ရူးချင်ယောင်ဆောင်ကြသူများနှင့် ငဘ

==========================

ယနေ့ ငဘတစ်ယောက် ဆိုက်ကားစုတ်ပေါ် အထိုင်လှလှ ဇိမ်မရတရ ထိုင်နေ ရင်း ခေါင်းထဲ ၀င်ရောက်လာသည်များကား

ဒီချုပ်ပါတီရဲ့ အသုံးများတဲ့ ဝေါဟာရစာရင်းထဲမှာ “တွေ့ဆုံဆွေးနွေးရေး”၊ “အမျိုးသားပြန်လည်သင့်မြတ်ရေး”၊ “တရားဥပဒေ စိုး မိုးရေး”၊ “ပွင့်လင်းမြင်သာ မှု ရှိရေး”၊ “တာဝန်ယူမှုနဲ့ တာဝန်ခံမှု”တို့ဟာ ထိပ်ဆုံးက နေရာယူထားကြမယ့် စကားလုံးတွေ ဖြစ်လိမ့် မယ်လို့ ထင်ပါတယ်။

“ပွင့်လင်းမြင်သာမှုရှိရေး” ဆိုတဲ့စကားလုံးကတော့ ဒီချုပ်ပါတီဟာ “အစိုးရ” ဖြစ် လာပြီးတဲ့နောက် အသုံးကျဲသွားတာ သတိပြုမိပါ တယ်။ ဒီစကားလုံးအစား အသုံးတွင်ကျယ်လာတဲ့ စကားလုံးကတော့ “တရားဥပဒေစိုးမိုးရေး” ဖြစ်ပါတယ်။

အစိုးရဖြစ်လာတော့ “မတရားတဲ့ အမိန့်အာဏာဟူသမျှ တာဝန်အရ ဖီဆန်ကြ” လို့ ဟိုတုန်းကလို ပြောလို့ မဖြစ်တော့ဘူး။ ကိုယ်တိုင် မဆီလျော်တာ၊ မတရား တာ သိပေမယ့် “လေးစားလိုက်နာထိန်းသိမ်းကာကွယ်ပါ့မယ်”လို့ ၂၀၀၈ အခြေ ခံ ဥပဒေကို ကတိသစ္စာပြုထားရလေ တော့ လိပ်ပြာမသန့် တာကြောင့် လည်း ဖြစ် ချင်ဖြစ်ပါလိမ့်မယ်။

ကိုယ်တိုင် အုပ်စိုးတဲ့သူ ဖြစ်လာတဲ့အခါကျတော့ အာဏာ ဆိုတဲ့ စကားလုံးကို ဥပဒေ ဆိုတဲ့ စကားလုံးနဲ့ ပြောင်းပြောကြရတာ မဆန်းကျယ်ဘူး လို့ ထင်ပါ တယ်။

တကယ်တော့ “ဥပဒေ”ဆိုတာ သူ့ချည်းတော့ ဘာမှ အသက် ခွန်အား ရှိလှတာ မဟုတ်ပါဘူး။ သေနတ်နဲ့ အသက်သွင်း ယူရတာပါ။ ဒီအဓိပ္ပါယ် အနှစ်သာရ ကို ပေါ်လွင်စေတဲ့ စကားရပ်ကတော့ “ဥပဒေကဲ့သို့ အာဏာတည်သောအမိန့်” ဆိုတဲ့စကားပါပဲ။ အာ ဏာကို တည်တံ့စိုးမိုးအောင် လုပ်ရတဲ့လုပ်ငန်းစဉ် မှာ သေနတ်က အရေးပါတယ်။ သေနတ်ကျောထောက်နောက်ခံ မရှိတဲ့ ဥပဒေ ကို ဘယ်သူကမှ အရေးမလုပ် ပါဘူး။

