ဗ မ

မြန်မာလူမျိုး -( ယောအတွင်းဝန် ဦးဖိုးလှိုင်၏ ရာဇဓမ္မသင်္ဂဟကျမ်း)

 ယောအတွင်းဝန် ဦးဖိုးလှိုင်၏ ရာဇဓမ္မသင်္ဂဟကျမ်းတွင် မြန်မာလူမျိုး အသုံးအနှုန်းကို ဤသို့ တွေ့ရသည်။


*****************

==============================

မင်းကို ဆုံးမသော ရွှေပြည်ဝန်ကြီး ဦးဘိုးလှိုင် 


မြန်မာ့သမိုင်းမှာ ပြည်သူလူထုအပေါ် တရားမျှတစွာ အုပ်ချုပ်တဲ့ မင်းတွေရှိခဲ့သလို၊ ပြည်သူကို နှိပ်စက်တဲ့ မင်းတွေလည်း အုပ်စိုးခဲ့ပါတယ်။ အဲဒီလိုကွဲပြားတဲ့ မင်းတွေရှိခဲ့သလို မင်းမှုထမ်းတွေမှာလည်း မင်းလိုလိုက် မင်းကြိုက်ဆောင်သူတွေနဲ့ မှန်ရာကို ပြောရဲ၊ ရေးရဲ၊ လုပ်ဆောင်ရဲတဲ့သူတွေဆိုပြီး ကွဲပြားစွာ ရှိခဲ့ပါတယ်။ ဒီလို မှန်ရာကို တင်ပြ လုပ်ဆောင်ရဲသူများထဲက စံပြုထိုက်သူတစ်ဦးကတော့ ရွှေပြည်ဝန်ကြီး ဦးဘိုးလှိုင်ဖြစ်ပါတယ်။

ယောအတွင်းဝန်၊ ရွှေပြည်ဝန်၊ ယောမင်းကြီး၊ ရွှေပြည်မင်းကြီး၊ ဝက်မစွတ်မြို့စား၊မကွေးမြို့စား ဝန်ရှင်တော်မင်းကြီး၊ သတိုးမင်းကြီး မဟာမင်းခေါင် သီဟသူ စသဖြင့် အမျိုးမျိုး ခေါ်တွင်ကြတဲ့ ဦးဘိုးလှိုင်ကို ကွယ်လွန်သူ စာဆိုကြီး ဆရာမောင်ထင်ကတော့ 'မြန်မာ့ နိုင်ငံရေးသုခမိန်ကြီး' လို့ တင်စားခေါ်ဆိုခဲ့ပါတယ်။
ဆရာမင်းယုဝေ ကလည်း သူ့ရဲ့ 'ပထမ မြန်မာများ' စာအုပ်မှာ 'ယောမင်းကြီး ဦးဘိုးလှိုင် (ပထမ သိပ္ပံစာပေ ပြုစုသူ)' လို့ ကမ္ပည်းတင်ခဲ့ပါတယ်။

မြန်မာ့စွယ်စုံကျမ်းမှာလည်း 'မြန်မာ့နိုင်ငံရေးနှင့် အုပ်ချုပ်ရေး အတွေးအခေါ် အယူအဆတို့ကို ခေတ်နှင့်လျော်အောင် တိုးတက်ဖွံ့ဖြိုးစေရန် ကြံဆရွက်ဆောင်ခဲ့သော မြန်မာ့နိုင်ငံရေးသုခမိန်' လို့ ဖော်ပြခဲ့ပါတယ်။

သူဟာ သက္ကတ၊ ပါဠိ၊ မြန်မာစာပေတို့ကို နှံ့စပ်ရုံတင်မက အနောက်တိုင်း ဝိဇ္ဇာ သိပ္ပံပညာရပ်တွေမှာပါ နှံ့စပ်သူဖြစ်ပါတယ်။ ဒါကြောင့် အနောက်တိုင်းက ရတဲ့ ပညာဗဟုသုတတွေကို မြန်မာပစ္စည်းဖြစ်အောင် ကြံဆောင်ရင်း မြန်မာ့ရိုးရာကို ထိန်းသိမ်းပေးခဲ့ပါတယ်။

မင်းတုန်းမင်း လက်ထက်ကနေ သီပေါမင်းလက်ထက်အထိ အတွင်းဝန်၊ မြို့စား၊ အတိုင်ပင်ခံ ပညာရှိ စတဲ့ရာထူးတွေနဲ့ အမှုထမ်းနေစဉ်မှာပဲ မြန်မာစာပေလောကမှာ ထင်ရှားတဲ့ ကျမ်းအစောင်စောင်ကို ရေးသားပြုစုခဲ့ပါတယ်။

ဦးဘိုးလှိုင်ကို မြန်မာ့နိုင်ငံရေးသုခမိန်လို့ ဘာကြောင့်ခေါ်ဆိုပါသလဲ။
မြန်မာ့ဂန္ထဝင်မှာ ပေါ်ပေါက်ခဲ့တဲ့ ရှေးနီတိကျမ်းတွေက ရှေးရိုးစဉ်လာ မြန်မာ့အတွေးအခေါ် အယူအဆတို့ကို နိုင်ငံခြားနဲ့ ကူးလူးဆက်ဆံရာက ရရှိတဲ့ နိုင်ငံရေး၊ အုပ်ချုပ်ရေး၊ စီးပွားရေး၊ လူမှုရေးအသိတွေနဲ့ နှိုင်းယှဉ်ပြီး သူ့ခေတ် မြန်မာနိုင်ငံသားတွေကို အမြင်သစ် ပေးနိုင်ခဲ့ပါတယ်။

သူ့ရဲ့ 'ရာဇဓမ္မသင်္ဂဟကျမ်း'ဟာ အဲဒီသဘောဖြစ်ပြီး ဒီကျမ်းတစ်စောင်တည်းနဲ့  နိုင်ငံရေးသုခမိန် ဆိုတဲ့ ပညတ်ကို ခံယူထိုက်တယ်လို့ ဆိုကြပါတယ်။ သက်ဦးဆံပိုင်စနစ်အောက်မှာ ဒီလို ကျမ်းမျိုး ရေးသားဝံ့တဲ့ အချက်ကလည်း ဦးဘိုးလှိုင်ရဲ့ သတ္တိကို ဖော်ပြနေပါတယ်။

ဦးဘိုးလှိုင်ဟာ ရာထူး စည်းစိမ်ကို မငဲ့ဘဲ မှန်ရာကို ပြောဆို၊ လုပ်ဆောင်ခဲ့တဲ့အတွက် မကြာခဏ ရှင်ဘုရင်ရဲ့ အမျက်တော်ရှခြင်းကို ခံခဲ့ရပြီး ၃ ကြိမ်မက ရာထူးစည်းစိမ် နုတ်သိမ်းခြင်းခံခဲ့ရသလို အကျယ်ချုပ် ချတာကိုတောင်ခံခဲ့ရပါတယ်။ ဥပမာအားဖြင့် မင်းတုန်းမင်းလက်ထက်မှာ သမီး၊ နှမ တို့ကို ပေးဆက်ထားတဲ့အတွက် အခွင့်အရေးရနေတဲ့ အမှုထမ်းတစ်ဦးနဲ့ပတ်သက်ပြီး ပညာမဲ့အမတ်တို့ ဘုန်းကြီးရင် ပြည်ရွာပျက်တတ်တဲ့အကြောင်း မင်းတုန်းမင်းတရားကို လျှောက်ထားခဲ့ပါတယ်။

ဒီအခါ ဘုရင်အမျက်ထွက်ပြီး လှံကိုကောက်ကိုင်ရင်း “သည်လှံနဲ့ မောင်မင်းကို စီရင်တာ ခံချင်သလား”လို့ မေးတော့ ဦးဘိုးလှိုင်က “ထိုးတော်မူပါဘုရား”လို့ ဆိုရင်း ရင်ဘတ် ကော့ပေးခဲ့ပါတယ်။ ဒီဖြစ်ရပ်နဲ့ပတ်သက်ပြီး တခြားမှူးမတ်တွေက ရဲတင်းလွန်းတယ်လို့ ပြောကြတော့ ဦးဘိုးလှိုင်က

“ကျွန်ုပ်အဖို့ လှံနှင့်ထိုးသတ်၍ သေရခြင်းကား မြတ်သည်။ နေရာတိုင်း မင်းလိုလိုက်၍ စီမံသော မကောင်းမှုဖြစ်ပွားနေသည့်အတွက် နိုင်ငံတော် ပျက်စီးခြင်း ဖြစ်ရလေသည်ဟု ဤနာမည်မျိုး ကျန်ရစ်ခဲ့ပါလျှင် သေကျိုးမနပ် ဖြစ်သည်။ ထိုမကောင်းသော အပုပ်နံ့သည် တထောင်းထောင်းနှင့် လူအပေါင်းတို့ နှာခေါင်းရှုံ့ကြမည်ကို ကြောက်စရာကောင်းသည်။ မှူးမတ်ဆိုသည့်အတိုင်း၊ အကြီးအမှူး ဖြစ်သည့်အတိုင်း တည့်တည့်မတ်မတ်ဖြစ်အောင် စီမံခန့်ခွဲလျက် လျှောက်တင်ခွင့်ရှိက အသက်ကိုစွန့်၍ ရဲရဲဝံ့ဝံ့ တင်ကြရမည်။ သို့မှ မှူးမတ်နှင့်တူသည်”

လို့ တုံ့ပြန်ပြောဆိုခဲ့ပါတယ်။

ဒီဖြစ်ရပ်ရဲ့ နောက်ဆက်တွဲကတော့ အကျယ်ချုပ်နဲ့ ရာထူးအချခံခဲ့ရတာပဲဖြစ်ပါတယ်။ ဒီလို ရာထူးက ချလိုက်၊ လိုအပ်တဲ့အခါ ပြန်ခေါ်လိုက် ဖြစ်ရပေမယ့် ဦးဘိုးလှိုင်က
မှန်ရာကို ပြောဆို လုပ်ဆောင်ရင်း အမှုထမ်းခဲ့ပါတယ်။ သီပေါမင်းလက်ထက်မှာ ပြုစုခဲ့တဲ့ 'ရာဇဓမ္မသင်္ဂဟကျမ်း'ဟာ သက်ဦးဆံပိုင် ဘုရင်စနစ်အရ အုပ်ချုပ်မှုကို
တော်လှန်ပြီး ပြည်သူ့အာဏာနဲ့ အုပ်ချုပ်မှုကို ကြိုဆိုတဲ့ကျမ်းဖြစ်ပါတယ်။

ဒါကြောင့် ဘုရင်က မနှစ်သက်ပါဘူး။ ဒီကြားထဲ “ဘုရင်မင်းမြတ်ဟာ အလွန်အသုံးအဖြုန်းကြီးတယ်။ ဘဏ္ဍာတော်ဆိုတာ ဆင်းရဲသားတွေရဲ့ ချွေးနှဲစာကနေ ညှစ်ထုတ်ယူထားတာ ဖြစ်တဲ့အတွက် ကျောက်ခဲသလဲလို သဘောမထားသင့်ဘူး” ဆိုပြီး ဘုရင့်ဘဏ္ဍာရေးကို ကန့်သတ်ဖို့ ကြိုးပမ်းခဲ့ပါတယ်။ ဒီအခါ မိဖုရားက မခံနိုင်ဖြစ်ပြီး “ရှင်ဘုရင်လုပ်ရတာ ငလှိုင်ပေးသရွေ့နဲ့ စားရမှာလား”လို့ ဒေါသနဲ့ ပြောဆိုတာကို သီပေါမင်းကလည်း နားယောင်တဲ့အတွက် ဦးဘိုးလှိုင်ကို ရာထူးချလိုက်ပါတော့တယ်။

ဒီအကြိမ်ဟာ နောက်ဆုံးအကြိမ် ရာထူးကျခြင်းဖြစ်ပြီး ရာထူးပြန်လည်ပေးအပ်ခြင်း မရှိတော့ပါဘူး။ ဒါပေမယ့် ဦးဘိုးလှိုင်က မတုန်လှုပ်ဘဲ ခြံဥယျာဉ်အလုပ်ကို လုပ်ရင်း တဖက်က စာပေကျမ်းဂန် ပြုစုခြင်းအလုပ်ကို လွတ်လွတ်လပ်လပ် လုပ်ကိုင်ခဲ့ပါတယ်။ ပဒေသရာဇ်စနစ်အတွင်း ရှင်ဘုရင်ကို ဝေဖန်ဆုံးမတဲ့ ဦးဘိုးလှိုင်လို ရဲဝံ့သူ ပေါ်ပေါက်ခဲ့ခြင်းနဲ့ ပတ်သက်လို့ အားရစရာကောင်းသလို၊ ဒီလို ပညာရှိမျိုးကို အာဏာပိုင်တွေက အသက်သေကြေအောင် မလုပ်ဆောင်ခဲ့တာဟာလည်း အတုယူ ဆင်ခြင်စရာ ဖြစ်ပါတယ်။

