နာမ်ရုပ် အမှန် သဘောဥာဏ်
ယူပြန် အကောက်လွဲ။
စာအလိုကြံ သဒ္ဒါမှန်
အလိုတော်က ကွဲ။
ဖောက်ဖောက်ပြန်ပြန် ရုပ်သဏ္ဍာန်
ထင်ကြံ အယူလွဲ။
နှစ်ထွေမျိုးဟန် နာမ်သဏ္ဍာန်
သိရန် လွန်ခက်ခဲ။
ဖေါက်ဖေါက်ပြန်ပြန် ရုပ်သဏ္ဍာန်
ဥာဏ်မှန်ဒွယ မြင်လိုက်ကြ။
ဖေါက်ပြန်ရုပ်က တစ်ခုရ
ခွဲကာ မှတ်လိုက်ကြ။
နာမ်လုပ်ရုပ်က ဘုံဘဝ
ရောက်မည် မလွဲရ။
နာမ်လုပ်ရုပ်ကို အမှန်ဆို
မြင်ရန် ခက်လှပ။
ဥာဏ်မျက်စိလျှင် မြင်တတ်မှ
အရိပ်ခန္ဓာ သိတာရ ပညာမှတ်ပါဗျ။
သတ္တိရှိသူ ခုထွက်ခဲ့ဟေ့……
မိုက်လျင်ထွက်ခဲ့ ဆံနှင့်မုတ်ဆိတ်
အကုန်ရိတ်၍ သပိတ်ပိုက်ပြီး
နေထီးထီးမှာ ဘုန်းကြီးလုပ်တမ်း၊ ကစားစမ်းမယ် ။
အိပ်ခန်းမှာနေ သံကိလေနှင့်
ဝိဝေပွားပြီး ဥာဏ်ကြီးနေတာ
ဗလာဥာဏ်ပြောင် ငါ့ကိုလှောင်တာ
ဘယ်ကောင်တွေက မိုက်သလဲဟေ့ ။
ထဘီထဲအောက် မင့်တို့လောက်တော့
မ ကြောက်လို့မှ ဆံကိုချ တယ်
ခြေဖ၀ါးပေါက် ဗလာလျှောက်တယ်
တောက်တီးတောက်တဲ့ ဆိုကဲ့ရဲ့တာ
ထွက်ခဲ့မိုက်သူ၊ သပိတ်ယူလှည့်
မိဖြူအိမ်ဘက် မျက်နှာရှက်နှင့်
ဆွမ်းခွက်မရ၊ လှည့်ပြန်ရတယ်
ဒါန မမြောက် မျက်လွှာအောက်နှင့်
တောက်တီးမမြည် ရင်မအီရဲ
တုဏှီတိတ်တိတ် ခေါင်းလေးညိတ်လျက်
မဖိတ်မကြွ ငါ့ဘဝကို
ဗျ တို့ စာနာကြည့်စမ်းပါဦး ။
ကျောင်းမှာရောက်တော့
ငါမ ဆော့ရ ပေါ့ပေါ့ပါးပါး
ခ လေးများလို ငါကားကိုရင်
သိပ်ဆော့ချင်တယ် စာသင်ပင်ပန်း
ဝှား" သာသန်းတယ် ကြိမ်ထမ်းစောင့်ရှောက်
ဆရာ့အောက်မှာ တစ်ယောက်ထီ်းနေ
တစ်စိတ်တည်းထား သင်ရိုးများနှင့်
ဘိုးဘွားမိဘ၊ ဝေးနေရတယ်
ငါ့ လောကဓံ မင်းတို့ခံကြည့်
ဝေဖန်မှုရပ် သပိတ်အပ်မယ်
သတ္တိရှိသူ ခုထွက်ခဲ့ဟေ့… ။
ကျေးဇူးတော်ရှင် မုံလယ်ဆရာတော်ဘုရားကြီး၏ စကား
မိမိစိတ်အသိမှားကသာ
အတ္တရှိတယ်ထင်ပေမဲ့ အထင်မျှသာ
တရားတွေကတော့ ထင်လဲ အနတ္တ ,
မထင်လဲ အနတ္တပါပဲ။
သဗ္ဗေဓမ္မာ အနတ္တာ…လို့ ဗုဒ္ဓက
