖြတ်မရတဲ့ အရာ မဟုတ်ပါဘူး။
♦ လူတကာတွင်လားဆိုတော့ မဟုတ်ပါဘူး၊ တိရစ္ဆာန်တကာလည်း ကာမဂုဏ်ချမ်းသာ ခံစားကြတာ ပါပဲ။ ခွေးတွေလည်း ကာမဂုဏ်ခံစား ကြ၊ လောက်တွေလည်း ကာမဂုဏ်ခံစားကြ၊ ခွေးအစ လောက်အဆုံး တစ်လောကလုံး ရှိရှိသမျှ တိရစ္ဆာန်တွေ ခံစားနေကြတဲ့ ကာမဂုဏ်ချမ်းသာမျိုး ကိုပဲ လူတွေ ခံစားနေကြတာဆိုတော့ ကာမဂုဏ်ချမ်းသာကို တန်ဖိုးဖြတ်မရ တဲ့အရာတွေ ဘယ်လိုမှ ပြောလို့မရပါဘူး။ အမွမ်းအမံ အဆောင် အယောင်တွေ ဘယ်လောက်ပဲ ခမ်းနားခမ်းနား အခြေခံသဘောကတော့ ဒါ-ဒါပါပဲ။ တိရစ္ဆာန်လည်း ဒါပါပဲ။ လူလည်း ဒါပါပဲ။ အဓိက ကာမဂုဏ် ခံစားနေတဲ့နေရာမှာ တိရစ္ဆာန်နဲ့လူ ဘာများ ထူးတာမှတ်လို့။ အတူတူပါ ပဲ။ ပြီးတော့ ကာမဂုဏ်ချမ်းသာဆိုတာ တစ်သံသရာလုံး အကြိမ်ကြိမ် ခံစားဖူးတဲ့ချမ်းသာပါ။ ♦ လူ့ပြည်၊ နတ်ပြည်၊ သုဂတိဘ၀တွေမှာလည်း ခံစားခဲ့ဖူးပါတယ်။ ♦ တိရစ္ဆာန်၊ ပြိတ္တာ၊ ဒုဂ္ဂတိဘ၀တွေမှာလည်း ခံစားခဲ့ ဖူးပါတယ်။ အစမထင် သံသရာမှာ အကြိမ်ပေါင်း များစွာတောင် မဟုတ် ပါဘူး……. ဘ၀ပေါင်းများစွာ ဖန်တစ်ရာတေအောင် ခံစားခဲ့ဖူးတဲ့ ချမ်းသာမို့ ……အထူးအဆန်းမဟုတ်တော့တဲ့၊ ရိုးနေပြီဖြစ်တဲ့ ကာမဂုဏ်ချမ်းသာဟာ တန်ဖိုးဖြတ် မရတဲ့အရာမဟုတ်ပါဘူး။