မြန်မာသက္ကရာဇ် ၁၁၉၁ ခုနှစ်မှာ မွေးဖွားခဲ့တဲ့ ဦးဘိုးလှိုင်ဟာ သက္ကရာဇ် ၁၂၄၅ ခုနှစ်မှာ ကွယ်လွန်ခဲ့ပါတယ်။ အသက် ၅၄ နှစ်အရွယ်မှာ ကွယ်လွန်ခဲ့ရပေမယ့် ဦးဘိုးလှိုင်ရေးသားခဲ့တဲ့ ဝိဇ္ဇာ သိပ္ပံဆိုင်ရာ ကျမ်းပေါင်း ၁၄ ကျမ်းက ခေတ်အဆက်ဆက် ကိုးကားလေ့လာစရာ စာပေတွေအဖြစ် ကျန်ရစ်ခဲ့ပါတယ်။ အဲဒီထဲက လောကဓာတ်ဆေးကျမ်း၊ သဒ္ဒသင်္ဂဟကျမ်း၊ ဝိမုတ္တိရသကျမ်း၊ မဟာသမ္မတ ဝိနိစ္ဆယကျမ်း၊ ကာယာနုပဿနာကျမ်း၊ ရာဇဓမ္မသင်္ဂဟကျမ်း၊ ဥတုဘောဇနသင်္ဂဟကျမ်း တို့ဟာ မြန်မာစာဖတ်ပရိသတ်နဲ့ ရင်းနှီးနေတဲ့ အမည်တွေ ဖြစ်ပါတယ်။ အခုဖော်ပြခဲ့တဲ့ ဘာသာရေးကျမ်း၊ ဆေးပညာကျမ်း၊ နီတိကျမ်းတွေအပြင် ကြေးနန်းရိုက်နည်းကို တီထွင်ပြသထားတဲ့ လိပိဒိပိကာကျမ်း၊ လိလာဝတီ ဂဏန်းကျမ်းတို့ကိုလည်း ပြုစုခဲ့ပါတယ်။ ဦးဘိုးလှိုင်ဟာ သိပ္ပံပညာကျမ်းတွေကို ပြုစုတဲ့အခါ မြန်မာတွေ ရင်းနှီးပြီးသား အသုံးအနှုန်းတွေနဲ့ ဖော်ပြနိုင်ဖို့ အားထုတ်ခဲ့သလို၊
ကျစ်လျစ်တဲ့ ဘာသာပြန်ဆိုမှု တွေ့ရတယ်လို့ ပညာရှင်များက မှတ်ချက်ချကြပါတယ်။ ဘာသာပြန်ရာမှာလည်း အသံလှယ် ပြန်ဆိုမှုတွေအပြင် Carbon (ကာဗွန်) ကို မီးသွေး၊
Acid (အက်စစ်)ကို ငရဲမီး၊ Beer (ဘီယာ)ကို ဗျစ်ခါး စသဖြင့် မြန်မာဘာသာနဲ့ ပြန်ဆိုသုံးနှုန်းခဲ့ပါတယ်။

ဦးဘိုးလှိုင်ဟာ သူရသတ္တိနဲ့ပြည့်စုံတဲ့သူ ဖြစ်တဲ့အပြင် အလွန် ဖြောင့်မှန် ပွင့်လင်းသူ၊ ပြတ်သားသူ၊ ဘယ်သူ့ကိုမှ ရန်မပြုသူဖြစ်တယ်လို့ သိရပါတယ်။ သူ့ကို ရာထူးကျအောင် ကုန်းချောသူ သေသွားတာကိုတောင် ဝမ်းသာအားရမဖြစ်ဘဲ “သူသေတာ ငါနဲ့မဆိုင်ပါဘူးကွယ်။ သူလည်း သူ့ကံနဲ့သူ၊ ငါလည်း ငါ့ကံနဲ့ငါပါ။ သည်ဟာနှင့် စပ်လျဉ်းလို့ နောက်ထပ် မည်သူ့ကိုမျှ မပြောလေနှင့်” လို့ ပြောဆိုခဲ့ပါတယ်။

အခုဆိုရင် ပညာရှင် ဦးဘိုးလှိုင် ကွယ်လွန်ခဲ့တာ နှစ်ပေါင်း ၁၂ဝ ကျော်ခဲ့ပါပြီ။ ဒါပေမယ့် သူ့ရဲ့ လေးစား အတုယူစရာ စိတ်ဓာတ်တွေနဲ့ လုပ်ဆောင်မှုတွေက စာပေများကတဆင့် ဆက်လက်ရှင်သန်နေဆဲ ဖြစ်ပါတယ်။ ။




ဗဒုံမင်းတရား (ဘိုးတော်ဘုရား)၏ သားတော် မက္ခရာမင်းသားကြီးကိုယ်တိုင် ပြစု သော ပထမ အင်္ဂလိပ်-မြန်မာ အဘိဓာန်တွင် "မြန်မာလူမျိုး" အသုံးအနှုန်းကို ဤသို့ တွေ့ရသည်။



====================
မက္ခရာ မင်းသားကြီး
(ဆရာ မင်းယုဝေ ရေးသားသော “ပထမ မြန်မာများ” စာအုပ်မှ)

မြန်မာ့သမိုင်း၌ ကျွန်တော်သိသော “မက္ခရာမင်းသား” နှစ်ပါးရှိသည်။ တစ်ပါးမှာ အမရပူရ ပထမမြို့တည် ဗဒုံမင်းတရား (ဘိုးတော်ဘုရား)၏ သားတော် ဖြစ်သည်။ ငယ်မည် မောင်ပျိုး၊ ဘွဲ့အမည် မင်းရဲကျော်စွာ ဖြစ်သည်။ နောင်အခါ မက္ခရာမြို့ကို စားရသဖြင့် မက္ခရာ မင်းသားဟု တွင်သည်။ အင်းဝဘုရင် ဘကြီးတော်နှင့် သာယာဝတီမင်းတို့၏ ဦးလေးတော် ဖြစ်သည်။ မြန်မာနိုင်ငံကို ခေတ်သစ် ထူထောင်လိုသူအဖြစ် လည်းကောင်း၊ အင်္ဂလိပ်-မြန်မာ အဘိဓာန်ကို ပြုစုသူအဖြစ် လည်းကောင်း ထင်ရှားသည်။

ကျန်တစ်ပါးမှာမူ ရတနာပုံ ပထမမြို့တည် မင်းတုန်းမင်း၏ သားတော် ဖြစ်သည်။ ငယ်မည် မောင်သန့်၊ ဘွဲ့မည် မင်းရဲစည်သူ ဖြစ်သည်။ နောင်အခါ မက္ခရာမြို့ကို စားရသဖြင့် မက္ခရာမင်းသား တွင်သည်။ အိမ်ရှေ့စံ ကနောင်မင်းသား လွန်ပြီးနောက် ကနောင်မင်းသား အုပ်ချုပ်ခဲ့သည့် ရတနာပုံ စက်ရုံများကို အုပ်ချုပ်ခဲ့သူ ဖြစ်သည်။ မင်းတုန်းမင်း၏ အရိုက်အရာကို ဆက်ခံထိုက်သူ အရည်အချင်း ပြည့်သော သားတော်ကြီးတစ်ပါး အဖြစ် ထင်ရှားသည်။ သီပေါမင်းကို နန်းတင်စဉ် မင်းညီမင်းသား အများ ကွပ်မျက်ခံရရာ၊ ထိုမင်းသားလည်း ကွပ်မျက်ခံရရှာသည်။

ယခု တင်ပြလိုသူမှာ အဘိဓာန်ဆရာ မက္ခရာမင်းသားကြီးပင် ဖြစ်သည်။ အမေရိကန် သာသနာပြုဆရာ ဒေါက်တာ ဂျပ်ဆင်၏ မှတ်တမ်းများအရ မက္ခရာ မင်းသားကြီးသည် ရုပ်ရည်ရူပကာ တင့်တယ်သည်။ သို့ရာတွင် ခြေလက်တို့မှာ လေဖြတ်ထားသဖြင့် မသန်မစွမ်း ဖြစ်နေသည်ဟု ဆိုသည်။

ယင်းသို့ ဖြစ်လင့်ကစား မင်းသားကြီးသည် ဘ၀ကို အရှုံးမပေး။ နိုင်ငံနှင့် လူမျိုးအကျိုးကို အစွမ်းကုန် ဆောင်ရွက်ခဲ့သည်။ ဆောင်ရွက်သည် ဆိုရာ၌ နိုင်ငံရေးအရ မဟုတ်။ စာပေရေး၊ ပညာရေးအရ ဆောင်ရွက်ခြင်း ဖြစ်သည်။ ထိုစဉ်က မြန်မာတို့သည် အနောက်တိုင်း ၀ိဇ္ဇာ၊ သိပ္ပံ ပညာရပ်များကို မတတ်မြောက်ကြသေး၊ ခေတ်မမီကြသေး။ ကမ္ဘာပြားသည် ဟူသော အယူကိုပင် ယူကြဆဲဖြစ်သည်။ ထိုအချက်ကို မင်းသားကြီးသည် ကောင်းစွာ သတိပြု ဆင်ခြင်မိသည်။ မင်းသားကြီးသည် အင်းဝ နေပြည်တော်ရောက် ပေါ်တူဂီလူမျိုးများ၊ အင်္ဂလိပ်လူမျိုးများနှင့် ဆက်ဆံရာတွင် ထိုသူတို့မှတစ်ဆင့် ခေတ်မီ ၀ိဇ္ဇာသိပ္ပံ ပညာရပ်များ၏ သဘောကို သိရှိ နားလည်ခဲ့သည်။ ထိုပညာရပ်များကို တတ်မြောက်မှသာ မြန်မာတို့ ခေတ်မီ နိုင်မည်ဟု သဘောပေါက်ခဲ့သည်။ တစ်ဖက်က နယ်ချဲ့ရန်လည်း ရှိနေရာ ထိုသို့ ခေတ်မီမှလည်း နယ်ချဲ့ရန်ကို တွန်းလှန်နိုင်မည်ဟု မြင်ခဲ့ဟန်တူသည်။ ထို့ကြောင့် မြန်မာများ ခေတ်မီရေးကို မင်းသားကြီးသည် အစွမ်းကုန် ကြိုးပမ်းခဲ့လေသည်။

မင်းသားကြီးသည် အင်းဝသို့ ရောက်ရှိနေသည့် အင်္ဂလိပ် ကုန်သည်ကြီး မစ္စတာ ရော်ဂျာထံမှ အင်္ဂလိပ်စာကို သင်ယူသည်။ ထို့နောက် အင်္ဂလိပ်ဘာသာဖြင့် ရေးထားသည့် အနောက်တိုင်း ၀ိဇ္ဇာသိပ္ပံဆိုင်ရာ ပညာရပ်များကို လေ့လာဆည်းပူးသည်။ အထူးသဖြင့် “ရီး၏ စွယ်စုံကျမ်း (Ree’s Encyclopedia) ကိုလေ့လာ ဆည်းပူးသည်။ မြန်မာအမျိုးသားတို့ လေ့လာ ဆည်းပူးနိုင်ရန်လည်း ထိုကျမ်းပါ သိပ္ပံပညာရပ်အချို့ကို မြန်မာဘာသာ ပြန်ဆိုသည်။

မင်းသားကြီးသည် အလွန်ခေတ်မီသူ ဖြစ်သည်။ သူ့အိမ် စာကြည့်ဆောင် နံရံတွင် အပူအအေး ချိန်သော သာမိုမီတာနှင့် လေဖိအား ချိန်သော ဘရိုမီတာတို့ကို အမြတ်တနိုး ချိတ်ဆွဲထားသည်။ ကမ္ဘာလုံးသည် ဟူသော အယူအဆကိုလည်း နှစ်သက်လက်ခံ ယုံကြည်ထားသည်။ ထိုစဉ်က ထိုအယူအဆကို လက်ခံသူမှာ မြန်မာအမျိုးသားတို့ အထဲတွင် အလွန် ရှားပါးလှသည်။ မင်းသားကြီးသည် လော်ဂရစ်သမ် ဂဏန်းသင်္ချာ တွက်နည်းကို အင်းဝရောက် အင်္ဂလိပ်ကုန်သည်ကြီး မစ္စတာလိန်းထံက သင်ကြားလေသည်။

ဘကြီးတော်လက်ထက် ၁၈၂၆ ခုတွင် ပထမ အင်္ဂလိပ်-မြန်မာ စစ်ပွဲ ဖြစ်ပွားသည်။ ၂နှစ်ခန့် တိုက်ခိုက်ကြပြီးနောက် မြန်မာတို့ အရေးနိမ့်သဖြင့် စစ်ပြေငြိမ်းကြသည်။ ရန္တပိုစာချုပ်ကို ချုပ်ဆိုကြသည်။ စာချုပ်အရ မြန်မာတို့က အင်္ဂလိပ်တို့အား ရခိုင်တိုင်းနှင့် တနသာင်္ရီတိုင်းတို့ကို ပေးလိုက်ရသည်။ နှစ်နိုင်ငံ ဆက်ဆံရေး လွယ်ကူစေရန် မြန်မာနေပြည်တော် အင်းဝနှင့် အင်္ဂလိပ်ပိုင် ကာလကတ္တားတို့တွင် အရေးပိုင် ၀န်ကြီးတစ်ဦးစီ ခန့်ထားကြသည်။

အင်္ဂလိပ်တို့က အင်္ဂလိပ် စစ်ဗိုလ်မှူးကြီး ကာနယ် ဗားနေးကို အင်းဝသို့ အရေးပိုင်ဝန်ကြီးအဖြစ် ခန့်အပ် စေလွှတ်လိုက်သည်။ ကာနယ် ဗားနေးသည် အင်းဝတွင် ၇နှစ်တိုင် နေထိုင်လျက် အမှုထမ်းရွက်ခဲ့လေသည်။ ကာနယ် ဗားနေးသည် အင်းဝသို့ ရောက်သောအခါ မက္ခရာမင်းသားကြီးကို သွားရောက် တွေ့ဆုံလေသည်။ တွေ့ဆုံသည်မှာ တာဝန်အရ မဟုတ်၊ နိုင်ငံရေးအရ မဟုတ်။ အင်္ဂလိပ်စာ တတ်ကျွမ်း၍ ခေတ်မီ ၀ိဇ္ဇာသိပ္ပံ ပညာရပ်များကို လေ့လာလိုက်စားသူ ပညာရှင်တစ်ဦးကို လေးစား ကြည်ညိုသောအားဖြင့် သွားရောက် တွေ့ဆုံခြင်းသာ ဖြစ်သည်။