အလွယ်ဆုံး သဘောကတော့ ငွေစက္ကူတွေ လိုပေါ့။ စက္ကူပေါ်မှာ ကိန်း ဂဏန်းဖော်ပြ ပြီး တန်ဖိုး အဘယ်မျှ ရှိသည်လို့ ရိုက်နှိပ်ထား ရုံနဲ့ တန်ဖိုးရှိလာ တာ မဟုတ်ဘူး။ သူ့ကို ကျောထောက်နောက်ခံပေးထားရတဲ့ ရွှေအာမခံရှိရမယ် မဟုတ်လား။ ဒါမှ ဒီငွေစက္ကူကို ဘယ်နေရာမှာမဆို လဲလှယ်သုံးစွဲနိုင်မှာပေါ့။ ဥပဒေမှာလည်း ဒီလိုပါပဲ။ ဒီဥပဒေကို အသက်သွင်းပေးရတဲ့၊ ဒီဥပဒေကို ထက်မြက် ရှင်သန်နေစေဖို့ စစ်တပ်၊ ထောက်လှမ်းရေး၊ ရဲ၊ တရားရုံး၊ အကျဉ်း
ထောင် စတဲ့ အင်အားသုံးရတဲ့ ယန္တရားတွေနဲ့ ကျောထောက် နောက် ခံပေး ရပါတယ်။ “ရာဇဝတ်ဘေးပြေးမလွတ်” ဆိုတာမျိုးနဲ့လည်း တဖက်က ခြောက် ရသလို။ “စည်းကမ်းလိုက်နာ ဘေး ကင်းကွာ၊ စည်းမျဉ်းကိုက်ညီ ဘေးကင်း သည်” ဆိုတာမျိုးတွေနဲ့လည်း အခြားတစ်ဖက်ကနေ ချော့မော့ ပညာပေးလေ့ ရှိပါတယ်။

“သေဒဏ်၊ တသက်တကျွန်းဒဏ်၊ အလုပ်ကြမ်းနဲ့ နှစ်ရှည်ထောင်ဒဏ်” စတဲ့ အပြစ်ပေး၊ အရေးယူမှုတွေ လုပ်ပြပြီး အာဏာရ အုပ်စိုးသူလူတန်းစားက အုပ်စိုး ခံ လူတန်းစားအား ခြိမ်းခြောက်ပြပါတယ်။

ဒါကြောင့် ဒီမိုကရေစီတို့၊ တရားဥပဒေစိုးမိုးရေးတို့အကြောင်းကို ပြောနေပြီဆိုရင် အဲဒီပြောဆိုနေတဲ့ ဒီမိုကရေစီနဲ့ တရားဥပဒေ တို့ဟာ ဘယ်သူတွေအတွက် ရှိနေတဲ့ ဒီမိုကရေစီလဲ။ ဘယ်သူ့အုပ်စိုးမှုကို အကာအကွယ်ပေးနေတဲ့ တရား ဥပဒေစိုးမိုးရေးလဲ ဆိုတဲ့ မေးခွန်းနဲ့ စိစစ်ရလိမ့်မယ်။ ဆန်းစစ်ရလိမ့်မယ်။

ဆိုပါစို့။ အလုပ်သမား၊ လယ်သမား၊ ပညာတတ်ဓနရှင်ပေါက်စ လူတန်းစားတွေ နဲ့ အမျိုးသားကုန်ထုတ်လုပ်ငန်းပိုင်ရှင်များအ တွက် ဒီမိုကရေစီနဲ့ တရားဥပဒေ စိုးမိုးရေးလား သို့တည်းမဟုတ် စစ်ဗျူရိုကရက် ဓနရှင်လူတန်းစားနဲ့ စားဖော်
သောက်ဖက် ခရိုနီ ထိပ်သီးတစ်စုအတွက်သာ အရေးသာစေပြီး ကြီးပွား တည်တံ့
စေတဲ့ ဒီမိုကရေစီနဲ့ တရားဥပဒေလား ဆိုတာ ပိုင်းခြား ဆန်းစစ်ကြရ ပါလိမ့် မယ်။

၂၀၀၈ အခြေခံဥပဒေနဲ့ အခြားတည်ဆဲဥပဒေ ဆိုတာတွေကတော့ စစ်ဗျူရိုက ရက် ဓနရှင်လူတန်းစားနဲ့ ခရိုနီထိပ်သီးတစ်စုရဲ့ အတိတ်၊ ပစ္စုပ္ပန်၊ အနာဂတ် ဘုံ အကျိုးစီးပွားအတွက် အကွက်ချ ရေးသားပြီး စိတ်ကြိုက် အတည်ပြု ထားတဲ့ ဥပဒေတွေပဲ ဖြစ်ပါတယ်။ ဒီဥပဒေတွေရဲ့ အနှစ်သာရက စစ်ဗျူရိုကရက် ဓနရှင် လူတန်းစားနဲ့ ခရိုနီထိပ်သီးတစ်စုအတွက် နိုင်ငံရေး၊ စီးပွားရေးလုပ် ပိုင်ခွင့်တွေ ကို ဥပဒေအခွင့်အရေးအဖြစ် ပြဋ္ဌာန်းပေးပြီး - ဒီအကျိုး စီးပွားတွေကို ထိခိုက် ပျက်ပြားအောင် လုပ်ဆောင်သူတွေကို ဒီ ဥပဒေတွေက ကြီးလေးတဲ့ အပြစ်ပေး နိုင်တယ် ဆိုတာပဲ ဖြစ်ပါတယ်။