ဟောခဲ့တာပါ။ဘယ်တုန်းဘယ်ခါ
ဘယ်ကမ္ဘာမှာမှ မရအပ်တဲ့
အတ္တအယူကို အတ္တဆိုတာ မရှိပါဘူး…
တရားတွေက အနတ္တသဘောပါလို့
ဥာဏ်ဖြစ်ရုံမှတပါး………
တမင် အတ္တကို ဖြုတ်စရာ အကြောင်းမရှိ။
အဘယ်ကြောင့်နည်း………
မရှိသော မရအပ်သော အတ္တကို
ရှိတယ် ရတယ်အထင်နဲ့ စွဲယူသိမ်းပိုက်
နေလို့သာလျှင် အတ္တရှိတယ် အထင်ရှိလို့
အတ္တကို တမင်လိုက်ဖြုတ်နေခြင်းသည်
ပင်လျှင် နည်းမှားတခုဖြစ်လေရာ၏။
အနတ္တမှန်ပါလျှက်နဲ့ အတ္တကို တမင်
မဖြုတ်ရဟု ဆရာတော်ကြီး မိန့်ခဲ့ပါ၏။
မရှိတာကို အရှိထားဖြုတ်နေခြင်း
ပယ်နေခြင်း သည်ပင်လျှင်
စိတ္တဇ အထင်ဖြစ်နေ ခြင်းကြောင့်
အပိုလုပ်နေကြခြင်းဟု ဆရာတော်ကြီးက
ဆုံးမသည်ကို ဆရာသမားများက
ပြန်ပြောဖူးပါ၏။မရှိတာ မရှိဘူးလို့
သိတဲ့ဥာဏ်ဖြစ်ရုံမှတပါး အပိုအလုပ်
မလုပ်ရာ။ဥာဏ်အမြင်စင်ကြယ်ခြင်း
သည်ပင်လျှင် ဒိဋ္ဌိအယူစင်ကြယ်ရာ၏။
စကားအရာ ဒဿနကိစ္စ မြင်သာအောင်
ပြောဆိုသုံးနှုံးသော ယာယီမျှ ဘက်ထား၍
အစားထိုးထားသော စကားရပ်များ
အပေါ် ဥာဏ်အမြင်စင်ကြယ်မှ
ဒဿနကိစ္စပြည့်စုံ၏။
သို့မဟုတ်လျှင် ဒဿနကိစ္စ
အစားထိုးထားသော(သပ်)
ဝေါဟာရ ပညတ်ပေါ်တွင်
သောင်တင်(သပ်ကျန်)နေ၍
ပြန်ငြိနေတတ်(သပ်ညပ်)နေတတ်ပါ၏။
မရှိတာ ဘယ်လို စွဲမှာလဲကွဲ့။
ပယ်တယ် ပယ်တယ်,ဆိုတာ
ဒါ, မရှိတာ သိအောင်လို့ ပြော ဟောရတာ …
မရှိတာကို ရှိတယ်လို့ စွဲနေတာ…
နောက်ကျန်တဲ့ သိပ္ပံ
*********************
နိဗ္ဗာန်ဟာ ဗုဒ္ဓဘာသာတို့ရဲ့ ပန်းတိုင် ခရီး အဆုံး ပါပဲ။ အဆုံးရောက်တော့ ဒုက္ခ ငြိမ်း တာပေါ့။
ဒီနေရာမှာ သိပ္ပံသမားတွေ အဆုံး မရှိ ချင်ကြဘူး။ သိပ္ပံသမားတွေဟာ ဆုံးသွား မှာကို စိုးရိမ်ကြတယ်။ သူတို့ ခံယူထားက —
“—- it is better to travel hopefully than to arrive..”
“—- we reached the end of the line, the human spirit would shrivel and die.”