မင်းသားကြီးကလည်း ကာနယ်ဗားနေးကို ကောင်းစွာ ဆီးကြိုဧည့်ခံသည်။ မင်းသားကြီး၏ စာကြည့်ဆောင် နံရံတွင် သာမိုမီတာနှင့် ဘရိုမီတာတို့ ချိတ်ဆွဲထားသည်ကို ကာနယ်ဗားနေးသည် အံ့ချီးစွာ တွေ့ခဲ့ရသည်။ မင်းသားကြီးနှင့် ကာနယ်ဗားနေးတို့ ပြောဆို ဆွေးနွေးကြသည်တို့မှာ စိတ်ဝင်စားဖွယ် ကောင်းလှသည်။ မင်းသားကြီးက ကာနယ်ဗားနေးအား လန်ဒန်၊ ကာလကတ္တား၊ အင်းဝ၊ ဘန်ကောက်မြို့များ၏ လတ္တီကျူ မျဉ်းကြောင်းများ၊ လောင်ဂျီကျူ မျဉ်းကြောင်းများကို မေးသည်။ အဘယ့်ကြောင့် သင်္ဘောသား အိမ်မြှောင် မြောက်ဘက်သို့သာ ခေါင်းလှည့် နေတတ်သည်ကိုလည်း မေးသည်။

ကောင်းကင်၌ ဒုတိယအကြိမ် ပေါ်ထွက်လာသော ကြယ်တံခွန် အကြောင်းကိုလည်း မေးသည်။ သာမိုမီတာနှင့် ဘရိုမီတာတို့ကို မည့်ကဲ့သို့ စီရင် ပြုလုပ်သည်ကိုလည်း မေးသည်။ ထို့ပြင် မင်းသားကြီးက အက္ခရာသင်္ချာကို သူအလွန် တတ်ကျွမ်းလိုကြောင်းလည်း ပြောလေသည်။

ကာနယ်ဗားနေးသည် မင်းသားကြီး၏ ပညာဗဟုသုတကို အထူးလေးစား ချီးကျူးမိသည်။ မင်းသားကြီးကို အထူးလေးစား ကြည်ညိုမိသည်။ ထို့ကြောင့် သူ၏မှတ်တမ်းတွင်

“ကျွန်ုပ်သည် မင်းသားကြီး၏ ဗဟုသုတ စုံလင်ပုံကို မချီးမွမ်းဘဲ မနေနိုင်ပါ။ ဤမြန်မာနိုင်ငံတွင် မင်းသားကြီးကဲ့သို့ ပညာဗဟုသုတ ပြည့်စုံ ၍ ဉာဏ်ထက်မြက်သော ပုဂ္ဂိုလ်မျိုးကို မတွေ့ဖူးပါ။ ဤမင်းသားကြီးကဲ့သို့ ပညာဗဟုသုတ အရာတွင် အငတ်မပြေ သိကျွမ်းလိုသော သူမျိုးကို မတွေ့ဖူးပါ”

ဟူ၍ ရေးထားခဲ့လေသည်။

မင်းသားကြီးသည် သိပ္ပံပညာကို အထူး ၀ါသနာထုံသူ ဖြစ်သည်။ ကာနယ်ဗားနေးနှင့် သာမက အခြား နိုင်ငံခြားသား ပုဂ္ဂိုလ်များနှင့်လည်း သိပ္ပံပညာအကြောင်း ဆွေးနွေးတတ်သည်။ ကာနယ်ဗားနေးနှင့် မတွေ့မီ ၁၈၂၂ ခုတွင် ဒေါက်တာ ဂျပ်ဆင်နှင့် တွေ့ဆုံစဉ်ကလည်း သိပ္ပံပညာအကြောင်း ဆွေးနွေးခဲ့ဖူးသည်။ ဒေါက်တာဂျပ်ဆင်က နက္ခတ္တဗေဒနှင့် ပထ၀ီပညာများကို သူနှင့် မက္ခရာမင်းသားကြီးတို့ ဆွေးနွေးခဲ့ကြောင်း မှတ်တမ်းတင်ထားသည်။ ယင်းသို့ မှတ်တမ်းတင်ရာ၌ မက္ခရာမင်းသားကြီးသည် အနောက်တိုင်း သိပ္ပံပညာကို အထူး လေ့လာလိုက်စားသူ ဖြစ်သည်ဟူ၍လည်း မှတ်ချက်ချထားပေသည်။

မင်းသားကြီးသည် ထိုစဉ်က အင်္ဂလိပ်စာပေ၌ ခေတ်စားသည့် ဂျွန်ဆင်၏ အင်္ဂလိပ် အဘိဓာန်ကို အခေါက်ခေါက် အခါခါ လေ့လာသည်။ ယင်းသို့ လေ့လာရာမှ အင်္ဂလိပ်-မြန်မာ အဘိဓာန် တစ်စောင် ကြိုးပမ်းပြုစုရသော် နိုင်ငံနှင့် လူမျိုးအတွက် အကျိုးရှိပေအံ့။ မြန်မာတို့ အင်္ဂလိပ်ဘာသာ တတ်ကျွမ်းရေးအတွက် အထောက်အကူ ရပေအံ့။ ခေတ်မီ ၀ိဇ္ဇာသိပ္ပံ ပညာရပ်များကို လေ့လာရာတွင် လည်းကောင်း၊ ယင်းတို့ကို မြန်မာဘာသာ ပြန်ဆိုရာတွင် လည်းကောင်း ကြီးစွာသော အထောက်အကူ ရပေအံ့ဟု ဆင်ခြင်မိရာသည်။

ထို့ကြောင့် သူ့ကို လောဂရစ်သမ် ဂဏန်းသင်္ချာ သင်ပေးခဲ့ဖူးသည့် အင်္ဂလိပ်ကုန်သည်ကြီး မစ္စတာ ချားလိန်းနှင့် တွဲဖက်လျက် အင်္ဂလိပ်-မြန်မာ အဘိဓာန်ကို တီထွင်ပြုစုလေသည်။

ပြုစုရာ၌ မစ္စတာလိန်းက ရှေးဦးစွာ အင်္ဂလိပ် အဘိဓာန်ကို မြန်မာဘာသာ ပြန်ဆိုသည်။ 
ထို့နောက် မြန်မာဘာသာပြန်ချက်ကိုမင်းသားကြီးက စေ့စပ်သေချာစွာ ပြင်ဆင်တည်းဖြတ် ပေးသည်။

ယင်းအဘိဓာန်ကို ၁၈၃၃ ခုတွင် စတင် ကြိုးပမ်းပြုစုသည်။ ၁၈၄၁ ခုတွင် ကာလကတ္တားမြို့၊ သာသနာပြု ပုံနှိပ်တိုက်၌ ပုံနှိပ် ထုတ်ဝေနိုင်ခဲ့သည်။ အဘိဓာန်အရွယ်မှာ ဒီမိုင်း ဆိုဒ်ကြီးဖြစ်၍ စာမျက်နှာ ၄၈၆ မျက်နှာ အထူရှိသည်။

ယင်းအဘိဓာန် နိဒါန်းကို မက္ခရာမင်းသားကြီး ကိုယ်တိုင် မြန်မာဘာသာဖြင့် ရေးသားသည်။ နိဒါန်းတွင် ယင်းအဘိဓာန် ထုတ်ဝေရခြင်း၏ ရည်ရွယ်ချက်ကို မင်းသားကြီးက ဤသို့ ရေးထားသည်။

“အထူးထူးသော ဘာသာ၊ များစွာသော လူမျိုးတို့တွင် အင်္ဂလိပ်လူမျိုးသည် ဟုတ်မှန်သော၊ ထင်ရှား မျက်မှောက်တွေ့မြင်သော အတတ်ပညာကိုသာ ရှာဖွေ နှိုင်းယှဉ်ပြီးလျှင် ရုံးစု မှတ်သားလေ့ရှိသည် ဖြစ်၍ အင်္ဂလိပ်ဘာသာကို နားလည် သိမြင်ခြင်းသည် ဗဟုသုတအရာ၌ များစွာ အကျိုးရှိသည်။ ထို့ကြောင့် ဗဟုသုတကို အလိုရှိကုန်သော မြန်မာလူမျိုးတို့အား အင်္ဂလိပ်ဘာသာကိုမြန်မာဘာသားအားဖြင့် နားလည် သိမြင်စေခြင်း အကျိုးဌာ မက္ခရာမင်းသားက သင်္ဘောသူကြီး ကပ္ပတိန်လျင်ကို အင်္ဂလိပ် အဘိဓာန်စာ ရှိသည်အတိုင်း မြန်မာဘာသာ မှန်ကန်အောင် ပြန်ဆိုပါဆို၍ မြန်မာသက္ကရာဇ် ၁၁၉၅ ခုနှစ်၊ အင်္ဂလိပ်သက္ကရာဇ် ၁၈၃၃ ခုနှစ်မှစ၍ ပြန်ဆိုရေးသားသည်။ ပြန်ဆိုအပ်သော အဘိဓာန်စာသည်ကား အင်္ဂလိပ်အက္ခရာကို ဖတ်နိုင်ကာမျှ သင်ပြီး၍ ရှေ့နောက်စကား ကြည့်ရှုမှတ်သားပြီးလျှင် ထိုအဘိဓာန်စာကို အမှီပြု၍ အင်္ဂလိပ်ပညာစာ ၄၅ မှစ၍ အင်္ဂလိပ်စာတို့ကို မြန်မာဘာသာအားဖြင့် သိမြင် နားလည်နိုင်ရာသည်။”

ယနေ့ဆိုလျှင် ယင်းအဘိဓာန်ကြီး ပေါ်ထွက်ခဲ့သည်မှာ နှစ်ပေါင်း ၁၂၀ ကျော် ရှိခဲ့ပြီ။ ယင်းအဘိဓာန်သည် မြန်မာနိုင်ငံသားတို့ကို အင်္ဂလိပ်ဘာသာ သင်ကြားရာ၌ ကောင်းစွာ အထောက်အကူ ပြုနိုင်ခဲ့သည်။ မြန်မာဘာသာ သင်ကြားသော နိုင်ငံခြားသားများကိုလည်း ကောင်းစွာ အထောက်အကူ ပြုခဲ့သည်။ ထို့ပြင် “လမ်းရိုးဟောင်းတွင်၊ ဆင့်ကာထွင်သို့၊ သုတ်သင်ကာမျှ၊ လွယ်ကာရလိမ့်” ဟူသော ဆောင်ပုဒ်နှင့်အညီ နှောင်းအဘိဓာန် ဆရာများကိုလည်း ကောင်းစွာ အထောက်အကူ ပြုခဲ့ပေသည်။

ယင်းအဘိဓာန်ကို ပထမအကြိမ်သာ ရိုက်နှိပ်နိုင်ခဲ့သဖြင့် ယခုအခါတွင် အလွယ်တကူ ရှာဖွေ မတွေ့နိုင်တော့ပေ။ သို့ရာတွင် ကျွန်တော် သိရသမျှ မပျက်မစီးဘဲ ကြွင်းကျန်နေသေးသည့် ယင်းအဘိဓာန် နှစ်အုပ်ကား ရှိနေသေးသည်။ တစ်အုပ်မှာ အမေရိကန်ပြည်ထောင်စု၊ ၀ါရှင်တန်မြို့ ကွန်ဂရက် စာကြည့်တိုက်တွင် ရှိသည်။ တစ်အုပ်ကား ရန်ကုန်မြို့ ယဉ်ကျေးမှုဌာန၊ အမျိုးသားစာကြည့်တိုက်တွင် ရှိသည်။

မြန်မာစာပေသမိုင်းတွင် ဒေါက်တာ ဂျပ်ဆင်၏ အင်္ဂလိပ်-မြန်မာ အဘိဓာန်၊ ဦးရွှေကြူး၏ အင်္ဂလိပ်-မြန်မာ အဘိဓာန်၊ ဒေါက်တာဘဟန်၏ အင်္ဂလိပ်-မြန်မာ အဘိဓာန်များ ရှိရာ၊ မက္ခရာမင်းသားကြီး၏ ဤ အင်္ဂလိပ်-မြန်မာ အဘိဓာန်သည် အစောဆုံး ဖြစ်ပေသည်။ ဤတွင် အင်္ဂလိပ်-မြန်မာ အဘိဓာန်ပြုစုသော မြန်မာ လူမျိုးများထဲတွင် မက္ခရာ မင်းသားကြီးသည် ပထမဆုံး ဖြစ်သည်ဟု ဆိုရပေမည်။

မက္ခရာမင်းသားကြီးသည် ပညာအရာတွင် ထက်မြက်ရုံမျှမက သိက္ခာ၊ သမာဓိနှင့်လည်း အထူး ပြည့်စုံဟန်တူသည်။ နောင်တော် ဘကြီးတော်မင်းကို သာယာဝတီမင်းသား ပုန်ကန်သောအခါ စေ့စပ် ဆွေးနွေးရေးအတွက် မက္ခရာ မင်းသားကြီးပင် ဦးဆောင် ဆောက်ရွက်ခဲ့ရပေသည်။

မင်းသားကြီးသည် မြန်မာသက္ကရာဇ် ၁၁၅၃ ခုနှစ်တွင် ဖွား၍ ၁၂၁၀ ပြည့်နှစ်၊ အသက် ၅၇ နှစ် အရွယ်တွင် လွန်သည်။ 

မြန်မာလူမျိုး (တွင်းသင်းမြန်မာရာဇဝင်သစ်)

ဘိုးတော်ဗဒုံမင်း၏ အကြီးတော် တွင်းသင်းမင်းကြီး မဟာစည်သူ မဟာသင်္ခယာ ဦးထွန်းညို ပြုစုသော တွင်းသင်းမြန်မာရာဇဝင်သစ်တွင် ဖော်ပြသောမြန်မာလူမျိုး အသုံးအနှုန်းကို ဤသို့ တွေ့ရသည်။