တရားဓမ္မချမ်းသာကတော့ လူတကာခံစားနိုင်တဲ့ ချမ်းသာမဟုတ်ပါဘူး။

♦ ပါရမီဓာတ်ခံ ရင့်သန်တဲ့သူတွေ၊
♦ စိတ်ထားမြင့်မြတ်တဲ့ သူတော်ကောင်းတွေသာ ခံစားနိုင်တဲ့ချမ်းသာပါ။ လူ့အဆင့်အတန်း မျိုးစုံလည်း ခံစားလို့ မရပါဘူး။
♦ မကောင်းမှုဒုစရိုက် ရှောင်ကြဉ်တဲ့သူတွေ၊
♦ တစ်ကိုယ်ကောင်းမဆန်၊
♦ အတ္တမကြီး၊
♦ သူတစ်ပါးကို ဒုက္ခမပေးချင်တဲ့သူတွေပဲ ခံစားလို့ ရပါတယ်။ ကိုယ်ရည်ကိုယ်သွေး အဆင့်မြင့်တဲ့ လူတွေမှ ခံစားနိုင်တဲ့ ချမ်းသာမို့ တရားဓမ္မချမ်းသာဟာ တန်ဖိုးဖြတ်မရတဲ့အရာပါ။ ပြီးတော့ တရားဓမ္မ ချမ်းသာက တိရစ္ဆာန်တွေလည်း ခံစားလို့မရပါဘူး။ ရှားရှားပါးပါး တိရစ္ဆာန် တချို့  တရားအသံမှာ စိတ်ကြည်နူးရုံလောက်ပဲ ရှိပါတယ်။ ဒါလည်း မရှိသလောက်ပါပဲ။ အသိဉာဏ်မြင့်မားတဲ့လူတွေ၊ နတ်တွေပဲ ခံစားခွင့်ရှိတဲ့ ချမ်းသာမို့ တရားဓမ္မချမ်းသာဟာ တန်ဖိုးဖြတ်မရတဲ့အရာပါ။ (ကာမဂုဏ်ချမ်းသာနဲ့ ယှဉ်ပြောတာမို့ ဗြဟ္မာကို ချန်ခဲ့ပါတယ်။ ဗြဟ္မာက ကာမနယ်က မဟုတ်လို့ပါ။) ပြီးတော့ တရားဓမ္မချမ်းသာက တစ်သံသရာလုံး အကြိမ်ကြိမ်အခါခါ ခံစားခဲ့ဖူးတဲ့ချမ်းသာ မဟုတ်ပါဘူး။ ပညာရှိသူတော်ကောင်းတွေ၊ ရသေ့ရဟန်း၊ ပစ္စေကဗုဒ္ဓါအရှင်မြတ်တွေနဲ့ ဆုံတွေ့ခွင့်ရတဲ့ ဘ၀မျိုးမှာပဲ ခံစားခွင့်ရတာပါ။

♦ ဒါတောင် ကိုယ်ကလည်းကျင့်ဦးမှ။ အခုလို “သာသနာတွင်း တရားဓမ္မချမ်းသာ” ဆိုတာကတော့ ဘုရားသာသနာနဲ့တွေ့မှပဲ ခံစားခွင့်ရပါတယ်။ ဘုရားသာသနာနဲ့ တွေ့ဖို့ ဘယ်လောက် ခက်ခဲတယ်ဆိုတာကတော့ အထူးပြောနေစရာ မလိုတော့ပါဘူး။

တရားဓမ္မချမ်းသာတွေထဲက….အထူးသဖြင့်…. နိဗ္ဗာန်ချမ်းသာဆိုတာ တစ်သံသရာလုံး လုံးဝကို မခံစားခဲ့ဖူးတဲ့ ချမ်းသာပါ။ ဘုရားအလောင်းတော်တွေတောင် ပါရမီဖြည့်စဉ် သံသရာမှာ နိဗ္ဗာန်ချမ်းသာ ကို လုံးဝမခံစားဖူးပါဘူး။ ဘုရားဖြစ်တဲ့ဘ၀ကျမှ ခံစားခွင့်ရတာပါ။ အောက် ထစ်ဆုံး သောတာပန်အရိယာဖြစ်မှ နိဗ္ဗာန်ချမ်းသာကို ခံစားခွင့်ရှိပါတယ်။ ပါရမီဆိုတာ ပုထုဇဉ်ဘ၀နဲ့ပဲ ဖြည့်ရတာပါ။ အနှိုင်းမဲ့လေးက ကိုယ့်ဘ၀ကိုယ် ကာမဂုဏ်ချမ်းသာနဲ့ တန်ဖိုးမဖြတ်ပါဘူး။ တရားဓမ္မချမ်းသာနဲ့ပဲ တန်ဖိုးဖြတ် ပါတယ်။ ကာမဂုဏ်ချမ်းသာက သူလိုကိုယ်လို စီးပွားရှာနိုင်ရုံနဲ့ ခံစားလို့ ရပါတယ်။ တချို့ စီးပွားမရှာဘဲတောင် ခံစားနေတာပါ။ တရားဓမ္မချမ်းသာက စီးပွားရှာနိုင်ရုံနဲ့ ခံစားလို့ မရပါဘူး။ ကာမဂုဏ်ချမ်းသာက မြင့်မြတ်တဲ့ အကျင့်နဲ့ တည်ဆောက်ယူစရာမလိုပါဘူး။ တရားဓမ္မချမ်းသာက မြင့်မြတ်တဲ့ အကျင့်နဲ့မှ တည်ဆောက်ယူလို့ ရပါတယ်။