လို့ ဒီလို ခံယူထားတာကိုး။
သိပ္ပံသမားတွေက မျှော်လင့်ချက်နဲ့ သွား နေရတာကိုပဲ သဘောကျကြတယ်။ အဆုံးရောက်သွားရင် သူတို့က ရပ်တန့် သွားမယ်။ လူသားတွေဟာလည်း ရှုံ့တွ ပြီးတော့ သေဆုံးသွားမယ် အဲဒီလို သူတို့ က ခံယူကြတယ်။
ဒါဟာ သိပ္ပံပညာရှင်တွေရဲ့ လွဲနေတဲ့ ခံယူချက် လို့ ဆိုရမလား ဗုဒ္ဓဘာသာဝင် အနေနဲ့ ကြည့်ရင်တော့ လွဲနေတာ မှားနေ
ကြတယ် တန်းပြောမိမှာပဲပေါ့
ပြန်သုံးသပ်ကြည့်ရင် တကယ်တမ်းမှာ သိပ္ပံသမားတွေက အဆုံးကို ရောက်ဖူးကြ
လို့ ဒီလို ခံယူလေသလား ဆိုတာ တွေး စရာ မေးစရာ ပေါ်လာတယ်
စီစစ်ကြည့်ရင် သူတို့က အဆုံးကိုလည်း မရောက်ဖူးဘဲနဲ့ အဆုံးကို သွားနေရတာ မကြိုက်ဘူး ဆိုတော့ ဒါဟာ သိပ္ပံနည်း တော့ မကျဘူး လို့ ပြောရမှာပါပဲ
သိပ္ပံပညာရှင်တွေရဲ့ သိပ္ပံနည်းမကျတဲ့ ခံယူချက် တစ်ခုလို့ ဆိုနိုင်ပါတယ်
သူတို့ဟာ အဆုံးကို ကြောက်ကြတယ်။ တစ်ချို့တွေဆို ရည်မှန်းချက်ကို မထား ဘူး၊ ရည်မှန်းလို့ ရောက်သွားရင် ရပ်တန့် သွားမှာကို စိုးရိမ်လို့ ရည်မှန်းချက် မရှိဘူး။ သူတို့ မှာ သွားနေခြင်းပဲ ရှိတယ် လို့ ဒီလို အခိုင်အမာ ယူကြတယ်။ တကယ့် နာမည်ကြီး ပညာရှင်တွေကိုက အဲဒီလိုပဲ ယူဆကြတယ်။
ဒါ သူတို့ ချော်နေတဲ့ အချက်ပေါ့ တကယ် တော့ နိဗ္ဗာန် ရောက်တဲ့အခါ ချမ်းသာတာ ကို သူတို့ မသိကြဘူး။ မသိပါဘဲ ကြောက်
နေတာ ဖြစ်နေတယ် ရုပ်နာမ်ကို ခွာချခဲ့ပြီး ပြီပဲ၊ (၃၁) ဘုံကို ထားခဲ့ပြီးပြီပဲ ဟိုမှာ ရုပ် နာမ် ရှုံ့တွစရာ ဘာမှ မရှိတော့ပါဘူး။
ဉာဏ်ပညာနဲ့ တည်ငြိမ်၊ လွတ်လပ်၊ ငြိမ်း ချမ်းစွာ၊ ဒုက္ခက လွန်မြောက်နေတာပဲ ရှိ တယ်။ သူတို့ က ဒါကို မသိကြဘူး။
ဒီတော့ သိပ္ပံပညာရှင်ကြီးတွေဟာ သနား စရာ ကောင်းတဲ့ သူတွေ အနေအထား လို
ဖြစ်ကုန်တယ် သူတို့ဘက်က ဘယ်လို စောဒဂ တက်နိုင်မလဲ ဆိုတာကိုက စာဖတ်သူက ဆွေးနွေးသွားပေးကြည့်ပါ