"မြန်မာနိုင်ငံ" ဟူသော အသုံးအနှုန်းလဲ တွေ့ရပြီး မည်သည်ကို ရည်ရွယ်ကြောင်း စဉ်းစားနိုင်ပါရန် အောက်ခြေတွင် ပူးတွဲ တင်ပြလိုက်ပါသည်။



တွင်းသင်းမင်းကြီး မဟာစည်သူ မဟာသင်္ခယာ ဦးထွန်းညို ( ၁၇၂၆- ၁၈၀၉ )

ဦးကုလား မဟာရာဇ၀င်တွင် မြန်မာလူမျိုး အသုံးအနှုန်းကို ဤသို့ တွေ့ရသည်။


****************

****************

****************

****************

****************
=============
ဦးကုလား မဟာရာဇ၀င်

ညောင်ရမ်းခေတ် (သို့) ဒုတိယအင်းဝခေတ် သာလွန်မင်းတရားကြီး(၁၆၂၉-၁၆၄၈)လက်ထက်တွင် စာပေကျမ်းဂန်တတ် ပညာရှိကြီးဖြစ်သည်။ ဦးကုလား၏ အဘသည် စဥ့်ကူးရွာသူဌေး ဒေဝသေဋ္ဌ၊ အမိ မဏိသြဃ ဖြစ်သည်။ ဦးကုလား၏ မွေးသက္ကရာဇ်ကို မသိရပါ။ စဥ့်ကူးရွာဇာတိ ဖြစ်သည်။

အဘသည်သူဌေးမျိုး၊ အမိသည် စော်ဘွား မြို့စားမျိုးဖြစ်၍ သူဌေးသား ဦးကုလားသည် မိမိစည်းစိမ်နှင့် အေးချမ်းသာယာစွာ နေနိုင်သော်လည်း နောင်လာနောက်သားတို့အတွက် အပတ်တကုတ် ကြိုးစားရှာဖွေ စုဆောင်း၍ ရာဇဝင်ကျမ်းကြီးများကို ပြုစုခဲ့သည်။

ပုဂံရာဇဝင်၊ တကောင်းရာဇဝင်၊ သရေခတ္တရာရာဇဝင်၊ အင်းဝရာဇဝင်၊ တောင်ငူရာဇဝင် စသည်ဖြင့် ရှေးဟောင်းရာဇဝင် ကျမ်းငယ်များကို စုပေါင်းညှိနှိုင်းပြီး မဟာရာဇဝင်ကြီး ကိုရေးသားခဲ့သည်။ ကျမ်းငယ်များအပြင် ကျောက်စာ ၊ ဧချင်း ၊ မော်ကွန်း များကိုလည်း အထောက်အထားပြု လေ့လာ၍ ရေးသားခဲ့၏။ ကွဲပြားနေသော ရှေးရာဇဝင်ကျမ်းငယ်များကို တကွဲတပြား တသီးတခြားဆီ မဖြစ်ရလေအောင် စုစည်း၍ စနစ်တကျ ပြုစုပြီး တစ်စောင်တည်း ပြုလုပ်ခဲ့သည်။ ဦးကုလား မဟာရာဇ၀င်ဟုလည်း ခေါ်၍ စံပြုလောက်သော ကျမ်းဖြစ်သည်။

ထို့ကြောင့် နောင် ရာဇဝင်ကျမ်းဆရာတို့သည် ဦးကုလား မဟာရာဇ၀င်ကို အမှီပြု၍ ရေးသားကြသည်။ ဦးကုလား မဟာရာဇ၀င်တွင် မှတ်တမ်းတင်လောက်သည့် အချက်မှာ ပြေပြစ်ကောင်းမွန်သော ဝါကျအသုံးအနှုန်း၊ စကားလုံး အထားအသိုများပင် ဖြစ်သည်။ စကားပြေရိုးရိုး ဖြစ်သည်။ ဘကြီးတော်(စစ်ကိုင်းမင်း)လက်ထက် ရေးသားသော မှန်နန်း ရာဇဝင်တော်ကြီး သည်လည်း ဦးကုလား မဟာရာဇ၀င်ကို အမှီပြုရသည်။ခေတ်ပြိုင် ဦးကုလားနှင့် တစ်ခေတ်တည်း ကျော်ကြားသူမှာ ၀န်ကြီးပဒေသရာဇာ ဖြစ်သည်။

ရေးသားခဲ့သော ကျမ်းများ

မဟာရာဇဝင်ကြီး
မဟာရာဇဝင်လတ်
မဟာရာဇဝင်ချုပ်

============

"မြန်မာနိုင်ငံ" ဟူသော အသုံးအနှုန်းလဲ တွေ့ရပြီး မည်သည်ကို ရည်ရွယ်ကြောင်း စဉ်းစားနိုင်ပါရန် အောက်ခြေတွင် ပူးတွဲ တင်ပြလိုက်ပါသည်။

မြစေတီ ကျောက်စာ

 

============
မြစေတီ ကျောက်စာ

(မေး) ဆရာကြီးခင်ဗျား၊ မြစေတီကျောက်စာကို မည်သည့်ခုနှစ်တွင် မည်သူက ရေးထိုးခဲ့ပါသနည်း။ ပုဂံခေတ်သမိုင်းကို တိကျမှန်ကန်စွာ ဖော်ပြထားသည်ဟု သိရှိရပါသဖြင့် မည်သည့်အကြောင်းအရာများကို ဖော်ပြထားကြောင်းကို ပြည့်စုံစွာဖြေကြားပေးပါရန် ပန်ကြားအပ်ပါသည်။ (ဦးသောင်းညွန့်-စာရေးဆရာ နာရီတာ၊ မြန်အောင်မြို့)

(ဖြေ)
မြစေတီကျောက်စာကို ကျန်စစ်သားမင်းကြီး နတ်ရွာစံပြီးနောက် တနှစ်ခန့်အကြာ၊ မြန်မာသက္ကရာဇဖ် ၄၇၅-ခုနှစ်၊ ခရစ်နှစ် ၁၁၁၃-ခုနှစ်တွင် ရာဇကုမာရ်မင်းသားက ရေထုးခဲ့သည်။ ထိုကျောက်စာကို ပုဂံမြို့၊ မြင်းကပါရပ်၊ မြစေတီဘုရားအနီးတွင် တွေ့ရ၍ မြစေတီကျောက်စာ-ဟု လူသိများပါသည်။ ဤကျောက်စာ၌ မျက်နှာလေးဖက်ပါရှိသည်။ မျက်နှာတဖက်စီတွင် မြန်မာ၊ မွန်၊ ပါဠိ၊ ပျူ တဘာသာစီဖြင့် ရေးထိုးထားခြင်းဖြစ်သည်။

မြစေတီကျောက်စာသည် ပုဂံခေတ် မြန်မစာပေများအနက် ထင်ရှားသော အစောဆုံးမြန်မာကျောက်စာ ဖြစ်သည်။ ကျောက်စာများသည် တိကျမှန်ကန်မှုရှိသဖြင့် ကျောက်စာကပြောသော သမိုင်းသည် ပို၍ ယုံကြည်မှုရှိသည်ဟု ဆိုနိုင်ပါသည်။
ပုဂံခေတ်ဦးမင်းများအနက် နန်းတက်သက္ကရာဇ်များနှင့်စပ်လျဉ်း၍ မြစေတီကျောက်စာက အမှားပြင်ပေးသဖြင့် သမိုင်းတန်ဖိုး လွန်စွာကြီးပါသည်။ မြန်မာရာဇ၀င်များတွင် အနော်ရထာ၊ စောလူး၊ ကျန်စစ်သားနှင့် အလောင်းစည်သူမင်းတို့၏ နန်းစံနှစ်မျာါ်နှင့် ပတ်သက်၍ ဖော်ပြရာ၌ ကွဲလွချြက်ရှိနေသည်။ မြစေတီကျောက်စာတွင် ပါရှိသော အထောက်အထားများကို အခြေခံ၍ သမိုင်းသုတေသီတို့သည် အမှားကိ်ု ပြင်ပေးနိုင်ခဲ့သည်။

မြစေတီကျောက်စာ၏ အစတွင် တြိဘုဝနာဒိတျဓမ္မရာဇာဘွဲ့ခံ ကျန်စစ်သားမင်းကြီး၏ နန်းတက်သက္ကရာဇ်နှင့်စပ်လျဉ်း၍ "ပုရှာသ္ခင် သာသနာအနှစ် တထောင့်ခြောက်ရာ နှစ်ဆယ့်ရှစ်နှစ် လွန်လေပြီရကား၊ ဤအရိမဒ္ဒနပူရမည်သောပြည်၌ တြိဘုဝနာဒိတျဓမ္မရာဇ် မည်သောမင်းဖြစ်၏-"ဟု ဆိုထားသည်။ ဤသာသနာနှစ် ၁၆၂၈-ခုနှစ်ဟု အတိအကျဆိုသည့် ကျောက်စာမှာ မြစေတီ ကျောက်စာသာလျှင်ဖြစ်သည်။ သာသနာနှစ် ၁၆၂၈-ခုနှစ်တွင် အရိမဒ္ဒနပုရမည်သောပြည်တွင် တြိဘုဝနာဒိတျဘွဲခံ ကျန်စစ်သားမင်းကြီး နန်းတက်သည်ကို သိရှိရခြင်းဖြင့် သမိုင်းသုတေသီတို့သည် ကျန်စစ်သားမင်းကြီးကို ဆက်ခံသော အလောင်းစည်သူမင်းကြီး၊ ကျန်စစ်သားမင်းကြီးထက် အရင်နန်းစံသော အနုရုဒ္ဓ (အနော်ရထာ) မင်းကြီးနှင့် စောလူးမင်းတို့၏ နန်းစံသက္ကရာဇ်တို့ကိုပါ သိရှိခွင့်ရလိုက်ပါသည်။

မြန်မာမင်းတို့သည် သာသနာနှစ်ကို ဘီစီ-၅၄၄-မှ စတင်ရေတွက်ကြသည်။ သာသနာနှစ် ၁၆၂၈-မှ ဘီစီ ၅၄၄-ကိုနုတ်သော် ခရစ်နှစ် ၁၀၈၄-ကို ရရှိပါသည်။ ခရစ်နှစ် ၁၀၈၄-သည် ကျန်စစ်သားမင်းကြီး နန်းတက်သော နှစ်ဖြစ်သည်။ ဤခရစ်နှစ်သည် မြန်မာသက္ကရာဇ် ၄၄၆-နှင့်လည်း ကိုက်ညီနေပါသည်။ မြစေတီကျောက်စာတွင်ပင် ဆက်လက်ဖော်ပြရာ၌ "ထိုမင်း အနှစ် နှစဆယ့်ရှစ်နှစ် မင်းမူပြီး၏။ သေခမူနာသုရှော်ဝ်နှိုက်တယ်"ဟူ၍ ပါရှိရာ ကျန်စစ်သားမင်းကြီး နန်းတက်ခရစ်နှစ် ၁၀၈၄-ကို နန်းသက် ၂၈-နှစ်ပေါင်းထည့်သော် ခရစ်နှစ် ၁၁၁၂-သည် ကျန်စစ်သားမင်းကြီး န်တ်ရွာစံသောနှစ် ဖြစ်ပေသည်။ ထို့အပြင် ကျန်စစ်သားကို ဆက်ခံသော အလောင်းစည်သူမင်း၏ နန်းတက်သက္ကရာဇ်ကို ရရှိပေသည်။

မြစေတီကျောက်စာကို အခြေခံ၍ ပုဂံခေတ်ဦး မင်းတို့၏ နန်းစံနှဏ်ကို အောက်ပါအတိုင်း ရရှိပါသည်။
၁။ မင်း-အနော်ရထာ။ သာသနာနှစ်-၁၅၈၈။ ခရစ်နှစ်-၁၀၄၄။ မြန်မာသက္ကရာဇ်-၄၀၆။ နန်းသက်-၃၃။
၂။ မင်း-စောလူး။ သာသနာနှစ်-၁၆၂၁။ ခရစ်နှစ်-၁၀၇၇။ မြန်မာသက္ကရာဇ်-၄၃၉။ နန်းသက်-၇။
၃။ မင်း-ကျန်စစ်သား။ သာသနာနှစ်-၁၆၂၈။ ခရစ်နှစ်-၁၀၈၄။ မြန်မာသက္ကရာဇ်-၄၄၆။ နန်းသက်-၂၈။
၎။ မင်း-အလောင်းစည်သူ။ သာသနာနှစ်-၁၆၅၆။ ခရစ်နှစ်-၁၁၁၂။ မြန်မာသက္ကရာဇ်-၄၇၄။ နန်းသက်-၇၅။

(ကျောက်စာကပြောသော သမိုင်း )
ကျန်စစ်သားမင်းကြီး၏နန်းတက်သည့်ခရစ်နှစ်သည် ၁၀၈၄-ဖြစ်ကြောင်း မြစေတီကျောက်စာ၏ ဖော်ပြချက်ကို ပြည်မြို့၊ ရွှေဆံတော် မွန်ကျောက်စာကလည်း ထောက်ခံသည်ကို တွေ့ရှိရသည်။ မြစေတီ ကျောက်စာသည် ရာဇ၀င်များတွင် မပါရှိသေးသော အချက်အလက်များကိုလည်း ထည့်သွင်းဖော်ပြထား သည်ကို တွေ့ရှိရသည်။ ဥပမာအားဖြင့်-ကျန်စစ်သားမင်းကြီး၏ မိဖုရားများအနက် ၄င်းချစ်ခင်မြတ်နိုးသော မိဖုရားမှာ "တြိလောက၀ဋံသကာဒေ၀ီ" ဖြစ်ကြောင်း၊ ကျန်စစ်သားမင်းကြီးနှင့် မိဖုရား တြိလောက၀ဋံသကာဒေ၀ီ-တို့မှ ရာဇကုမာရ်-ဟူသော သာေးတ်ာတပါး ဖွားမြင်ကြောင်း၊ ရာဇကုမာရ်သည် မိဘကျေးဇူးသိတတ်သော သားတော်ဖြစ်ကြောင်း စသည့် သမိုင်းအချက်အလက်များကို ဖော်ပြထားသည်။

