မြိတ်

မြိတ်မြို့မှ သင်္ချိုင်းစာနှင့် ဆင်မြူရယ်ဝိုက်

ပုလောဘိုးဘိုးကြီး | Februa

အချိန်ကား ၁၉၁၇ ခုနှစ်ခန့်လောက်က ဖြစ်ပါတယ်။ အဲဒီအချိန်တုန်းက မြိတ်မြို့ အရေးပိုင်အဖြစ် တာဝန် ထမ်းဆောင်နေတဲ့ မစ္စတာ ဂျေအက်(စ်) ဖာနီဘယ် တစ်ယောက် အပျင်းပြေလမ်း လျှောက် ထွက်လာရင်း ဒိုဘီကုလားတစ်ယောက်က လျော် ဖွတ်နေတဲ့ ကျောက်ပြားတစ်ချပ်ကို အမှတ်မထင် မျက်စိရောက်သွားခဲ့ပါတယ်။ကျောက်စာ ရှိခဲ့ရာ ရေအိုးစင်နေရာ။

အဲဒီကျောက်ပြားထက်မှာ…

RE LYETH T….BODY OF MA….…SAM WHI…THIS LIF…O DONI 1682….Ergo Resurgam

ဆိုတဲ့စာတွေ ဖတ်လိုက်ရကတည်းက အဲဒါဟာ ဆင်မြူရယ်ဝိုက်ရဲ့ ဇနီးဖြစ်သူ မေရီပိုဗေးရဲ့ သင်္ချိုင်း စာ ဖြစ်တယ်ဆိုတာ သူသိလိုက်ပါတယ်။

အဲဒါနဲ့ပဲ ဒိုဘီကုလားရဲ့ လက်ထဲက သိမ်းယူပြီး သင်္ဘောဆိပ်အဝင်ဝ ရှေးဟောင်းသစ်ပင်ကြီး တစ်ပင်ရဲ့ အောက်မှာ အခိုင်အမာ စိုက်ထူလိုက် ပါတယ်။ ဒါပေမယ့် မေရီပိုဗေးရဲ့ အလောင်း ဘယ်နေရာမှာ မြုပ်နှံခဲ့တယ်ဆိုတာကိုတော့ ဘယ် သူမှ မသိကြတော့ပါဘူး။ မစ္စတာဖာနီဘယ်ရဲ့ နောက်မြို့အရေးပိုင်ဖြစ်တဲ့ မောရစ်ကောလစ်ရဲ့ လက်ထက်အရောက်မှာတော့ အဲဒီသင်္ချိုင်းစာကို အကြောင်းပြုပြီး အရင်က ဒီမြို့မှာ ကျင်လည်သွား ခဲ့ဖူးတဲ့ ဆင်မြူရယ်ဝှိုက်ရဲ့ သမိုင်းကြောင်းကို ခြေရာခံ သုတေသနပြုပြီး စာရေးကောင်းသူပီပီ ယိုးဒယား ဝှိုက်ဆိုတဲ့ နာမည်နဲ့ ကမ္ဘာကျော်ဝတ္ထုကို မွေးဖွားဖို့ အကြောင်းဖန်လာခဲ့ပါတယ်။

မစ္စတာ မောရစ်ကောလစ်ဟာ စာကြည့်တိုက် များ စွာထဲမှ မှတ်တမ်းတွေကို အခြေခံပြီး ယိုးဒယား ဝှိုက်ကို ရုပ်လုံးကြွအောင် ဖန်တီးထားတာ ဖြစ်ပါ တယ်။ ယိုးဒယားဝှိုက် စာအုပ်ထဲမှာ ၁၇ ရာစု မြိတ် မြို့ရဲ့ သဘာဝ ပထဝီဝင်အနေအထား၊ ၁၇ ရာစု အနောက် အိန္ဒိယကုမ္ပဏီရဲ့ မြိတ်မြို့မှာ ခြေရှုပ်ပုံ၊ နိုင်ငံခြားသားတွေ မြိတ်မြို့မှာ ကူးသန်းရောင်း ဝယ် ကြပုံ၊ ကျွန်းတွေကြားက လူသားစားလူရိုင်းတွေ အကြောင်း၊ အဲဒီခေတ်ကတည်းက ယိုးဒယားအမျိုး သမီးများနဲ့ မြန်မာအမျိုးသမီးများရဲ့ ကွာခြားပုံ စတဲ့ စိတ်ဝင်စားဖွယ်အကြောင်းများပါဝင်ပြီး သမိုင်း မှတ်တမ်းဆိုင်ရာ အချက်အလက်များနဲ့ ခန့်ခန့် ညားညား ရေးသားဖွဲ့စည်းထားတာ ဖြစ်ပါတယ်။ ဒါ့ကြောင့်လည်း ယိုးဒယားဝှိုက်က ကမ္ဘာကျော်သွား တာနေမှာပါ။