တရားဥပဒေစိုးမိုးရေးကို အပြောများလာတဲ့ အနေအထားအောက်မှာ အပေါ် လွင်ဆုံး ဖြစ်ရပ် နှစ်ခု နှိုင်းယှဉ်တင်ပြလိုပါတယ်။

- အလုပ်သမား၊ လယ်သမား၊ ကျောင်းသားများရဲ့ ဆန္ဒပြမှုတွေအပေါ် ဥပဒေ၊ အာဏာပိုင်များရဲ့ အပြုအမူနဲ့

- ဘာသာရေး လူမျိုးရေးဗန်းပြ အကြမ်းဖက် လုယက်ဖျက်ဆီးသတ်ဖြတ်မှု များ အပေါ် ဥပဒေ၊ အာဏာပိုင်များရဲ့ အပြုအမူ

အလုပ်သမား၊ လယ်သမား၊ ကျောင်းသားများရဲ့ ဆန္ဒပြမှုတွေအပေါ် ဥပဒေ၊ အာဏာပိုင်များရဲ့အပြုအမူ

ကြံ့ဖွံ့အစိုးရသက်တမ်း ကာလတစ်လျှောက်လုံးနဲ့ သမ္မတ ဦးထင်ကျော် ရဲ့ ဒီချုပ်ပါတီ အစိုးရသက် တမ်းကာလ (ပထမရက် ၁၀၀ ကာလ အတွင်း) မှာပဲဖြစ်ဖြစ်၊ ဆန္ဒပြမှု၊ သပိတ်မှောက်မှုဖြစ်တာနဲ့ အချိန် နဲ့တပြေးညီ ထိထိ
ရောက် ရောက်၊ ပြင်းပြင်းထန်ထန်၊ ရက်ရက်စက်စက်၊ ကြမ်းကြမ်းတမ်းတမ်း၊ (သေနတ်၊ မီးလောင်ဗုံး၊ သံဆူးကြိုး၊ နံပါတ်ဒုတ်၊ ဒိုင်း စသဖြင့် လက်နက်အပြည့် အစုံ) အင်အားသုံးပြီး အကြမ်းဖက်ဖြိုခွဲလေ့ ရှိပါ တယ်။ ပုဒ်မ ၅၀၅(ခ) လို ပုဒ်မ ကြီး ကြီးတပ်ပြီး တရား စွဲတင်ပို့ ထောင်ချပစ်လေ့ ရှိပါ တယ်။ ဒီလို လုပ်ရပ်တွေ ၊ ဖြစ်ရပ်တွေကို ကြံ့ဖွံ့အစိုးရ သက်တမ်း ကာလတစ် လျောက် လုံး တွေ့မြင်ခဲ့ရ သလို ယခုလက်ရှိ သမ္မတ ဦးထင်ကျော် ဒီချုပ်ပါတီ အစိုးရ လက်ထက်မှာလည်း ဆက်လက်မြင်တွေ့နေ ရဆဲ ဖြစ်ပါတယ်။

ဘာသာရေးလူမျိုးရေးဗန်းပြ အကြမ်းဖက် လုယက် ဖျက်ဆီး သတ်ဖြတ်မှုများ အပေါ် ဥပဒေ၊ အာဏာပိုင်များရဲ့အပြုအမူ

အထက်မှာတင်ပြခဲ့တဲ့ ဆန္ဒပြမှုတွေ၊ သပိတ်မှောက်မှုတွေကို ကိုင်တွယ်တာ နဲ့ ဗြောင်းပြန် ဖြစ်ပါတယ်။