လူမှုရေးနှင့်စပ်လျဉ်း၍ ပုဂံခေတ်တွင် သက်မုလွန်ရွာ၊ ရပါယ်ရွာ၊ ဟန်ဗိုင်ရွာစသည့် ကျွန်ရွာအမည်များ ရှိကြောင်းလည်း ဖော်ပြထားသည်ကို တွေ့ရှိရသည်။ သာသနာရေးနှင့်စပ်လျဉ်း၍ ကျန်စစ်သားမင်းကြီး လက်ထက်တွင် ဆရာတော်ကြီးများ၏ ဘွဲ့အမည်များကိုလည်း ဖော်ပြထားသည်။  ယင်းတို့မှာ သင်ကြီးမုဂ္ဂလိပုတ္တတိဿထေရ်၊ သင်ကြီးသုမေဓပဏ္ဍိတ်၊ သင်ကြီးဗြဟ္မပါလိ၊ သင်ကြီးဗြဟ္မဒိပ်၊ သင်ကြီးသောန်နှင့် သင်ကြီးသင်္ဃသေန၀ရပဏ္ဍိတ်-ဟူ၍ တွေ့ရှိရသည်။

မြန်မာနိုင်ငံသည် အရှေ့တောင်အာရှတွင် ကျောက်စာအပေါများဆုံးသောနိုင်ငံ ဖြစ်သည်။ ကျောက်စာတွင် နိုင်ငံရေး၊ စီးပွားရေး၊ လူမှုရေး၊ သာသနာရေးဆိုင်ရာ အကြောင်းအရာများကို မှတ်တမ်းတင်လေ့ ရှိကြပါသည်။ ကျောက်စာပါ အထောက်အထားများကို အခြားမှတ်တမ်းများနှင့် တိုက်ဆိုင်စစ်ဆေးရာတွင် တိကျမှန်ကန်မှုရှိသဖြင့် ကျောက်စာကပြောသော သမိုင်းသည် ပို၍ယုံကြည်မှုရှိသည်ဟု ဆိုနိုင်ပါသည်။ မြစေတီကျောက်စာက ပြောသော ပုဂံခေတ်သမိုင်းသည် တိကျမှန်ကန်မှုရှိသဖြင့် မြန်မာစာ သုတေသီများရော၊ သမိုင်းသုတေသီများအတွက်ပါ မြစေတီကျောက်စာသည် အလွန်တန်ဖိုးရှိသော ကျောက်စာဖြစ်ပါသည်။ မြစေတီကျောက်စာကို ရာဇကုမာရ် ကျောက်စာဟုလည်း သိရှိနေကြသည်။

ဦးမြင့်စော (သမိုင်းပါမောက္ခ-ပုသိမ်တက္ကသိုလ်)(မင်္ဂလာမောင်မယ် ၂၀၁၀-ခု ဇွန်လ)
==========================================

မြစေတီကျောက်စာ 
Jun 11, '09 11:55

မြစေတီကျောက်စာကို ရာဇကုမာရ်ရေးထိုးခဲ့သောကြောင့် ရာဇကုမာရ် ကျောက်စာဟုလည်း ခေါ်သည် ............
ရာဇကုမာရ် ကျောက်စာတွင်မျက်နှာလေးဖက်ပါရှိပြီး ပါဠိ၊ မွန်၊ ပျူ နှင့် မြန်မာဘာသာ တို့ဖြင့် မှတ်တမ်း တင်ထားခဲ့သည်။ ကျောက်စာတိုင်သည် အမြင့် ၅၅ " ၊ အကျယ် ၁၄ " ရှိသည်။မြစေတီ ကျောက်စာ အရ ရာဇကုမာရ် မင်းသားသည် ကျန်စစ်သားမင်း နှင့် ကြင်ရာတော် သမ္ဘူလ ၏ သားဖြစ်သည် ဟုသိရသည်။ ကျန်စစ်သား မင်းဖြစ်သောအခါ သားအရင်းဖြစ်သည့် ရာဇကုမာရ်အား ထီးနန်းအရိုက်အရာမပေးနိုင်ဘဲ သမီးဖြစ်သူ ရွှေအိမ်စည် နှင့် မွန်ဘုရင် မနုဟာ ၏မြေးတော်သူတို့မှ ဖွားမြင်သည့် မြေးတော် အလောင်းစည်သူ အားနန်းလျာထားပြီးဖြစ်သဖြင့် ရာဇကုမာရ်အား ဓည၀တီတောင်စဉ် ၇ ခရိုင်အားပေးခြင်းဖြင့် နှစ်သိမ့်ခဲ့သည်။ ရာဇကုမာရ်ကလည်း ဖခင်၏ကျေးဇူးကို သိတတ်သောအားဖြင့် ကျန်စစ်သား နာမကျန်းဖြစ်ချိန်တွင် မိမိပိုင် ရွှေ၊ ငွေ ဥစ္စာများဖြင့် ဗုဒ္ဓရုပ်ပွားတော်များ သွန်းလုပ်ပူဇော်ပေးခဲ့သည်။ ထိုသို့သော် ကုသိုလ်အကြောင်းကို မြစေတီကျောက်စာအဖြစ် ရေးထိုးခဲ့ခြင်း ဖြစ်သည်။

  သက်ဦးဆံပိုင်ဘုရင်စနစ်ဖြင့် တိုင်းပြည်အုပ်ချုပ်သော အချိန်အခါကကမ္ဘာ့သမိုင်း၊  မြန်မာ့သမိုင်းတွင်ဖခင်အားသက်ကား  ထီးနန်းအုပ်ချုပ်ခဲ့ကြသော သားများကိုတွေ့ရသည်။       ထိုသူများနှင့်မတူဘဲနာမကျန်းဖြစ်နေသည့် ဖခင်အား မသေခင် ဘ၀ကူးကောင်းစေရန်      မိမိပိုင် ရွှေ၊ ငွှေ ပစ္စည်းဥစ္စာများဖြင့် ဗုဒ္ဓရုပ်ပွားတော် ပြုလုပ်ပူဇော်ပြီး ဖခင်အားရေစက်ချ အမျှ      ဝေစေခဲ့သည်။ ထိုသို့သော အကြောင်းအရာကို မွန်၊ ပါဠိ၊ ပျူ နှင့် မြန်မာစာတို့ဖြင့်      မှတ်တမ်းတင်ခဲ့သည်။ တွေ့  ရှိရသမျှ မြန်မာစာပေမှတ်တမ်းများတွင် ရာဇကုမာရ် ကျောက်စာသည် အစောဆုံးဖြစ်သည်။ ကျောက်စာကိုဖတ်ရလွယ်အောင် ယနေ့ခေတ်စကားများဖြင့် ဘာသာပြန်ဆိုထားသည်။

     သီရိ။ နမောဗုဒ္ဒါယသိဒ္ဒံ။ ဘရားသခင်သာသနာ၊ အနှစ်တစ်ထောင်ခြောက်ရာနှစ်ဆယ့်ရှစ်နှစ်     လွန်လေပြီးသောအခါ၊ ဤအရိမဒ္ဒနာပူရ အမည်ရသောပြည်၌၊ ကျက်သရေမင်္ဂလာအပေါင်းနှင့်     ပြည့်စုံသည့် တြိဘုဝနာဒိတျဓမ္မရာဇာ(ကျန်စစ်သား၏ဘွဲ့အမည်) မည်သော မင်းကြီးစိုးစံ၏။     ထိုမင်း၏မိဖုရားတစ်ပါးကား၊ တြိလောက၀ဋံသကာဒေ၀ီ (သမ္ဘူလမိဖုရား) အမည်ရှိ၏။      ထိုမိဖုရား၏ သားတစ်ယောက်မှာ ရာဇကုမာရမည်၏။ ထိုမင်းကား ကျွန်သုံးရွာကို၊ မိဖုရားအား     ပေး၏။ ထိုမိဖုရားသေလွန်ခဲ့သောအခါ၊ မိဖုရား၏သား၊ ရာဇကုမာရအား၊ မင်းကြီးက ပေးအပ်ခဲ့၏။     ထိုမင်းသည် နှစ်ပေါင်း နှစ်ဆယ့်ရှစ်နှစ် မင်းပြုခဲ့ပြီးနောက်၊ မကျန်းမမာ ဖျားနာ၍ နတ်ရွာစံကာနီး     သောအခါ ထိုရာဇကုမာရအမည်ရှိသော သားသည်၊ မိမိအားမွေးကျွေး ပြုစုစောင့်ရှောက်ခဲ့သော     ဖခမည်းတော်မင်းကြီး၏ ဂုဏ်ကျေးဇူးကို အောက်မေ့သတိရ၍ ရွှေသားအစစ်ဖြင့်ပြီးသော ဗုဒ္ဒရုပ်ပွား     တော်ကို ထုလုပ်ပြီးနောက်၊ မင်းကြီး၏ထံပါးသို့ဝင်ပြီး၊ ဆက်သသောအခါ၊ ဤသို့လျှောက်ထား၏။     '' ဤရွှေဘုရားကား မင်းကြီးအဖို့ သားတော်ပြုလုပ်ပါသည်။ သားတော်အား၊ ဖခမည်းတော်မင်းကြီး     ပေးအပ်ထားခဲ့သော၊ ကျွန်သုံးရွာကို ဤရွှေဘုရားအား၊ သားတော်လှူဒါန်းပါသည်။ ''     ထိုအခါ ကျန်စစ်သားမင်းကြီးသည် နှစ်လိုရွှင်လန်း ၀မ်းမြောက်၍ ကောင်းလေစွ၊ကောင်းလေးစွဟု    သာဓုခေါ်တော်မူ၏။ ထို့နောက် သံဃာတော်၊ ဆရာတော်ကြီးများဖြစ်ကြသော ရှင်အရဟံမဟာထေရ်    မောဂ္ဂလိပုတ္တတိဿထေရ်၊ သုမေဓပဏိတထေရ်၊ ဗြဟ္မပါလထေရ်၊ ဗြဟ္မဒေ၀ထေရ်၊ သောနထေရ်၊    သင်္ဃသေန၀ရပဏိတထေရ် တို့၏ရှေ့မှောက်တွင် ကျန်စစ်သားမင်းကြီး ရေစက်ချ အမျှပေးဝေ၏။    နောင်အခါတွင် ရာဇကုမာရမင်းသားသည် ရွှေဘုရားဆင်းတုတော်ကို၊ ထာပနာ၍၊ ရွှေအထွတ်ဖြင့်    ဂူဘုရားတည်ပြီးနောက်၊ သက်မုနလွန်တစ်ရွာ၊ ရပါယ်တစ်ရွာ၊ ဟေန်ဗိုင်တစ်ရွာ ထိုကျွန်သုံးရွာနှင့်    ရွာသားများကို ဂူဘုရားအား လှူဒါန်းပြီး၊ ရေစက်သွန်းချစဉ်၊ ဤသို့ ဆုတောင်းမိန့်ဆိုခဲ့၏။    ဤင့ါကောင်းမှုကား၊ သဗ္ဗညုတ ဥာဏ်ပညာရအံ့သောအကြောင်း ဖြစ်ပါစေသတည်း။    ငါမရှိတော့သော နောင်အခါတွင်၊ ငါ့သားသည်လည်းကောင်း၊ ငါ့မြေးသည်လည်းကောင်း၊    သူတထူးသည်လည်းကောင်း၊ ငါလှူခဲ့သော ကျွန်တို့အား၊ နှိပ်စက်ပြုမူခဲ့လျှင်၊ အရိမေတ္တယျ    ဘုရားသခင်ပွင့်သောအခါ ဘုရားမြတ်စွာအား မဖူးမြော်ကြရပါစေသတည်း။ 

 
" ငါတို့ မြန်မာစာပေဟာ ကျေးဇူးသိခြင်းတရားနဲ့ စတင်ခဲ့တာ "  ဆရာကြီးဦးဖေမောင်တင်

လွတ်လပ်ရေး ကြေညာစာတမ်းတွင် "မြန်မာလူမျိုး" အသုံးအနှုန်းကို ဤသို့ တွေ့ရသည်။
-----------------------------------------------------------------------------------------
  
မြန်မာနိုင်ငံ၏ “လွတ်လပ်ရေး ကြေညာစာတမ်း”ကို ၁၉၄၈ ခုနှစ် ဇန်န၀ါရီလ (၄)ရက်နေ့တွင် ကမ္ဘာသိ ထုတ်ပြန် ကြေညာခဲ့သည်။ မြန်မာ့သမိုင်းတွင် အလွန်တန်ဖိုးထားအပ်သည့် ကြေညာစာတမ်း ဖြစ်သည်။ မြန်မာနိုင်ငံ၏ ယာယီသမ္မတ စောရွှေသိုက်ကလည်း ထိုနေ့မှာပင် တိုင်းပြုပြည်ပြု လွှတ်တော်ပါလီမန်၌ “လွတ်လပ်သော မြန်မာနိုင်ငံ၏ ပန်းတိုင်များ”ကို ကြေညာခဲ့သည်။