သိပ္ပံသမားတွေဟာ လောကီကိုပဲ သိတာ လောကတ္တရာကို နားမှ မလည်ဘဲ။ လောကုတ္တရာကိုမှ မမှန်းဆတတ်ပဲ။
ဒီတော့ သူတို့ဟာ ပန်းတိုင် အဆုံးနိဂုံး ဆိုတာကို ကြောက်ကြတာ
တကယ်တော့ နိဂုံးရောက်တဲ့အခါ အင်မတန်မှ ချမ်းသာတဲ့ အကြောင်း
သူတော်ကောင်းတွေ ဥဒါန်းကျူးတော် မူကြတာကို သူတို့ မသိကြဘူး။
ဒီတော့ သိပ္ပံဟာ ဒီတစ်ခုတော့ တော် တော်လေး ခေတ်နောက်ကျနေကြောင်း
သတိထားမိရတယ်
ဆွေးနွေးကြည့်ကြပါဦးလား
အဝိဇ္ဇာသိနှင့်ဥာဏ်သိ
~~~~~~~~~~~~~~~~~~~~~~~~~~~
သိတာတော့သိတာပါပဲဒါပေမယ့်ဘယ်လိုသိတာလဲ? ဒါကတော့ကွာခြားသွားပါတယ် ဝိပဿနာ တရားအားထုတ်တယ်ဆ
ိုရာမှာဣရိယာပုတ်တွေရှိပါတယ်။
ဣရိယာပုတ်ဆိုတာက လျောင်း ၊ ထိုင် ၊ ရပ် ၊ သွားဆိုတဲ့လှဲတဲ
့အခါထိုင်နေတဲ့အခါမတ်တပ် ရပ်နေတဲ့အခါ လမ်းလျှောက်နေတဲ
့အခါ စသဖြင့်
ကိုယ်နေဟန်ထားတွေ ရှိပါတယ်တဲ့ ဒါတွေဟာ ဒီ လျောင်း ထိုင် ရပ် သွား ဆိုတာတွေဟာ ဝိပဿနာ တရားအားထုတ်မှ မဟုတ်ပါဘူးတဲ့။
ပုံမှန်ပြုလုပ်လေ့ရှိတဲ့ကိုယ်နေဟန်ထားပြောင်းလဲမှုတွေပါပဲဒီလိုဣ
ရိယာပုတ်တွေမှာဝိပဿနအားထုတ်သူကျတော့ သတိနဲ့လိုက်သိပေ
းနေရပါ တယ်တဲ့ ဒါက ဘာလဲဆိုတော့ လဲလျောင်းနေရင် ထိုင်နေရင်ရပ်နေရင်သွားနေရင်စသဖြင့်တစ်ခုခုကို တော့ လုပ်နေရမှာပဲ။
ဒီလိုလုပ်နေရင်းကမိမိမှာအာရုံတွေပေါ်ပါ တယ်တဲ့မြင်ရင်လည
်းမြင်မယ်ကြားရင်လည်း ကြားမယ် နံရင်လည်းနံမယ် စားရင်လည်းစားမယ် ထိသိတာပေါ်ရင်လည်
း ပေါ်မယ် တွေးတောတာ ပေါ်ရင်လည်း ပေါ်ပါမယ်တဲ့။
ဝိပဿနာရှုသူဟာ ဒီအာရုံခြောက်ပါးကို မိမိရဲ့ ဣရိယာပုတ်တိုင်း
မှာသတိနဲ့စောင့်ကြည့်ပါ တယ်တဲ့ ဒီလို အာရုံတွေကို စောင့်ကြည့်နိုင်မှ အာရုံခြောက်ပါးသ
ာလျှင်ရှိတယ်ဒီအာရုံ ခြောက်ပါးဟာ အလှည့်ကျ ဖြစ်ပေါ်နေတယ်။
ဘယ်လိုပေါ်တာလဲ မျက်စိက မြင်စရာကို ခံစားတယ် နားက ကြားစရာကို ခံစားတယ် နှာခေါင်းက နံစရာကို ခံစားတယ် ပါးစပ်က လျှာက အရသာကို ခံစားတယ် ကိုယ်ခန္ဓာက ထိတွေ့စရာကို ခံစားတယ် စိတ်က တွေးတောစရာတွေကို ခံစားတယ်။