ဒီနေ့ခေတ် မြိတ်သူ မြိတ်သားတစ်ယောက်အနေနဲ့ မေရီပိုဗေးကို သိပ်ပြီးမကြားဖူးကြပေမယ့် ဆင်မြူ ရယ်ဝိုက်ဆိုတဲ့ နာမည်ကိုတော့ ရင်းနှီးကြပါတယ်။ ဆင်မြူရယ်ဝှိုက်ကို ၁၆၅၀ ခန့်မှာ အင်္ဂလန်မှာ မွေး ဖွားခဲ့ပြီး အသက် ၂၅ နှစ်အရွယ်လောက်မှာ အရှေ့ အိန္ဒိယကုမ္ပဏီသင်္ဘောနဲ့ သူ့အစ်ကို ဂျော့ဝိုက်ရှိတဲ့ မဒရပ်ကို ထွက်လာခဲ့ပါတယ်။ အဲဒီ သင်္ဘောပေါ် မှာပဲ မေရီပိုဗေးနဲ့ ဆုံခဲ့ပါတယ်။ တကယ်တော့ မေရီပိုဗေးဟာ မဒရပ်မှာ ရှိတဲ့ လူစွန့်စား ဝီလျံဂျာဆီ ရဲ့ ညီ မစ္စတာဂျာဆီနဲ့ စေ့စပ်ထားပြီးသား ဖြစ်ပါ တယ်။ အဲဒီအတွက်ကြောင့်လည်း မေရီပိုဗေးဟာ မစ္စတာဂျာဆီ ဆီကို လိုက်လာရင်း သင်္ဘောပေါ်မှာ ဆင်မြူရယ်ဝိုက်နဲ့ မေတ္တာမျှ သွားခဲ့ကြပါတယ်။ ဒါကြောင့် မစ္စတာ ဂျာဆီ ဆီကို ရောက်ပေမယ့် ဆင်မြူရယ်ဝိုက်ပဲ တချိန်လုံးသတိရနေခဲ့ပါတယ်။

တနေ့မှာတော့ မစ္စတာဂျာဆီရဲ့ စေ့စပ်ပစ္စည်းတွေ ကို ပြန်အပ်ပြီး ဆင်မြူရယ်ဝိုက်ဆီကို အပြီးထွက် လာခဲ့ပါတယ်။ သူတို့နှစ်ယောက်နှစ်ဦးသဘောတူ လက်ထပ်ဖို့ အင်္ဂလန် ဘုရားရှိခိုးကျောင်းကို သွား ခဲ့ပေမယ့်လေည်း အင်္ဂလန်ဘုန်းကြီးက လက်မထပ် ပေးတဲ့ အတွက် ပြင်သစ်ဘုန်းကြီးနဲ့ လက်ထပ် ခဲ့ကြရပါတယ်။အဲဒီအချိန်တုန်းက မြိတ်မြို့ကို မြေပုံ ထဲမှာ တနင်္သာရီလို့ပဲ ဖော်ပြလေ့ရှိပါတယ်။ အဲဒီ အချိန်တုန်းက ယိုးဒယားပိုင် တနင်္သာရီနဲ့ မြိတ်မှာ ကူးသန်းရောင်းဝယ်ရေးမှာ မဟာမေဒင်တွေက ကြီးစိုးလျက်ရှိပါတယ်။ ယိုးဒယားဘုရင်အနေနဲ့ လည်း မဟာမေဒင်များ တနေ့တခြားကြီး စိုးလာ တာကို စိုးရွံ့လျက်ရှိပါတယ်။ ဒါကြောင့်မို့လို့လည်း ယိုးဒယားလူမျိုးတွေ အစားဝင် လုပ်ကိုင်နိုင် စေချင် ပါတယ်။