မြန်မာနိုင်ငံကို လက်ရှိအုပ်စိုးနေသူတို့က သမိုင်း အစစ်အမှန်များကို မသမာသောနည်းလမ်းများဖြင့် ဖုံးကွယ် ထားရန် ကြိုးပမ်းလာနေသောအချိန်တွင် မြန်မာနိုင်ငံသား မျိုးဆက်သစ် အဆက်ဆက်တို့အနေဖြင့် မြန်မာ့ လွတ်လပ်ရေးကို တန်ဖိုးထား လေးစား ထိန်းသိမ်းနိုင်ကြစေရန်၊ မြန်မာ့သမိုင်း အစစ်အမှန်ကို သိရှိနေစေရန်၊  နိုင်ငံချစ်စိတ်များ တိုးပွားနေစေရန်နှင့် သမိုင်းသင်ခန်းစာများ ယူနိုင်ရန် ရည်ရွယ်၍ ပြန်လည် ရှာဖွေ ဖော်ပြလိုက် ပါသည်။

လွတ်လပ်ရေး ကျေညာစာတမ်း

အောင်စေသတည်း

၁။ မြန်မာသက္ကရ်ာဇ် ၁၃၀၉ ခုနှစ် ပြာသိုလဆုတ် ၉ ရက် (အင်္ဂလိပ် သက္ကရာ် ၁၉၄၈ ခုနှစ် ဇန်န၀ါရီလ ၄ ရက်) တနင်္ဂနွေနေ့ ကောင်းမြတ်သန့်စင် မင်္ဂလာအပေါင်းနှင့် ပြည့်စုံသောအခါ၌ ဤငါတို့ မြန်မာပြည်သည် လုံးဝ လွတ်လပ်သော အချုပ်အချာ အာဏာပိုင် ပြည်ထောင်စုသမ္မတ မြန်မာနိုင်ငံတော်ကြီး အဖြစ်သို့ ရောက်ပြီ။

၂။ ဤငါတို့ မြန်မာနိုင်ငံတော်ကြီးသည် လိုရာမတ ပြည့်စုံလှ၍ ဘူမိနက်သန်မှန်သော မြေထူးမြေမြတ် လည်းဖြစ်၏။ မွန်မြတ်သန့်စင်သော တရားထူး တရားမြတ်တို့တည်ရာ မြေကောင်းမြေမွန်လည်း မှန်၏။ မြေတွင်း မြေပြင် အထူးထူးသော ရတနာအပေါင်းတို့နှင့် ပြည့်စုံသဖြင့် သတ္တ၀ါအပေါင်းတို့ ဆွတ်ယူစားသုံး ကမ္ဘာဆုံးသော် လည်း မသုဉ်းမကုန်နိုင်သော ပဒေသာစစ် အနှစ်သာရ ကြွယ်ဝပြည့်စုံသော မြေလည်းဖြစ်၏။ ဘူမိနက်သန် မှန်လှ ထူးချွန် ဤမြေမွန်မြေမြတ်၌ ရှမ်း၊ ကချင်၊ ကရင်၊ ချင်း၊ မွန်၊ မြန်မာ စသည်ဖြင့် တသွေးတသား တမိဘ ဖြစ်ကြကုန်သော ငါတို့သည် နှစ်ပေါင်းထောင်ရာ သင်္ချာပွားတက် ရေတွက်ခြင်းငှာ မတတ်နိုင်ရာသော ရာဇ၀င် ရှည်ဝေး ရှေးပဝေဏီမှစ၍ တညီတညွတ် တစုတရုံး လွတ်လပ်သော လူမျိုးအဖြစ် တည်ခဲ့ကြ၏။ တကောင်း၊ သရေခေတ္တရာ၊ ပုဂံ၊ မြင်စိုင်း၊ စစ်ကိုင်း၊ ပင်းယ၊ အင်းဝ၊ ကုန်းဘောင် ထို့နောက် မန္တလေးအထိ ငါတို့၏ လွတ်လပ်ရေးသည် နေရောင်လ၀ါ ပမာကဲ့သို့ တဖြာဖြာတ၀င်းဝင်း ကမ္ဘာချဉ်းအောင် ထွန်းလင်းခဲ့ပေ၏။ သို့ရာတွင် ကမ္ဘာ့တန်ဆာ ကာလအင်္သချေ တည်နေအပ်သော နေမင်းသူရိယာ လစန္ဒာတို့ပင် ဆီးနှင်းမြူတိမ် ဖုံးအုပ်၍ ခေတ္တခဏ အရှိန်အ၀ါ ညှိုးလျော်နွမ်းလျ မထွန်းမပ ဖြစ်ဘိသကဲ့သို့ ငါတို့၏လွတ်လပ်သော မြန်မာ နိုင်ငံတော်သည်လည်း လွန်ခဲ့သည့် နှစ်ပေါင်းလေးရာခန့်က ဥရောပတိုင်မှ ထွက်ပေါ်လာ၍ တကမ္ဘာလုံးကို ရစ်ပတ်အုပ်ဖုံးခဲ့သော နယ်ချဲ့ဝါဒကြီးနှင့် မရှောင်မကွင်းသာ ကြုံကြိုက်ဆုံတွေ့မိ၍ ပဌမ အင်္ဂလိပ်-မြန်မာစစ်၌ ရခိုင်-တနင်္သာရီ၊ ဒုတိယ အင်္ဂလိပ်-မြန်မာစစ်၌ ဟံသာဝတီ-ပဲခူး၊ တတိယ အင်္ဂလိပ်-မြန်မာစစ်၌ မန္တလေးရတနာပုံ သုံးကြိမ်သုံးတန် ချအပ်ရခြင်းဖြင့် ဤမြေထူမြေမြတ်၌ နှစ်ပေါင်းထောင်ရာ စောင့်ထိန်း၍လာခဲ့ကြသော ငါတို့၏ လွတ်လပ်ရေးသည် ငါတို့လက်မှလွတ်၍ လက်အောက်ခံဘ၀သို့ လုံးဝရောက်ခဲ့ကြရသည်။ သို့သော် နေမင်း သူရိယာ လစန္ဒာတို့ကို ဆီးနှင်း မြူတိမ်တို့သည် မည်သို့ပင် ဖုံးလွှမ်းစေကာမူ နေလတို့၏ အရှိန်အတောက်ကို မခံနိုင်ရကား ခေတ္တမျှနှင့်ပင် လွင့်စင်ကွယ်ပျောက်၍ နေ၀ါလရောင်သည် ပကတိအရေကို ပြန်၍ဆောင်လေ ဘိသကဲ့သို့ ငါတို့အပေါ်၌ လွှမ်းဖုံးအုပ်သော နယ်ချဲ့ဝါဒသည် ငါတို့၏ ကမ္ဘာရှည်မြင့် ရင့်မာလှသော လွတ်လပ်ရေး စိတ်ဓါတ်၏ အရှိန်အတောက်ကို မခံနိုင်ရာကား ခြောက်ဆယ့်တနှစ် တလနှင့် တရက်သော အခိုက်အတန့် ကလေးမှာပင် အလိုအလျောက် ကွယ်ပျောက်သွားရသဖြင့် ဤနေ့ဤအခါမှစ၍ ငါတို့သည် အသူရိန် ခံတွင်းမှ ရှင်းရှင်းကြီး လွတ်မြောက်အပ်သော လပြည့်စန်းပမာ သန့်ရှင်းစင်ကြယ် ချမ်းမြေ့သာယာစွာဖြင့် လုံးဝ လွတ်လပ် သော ဘ၀ထူး ဘ၀မြတ်ကို လက်ဆုပ်လက်ကိုင် အပိုင်ရရှိကြပြီ။

၃။ ယခု ငါတို့ရရှိအပ်သော လွတ်လပ်ရေးသည် ရေတွင်ရုပ်ရေး မြသွေးကောင်းကင် တိမ်ရိပ်ထင်သကဲ့ သို့သော လွတ်လပ်ရေး မဟုတ်။ ငါတို့အား လွတ်လပ်ရေးလမ်းစဉ်သို့ ညွှန်လည်းညွှန်ပြ လမ်းစရှာကြံ အမြန် ရောက်အောင် ပို့ဆောင်ခဲ့ကြပေသော ဗိုလ်ချုပ်အောင်ဆန်းနှင့်တကွ အ၀၀သော ကူးတို့မှူး ခေါင်းဆောင်ကြီးတို့၏ မဆုတ်မနစ်သောလုံ့လ၊ မလျော့သောဝိရိယ၊ ဆီမီးတန်ဆောင်ကဲ့သို့ ထွန်းပအပ်သော ဥာဏ်မျက်စိ၊ ၀ဇီရစိန်သွား ကဲ့သို့ စူးရှသောသတ္တိတို့ကြောင့် အဟံမမ သံပကြုံးဝါး အခြားအခြားလွတ်လပ်သော နိုင်ငံကြီးတို့နှင့်တန်းတူ မြူ တခြမ်းမျှ မလျော့မလို ထိုထိုသော တန်ခိုးရှိန်ဝါ တေဇာအပေါင်းတို့နှင့် ပြည့်စုံသော အချုပ်အချာတည်း ဟူသော အာဏာထူးအမြတ်ကို ငါတို့လက်ကိုင် အပိုင်ရရှိကြပြီ။

၎။ ငါတို့သည် တမျိုးဘာသာ တစိတ်တဒေသ၏ ကောင်းကျိုးချမ်းသာကို မလိုလား။ ကျောသားရင်သား သူကားငါကား ခွဲခြားခြင်းကို အလိုမရှိ။ မြစ်ချောင်းသီတာ သမုဒ္ဒရာတောင်တန်းတို့ဖြင့် ကမ္ဘာ့ဓမ္မတာ သဘာဝ အပိုင်းအခြား ထင်ရှားစွာ သတ်မှတ်အပ်သော ရာဇ၀င်ရှည်ဝေး ရှေးပဝေဏီမှစ၍ ယခုထက်တိုင် မြန်မာနိုင်ငံသား ဟု သမုတ်အပ်သူ တိုင်းရင်းသားအပေါင်းတို့ ဇာတိချက်ကြွေ နေထိုင်ရာ မြန်မာနိုင်ငံတော်တ၀ှမ်းကို တသွေး တသားတည်းဟူသော ကြိုးထူး၊ တစိတ်တ၀မ်းတည်းဟူသော ကြိုးထူး၊ အလိုအလျောက် သဘာဝ အထောက် အပံ့ဖြင့်သာလျှင် ဖြစ်ပေါ်အပ်သော စေတနာတည်းဟူသော ကြိုးထူး၊ ဤကြိုးသုံးပါးဖြင့် ကမ္ဘာဆုံးတိုင် မြဲခိုင် တည်တံ့အောင် ရစ်ပတ်ဖွဲ့စည်းအပ်သော ပြည်ထောင်စုအဖြစ်ကို လက်ဆိုက်လက်ကိုင် ငါတို့အပိုင်ရလေပြီ။

၅။ ငါတို့နိုင်ငံတော်ကြီးသည် မည်သူတဦးတယောက် တဖွဲ့တသင်း၏ အမွေအနှစ် မဟုတ်။ မည်သူ တဦး တယောက် တဖွဲ့တသင်း၏ ပုဂ္ဂလိက အပိုင်ပစ္စည်း မဟုတ်။ မည်သူ တဦးတယောက် တဖွဲ့တသင်းက ချုပ်ကိုင် အနိုင်သိမ်းယူ အကျိုးခံစားအပ်သော နိုင်ငံ မဟုတ်။ အတိတ်ကာလက၎င်း၊ ယခုမျက်မှောက်တွင်၎င်း၊ နောင်လာ လတ္တံ့သောအနာဂတ်ကာလ၌၎င်း ငါတို့ပြည်ထောင်စုကြီးအတွင်း၌ မှီတင်းနေထိုင်ကြသော ကြီးငယ်ဝေးနီး ကျား-မ မခြား သစ္စာတော်ခံ နိုင်ငံသားဟူသရွေ့ ဒို့၏အမွေအနှစ် အပိုင်ပစ္စည်း အကျိုးခံစားရာ ဖြစ်သည်ဟူသော လူ့ ဘာသာ၊ လူ့တရားနှင့်အညီ ကမ္ဘာဦးကာလ လူတို့၏စည်းရုံးမှု၌ လူအပေါင်းတို့၏ သဘောဆန္ဒအရ လူအ၀ှမ်း၏ အကျိုးကို ကောင်းစွာဆောင်ရွက်နိုင်အံ့သော ပုဂ္ဂိုလ်ကို ရွေးကောက်၍ သမ္မတ တင်မြှောက်ကြသော မဖောက် မပြန် မစွန်းမငြိ ပကတိ သန့်ရှင်းဖြူစင်သော မူလလူ့ဝါဒနှင့်လျော်စွာ စည်းကမ်းဥပဒေ သေချာထင်ရှားစွာ ပိုင်းခြား သတ်မှတ် တူညီသောတရား၊ တူညီသောအခွင့်အရေး၊ တူညီသောအဆင့်အတန်းအားဖြင့် ကမ္ဘာအရှည် တည်စိမ့် သောငှာ လူအပေါင်းတို့၏ ဆန္ဒသာလျှင် အဓိကဖြစ်သော၊ သမ္မတမြန်မာနိုင်ငံတော် တည်းဟူသော မြတ်သော အဖြစ်ကို လက်ဆုပ်လက်ကိုင် ငါတို့အပိုင်ရပြီ။