ဘာသာရေး၊ လူမျိုးရေးဗန်းပြ အကြမ်းဖက် လုယက်သတ်ဖြတ်သူတွေကို ရဲတွေ က တအူတုံ့ဆင်း ညီအစ်ကိုအရင်းသဖွယ်၊ ရဲ ဘော်ရဲဘက်သဖွယ်၊ ညင်ညင် သာသာ၊ ညှာညှာတာတာ၊ ချိုချိုသာသာ ကိုင်တွယ်လေ့ ရှိပါတယ်။ သို့တည်း မဟုတ် မီးဟုန်းဟုန်း တောက်လောက်နေတော့မှ နေအိမ်အဆောက်အအုံ ဘုံး ဘုံးလဲ ပျက်စီးပြိုကျပြီးတော့မှ လူအမြောက်အများ သေကျေဒဏ်ရာရ ပြီးတော့မှ သူတို့ ရောက်လာလေ့ ရှိပါတယ်။

ယခု လတ်တလောဖြစ်ပွားခဲ့တဲ့ “သူရဲသမိန်ရွာကြီး”က အကြမ်းဖက်မှု ဖြစ်ရပ်ကို ပဲကြည့်ပါ။ အစိုးရပိုင် သတင်းစာတွေရဲ့ ဖော်ပြ ချက်ကို ဖတ်ကြည့်ပါ။ ဘယ်လောက် ဘက်လိုက်ဖော်ပြသလဲဆိုတာ တွေ့ရပါလိမ့်မယ်။ လိုသလောက် ပဲ ကောက်နုတ်ပြပါရစေ။

- “ပဲခူးတိုင်းဒေသကြီး၊ ဝေါမြို့နယ်၊ သူရဲသမိန်ကျေးရွာတွင် ရွာသူရွာသား အချို့ ခိုက်ရန်ဖြစ်ပွားမှု” တဲ့။

- “ ခိုက်ရန်ဖြစ်ပွားမှုကြောင့် ရာရှစ် ဆိုသူမှာ ဝဲဘက် ချိုစောင်းတွင် အနည်း ငယ် ဒဏ်ရာ ရှိခဲ့သဖြင့်” တဲ့။

- “သူရဲသမိန်ကျေးရွာမှ ရွာသူရွာသား ၂၀၀ခန့်သည် ညနေ ၃နာရီခွဲခန့်တွင် ယင်းရွာရှိ ဘာသာရေးအဆောက်အအုံ နှင့် အနီးရှိ နေအိမ်မှ ပစ္စည်းများအား ဝင်ရောက် ဖျက်ဆီးခဲ့ပြီး ညနေ ၄နာရီခွဲခန့် တွင် လူစုကွဲသွားကြောင်း” တဲ့။

- “အရင်က ဒီရွာမှာ အခုလို ပြဿနာမျိုး မရှိခဲ့ပါဘူး။ စိတ်အခန့်မသင့် လို့ ဖြစ်သွားတယ်လို့ မြင်ပါတယ်” တဲ့။

“အရင်က ဒီရွာမှာ ဒီလိုပြဿနာမျိုး မရှိခဲ့ပါဘူး” ဆိုတော့ “ပြင်ပ ပယောဂ ပါတယ်” လို့ ဝန်ခံတာပဲလား ငဘ မသိပါဘူး။ “ စိတ်အခန့်မသင့်လို့ဖြစ် သွား တယ် လို့မြင်တယ်” ဆိုတာကတော့ အမှုပေါ့အောင်ပြောတဲ့ လူပါးလေပြေထိုးတဲ့ အပေါက်ပါ ဒီလို အရေးအသားဟာ အစိုးရ ပိုင် သတင်းစာတွေရဲ့ မလိုတမျိုး လိုတမျိုး၊ ပဋိပက္ခ လျှော့ချရေး ဂျာနယ်လစ်ဇင်းပဲ ထင်ပါရဲ့။

အစိုးရပိုင် သတင်းစာက သူရဲသမိန်ကျေးရွာက အကြမ်းဖက်မှုကို ဘယ်လို သဘောထားသလဲ ဆိုတာ စကားလုံးကိုကြည့်တာနဲ့ အလွယ်တကူ သိနိုင်ပါ တယ်။ သတင်းစာဖော်ပြချက်အရဆိုရင် ကြာမြင့်ချိန် တစ်နာရီလောက်အတွင်း မှာ ဘာသာရေး အဆောက်အုံနဲ့ အနီးရှိ နေအိမ်ကတော့ ဘုံးဘုံးလဲ ပျက်စီး သွားလောက်ပါတယ်။ ဒီလို တနာရီလောက် စိတ်ကြိုက်ဖျက်ဆီးနေတာကို ဥပဒေအာဏာပိုင်တွေက လက်ပိုက်ကြည့်နေကြတယ် ထင်ပါတယ်။ (တစ်နာရီ မကနိုင်ပါဘူး။ ဒီထက် ကြာနိုင်ပါတယ်၊)