သို့ပေမယ့် အဲဒီအချိန်တုန်းက ယိုးဒယားအမတ် အသစ်တွေ ဖြစ်နေတဲ့အတွက် အနောက်တိုင်း သားတွေရဲ့ အကူအညီကို ရယူဖို့ ဆုံးဖြတ်လိုက် ပါတယ်။ အဲဒီမှာ ယိုးဒယားကူးသန်းရောင်းဝယ်ရေး နယ်ပယ်ကို ဝင်ရောက်ချင်နေတဲ့ အရှေ့ အိန္ဒိယ ကုမ္ပဏီအတွက် အခွင့်အလမ်းတစ်ခု ဖြစ်စေခဲ့ပါ တယ်။ နောက်တခုက အဲဒီဒေသရဲ့ ကာကွယ်ရေး အတွက်ရော၊ ဘန်ကောက်က ရှိရင်းစွဲ ခံတပ်ကို အားဖြည့်ဖို့ ပြင်သစ်သားတစ်ယောက်ကို ခန့်အပ်ဖို့ ကြံစည်ပြီး ဖောလကွန်းကို ၁၆၈၃ ခုနှစ်မှာ မြိတ် ဘုရင်ခံချုပ် အဖြစ် ခန့်အပ်လိုက်ပါတယ်။

အဲဒီ ဖောလကွန်းဆိုတာလည်း တချိန်က ဆင်မြူရယ်ဝှိုက်ရဲ့ အစ်ကို ဂျော့ဝှိုက်ရဲ့ မျက်နှာ လွဲတစ်ယောက်လည်း ဖြစ်ပါတယ်။ ဆင်မြူရယ် ဝှိုက် ဟာလည်း တတိယတန်း ဘုရင်ခံချုပ်အဖြစ်နဲ့ မြိတ်မြို့ရဲ့ ရေဝန်မင်းအဖြစ်နဲ့လည်းကောင်း၊ တနင်္သာရီနယ်အဝှမ်းရရှိတဲ့ အခွန်များကို ကောက် ခံခြင်း၊ စီမံခန့်ခွဲခြင်းအပြင် ဘင်္ဂလားအော် တစ် လျှောက်ရေကြောင်းနဲ့ ပတ်သက်တဲ့ ကိစ္စတွေ အတွက်လည်း မင်းကြီးချုပ်အဖြစ် ဆောင်ရွက်ရပါ တယ်။ ဒါ့အပြင် ဝှိုက်ဟာ တနင်္သာရီနယ်အတွင်းရှိ ဘုရင်မင်းမြတ်ရဲ့ ရောင်းဝယ်မှုဆိုင်ရာ မင်းကြီးချုပ် လည်း ဖြစ်ပါတယ်။ မင်းကြီးချုပ်ဖြစ်တဲ့အတွက် အခွန်တော်တွေကို ကောက်ခံရသလို ဖမ်းဆီးသင့် သူများကိုလည်း ဖမ်းဆီးပြီး အရောင်းအဝယ် ဖွံ့ဖြိုး အောင် ပြုလုပ်ရပါတယ်။ ကာကွယ်ရေးအတွက် လည်း သင်္ဘောဆိပ်ကို အခိုင်အခံပြုလုပ်ရပါတယ်။ သင်္ဘောကျင်းတစ်ခုကို တည်ဆောက်ပြီး ကုန် သင်္ဘောတွေနဲ့ ကမ်းခြေစောင့်တိုက်သင်္ဘောတွေကို တည်ဆောက်ရပါတယ်။ သင်္ဘောကျင်းတွေ ကို လည်း မြေကတုတ်၊ အမြောက်တပ်များနဲ့ ကာကွယ် ပေးထားရပါတယ်။ အရင်ရှိနေတဲ့ ဘုရင်ခံချုပ် ကို တော့ တခြားအရေးမကြီးတဲ့ အကောက်အခွန်တွေ ကို ကောက်စေပါတယ်။ အိန္ဒိယနဲ့ ယိုးဒယားကြား ဆင်များကို သင်္ဘောနဲ့ အကြီးအကျယ်ကူးသန်း တယ်။