၆။ သိကြကုန်လော့။ ယနေ့ မင်္ဂလာအပေါင်းနှင့် ပြည့်စုံသော ဤအချိန်မှစ၍ ငါတို့၏မူလအပိုင်ဖြစ်သော လုံးဝ လွတ်လပ်ရေးကို ငါတို့ပြန်၍ ယူပြီ။ တိုင်းရင်းသားအပေါင်းတို့ သွေးစည်းညီညွတ်လျက် အခွင့်အရေး၊ အဆင့်အတန်း တူညီသည့် ပြည်ထောင်စုသမ္မတမြန်မာနိုင်ငံတော်ကြီးကို တည်ထောင်ပြီ။ ငါတို့လွတ်လပ်ရေးနှင့် ငါတို့နိုင်ငံတော်ကြီး၏ သစ္စာကို ကမ္ဘာဆုံးတိုင် မယိမ်းမယိုင်တည်မည်။ ငါတို့သည် လွတ်လပ်သောနိုင်ငံ ဖြစ်သည် နှင့်အညီ ကမ္ဘာ့လွတ်လပ်သော နိုင်ငံအပေါင်းတို့ တရားသဖြင့် ကျင့်ဆောင်အပ်သော ကျင့်ဝတ်ကို စောင့်ရှောက် ကျင့်ဆောင်မည်။ ငါတို့၏ လွတ်လပ်ရေးကို ငါတို့ ချစ်မြတ်နိုးသည်နှင့်အညီ တပါးသူတို့၏ လွတ်လပ်ရေးကိုလည်း ငါတို့ လေးစား စောင့်စည်းမည်။ ငါတို့သည် ငြိမ်းချမ်းရေးကို အလိုရှိသည်နှင့်အညီ ငါတို့ကဲ့သို့ လိုလားသူများနှင့် လက်တွဲ၍ ကမ္ဘာ့ငြိမ်းချမ်းရေးကို ကာကွယ်စောင့်ရှောက်မည်။
ဤ ငါတို့ ကျေညာချက်ကို တကမ္ဘာလုံး တယောက်မကျန် ကြားသိစေသတည်း။
----------------------------------------------------

လွတ်လပ်သော မြန်မာနိုင်ငံ၏ ပန်းတိုင်များ

(၁၉၄၈ ခုနှစ် ဇန်န၀ါရီလ ၄ ရက်နေ့တွင် ယာယီသမ္မတ စောရွှေသိုက်က တိုင်းပြုပြည်ပြု လွှတ်တော်ပါလီမန်၌  ကျေညာသည်။)

ပါလီမန်အမတ်များ

ယနေ့နံနက်မှစ၍ မြန်မာနိုင်ငံတော်သည် အချုပ်အချာ အာဏာပိုင် ပြည်ထောင်စုသမ္မတနိုင်ငံတော် ဖြစ်လေပြီ။
ဤတိုင်းပြုပြည်ပြု လွှတ်တော်သည်လည်း  ပြည်ထောင်စုပါလီမန်  ဖြစ်လာလေပြီ။

ဤ ပါလီမန်၏ သဘောတူညီချက်အရ ၀န်ကြီးချုပ်နှင့်တကွ အခြားဝန်ကြီးများကိုလည်း ကျွန်ုပ်က ရာထူးအပ်နှင်းပြီးဖြစ်၍ မြန်မာ ပြည်ထောင်စုအစိုးရ ဖြစ်လာလေပြီ။ ကျွန်ုပ်၏ အစိုးရ၀ါဒကို အနည်းငယ် ပြောပြလိုပါသည်။

အမြဲထာဝစဉ် ရှေ့ရှုသုံးသပ်လျက်ရှိသော ကျွန်ုပ်တို့၏ မူလရည်ရွယ်ချက်သည်ကား မြန်မာ ပြည်ထောင်စုတွင် အရင်းရှင်ဝါဒကို ပိတ်ပင်ပယ်ဖျက်၍ နိုင်ငံ၏ လုပ်ငန်းဆောင်တာ အ၀၀ကို တိုင်းသူပြည်သား များသာ ပိုင်ဆိုင်ခွင့်ရှိသော ဆိုရှယ်လစ်နိုင်ငံတော် တည်ဆောက်ရန် ဖြစ်ပေသည်။ ထိုဝါဒတွင် ပိုင်ရှင်ရှိသော ပစ္စည်းများကို အတင်းအဓမ္မ လုယက်ယူသော ရည်ရွယ်ချက် လုံးဝမပါပဲ တိုင်းပြည်အတွင်း ရှိရှိသမျှ ပြည်သူ ပြည်သား အလုံးစုံတို့ကို ကျောသားရင်သား မခွဲခြားဘဲ ပြည့်ဝချမ်းသာစေလိုသော ၀ါဒသာလျှင် ဖြစ်လေသည်။ လူအတန်းအစား မခွဲခြားဘဲ အားလုံးပြည်သူ လူအများတို့ ကြွယ်ဝချမ်းသာမှသာလျှင် နိုင်ငံကောင်း နိုင်ငံမြတ်ဟု ဆိုထိုက်ပေသည်။

မြန်မာပြည်တဝှမ်းလုံး ချမ်းသာကြစေရန် အကျိုးနှင့် စစ်ကြောင့်ပျက်စီးနေသော စက်မှုလက်မှု လုပ်ငန်းဆောင်တာ ပစ္စည်းပစ္စယ အ၀၀တို့ကို ပြန်လည်ထူထောင်ရာတွင် စမ်းတ၀ါးဝါး အယောင်ယောင် အမှားမှား မပြုလုပ်ဘဲ စီမံကိန်းများနှင့်သာ ပြုလုပ်ရန် ကျွန်ုပ်၏အစိုးရက ထိုစီမံကိန်းများကို သေချာကျနစွာ ရေးဆွဲထားပြီး ဖြစ်လေသည်။ ထိုစီမံကိန်းများအတိုင်း လိုက်နာ၍ ပြန်လည်ထူထောင်ရေးနှင့် နိုင်ငံ သာယာဝပြော စည်ပင်ရေးတို့ကို လျင်မြန်စွာ ထမြောက်အောင်မြင်စေရန် ကျွန်ုပ်၏အစိုးရက ကြိုးစား ဆောင်ရွက်လိမ့်မည်။

မြန်မာ ပြည်သူပြည်သားတို့သည် မိမိတို့၏နိုင်ငံတော်ကို မိမိတို့အင်အားဖြင့် ပြင်ပရန်သူတို့၏ ဘေး အန္တရာယ်မှ ကာကွယ်နိုင်ရန် ခေတ်မှီသော သေနင်္ဂဗျူဟာကို ကျွမ်းကျင်တတ်မြောက်သော တိုင်းရင်းသား ကုန်းတပ်၊ ရေတပ်၊ လေတပ်များတို့ကို လျင်မြန်စွာ တည်ထောင်၍ ထိုတပ်ပေါင်းအလုံးစုံတို့သည် ပြည်သူ ပြည်သားများ၏တပ်များ ဖြစ်ကြရန်ကို အကျွန်ုပ်၏အစိုးရက ရည်ရွယ်သည်။ အမြဲတမ်းတပ်များအပြင် အရွယ် ရောက်၍ ကျန်းမာသန်စွမ်းကာ အခြားအလုပ်ကို လုပ်ကိုင်လျက်ရှိသော ပြည်သူပြည်သားတို့ ပါဝင်နိုင်သည့် အရံတပ်များကို ဖွဲ့စည်းရန်လည်း ကျွန်ုပ်၏အစိုးရက ရည်ရွယ်သည်။

နိုင်ငံခြားကိစ္စနှင့် စပ်လျဉ်း၍ ကျွန်ုပ်၏အစိုးရ ရည်ရွယ်ချက်မှာ အခြားနိုင်ငံများနှင့် သင့်မြတ်စွာ ပေါင်းသင်းဆက်ဆံ၍ လျောက်ပတ်ထိုက်တန်သော နိုင်ငံများနှင့် နှစ်ဦးသဘောတူ မဟာမိတ်များ ဖွဲ့စည်းရန် ရည်ရွယ်သည်။ အခြားနိုင်ငံများနှင့် သင့်မြတ်စွာ ပေါင်းသင်းလိုသော်လည်း မြန်မာနိုင်ငံတော်ကြီး၏ နယ်နိမိတ်ကို မည်သည့်အခြားနိုင်ငံကမျှ မကျူးလွန်နိုင်ရန် ကျွန်ုပ်၏အစိုးရက လုံးဝ ကာကွယ်လိမ့်မည်။ တနိုင်ငံနှင့် တနိုင်ငံ မိတ်ဆက်ရာ၌ လွယ်ကူစေသော သံတမန်ချင်း လဲလှယ်သည့် ကမ္ဘာ့နိုင်ငံများ၏ ထုံးတမ်းစဉ်လာ ဓလေ့ကို လိုက်နာ၍ ယခုပင်လျှင် အချို့နိုင်ငံကြီးများနှင့် စီစဉ်ပြီး ဖြစ်လေပြီ။

ယခု ကျွန်ုပ်တို့၏ လွတ်လပ်ရေး အောင်ပွဲကြီး သို့ ကျွန်ုပ်တို့နှင့် အဆက်အသွယ် ရှိပြီးဖြစ်သော နိုင်ငံတို့က အထူးသံတမန်များ လွှတ်ကြသည်ကို ကျွန်ုပ် ကျေးဇူး တင်ပါ၏။ ယင်းသို့ သံအရာရှိကြီးများ လာရောက်ကြသည်ကို ထောက်ရှုသော် အခြားနိုင်ငံများက လွတ်လပ်သော မြန်မာနိုင်ငံတော် အပေါ်တွင် မေတ္တာထားကြသည်ဟူ၍ ကျွန်ုပ်ယူဆသည်။ ကမ္ဘာတ၀ှမ်းလုံးတွင် စစ်မဖြစ်ပွားဘဲ တိုင်းပြည်တကာတို့ ဧဧချမ်းချမ်း ရှိကြဘို့အရေးကို ကျွန်ုပ်၏အစိုးရက လိုလားသည်နှင့်အညီ ကမ္ဘာ့ကုလသမဂ္ဂကို ၀င်ခွင့်ရရန် ကျွန်ုပ်၏အစိုးရက ဆောင်ရွက်လိမ့်မည်။

ပြည်ထောင်စုနိုင်ငံတွင်းတွင်လည်း ငြိမ်ဝပ်ပိပြား၍ လက်နက်ကိုင် ရာဇ၀တ်မှုများ ပပျောက်လေ အောင် ကျွန်ုပ်၏အစိုးရက ဆောင်ရွက်လျက်ရှိသည်။ ဤသို့ဆောင်ရွက်ရာ၌ ကျွန်ုပ်တို့အစိုးရသည် လုံ့လကို မလျှော့ဘဲ ပြည်သူပြည်သားတို့၏ အကူအညီကို တောင်းခံကာ လုံလောက်သောအာဏာကို သုံးစွဲလိမ့်မည်။

တောင်သူလယ်သမားတို့၏ အခွင့်အရေးများကိုလည်း တိုးတက်စေလျက် မြေပိုင်ရှင်စနစ်ကို ဖြို ဖျက်ပစ်ရန် ကျွန်ုပ်၏အစိုးရက ရည်သန်သည်။ အလုပ်သမားတို့၏ အခွင့်အရေးများကိုလည်း တိုးတက်စေလျက် အရင်းရှင်စနစ်ကို ဖြိုဖျက်ပစ်ရန် ကျွန်ုပ်၏အစိုးရက ရည်သန်သည်။

ပြည်ထောင်စု မြန်မာနိုင်ငံသည် ယနေ့ လွတ်လပ်သောနိုင်ငံ ဖြစ်သည်နှင့်အညီ တဦးကိုတဦး ကြောက်ရွံ့ရခြင်း၊ တဦးကိုတဦးက နှိပ်စက်ခြင်းမှစ၍ မကောင်းသောအလေ့ဆိုးများကို လုံးဝဖျက်ပစ်ရန် ကျွန်ုပ်၏ အစိုးရက ရည်ရွယ်သည်။ ရာဇ၀င်တွင် ရှေးရှေးအခါမှစ၍ ရှေးမင်းများ၏ အာဏာစက်ကြောင့် ဒွန်းစဏ္ဍား၊ သူတောင်းစား၊ ဘုရားကျွန်၊ ကျောင်းကျွန်၊ သင်ချိ စသည့် လူတန်းအနှိမ့်ခံ နေရသူတို့လည်း ရှိနေသေးသည်။ ဤကဲ့သို့ လူတန်းအနှိမ့်ခံ ဒွန်းစဏ္ဍား၊ သူတောင်းစား၊ ဘုရားကျွန်၊ ကျောင်းကျွန်၊ သင်ချိ စသည်တုိ့ကို ယနေ့မှစ၍ ရှေးအမင်းမင်းတို့၏ အာဏာစက်ကို ကျွန်ုပ် ပယ်ဖျက်၍ ထိုသူတို့၏သဘောအတိုင်း လုပ်လိုသော အလုပ်မျိုးစုံကို လွတ်လပ်စွာ လုပ်ကိုင်နိုင်ကြစေဟု ကျွန်ုပ် အမိန့်ချမှတ်သည်။

ဤ ပြည်ထောင်စုမြန်မာနိုင်ငံတော်တွင် ရှိရှိသမျှ သော နိုင်ငံသားများသည် ဖွဲ့စည်းအုပ်ချုပ်ပုံ အခြေခံဥပဒေတွင် ပါရှိသည့်အတိုင်း တဦးနှင့်တဦး အခွင့်အရေးချင်း တူညီကြစေ။

 မြန်မာအသင်းချုပ်ကြီး (General Council of Burmese Associations)

 မြန်မာ = Burmese 

ဂျီစီဘီအေ (၁၉၂၀)

ဂျီစီဘီအေ ဆိုသည်မှာ မြန်မာနိုင်ငံလုံး ဆိုင်ရာ မြန်မာအသင်းချုပ်ကြီးကို ခေါ်ခြင်း ဖြစ်သည်။ ယင်း အသင်းချုပ်ကြီးကို အင်္ဂလိပ်လို General Council ofBurmese Associations ဟု ခေါ်သောကြောင့် အင်္ဂလိပ်စကားလုံး လေးလုံးမှ ထိပ်ဆုံး အက္ခရာ များကို ယူ၍ ဂျီစီဘီအေဟု အတိုကောက် ခေါ်နေကြခြင်း ဖြစ်သည်။

