“မြန်မာ” ဝေါဟာရ သမိုင်းကြောင်း

အောက်ဖော်ပြပါ ဆောင်းပါးတွင် တချို့သော အချက်အလက် အနည်းငယ်မှ အပ သမိုင်းအထောက်အထားဖော်ပြချက်များမှာ စုံလင်လှပေသည်။ ဗဟုသုတရစေရန် ဖော်ပြရင်း ပိုမိုပြည့်စုံစေရန်  မူရင်းစာသားကို မပြုပြင်ပဲ အောက်ခြေမှ "မှတ်ချက်၊ ဖြည့်စွက်ချက်" အချို့  ထည့်သွင်းထားပါသည်။

စာရှူသူအနေဖြင့် "ဗမာ"ဟူသော ဝေါဟာရသည် ရှေးကျောက်စာ၊ပေစာ၊ ရာဇဝင်ကျမ်းတို့တွင် မရှိကြောင်း သတိပြုမိပေလိမ့်မည်။ ရှေးကာလက မြန်မာလူမျိုးပိုင်ဆိုင်ရာနယ်မြေကို မြန်မာပြည်၊ မွန်လူမျိုးပိုင်ဆိုင်ရာနယ်မြေကို မွန်ပြည်၊ ရခိုင်တို့နယ်မြေကို ရခိုင်ပြည်၊ ရှမ်းတို့နယ်ကို ရှမ်းပြည်ဟု ခေါ်ဝေါ်ကြောင်း သိရှိထားပါက စဉ်းစားသုံးသပ်ရာ၌ ပိုမိုလွယ်ကူပါမည်။

ဆောင်းပါးရှင်က နိုင်ငံအမည်ကို အဓိကထားသော်လည်း ဤမှတ်ချက်ရှင်က မြန်မာလူမျိုးအမည်နှင့် ပြည်ထောင်စုအမည်ကို အဓိကထားစဉ်းစား၍ အမြင်ကွဲပြားမှုရှိသော်လည်း ဆောင်းပါးရှင်၏ သမိုင်းအချက်အလက်တင်ပြရာ၌ မုသားမပါသည်ကို လေးစားချီးကျူးမိပါကြောင်း

“မြန်မာ” ဝေါဟာရ သမိုင်းကြောင်း (ဆောင်းပါးရှင်-ကျော်ဇောအောင်)

မြန်မာဟူသောအသုံးအနှုန်းကို ပုဂံခေတ် ကျန်စစ်သားမင်း(အေဒီ ၁၀၈၄-၁၁၁၃)လက်ထက် ခရစ်နှစ် ၁၁၀၂ ခုနှစ်တွင် ရေးထိုးခဲ့သော “ကျန်စစ်သားမင်း၏ နန်းတည်ကျောက်စာ” တွင် “မိရ်မာ” ဟူသောဝေါဟာ  ရသည် မြန်မာကို ရည်ညွှန်းခြင်းဖြစ်ကာ မည်(မွန်)နှင့် တိရ်စုလ်(ပျူ)ဝေါ ဟာရတို့နှင့်တွဲ၍ ပထမဆုံးအကြိမ်   အဖြစ်တွေ့ရခြင်းဖြစ်သည်။

ထို့နောက်အေဒီ ၁၁၉၀ ပြည့်နှစ် တွင် ရေးထိုးထားသည့်ု အမတ်ကြီးသိင်္ဃသူ  ကျောက်စာတွင် “မြန်မာပန်တျာ” ဟူ၍ လည်းကောင်း၊ ခရစ်နှစ် ၁၂၃၅ ခုနှစ်တွင်းရေးထိုးသည့် ရတနာပုံ  ကျောက်စာတွင် “မြန်မာပြည်” ဟူ၍လည်းကောင်း၊ ခရစ်နှစ် ၁၂၄၂ ခုနှစ်တွင် ရေးထိုးသည့်ဖွားစောခေါ်  မိဖု  ရားဖွားစောကျောက် စာတွင် “သ္မိအိုမြန်မာ” ဟူ၍လည်းကောင်း၊ ခရစ်နှစ် ၁၃၆၃ ခုနှစ်တွင်ရေးထိုးသော သက်တော်ရှည် ဘုရားကျောက်စာတွင် “မြံမာရွာတိ” ဟူ၍လည်း  ကောင်းတွေ့ရှိရပါ သည်။ မြန်မာဝေါဟာရ ကို ကျောက်စာတွင် မြံမာ၊ မြံမာပြည်၊ မြဟ္မ၊ မြဟ္မာပြည်၊ မြံမ  ပြည်၊ မြံမ္မာပြည်၊ မြမ္မဘာသာစသည်ဖြင့် ပြောင်းလဲရေးထိုးခဲ့ကြောင်း တွေ့ရသည်။