တရားဓမ္မချမ်းသာကို မြင့်မြတ်တဲ့အကျင့်နဲ့ တည်ဆောက်ယူဖို့အတွက် အနှိုင်းမဲ့လေး အိမ်ထောင် ပြုတဲ့အလုပ်ကို စွန့်လွှတ်ပြီး ရဟန်းပြုတဲ့အလုပ် ကို ရွေးချယ်လိုက်တာပါ။ ရုပ်ရည်၊ ဥစ္စာ ပြည့်စုံပါလျက် လူတကာမက်တဲ့ ကာမဂုဏ်ချမ်းသာကို စွန့်လွှတ်နိုင်တာ ကြည်ညိုစရာ ကောင်းလှပါတယ်။ ရခဲတဲ့ လူ့ဘ၀ကိုရခိုက်၊ တွေ့ခဲတဲ့ တရားဓမ္မကိုတွေ့ခိုက်၊ ကိုယ့်ဘ၀ကိုယ် ဘာနဲ့ တန်ဖိုးဖြတ်မလဲ ဆိုတာကတော့ ကိုယ်ကိုယ်တိုင် စဉ်းစားဆုံးဖြတ်ရမှာ ပါပဲ။ ကျောက်မျက်ရတနာနဲ့ တန်ဖိုးဖြတ်တာရယ်၊ ဓမ္မရတနာနဲ့ တန်ဖိုးဖြတ်တာရယ်လို့ တန်ဖိုးဖြတ်ခြင်းကတော့ နှစ်မျိုးရှိပါတယ်။

(၃) “သင့်ရဲ့  သမီး ကျွန်ုပ်ကိုပေးပါ။ သင့်ကို ကျွန်ုပ် ဒီလောက် ပေးပ့ါမယ်” ဆိုတဲ့ တောင်းရမ်းစကားနဲ့ ပတ်သက်ပြီး ပြောချင်တာက …..

♦ အိမ်ထောင်ရေးကို ငွေကြေးနဲ့ တန်ဖိုးမဖြတ်ပါနဲ့။
♦ အချစ်နဲ့ပဲ တန်ဖိုးဖြတ်ပါ။
♦ အိမ်ထောင်ကျခါစ မချမ်းသာပေမယ့် မောင်တစ်ထမ်းမယ်တစ်ရွက်နဲ့ ကြိုးစားလိုက်ရင် ချမ်းသာလာနိုင်ပါတယ်။
♦ ငွေကြေးမချမ်းသာလည်း အရေးမကြီးပါဘူး။ စိတ်ချမ်းသာဖို့က အဓိကပါပဲ။ ♦ အချစ်မပါတဲ့ အိမ်ထောင်ရေးက ဘယ်လိုနည်းနဲ့မှ စိတ်မချမ်းသာနိုင်ပါဘူး။ သားသမီးတွေရဲ့  အိမ်ထောင်ရေးနဲ့ ပတ်သက်ပြီး မိဘတွေရဲ့  ငွေမက်မှု၊ အဆင့်အတန်းခွဲမှုကြောင့် သားသမီးတွေ စိတ်ဆင်းရဲရ၊ ဘ၀ပျက်ရတာတွေ အများကြီးပါ။

■ “သားသမီးကို ဆင်စီးပြီး မြင်းရံတာပဲ မြင်ချင်တယ်” ဆိုတဲ့ လက်သုံးစကား နဲ့ ကိုင်ပေါက်ပြီး ချမ်းသာကြွယ်ဝသူ၊ အရှိန်အ၀ါရှိသူနဲ့ ပေးစားလိုက်ကာမှ သားသမီးမှာ “ဆင်နင်းပြီး မြင်းကန်ခံလိုက်ရတာ” တွေ မရေမတွက်နိုင်အောင်ပါပဲ။ ပကာသနမက်မောက်မှုကို မိဘမေတ္တာလို့ နာမည်တပ်ပြီး အတ္တကြီးလိုက်တာ သားသမီးကို ချစ်ရာမရောက်ဘဲ နှစ်ရာရောက်သွားပါတယ်။ ကာမဂုဏ်ချမ်းသာကို မစွန့်နိုင်သူတွေအနေနဲ့ ကာမဂုဏ်ချမ်းသာရဲ့  တန်ဖိုးဖြတ်မရတဲ့အရာ မဟုတ်ပုံတွေကို တွေးပြီး စိတ်ညစ်နေစရာ မလိုပါဘူး။ ကိုယ်က ရဟန်းမပြုနိုင်ဘူးဆိုရင် အိမ်ထောင်ပြုပေါ့။ ရဟန်းပြုနဲ့ အိမ်ထောင်ပြုလို့ “ပြုနှစ်ပြု” ရှိတာဆိုတော့ တစ်ပြုပြုကိုတော့ ရွေးချယ်ရမှာပါပဲ။ ကာမဂုဏ်ချမ်းသာ မစွန့်နိုင်လို့ အိမ်ထောင်ပြုလိုက်ရတဲ့သူတွေအနေနဲ့