ဒီတော့ မြင်တယ်ဆိုတဲ့နေရာမှာ မျက်စိက မြင်စရာကို ခံစားတယ် ဒါက ဘာလဲ ဘယ်လိုသဘောလဲဆိုတော့ ကင်မရာရှေ့မှာ ရိုက်စရာပုံရိပ်ရှိတယ် ဒါပေမယ့် ကင်မရာက ခလုတ်ကို မနှိပ်သရွေ့ ကင်မရာရှေ့က ပုံရိပ်ကို ဓာတ်ပုံအဖြစ် မဖမ်းယူနိုင်သလိုပါပဲတဲ့။
မျက်စိရှိတယ် မျက်စိရှေ့မှာ မြင်စရာအဆင်းရှိတယ် ဒါပေမယ့် သိမှုဆိုတဲ့ ဝိညာဏ်ကလေးပေါ်ပါမှ မြင်စိတ်ဖြစ်တယ် ဒီတော့ မျက်စိတို့ အဆင်းတို့ဟာရုပ်သဘောတွေ သိမှုဆိုတာက နာမ်သဘောတရားတွေ ဒီနှစ်ခု ပေါင်းလိုက်တော့ မြင်သိစိတ် ဖြစ်သွားတယ်။
အာရုံဖြစ်သွားတယ် ဒီနေရာလေးမှာမြင်တာပဲရှိ တယ်မြင်လိုက်တယ်ဆိုတဲ့ခံစားမှုလေးဖြစ်သွားတယ် ဒါလေးပဲ ဥပေက္ခာသဘောလေးမျှသာပဲ သိမှုလေးပြီးတာနဲ့ ပျက်သွားတယ် ဒါဟာ ဥာဏ်စိုက်ထားလို့ သိတဲ့ဥာဏ်သိ။
ကျန်တဲ့ ကြားတာ နံတာ စားတာ ထိတွေ့တာ တွေးတောတာတွေမှာလည်းမြင်ရင်မြင်တဲ့အ တိုင်းဒီလိုလေးစိုက်ကြည့်ပေးတော့မြင်ကာမျှသာပဲ ချုပ်သွားတယ်ဒါကိုပဲသိလုံးလေးလို့ခေါ်ပါတယ် ဥာဏ်လို့လည်းခေါ်
ပါတယ်။
ဒီတော့ မြင်သိစိတ်က သိမှုသဘောဟာ ခန္ဓာသဘော ဝိညာဏက္ခန္ဓာ ဒီသိမှုသဘောက မျက်စိနဲ့အဆင်းတ
ိုက်လည်းမြင်သိစိတ်ပေါ်တယ် နားနဲ့အသံနဲ့တိုက်တော့ ကြားသိစိတ်ပေါ်တယ် နှာခေါင်းနဲ့အနံ့နဲ့တိုက်တော့ နံသိစိတ်ပေါ်တယ် လျှာနဲ့အရသာနဲ့တိုက်တော့ ချိုချဉ်ဖန်ခါးစတဲ့ အရသာစိတ်ပေါ်တယ်ကိုယ်နဲ့ထိတွေ့စရာ တိုက်တော့ ထိသိစိတ်ပေါ်တယ်။
ဥာဏ်သိကကျတော့ ဒီ လိုမျိုး ရှေ့ကပေါ်သွားတဲ့ မြင်သိစိတ် ကြားသိစိတ် နံသိစိတ် စားသိစိတ် ထိသိစိတ်ိ တွေးသိစိတ်တွေအပေါ်မှာ ဒါကတော့ မြင်သိစိတ် ဒါကတော့ ကြားသိစိတ် စသဖြင့် အမှန်အတိုင်း ပစ္စုပ္ပန်ကျကျ လိုက်သိပေးနေတာ ဒါကတော့ဒီသိမှုကတော့ဥာဏ်ပါတဲ့ဥာဏ