၁၉၂၀ ပြည့်နှစ် အောက်တိုဘာလတွင် ပြည်မြို့၌ ကျင်းပသော ဝိုင်အမ်ဘီအေ နှစ်ပတ်လည် ညီလာခံ၌ ဝိုင်အမ်ဘီအေကို ဂျီစီဘီအေဟု ပြောင်းလဲ လိုက်သဖြင့် ဂျီစီဘီအေ အသင်းကြီး ပေါ်လာ ခဲ့သည်။ ဂျီစီဘီအေ၏ ပထမဆုံး ဥက္ကဋ္ဌဌမှာ ဦးချစ်လှိုင် ဖြစ်သည်။ ပထမတွင် ဂျီစီဘီအေ ဥက္ကဌကို သမ္မတဟု အသုံး များသည်။ နောက်မှ ဥက္ကဌဟု ခေါ်ကြသည်။

ဂျီစီဘီအေကို ခေါင်းဆောင် သူများမှာ ခေတ်ပညာတတ် လူငယ်များ ဖြစ်ကြသည်။ ဂျီစီဘီအေကို ဝံသာနု အဖွဲ့ချုပ်ကြီး ဟုလည်း ခေါ်သေးသည်။ ထို့ကြောင့် ဂျီစီဘီအေနှင့် ဆက်သွယ်သော အသင်းသား များကို ဝံသာနုများဟု ခေါ်ကြသည်။ ဂျီစီဘီအေသည် တနိုင်ငံလုံးမှ အမည်အမျိုးမျိုးရှိ အသင်းအဖွဲ့ များနှင့် ဆက်သွယ်၍ ဗြိတိသျှ နယ်ချဲ့ ဆန့်ကျင်ရေး အတွက် ဆက်လက် ဦးဆောင် ခဲ့သည်။ 

ဝိုင်အမ်ဘီအေမှ ဂျီစီဘီအေဟု ပြောင်းလဲ ဖွဲ့စည်းလိုက်ပြီးသော အခါ ဂျီစီဘီအေ၏ ဗြိတိသျှ နယ်ချဲ့ ဆန့်ကျင်ရေး လုပ်ငန်း များမှာ ပို၍တက်ကြွလာပြီး ပြင်းထန် လာသည်။ လုပ်သားပြည်သူတို့၏ ပါဝင် အားပေးမှု စည်းလုံးမှုလည်း ပို၍ ကြီးထွားလာခဲ့သည်။ ထို့ကြောင့် ဂျီစီဘီအေသည် အမျိုးသား ညီညွတ်ရေး တပ်ပေါင်းစုကြီးသဖွယ် ဖြစ်လာသည်။ ဂျီစီဘီအေ၏ သြဇာအာဏာ သည်လည်း တနိုင်ငံလုံးအနှံ့ ပျံ့ခဲ့သည်။ 

ဂျီစီဘီအေ၏ ရည်ရွယ်ချက် များမှာ ကိုယ်ပိုင်အုပ်ချုပ်ရေး ခေါ် တာဝန်ခံအုပ်ချုပ်ရေး ရရှိရေး၊ အစိုးရ ရာထူးကြီး များတွင် တိုင်းရင်းသားများ ခန့်ထားရေးနှင့် စီးပွားရေး လုပ်ငန်း များကို တိုင်းရင်းသားများ လုပ်ခွင့်ရရေးတို့ ဖြစ်သည်။ 

ဂျီစီဘီအေ၏ ဗြိတိသျှ နယ်ချဲ့ ဆန့်ကျင်ရေး နည်းဗျူဟာမှာ အကြမ်းမဖက် အနုနည်းဖြင့် အာဏာဖီဆန်ရေး နည်းဗျူဟာပင် ဖြစ်သည်။ ဂျီစီဘီအေသည် ၁၉၂၀ ပြည့်နှစ် တက္ကသိုလ်သပိတ်ကို အားပေးပြီး အမျိုးသား ကျောင်းများ ပေါ်ထွန်း လာရေး အတွက်လည်း ကူညီသည့်နည်းဖြင့် ဗြိတိသျှနယ်ချဲ့ကို ဆန့်ကျင် ခဲ့သည်။ဒိုင်အာခီ အုပ်ချုပ်ရေးတိုးပေးရေး အတွက် စုံစမ်းစစ်ဆေးမှုများ ပြုလုပ်ရန် ၁၉၂၁ ခုနှစ် နိုဝင်ဘာ အတွင်းကလာသော ဝှိုက်ကော်မတီကိုလည်း ဂျီစီဘီအေက သပိတ်မှောက်ခဲ့သည်။ ၁၉၂၂ ခုနှစ် ဇန်နဝါရီလ အတွင်းက ဝေလမင်းသား လာသောအခါ တွင်လည်း ဗြိတိသျှနယ်ချဲ့ကို ဆန့်ကျင် ပြသည့် အနေဖြင့် ဝေလမင်းသားကို ကြိုဆို ဧည့်ခံခြင်း မလုပ်ဘဲ သပိတ်မှောက်ခဲ့သည်။ အင်္ဂလိပ်က ပေးသာ ဒိုင်အာခီအုပ်ချုပ်ရေးကိုလည်း ဂျီစီဘီအေ အများစုက လက်မခံဘဲ သပိတ်မှောက်ခဲ့သည်။ အိန္ဒိယမှ ခွဲထုတ်ပြီး ၉၁ ဌာန အုပ်ချုပ်ရေး ပေးရန် အတွက် စုံစမ်း စစ်ဆေးမှုများ ပြုလုပ်ရန် ၁၉၂၉ ခုနှစ် ဖေဖော်ဝါရီလ အတွင်းက လာသော ဆိုင်မွန် ကော်မရှင် ကိုလည်း ဂျီစီဘီအေက သပိတ်မှောက်ခဲ့သည်။

ဂျီစီဘီအေ ကြီးမှူး၍ လူခွန်နှင့် မြေခွန် မပေးရေး တိုက်ပွဲ ကိုလည်း ဆင်နွှဲ ခဲ့သည်။ ဗြိတိသျှအာဏာပိုင် များနှင့် မဆက်ဆံရေး လမ်းစဉ် ကိုလည်း ကျင့်သုံး ခဲ့သည်။ တိုင်းရင်းသားတို့ကို ဖိနှိပ် ချုပ်ချယ် ထားသော ဥပဒေများဖျက်သိမ်းရေး ကိုလည်း အခါအခွင့်သင့်တိုင်း အစိုးရသို့ တင်ပြ တောင်းဆို ခဲ့သည်။ ပြည်သူတို့၏ အကျိုးကို ဆန့်ကျင်သည့် ဗြိတိသျှနယ်ချဲ့အစိုးရ၏ လုပ်ငန်းမှန်သမျှကို ဝေဖန် ပြစ်တင်ခြင်းနှင့် သပိတ်မှောက်ခြင်း တို့ဖြင့် နယ်ချဲ့ကို ဆန့်ကျင်ခဲ့သည်။

 ဂျီစီဘီအေ၏ ဦးဆောင်မှု ဖြင့်ပင် မြို့နယ်နှင့် ကျေးရွာဝံသာနုခုံသမာဓိ အဖွဲ့များ ဖွဲ့၍ တရားမမှုများ၊ ပုလိပ် အရေးမပိုင်သော အမှုအခင်းများ၊ အမွေမှုများ၊ အကြွေးမှုများ၊ ငြင်းခုံ ဆဲဆိုမှုများကို ဆုံးဖြတ် ဖြေရှင်း ပေးခဲ့သည်။ ဝံသာနုခုံသမာဓိရုံးများသည် အင်္ဂလိပ်အစိုးရနှင့် စင်ပြိုင်အစိုးရ သဘော ဖြစ်လာသည်။ ကျေးရွာဝံသာနုအသင်းများ ကလည်း ကျေးရွာသူကြီးများ၏ အာဏာကို ဖီဆန် ခဲ့ကြသည်။ ထို့ကြောင့်လည်း ၁၉၂၄ - ၂၅ အတွင်း ရောက်သော အခါ လုံခြုံရေးအတွက်ဟု အကြောင်း ပြကာ အင်္ဂလိပ်အစိုးရက ဂျီစီဘီအေအသင်းချုပ် ခေါင်းဆောင်များကို ဖမ်းဆီး ခဲ့သည့်အပြင် ဝံသာနုအသင်း များစွာကို မတရား အသင်းဟု ကြေညာ ခဲ့သည်။

စီးပွားရေး အနေဖြင့် ဗြိတိသျှ ကုမ္ပဏီ များက ရေနံတူးဖော်ခြင်း၊ သတ္တုတူးဖော်ခြင်း အပါအဝင် မြန်မာ နိုင်ငံမှ သံယဇာတပစ္စည်း များကို မိမိတို့စိတ်ကြိုက် ထုတ်ယူသုံးစွဲနေခြင်းကိုကို ကန့်ကွက် ခဲ့သည်။ ဂျီစီဘီအေမှ ကြီးမှူး၍ ရေနံစက်၊ အထည်စက်နှင့် အမျိုးသား ဝံသာနုဘဏ် တည်ထောင်ရန်လည်း ကြိုးစား ခဲ့သည်။ ဗြိတိသျှ နယ်ချဲ့အရင်းရှင်များ၏ အမြတ်ထုတ်မှုကို ဆန့်ကျင် ပြသည့် အနေဖြင့် နိုင်ငံခြား ကုန်ပစ္စည်း များကို အသုံးမပြုဘဲ ပြည်တွင်းဖြစ် အားပေးရေးကို နယ်ချဲ့ ဆန့်ကျင်ရေး လှုပ်ရှားမှု တခု အနေဖြင့် ဆောင်ရွက် ခဲ့သည်။ 

အမျိုးသား ညီညွတ်ရေး တပ်ပေါင်းစုကြီး သဖွယ် ဖြစ်ခဲ့သော ဂျီစီဘီအေသည် အင်္ဂလိပ်ကပေးသော ဒိုင်အာခီ အုပ်ချုပ်ရေး ကို လက်ခံ သင့် မသင့် သဘောထား ကွဲရာမှ ၁၉၂၂ ခုနှစ်တွင် ပထမဆုံး အကြိမ် နှစ်ဖွဲ့ ကွဲသွား ရသည်။
  
ဦးချစ်လှိုင် ဂျီစီဘီအေ ခေါ် သပိတ်မှောက်ဂျီစီဘီအေနှင့် ဦးဘဘေ ဦးစီးသော ၂၁ ဦးဂျီစီဘီအေဟု ပထမဆုံး နှစ်ဖွဲ့ ကွဲသွားသည်။

ထို့နောက် ၁၉၂၅ ရောက်သော အခါ ဦးချစ်လှိုင်ဂျီစီဘီအေမှ ဦးစိုးသိမ်း ဂျီစီဘီအေ ထပ်၍ ကွဲသွား ပြန်သည်။

၁၉၂၉ ရောက်သော အခါ ဦးစိုးသိမ်း ဂျီစီဘီအေ မှပင် ဦးစု ဂျီစီဘီအေဟု ကွဲထွက် ပြန်သောကြောင့် အစုစု ဂျီစီဘီအေ လေးစု ကွဲသွားသည်။

 နောက်ဆုံး ဂျီစီဘီအေ အသင်း ကွဲပေါင်း ခြောက်သင်း အထိ အစိတ်စိတ် အမွှာအမွှာ ကွဲသွားသည်။

ထိုသို့ ဂျီစီဘီအေကြီး အစိတ်စိတ် အမွှာအမွှာ ကွဲရသည့် အကြောင်းရင်း များမှာ ဒိုင်အာခီကို လက်ခံရေး မခံရေး တည်းဟူသော နိုင်ငံရေးအယူအဆကွဲရာမှ စ၍ ခေါင်းဆောင် အချင်းချင်း အဆင်မပြေမှုနှင့် အသင်း၏ ရန်ပုံ ငွေများ သုံးစွဲသည့် ကိစ္စနှင့် ပတ်သက်၍ မကျေနပ်မှုများ ရောပြွမ်း နေကြောင်း တွေ့ရသည်။

စည်းလုံးမှု ပြိုကွဲ သွားသည်နှင့်အမျှ ဂျီစီဘီအေသည် ၁၉၃၀ လောက်မှ စ၍ နိုင်ငံ့ အကျိုး အတွက် ထိထိရောက်ရောက် မဆောင်ရွက် နိုင်တော့ပေ။ ၁၉၃၆ ရောက်သောအခါ ဂျီစီဘီအေ၏ အမည် လုံးဝ ပျောက်ကွယ် သွားခဲ့ ရသည်။

ဂျီစီဘီအေသည် အသင်း၏ အမြင့်ဆုံး ရည်မှန်းချက် ဖြစ်သော ကိုယ်ပိုင်အုပ်ချုပ်ရေးကို အရယူ မပေး နိုင်ဘဲ ပျောက်ကွယ်ခဲ့ရ သော်လည်း အမျိုးသား စိတ်ဓာတ် နယ်ချဲ့ ဆန့်ကျင်ရေး စိတ်ဓာတ်နှင့် လွတ်လပ်ရေး တိုက်ပွဲဝင် စိတ်ဓာတ်များ တိုးပွား လာစေရန် အများဆုံး လှုံ့ဆော် ပေးခဲ့သည့် အဖွဲ့ကြီး တခု အဖြစ် သမိုင်းတွင် အရေး ပါနေ ပေသည်။ 


မှီငြမ်း
ကိုလိုနီခေတ် မြန်မာ့ သမိုင်း အဘိဓာန်၊ ဦးမြဟန်၊ ၂၀ဝ၀ ခုနှစ် တတိယ အကြိမ်ထုတ် တက္ကသိုလ်များ သမိုင်း သုတေသန ဌာန၊ ဂျီအီးစီ (ပညာရေး) သမဝါယမ အသင်း