ဆိုရှယ်မီဒီယာမှာ ဖော်ပြနေတဲ့ အပျက်အစီး ဓါတ်ပုံတွေက အစိုးရပိုင်သတင်း စာရဲ့ ဖော်ပြချက်ထက် များပါတယ်။ အကြမ်းဖက် ဖျက်ဆီးသူများရဲ့ ဓါတ်ပုံများ လည်း အထင်အရှားမြင်နိုင်ပါတယ်။ ဒါတွေကို ထိထိရောက်ရောက် ဖမ်းဆီး အပြစ်ပေး အရေးယူဖို့ လိုပါတယ် ခြေမမကောင်း ခြေမသာ ဖြစ်သင့်ပါတယ် ငဘ က ဗုဒ္ဓဘာသာပါ ဒါပေမယ့် ဒီလို လုပ်တာ မဟုတ်သေးဘူးလို့ပဲ နားလည် ထားပါတယ် ဗုဒ္ဓဘာသာမို့ ဘက်လိုက်ပြောမယ်တော့ မယူဆပါနဲ့ ဒီအမှူက ရဲ အရေးပိုင်တဲ့ အမှူဖြစ်ပဲတယ် ရဲတွေက ကာယကံရှင်က အမှူမဖွင့်လို့ ဆိုတဲ့ အကြောင်းပြချက်နဲ့ ဆင်ခြေပေးပါတယ် ဒီလို ဆင်ခြေက တရားဥပဒေကို မျက် ကွယ် ပြုလိုက်တာပါ ဆိုတဲ့ အကြောင်း ပြောလိုက်တာပဲ ဖြစ်ပါတယ် တကယ် တမ်း ဒီပြဿနာဟာ ကာယကံရှင် အမှုဖွင့်သည်ဖြစ်စေ မဖွင့်သည်ဖြစ်စေ ရဲက အမှုဖွင့်ရမှာ ဖြစ်ပါတယ် သိအပ်သည်ကို ဆိုလိုခြင်းသာ ထားဦးစို့

အလုပ်သမား၊ လယ်သမား၊ ကျောင်းသားဆန္ဒပြပွဲတွေကို ဖြိုခွဲပြီဆိုရင် “အကြမ်းဖက် ဆူပူလိုသူ တစ်စု” ဆိုပြီး သွက်သွက်ကြီး အိုးမဲသုတ် သရုပ်ဖျက်
လေ့ ရှိတဲ့ အစိုးရပိုင် သတင်းစာက သူရဲသမိန်ရွာက အကြမ်းဖက်မှုကိုတော့ “ရွာသူရွာသား ၂၀၀ခန့်သည်” တဲ့။ သူရဲသမိန်ကျေးရွာဟာ အိမ်ခြေ ၉၀၀၀ခန့်ရှိ တဲ့ တိုက်နယ်အဆင့်ရှိတဲ့ ကျေးရွာကြီးတစ်ရွာ ဖြစ်ပါတယ်။ လူ ၂၀၀က အကြမ်း ဖက် ဖျက်ဆီးတာကို “ရွာသူရွာသား ၂၀၀ခန့်”တဲ့။ သူရဲသမိန်ကျေးရွာကို ဒီလို အကြမ်းဖက် ဖျက်ဆီးတဲ့ လူရမ်းကား ၂၀၀ရဲ့ အကြမ်းဖက်လုပ်ရပ်နဲ့ ညစ်ပတ်
အောင်လုပ်ခဲ့ပြီ။ သူရဲသမိန်ရွာရဲ့မျက်နှာကို အကြမ်းဖက်မှုနဲ့ အိုးမဲသုတ်ခဲ့ကြပြီ။