အဲဒီအချိန်တုန်းက ဆင်တွေဟာ ဒီနေ့ သံချပ်ကာ ကားတွေလောက် အရေးပါကြပါတယ်။ ဆင်မြူ ရယ်ဝှိုက်ဟာ နဂိုမူလက ယိုးဒယားဘုရင် မင်းမြတ် ရဲ့ ဘင်္ဂလားပင်လယ်အော်ထဲမှာ ကူးသန်းရောင်း ဝယ်နေတဲ့ မဟာမေဒင်တွေကို နှိမ်နင်းဖို့ အမိန့် ရ ထားပါတယ်။ နောက်ပိုင်းမှာ ပဲခူးမှာရှိတဲ့ မြန်မာ အမှုထမ်းအချို့ဟာလည်း မဟာမေဒင်တွေ ဖြစ် တဲ့ အတွက် နှိမ်နင်းခွင့်ပေးဖို့ ဆက်လက်တောင်းဆို လာ တယ်။ နောက်ပိုင်းမှာ ဖောလကွန်းကို အား ကိုးပြီး ယိုးဒယားဘုရင်ရဲ့ ခွင့်ပြုချက်မပါဘဲ တခြား ပြည်နယ် အစိုးရရဲ့ သင်္ဘောတွေကိုပါ ဖမ်းဆီးရင်း တဖြည်းဖြည်းနဲ့ ပင်လယ်ဓားပြ ဖြစ်လာခဲ့ပါတယ်။ ဝှိုက်ဟာ တဖြည်းဖြည်းနဲ့ အာဏာရလာတဲ့အခါမှာ သင်္ဘောတွေဆောက်လုပ်နိုင်လာလို့ ဘဏ္ဍာတော် ငွေနဲ့ လက်နက် အင်အား တပ်ဆင်နိုင်ကာ ဘုရင် တစ်ဆူဖြစ်လာပြီး မခုခံနိုင်တဲ့ ကုန်သင်္ဘောကြီး တွေကို တိုက်ခိုက်လုယက်ပါတော့တယ်။ ဖမ်းဆီး ရသမျှဟာ လည်း ဘဏ္ဍာတော်အတွင်းကို မရောက်တော့ပါဘူး။

တချို့သွင်း၊ ဖောလကွန်းကို ဝေစုပေး၊ မှူးကြီးမတ် ကြီးအချို့ကိုလည်း ဖြန့်ဖြူးကာ သူကိုယ်တိုင် အတွက်တော့ အခါတိုင်းဝေစု ယူထားပါတယ်။ ဝှိုက်ဟာ မြိတ်မှာလည်း မဟာမေဒင်တွေရဲ့ မုန်းတီး မှုကို အကြီးအကျယ်ခံနေရပြီး တဖြည်းဖြည်းနဲ့ ရန်သူပေါလာပါတယ်။ နောက်ပိုင်းမှာ အစိုးရရဲ့ ဘဏ္ဍာတွေကို သူရဲ့ ဘဏ္ဍာတွေအဖြစ်ပေါ်တင် ပြောင်းလဲလိုက်တဲ့ အထိ ဘုရင့်အပေါ်လဲ သစ္စာ မဲ့လာခဲ့ ပါတယ်။ မကောင်းတာ ပြုခဲ့တဲ့သူဟာ မကောင်းကျိုး ခံစားရတယ်ဆိုတဲ့ စကားဟာ အရမ်း မှန်ခဲ့ပါတယ်။ မြိတ်မြို့တခွင်မှာ အာဏာ အလွဲသုံး စား ပြုပြီး ကိုယ်ကျိုးစီးပွားရှာခဲ့တဲ့ ဝှိုက်ရဲ့ ဇာတ် သိမ်းကား မလှခဲ့ပါဘူး။

အင်္ဂလိပ်တွေဟာ ယိုးဒယားနိုင်ငံရဲ့ တိုင်းပြည် မငြိမ်မသက်တဲ့ အချိန်ကို အခွင့်ကောင်းယူပြီး ဆင်မြူရယ်ဝှိုက်ကို ဖမ်းခေါ်ခဲ့ဖို့ ဝဲလဒင်ကို စစ် သင်္ဘောတွေနဲ့ ဦးစီးကာ စေလွတ်လိုက်ပါတယ်။ အဲဒီအချိန်တုန်းက ဝှိုက်မှာ ရေတပ်အင်အား တစ်ခု ရှိနေတဲ့အတွက် ဝှိုက်ကို ချော့ပြီး ခေါ်ဖို့ ကြိုးစားခဲ့ ပါသေးတယ်။ ဒါပေမယ့် သင်္ဘောချင်းတိုက်ပွဲတွေ ဖြစ်ပြီး အင်္ဂလိပ်အများအပြားလည်း သေဆုံးခဲ့ရပါ တယ်။ အဲဒီကိစ္စနဲ့ ပတ်သက်ပြီး အဓိကတာဝန်ရှိတဲ့ ဝှိုက်ဟာ အိန္ဒိယဘက်ကို ထွက်ပြေးခဲ့ပါတယ်။ ခရစ် ၁၆၈၈ ခုနှစ် ဇန်နဝါရီ ၂၀ ရက်နေ့မှာ ဝှိုက်ဟာ အိန္ဒိယကနေ လန်ဒန်ကို ရောက်ရှိခဲ့ပါတယ်။ အရှေ့အိန္ဒိယကုမ္ပဏီကနေ ဝှိုက်ကို တရားစွဲဆို ပါတယ်။ ဝှိုက်ကလည်း သူ့ရဲ့ မြိတ်မှာရှိတုန်းက ကြိုးစားချက် တွေကို ဖော်ပြရင်း လျှောက်လဲပါ တယ်။ သို့သော်လည်း ပါလီမန်က အင်္ဂလိပ်လူမျိုး တွေ သေဆုံးခဲ့ရခြင်းအပေါ် အဓိက တာဝန်ရှိသူအ ဖြစ် ယူဆရင်း အမှုစစ်ဆေးခဲ့ကြပါတယ်။