်သိပါတဲ့ ဝိပဿနာရှုနေသူမို့ ဒီလိုသိတာပါတဲ့။
ဒီတော့ရှေ့ကခန္ဓာသဘောဆိုတဲ့သိမှုကပေါ် တယ် ပျက်တယ် နောက်ကနေကျတော့ သိလုံးလေးဖြစ်တဲ
့သိပေးနေတဲ့ဥာဏ်ကလိုက်နေ တယ် ဒီတော့ သိလုံးကလေးဖြစ်တဲ့ ဥာဏ်က ရှေ့ကဖြစ်သွား ပျက်သွားတဲ့ ခန္ဓာသဘောကို သွားတွေ့တယ်။
မြင်တာပဲဖြစ်ဖြစ် ကြားတာပဲဖြစ်ဖြစ် သိမှုဆိုတဲ့ ခန္ဓာမှာလမ်းဆုံး
တယ် မြင်တာကိုသိပေးပြီးတော့ နားကကြားတော့ရော သိမပေးရဘူးလား ဒီတော့ မြင်သိမှုပျက် ကြားသိမှုပေါ် ဒီလိုသွားတယ်။
အရင်းကို လိုက်တော့ မြင်မြင် ကြားကြား သိမှုပေါ်တာ ဒီသိမှုက ဝိညာဏက္ခန္ဓာ ဒါဆိုရင် ဘာမြင်တယ် ဘာကြားတယ် လို့ မဖြစ်တော့ဘူး ခန္တာပေါ်တာလို့သိတယ် ဒီတော့ ဝိညာဏ်ဆိုတဲ့ ခန္ဓာသဘော သက္ကာယအပေါ်မှာ ငါ ရှိတယ်။
ငါ့ဟာဖြစ်တယ် ငါပိုင်တယ်လို့ ဆွဲယူထားတဲ့ သက္ကာယဒိဋ္ဌိပြုတ်သ
ွားတယ် ခန္ဓာမှန်ရင် အနိစ္စ ဆိုတော့ အနိစ္စနောက်က ဥာဏ်လိုက်တယ် သစ္စာဖွဲ့တော့ သိမှုဆိုတဲ့ခန္ဓာသဘောက ဒုက္ခ သစ္စာ နောက်ကသိလုံးက မဂ္ဂသစ္စာ ဆိုတော့ ဝိညာဏက္ခန္ဓာကို ငါလို့ယူပြီးစွဲလန်းတတ်တဲ့ ဝိညာနုပါဒါနက္ခန္ဓာ မဖြစ်တော့ဘူး ဒီတော့ လိုချင်မှုတဏှာဥပါဒါန်ကံတွေဖြစ်ခွင့်မရတော့ဘူးချ
ုပ်သွားတယ်။
သစ္စာဖွဲ့တော့ သမုဒယသစ္စာချုပ်တယ် နိရောဓ ဆိုတဲ့ ကိလေသာနာမ်ရုပ်တွေ ချုပ်ငြိမ်းရာကို ဆိုက်ရောက်သွားပ
ါတယ်တဲ့ဒါကဥာဏ်သိနဲ့သိတဲ့ ပရမတ်အသိပါပဲ ။
အဝိဇ္ဇာအသိကတော့ ရှင်းပါတယ် မြင်တိုင်း ကြားတိုင်း အပေါ်မှာ အမှန်အတိုင်း မမြင်ဘူး မြင်လိုက်တိုင်းသည် ငါမြင်တယ် ကြားလိုက်တိုင်းသည် ငါကြားတယ် စသဖြင့် ပေါ်အပ်ရာအာရုံတိ
ုင်းကို ငါ ငါ၏ ဥစ္စာဟုယူ၍ အမည်နာမနှင့်တကွ ပညတ်အာရုံတွေ ဖြစ်သွားတယ်။
ဒီလို ငါ သူတစ်ပါးစတဲ့ ပညတ်တွေဟာ ဘာနဲ့တူသလဲဆိုတော့ အချိုကြိုက်သော ပုရွက်ဆိတ်ကောင်ရဲ့ ရှေ့မှာ သကာခဲ သကြားခဲ ချပေးလိုက်သလိုပါပဲတဲ့ တဏှာ ဥပါဒါန်တို့ဟာ ငါ သူတစ်ပါး စတဲ့ ပညတ်အာရုံတွေကို အလွန်ကြိုက်ပါတယ်တဲ့။