ဒီလို ဘာသာရေး၊ လူမျိုးရေး ဗန်းပြတဲ့ အကြမ်းဖက်လုပ်ရပ်တွေဟာ ဗဟို အမိန့်
ပေးဌာန တစ်ခုကနေ မြို့နယ်အလိုက် အမိန့်ပေး စေခိုင်း လှုပ်ရှားနေ ပုံ ပေါ်ပါ တယ်။ သူရဲသမိန်ကိစ္စမှာ လူမသတ်ဖို့နဲ့၊ မီးမရှို့ဖို့ အကြမ်းဖက် ဗဟို က ညွန်ကြားထားလေသလားလို့ လည်း အတွေးပွါးမိပါတယ်။ ယမန်နှစ်များ က ဆိုကြသည့် နည်းကား အစိုးရလှည့်ကွက်များ ဖြစ်နေမလား ဟုလည်း ငဘ တွေး မိပါသည်။ ဦးထင်ကျော် အစိုးရဟာ ဘာသာရေး လူမျိုးရေး ဗန်းပြ အကြမ်းဖက် မှုတွေကို ရဲရဲတင်းတင်း ကိုင်တွယ် ဖို့ လိုပါတယ်။

ဘာသာရေး လူမျိုးရေးဗန်းပြ အကြမ်းဖက်မှုတွေနဲ့ မတရားမှုတွေကို မြန်မြန်ဆန် ဆန်၊ ထိထိရောက်ရောက် မကိုင်တွယ်တာဟာ (ဖြေးဖြေးနှေးနှေးကိုင် တွယ်တာ ဟာ) ဘာသာရေး လူမျိုးရေးဗန်းပြ အကြမ်းဖက်မှုတွေနဲ့ မတရားမှုတွေ ကာယ ကံမြောက် အား ပေးအားမြှောက် ပြုရာ ရောက်ပြီး ထိခိုက်ခံစား ရသူ များ ကို လှောင်ပြောင်စော်ကား ပျက်ရယ်ပြုတာပဲ ဖြစ်ပါလိမ့်မယ်။

အလုပ်သမား၊ လယ်သမား၊ ကျောင်းသားဆန္ဒပြမှုတွေကို ကိုင်တွယ်ပုံနဲ့ ဘာသာရေး လူမျိုးရေးဗန်းပြ အကြမ်းဖက်သမားတွေအပေါ် ကိုင်တွယ်ပုံတွေကို အမှန်တကယ်၊ အလျင်အမြန် ပြောင်းလဲပစ်ဖို့ လိုနေပါတယ်။ အလုပ်သမား၊ လယ်သမား၊ ကျောင်းသား တွေ ဆန္ဒပြပြီဆိုရင် အင်အားသုံးဖြိုခွင်းဖို့ လက်မြန် လက်ယဉ် လှပြီး လျှပ်ပြက်သလို လျင်မြန်လှသော်လည်း၊ ဘာသာရေး လူမျိုးရေး ဗန်းပြ အကြမ်းဖက်သမားတွေကို နှိမ်နင်းတဲ့နေရာမှာတော့ ပက်ကျိ လမ်းသွား သလို၊ စည်တော်ကြီး တီးသလို နှေးလွန်း၊ လေးလွန်း လှတယ်။

ပြီးတော့ “မတရားတဲ့ အမိန့်အာဏာဟူသမျှ တာဝန်အရ ဖီဆန်ကြ” ဆိုတဲ့
ကြွေးကြော်သံကို စွန့်လွှတ်သူတွေက (ယာယီပဲဖြစ် ဖြစ်/ အစဉ်ထာဝရပဲဖြစ်ဖြစ်) စွန့်လွှတ်သွားကြသည့်တိုင် လူမျိုးပေါင်းစုံပြည်သူများကတော့ ဆက်လက် ကိုင်စွဲပြီး တိုက်ပွဲဝင်နေကြပေလိမ့်အုံးမယ်။

ငဘ အတွေးထဲမှာတော့ဖြင့် ဦးထက်ကျော် အစိုးရ လက်တက်တွင် ပျော့ညံ့မှု အားနည်းမှု မပြတ်သားမှု ရှေ့နောက် စကားမညီညွတ်မှု တရားဥပဒေအပေါ် မလေးစားမှု မူဝါဒ မရှိမှု တွေ ပိုမိုထင်ရှားနေလေသလားဟုသာ......။

ရည်ညွန်း

- ၂၄ ဇွန် ၂၀၁၆ - မြန်မာ့အလင်းသတင်းစာ
- ၂၅ ဇွန် ၂၀၁၆ - မြန်မာ့အလင်းသတင်းစာ