အဲဒီအမှုစစ်ဆေးနေစဉ်ကာလအတွင်းတွင် ဝှိုက်ဟာ တနင်္သာရီမှ ရခဲ့တဲ့ ငှက်ဖျားရောဂါနဲ့ သေဆုံးခဲ့ပါ တယ်။ ဝှိုက်ရဲ့ ဇနီးဖြစ်တဲ့ မေရီပိုဗေးအကြောင်းကို ဆက်ရရင် ၁၆၇၈ ခုနှစ်မှာ ယိုးဒယားဘုရင်မင်းမြတ် ရဲ့ ကူးသန်းရောင်းဝယ်ရေးသင်္ဘော မှာ ဝှိုက်ဟာ ကပ္ပတိန်အဖြစ်ခန့်အပ်ခြင်းခံရနောက် မေရီဟာ မြိတ်မြို့မှာ အခြေချနေထိုင်ဖို့ မိသားစုနဲ့အတူ ရောက်လာခဲ့ပါတယ်။ အဲဒီအချိန်မှာ ဝှိုက်နဲ့ မေရီ တို့ရဲ့ ဘ၀ထဲမှာ ဆူဇန်ဆိုတဲ့ သမီးလေးရှိနေ ပြီး သား ဖြစ်ပါတယ်။ မေရီပိုဗေးဟာ သူနဲ့နာမည်တူ သမီးလေး မေရီကို မွေးဖွားခဲ့တယ်။ ပြီးနောက် သွေးသွန်တဲ့ ရောဂါနဲ့ ၃ လသား သန္ဓေကျပြီး အသက်သေဆုံးသည်အထိ ဖြစ်ခဲ့တယ်။

ယိုးဒယားဝှိုက်ကိုရေးတဲ့ စာရေးဆရာ မောရစ်ကောလစ် ကတော့ သန္ဓေလျောပျက်ခြင်းနဲ့ ရောထွေးသွားတဲ့ သွေးဝမ်းကိုက်ရောဂါကြောင့်လို့ မှတ်ချက်ပြုပါတယ်။ မေရီပိုဗေးသေဆုံးသွားပြီး နောက်ပိုင်းမှာ သမီးဖြစ်တဲ့ မေရီနဲ့ ဆူဇန်တို့ကို ဝှိုက်က အင်္ဂလန် ပို့ထား လိုက်ပါတယ်။၁၉၇၇ ခုနှစ် ဆရာကြီးမြသန်းတင့်တို့ မြိတ်ကို ရောက်တဲ့ အချိန်တုန်းက ကမ်းနားလမ်းမှာ ပန်းခြံလေးတစ်ခု ရှိပါတယ်။ အဲဒီပန်းခြံရဲ့ ထောင့်လေးမှာ မေရီပိုဗေး ရဲ့ သင်္ချိုင်းစာဟာ သောက်ရေအိုးစင်ရဲ့ အောက်ခံခုံ လေးအဖြစ်ကို ရောက်နေပြီဖြစ်ပါတယ်။ မေရီပိုဗေး ရဲ့ သင်္ချိုင်းစာလေး အကြောင်း၊ ရေအိုးစင် ဘ၀ ပြောင်းသွားခဲ့ပုံအကြောင်းကို ဆရာကြီးမြသန်းတင့် က ၁၉၇၇-၇၈ မှာ ရှုမ၀မှာ ရေးခဲ့ဖူးပါတယ်။