ယနေ့တိုင် သမိုင်းပညာရှင်များ တညီတညွတ်တည်းလက်ခံ၍ ခိုင်လုံသေချာစိတ်ချရသောကျာက် စာအထောက်အထားများအရ မြန်မာဟူသောဝေါဟာရကို ပုဂံခေတ်မှ စတင်တွေ့ရှိ ရပြီး ပုဂံခေတ်  နောက်ပိုင်းတွင်လည်း ယင်းသို့ပင် ဆက်လက်သုံးနှုန်းခဲ့ကြသည်ကို အထင်အရှားတွေ့ရ သည်။

ထိုသည်ကို ပုဂံခေတ်နောက်ပိုင်းတွင်လည်း အင်းဝခေတ် ခရစ်နှစ် ၁၄၈၅ ခုနှစ် တွင် ရေးထိုး သည့်စစ်ကိုင်းရတနာစေတီ  ကျောက်စာတွင် “ဧရာပန်းရောင်၊ ပေါင်းလောင်း ချင်း တွင်းမြစ်၊ လေးစင်းအခံကညွတ်မျှနေသော ကြည်းတောင်ဖျင်မျှ မြန်မာပြည်” ဟူ၍ လည်းကောင်း၊ ခရစ်နှစ် ၁၅၀၉ ခုနှစ်တွင် ရေးထိုးသည့် ရတနာဗိမာန်ကျောက်စာ၌ “မြောက်တစ်လွှား ကသုပ ရန္တ၊ တောင်ဘက်က တမ္ပဒီပမည်သောတိုင်းနှစ်တိုင်း ကိုကြပ်တိုင်ဖုံးအုပ်၊ အာဏာချုပ်လျက် ပိုက် ထုပ်ရိုက် ရာသာသနလတည် မြံမာပြည်” ဟူ၍ လည်းကောင်း  တွေ့ရှိရ သည်။ မြန်မာ စာပေ ရွှေခေတ်ဟု တင်စားခေါ်ဝေါ်ခဲ့သည့် အင်းဝခေတ်တွင် ကျောက်စာများ၌သာမ က ပျို့စာများ တွင်လည်းတွေ့ရှိနိုင်ပေသည်။

ထိုသည်တို့ကို ထောက်ရှုခြင်းအားဖြင့် မြန်မာဟူသောဝေါဟာရ  သည် ရေးနည်းသာကွဲသွားမည်။ ဆိုလိုရင်းအဓိပ္ပာယ်သည် အတုတူပင်ဖြစ်သည်ကို သုံးသပ်ရပေသည် ။ မြန်မာဟူသောဝေါဟာရကို ဆက်လက်သုံးစွဲခဲ့ သည်က်ို နှောင်းပိုင်းခေတ် များတွင် လည်း တွေ့နိုင်ပေသည်။

မြန်မာနိုင်ငံတွင် ပထမဦးဆုံးရာဇ၀င်ကျမ်းဖြစ်သည့် အင်းဝခေတ် ရွှေနန်းကျော့ရှင် နရပတိ (၁၅၀၁-၁၅၂၇) လက်ထက် ရှင်မဟာသီလ၀ံသရေးသားပြုစုသည့် ရာဇ၀င်ကျော်တွင် “မြန်မာ မင်းဆက်” အကြောင်းဟု ခေါင်းစဉ်တပ်ထားပြီး စာကိုယ်တွင်လည်း ‘ငါတို့မြန်မာပြည်’ ဟု သုံးနှုံးထား သည်။ ရာဇ၀င်ကျော်ပေါ်ထွက်လာပြီး နောက်ပိုင်း ဦးကုလား မဟာရာဇ၀င်ကြီး၊ တွင်းသင်း မြန်မာ ရာဇ၀င်သစ်၊ ဇတာတော်ပုံရာဇ၀င်၊ စေတီယကထာမည်သော ရာဇ၀င်ချုပ်၊ မှန်နန်းရာ ဇ၀င်တော်ကြီးနှင့် ကုန်းဘောင်မင်းဆက်မဟာရာဇ၀င် တို့တွင်လည်း ‘မြန်မာ’ အသုံးအနှုံး များဖြင့် ရေးသားထားသည်ကို တွေ့ရသည်။