ဒီတော့ အဝိဇ္ဇာက ပရမတ်ရုပ်နာမ်ကိုမသိအောင် ဖုံးအုပ်တယ် ဒိဌိက ငါငါ၏ဥစ္စာလို့ယူတယ်တဏှာ ဥပါဒါန်ကမလွတ်တမ
်းဒီအာရုံကိုစွဲယူ၍သင်္ခါရ တွေကိုဖြစ်စေပါတယ်တဲ့ကံတရားတွေေ
မြာက် စေ၍သံသရာစက်ဝန်းကိုဆက်စေပါ တယ်။
အာယတနကိုမြင်တဲ့အမြင်ကဖြစ်ရာအစု
အဝေးလို့ မြင်တဲ့ မြင်တဲ့အမြင်ကျမှဓမ္မတွေကဖြစ်လာတဲ့ သဘောတရားအမြင်ဖြစ်လို့ဓမ္မနုပဿနာဖြစ် တယ်ဝိညာဏ်သိမှုဆိ
ုတာနဂိကရှိတာမဟုတ်ဘူး ဒီအာယတနနှစ်ခုစုဝေးမှတွေ့တိုက်မ
ှဝိညာဏ်ဆိုတာ ဖြစ်ရတာကို သိထားရမယ်။
ဒီနှစ်ခု ပူးမှ တွေ့တိုက်မှ ဝိညဏ်သိမှုဆိုတာ ဖြစ်ရတာ နဂိုက ရှိတာမဟုတ်ဘူး ဒီလိုဖြစ်ပြီးတော့လည်း ပျက်သွားကြရတာပဲ။
ဒီလို ပညတ်တွေမဝင်နိုင်တဲ့အာယတနနှစ်ခုတို့၏ စုဝေးရာသဘောကို ပိုင်းခြားပြီး ပြန်မြင်သွားရင် ရာဂ ဒေါသ မောဟ တွေ မဖြစ်တော့တဲ့ သင်္ခါရနိမိတ်ကလွတ်ပြီး ပဝတ္ထိနိမိတ်အမြင်မှာ အာကာသ ကောင်းကင်ကြီးကိုပဲ ဟာလာဟင်း လင်းကြီး ဖြစ်ပြီးနေရတဲ့ သဘော ရင်ထဲမှာ အေးချမ်းပြီးနေရတဲ့သဘောတွေ ဖြစ်လာတယ် ဒါဟာ စင်စစ်တော့ နိရောဓ သစ္စာ ပဲ။
အာယတနတွေဖြစ်တဲ့ ရူပါရုံနဲ့မျက်စိကို သတ်သတ်စီမထားပဲ မျက်စိကို ငါ့မျက်စိလို့ ငါမြင်တယ်လို့သဘောထားရင်ကြိုးချည်တဲ့ သံယောဇဉ်ကြိုးဖြစ်သွားတယ်နားနဲ့အသံမှာ လည်း ငါကြားတယ် နှာခေါင်းနဲ့အနံ့မှာလည်း ငါနံတယ်လို့သံယောဇဉ်ကြိုးချည်တတ်ကြတယ်။
လျှာနဲ့အရသာ ကိုယ်နဲ့အတွေ့အထိ စိတ်နဲ့ ကြံ တွေးစရာ တွေမှာလည်း ထို့အတူပဲ ငါပါလာရင် ငါ ဆိုတဲ့ဒိဋ္ဌိဝင်လာရင် လောဘ ဒေါသလည်း ဖြစ် တယ် တဏှာ မာန ဒိဋ္ဌိလည်းဖြစ်တယ် ဒါကြောင့် အာယတနနှစ်ခု တို့ရဲ့စုဝေးရာလူ့ဥာဏ်နဲ့ သိရင် ငါသူယောက်ျားမိန်းမပုဂ္ဂိုလ်သတ္တဝါ ပညတ် အမြင် မရတော့ နိဗ္ဗာန်ရောက်တော့တာပဲ။
=================================