၁၉၈၀ လုံးချင်းထဲမှာလည်း ပါခဲ့ပါတယ်။ ဒါ့အပြင် စာရေးဆရာ စိန်မျိုးမြင့်ကလည်း ၁၉၈၆-၈၇ ခုနှစ် တုန်းက ကြီးပွားရေးနဲ့ မန္တလေးဂျာနယ်မှာ ရေးဖူးခဲ့ ပါတယ်။ဆရာစိန်မျိုးမြင့်တို့ လွင်မိုးခရီးသွားနေ သည် အဖွဲ့နဲ့အတူ မြိတ်ကို ရောက်တဲ့ အချိန်မှာ တော့ အဲဒီနေရာတွေဟာ ပြောင်းလဲသွားခဲ့ပါပြီ။ အဲဒီနေရာမှာ ပုလဲရတနာခန်းမနဲ့ ရေကြောင်းရုံးတို့ တည်ရှိနေပါတယ်။ တိတိကျကျ ဆိုရရင် ဆိပ်ငယ် ဘောတံတားရဲ့ မျက်နှာချင်း ဆိုင်ဖြစ်ပါတယ်။ ရေအိုးစင် နေရာမှာတော့ ကွမ်းယာဆိုင်လေး ဖြစ် နေပြီ။ ရှေ့မီနောက်မီတွေကို မေးကြည့်တော့လည်း လမ်းချဲ့ တုန်းက ရေအိုးစင်နဲ့ ကျောက်ပြားကို ဖျက် လိုက်ပြီး ထုချေလမ်းခင်းရာမှာ ပါသွားတယ်လို့ ဆို ကြပါတယ်။

တလောက ကျွန်တော့မိတ်ဆွေ တစ်ယောက် မြိတ်ရောက်လို့ အဲဒီနေရာကို ရောက်ခဲ့တယ်ဆိုလို့ မေးကြည့်တော့ ဟိုးတချိန်က သစ်ပင်ကြီးအောက် မှာ စိုက်ခဲ့တဲ့ ကျောက်စာတိုင်ဟာ၊ ဆရာကြီး မြသန်းတင့်တို့ ရောက်တော့ ရေအိုးစင်ဖြစ်နေခဲ့ပြီး၊ လမ်းချဲ့စဉ်ပါသွားတဲ့ နေရာမှာ ကွမ်းယာဆိုင်လေး ရှိနေရာက အခုချိန်မှာတော့ ဘာမှ မရှိတော့ဘဲ ရေမြောင်းအဖုံးမရှိတဲ့အတွက် ချိုင့်ကြီး ဖြစ်နေခဲ့ ပါပြီ။

မြိတ်မြို့ဟာ ရှေးဟောင်းသမိုင်းဝင်မြို့ တစ်မြို့ ဖြစ်တာနဲ့အညီ သမိုင်းဝင်ဖြစ်ရပ်တွေလည်း အများ ကြီးရှိပါတယ်။ ၁၅ ရာစုလောက် ကတည်းက ဥရောပနဲ့ အိန္ဒိယကုန်သည်တွေအတွက် ကုန်သွယ် ရေး ဗဟိုချက်ဖြစ်နေခဲ့ပါတယ်။ ဒါကြောင့်မို့လို့ လည်း ယိုးဒယားတွေက လိုချင်သလို အနောက် တိုင်းသားတွေအတွက်လည်း မျက်စိကျစရာ ဖြစ်ခဲ့ ပါ တယ်။

ဒါ့အပြင် မြိတ်မြို့ဟာ မြန်မာနိုင်ငံတောင်ပိုင်းရဲ့ ဝင်ပေါက်လည်း ဖြစ်နေတဲ့ အတွက် အင်္ဂလိပ်တွေ မြန်မာနိုင်ငံကို စသိမ်းတဲ့ အချိန်မှာ အဲဒီနေရာက စတင်ခဲ့ကြသလို ဗိုလ်ချုပ်တို့ လွပ်လပ်ရေးရယူဖို့ မြန်မာနိုင်ငံကို ပြန်တိုက်ယူတဲ့ အချိန်မှာလည်း အဲဒီတောင်ပိုင်းကပဲ အစပြုခဲ့ကြတာ ဖြစ်ပါတယ်။ ဒါကြောင့်မို့ သမိုင်းဝင်မြို့လေးတစ်မြို့ဖြစ်တဲ့ မြိတ် မြို့ပေါ်က သမိုင်းတွေကို တတ်နိုင်သလောက် ထိန်းသိမ်းစောင့်ရှောက်ပေးကြဖို့ မေတ္တာရပ်ခံ လိုက်ရပါတယ်။