မှတ်ချက် ။       ။

ဆောင်းပါးရှင်သည် ရှေးဟောင်းစာပေတို့တွင် တွေ့ရှိရသော မြန်မာဝေါဟာရကို ဖော်ပြထားပါသည်။ ထိုအထောက်အထားတို့တွင် မြန်မာဝေါဟာရကို လူမျိုးအမည်၊ နိုင်ငံအမည် နှစ်မျိုးစလုံး၌ သုံးစွဲကြကြောင်း ဖြည့်စွက် အသိပေးအပ်ပါသည်။ "ဗမာ" လူမျိုးဟူ၍ ရေးသားချက် မရှိပါ။

ရှေးရာဇဝင်သမိုင်း၊စာပေမှ မြန်မာလူမျိုး၊ မြန်မာပြည် အသုံးအနှုန်းများကို အကျယ်ဖတ်ရှုနိုင်ရန် ဤမှာ တတ်နိုင်သမျှ  စုစည်းပေးထားပါသည်။
မြစေတီ ကျောက်စာ
လူမျိုးတစ်ရာ့တပါးစာရင်း 
ဦးကုလား မဟာရာဇ၀င်
တွင်းသင်းမြန်မာရာဇဝင်သစ်
မက္ခရာမင်းသားကြီး၏ ပထမ အင်္ဂလိပ်-မြန်မာ အဘိဓာန်
ယောအတွင်းဝန် ဦးဖိုးလှိုင်၏ ရာဇဓမ္မသင်္ဂဟကျမ်း
ခေတ်မှီ မြန်မာရာဇ၀င်အကျဉ်း -အမျိုးသားပညာဝန် ဦးဖိုးကျား
ရခိုင်ရာဇဝင်သစ်ကျမ်း
လွတ်လပ်ရေး ကြေညာစာတမ်း
မြန်မာ့စွယ်စုံကျမ်း 
ဒေါက်တာနိုင်ပန်းလှ၏ ရာဇာဓိရာဇ် အရေးတော်ပုံကျမ်း
ကုန်းဘောင်ရှာပုံတော်
ဒေါက်တာသန်းထွန်း-အမိန့်တော်ပြန်တမ်းများ၊ဒုတိယတွဲ
အလောင်းမင်းတရားကြီး၏ အမိန့်တော်များ - ဒေါက်တာသန်းထွန်း
 မြန်မာအစ (ဦးဖိုးလတ်)
တို့ သွေးချင်းပီပီ - မြတ်အဖွဲ့ (မြန်မာ့အသံ)   ( ဆက်လက်ဖော်ပြမည်)

ညောင်ရမ်းခေတ်နှောင်းပိုင်း ၁၉ ဇူလိုင်လ ၁၇၅၁ ခုနှစ်တွင် မြန်မာသံအဖွဲ့သည် တရုတ်နိုင် ငံ ပေကျင်း (Beijing) သို့ဆိုက်ရောက်လာသည်။ သံတော်တို့သည် ယခင် မင်မင်းဆက်(၁၃၆၈- ၁၆၄၄) ကာလတွင် မြန်မာသံအဖွဲ့နေ ထိုင်ခဲ့ဖူးသောနေရာတွင် နေရာချထားပေးသည်။ ထိုသံတဲအတွင်းတွင် ရှေးယခင်က မြန်မာတို့ ရေးထားခဲ့ဖူးသော စာရှိကြောင်း၊ ယင်းတို့အတိုင်း တူအောင်ရေးရမည်ဟု ဥတည်ဘွားက အမိန့်တော်ရှိ၍ သံတဲအတွင်း တုပရေးရသည်။ ထိုစဉ်အခါ တရုတ်နေပြည်တော် သို့ရောက်လာသော မြန်မာသံအဖွဲ့ဝင်များအား တူအောင်ရေးခိုင်းသော မြန်မာဝေါဟာရများမှာ တရုတ်မင် မင်းဆက်ကာလက တည်ရှိခဲ့ဖူးသော ‘မြန်မာဘာသာသိပ္ပံကျောင်း’(Mien-tien-Kuan/The Institute of Myanmar Language) မှ ကျန်ရစ်ခဲ့သော “မြန်မာဝေါဟာရပေါင်းချုပ်”မှ ဝေါဟာရ ဖြစ်ကြောင်း ထင်ရှားလေသည်။ မင်မင်းဆက်(Ming Dynasty) ကာလက ရေးသားခဲ့သော Mien –tien ဝေါဟာရကို ကြည့်ပါက ယခုခေတ်မြန်မာကို ခေါ်ဝေါ်နေသော Mian-dian နှင့် ထပ်တူနီးပါး တူညီလျက် ရှိကာ အသံ ထွက်မှာ “မြိန်တြိန်”ဟူ၍ရသည်။