■ “အိမ်ထောင်ဖက်သည် ပါရမီဖြည့်ဖက်ဖြစ်ရမည်” ဆိုတဲ့ မူကို လက်ကိုင်ထားပြီး ကုသိုလ်ပါရမီတွေ ဖြည့်ကျင့်သွားမယ်ဆိုရင် တန်ဖိုးဖြတ်ရတဲ့ ကာမဂုဏ်ချမ်းသာကို ခံစားနေရင်းနဲ့ တန်ဖိုးဖြတ်မရတဲ့ တရားဓမ္မချမ်းသာကိုလည်း ခံစားခွင့် ရမှာပါပဲ။ ပါရမီဖြည့်ဖို့ဆိုတာ တွန်းအားလိုပါတယ်။ အလိုပြည့်လို့ကျေနပ်နေတဲ့ စိတ်ဓာတ်အင်အားဟာ ပါရမီဖြည့်ဖို့ တွန်းအားပါပဲ။ တွန်းအားမရှိလို့ ပါရမီ မဖြည့်ဖြစ်တာထက်စာရင် တွန်းအားရှိလို့ ပါရမီဖြည့်ဖြစ်တာက ပိုကောင်းပါတယ်။ ပါရမီပြည့်သွားရင် တန်ဖိုးဖြတ်မရတဲ့ နိဗ္ဗာန်ချမ်းသာကို ရနိုင်သလို ပါရမီဖြည့်စဉ်မှုာလည်း တန်ဖိုးဖြတ်မရတဲ့ တရားဓမ္မနဲ့ ယှဉ်တဲ့ စိတ်ချမ်းသာ ပျော်ရွှင်မှုကို ရနေတာပါပဲ။ သူ့အချိန်နဲ့သူ စိတ်ကို ဖြတ်ထားခဲ့ပါ။ ကိလေသာဖြစ်ချိန် နည်းပါစေ။ မလွှဲမရှောင်သာ ဖြစ်လိုက်ရတဲ့ ကိလေသာဟာ ပါရမီအတွက် တွန်းအားဖြစ်ပါစေ။ နောက်ဆုံးတော့ အိမ်ထောင်ပြုသူကိုရော၊ အိမ်ထောင်မပြုသူကိုပါ “ ပရဟိတ” နဲ့ တန်ဖိုးဖြတ်ရမှာပါပဲ။ အိမ်ထောင်ပြုသူပဲဖြစ်ဖြစ်၊ အိမ်ထောင်မပြုသူပဲဖြစ်ဖြစ် အများကောင်းကျိုးပြု ပရဟိတ အလုပ်တွေကို စွမ်းနိုင်သမျှ လုပ်ရပါမယ်။ ပရဟိတ လုပ်နေတာဟာ ကုသိုလ်ပြုနေတာပါ၊ ပါရမီဖြည့်နေတာပါ။ ပရဟိတ၊ ကုသိုလ်နဲ့ ပါရမီဆိုတာ စကားလုံးကွဲပြားပေမယ့် အနှစ်သာရကတော့ အတူတူပါပဲ။ ဒါကြောင့် လက်တွေ့ကျတဲ့ စကားလုံး၊ လောလောဆယ် ရေပန်းစားနေတဲ့ စကားလုံးနဲ့ပြောရရင် “ပရဟိတ”နဲ့ တန်ဖိုးဖြတ်တာဟာ ကိုယ့်ကိုယ်ကို တန်ဖိုးဖြတ်မရတဲ့ အရာနဲ့ တန်ဖိုးဖြတ်တာပါပဲ။ ပရဟိတ များများလုပ်လေ ကိုယ်ဟာ တန်ဖိုးဖြတ်မရအောင် တန်ဖိုြးုကီးမားလေ ဖြစ်သွားပါလိမ့်မယ်။