မြန်မာနိုင်ငံသို့ အနောက်ဥရောပနိုင်ငံသားများ စတင်ရောက်ရှိလာပြီးနောက် ယင်းတို့က ခရီး သွားမှတ်တမ်းများရေးရာတွင် မြန်မာနိုင်ငံကို (Burmah)၊ မြန်မာလူမျိုးကို (Burman) ဟု သုံးနှုံး ခဲ့ကြသည်။ သို့သော် ယင်းတို့ရေးသားသည့် မှတ်တမ်းများမှာ အင်္ဂလိပ်ဘာသာဖြစ်၍ ‘မြန်မာ၊ ဗမာ’ အငြင်းပွားဖွယ်ရာ မရှိပေ။ဗြဟ္မာကို အိန္ဒိယတိုင်းရင်းသားတို့က “ဗရ်ဟ်မာ”ဟုဖတ်ပြီး အင်္ဂလိပ်တို့က  “ဗာရ်မာ”ဟုဖတ်သည်။ ယင်း ဗာရ်ဟ်မာဟူသော အင်္ဂလိပ်အရေးမှ တစ်ဆင့်ဗမာဟူ၍ လည်း ခေါ်ဝေါ်သည်ကိုတွေ့ ရပြန် သည်။

မြန်မာနိုင်ငံသို့ ခရစ်ယာန်သာသနာပြုများလည်း ရောက်ရှိလာရာ သာသနာပြုရာတွင် ဘာသာ စကား အခက်အခဲရှိလာခဲ့သည်။ ထိုလိုအပ်ချက်ကို ဖြည့်ဆည်းရန် ‘အင်္ဂလိပ်-မြန်မာ အဘိဓာန်’ ‘မြန်မာ-အင်္ဂလိပ် အဘိဓာန်’များပြုစုခဲ့ကြသည်။ ထိုသို့ပြုစုရာတွင် အသံထွက်တတ်ရန် အင်္ဂလိပ် စာလုံးများကိုလည်း မြန်မာအသံထွက် ထည့်သွင်းရသကဲ့သို့ မြန်မာစကားလုံးကိုလည်း ‘အင်္ဂလိပ်’ အသံထွက်များ ဖလှယ်ကာထည့်သွင်းပြုစုရသည်။ အေဒီ ၁၇၇၆ ခုနှစ်တွင် အီတလီနိုင် ငံ ရောမမြို့တွင် ပုံနှိပ်ထုတ်ဝေသော ကာပန်(Carpan) ၏ (Alphabetum Barmanorum) စာအုပ်တွင်ဘားမား (Burma) မြန်မာဟု အသံထွက်အမှန်ဖော်ပြရမည့်အစား ဘားမား ဟုဖော်ပြ ခဲ့သည်။ ထိုနည်းတူ ခရစ်ယာန်သာသနာပြု ပုဂ္ဂိုလ် ယုဒသန်(Jadson)သည် အေဒီ ၁၈၃၁ ခုနှစ် တွင် မြန်မာနိုင်ငံသို့ ရောက်ရှိလာပြီး မြန်မာစာပေ၊ မြန်မာစကားကို သင်ယူလေ့လာခဲ့သည်။ ထိုသ်ို့ သင်ယူလေ့လာပြီးနောက် သူသည် “မြန်မာ-အင်္ဂလိပ်အဘိဓာန်”ကို ပြုစုခဲ့သည်။ ထိုအဘိဓာန်ကို ၁၈၂၆ ခုနှစ်တွင် အိန္ဒိယနိုင်ငံတွင် ပုံနှိပ် ထုတ်ဝေခဲ့သည်။ ထိုအဘိဓာန်တွင်
မြန်မာ a Burma မြန်မာလူ
မြန်မာနိုင်ငံအထက်ပိုင်း n-Upper Burma
မြန်မာဘာသာ n-the Burmese Language  ဟုအနက်ပြန်ထားသည်။

ထိုသို့နိုင်ငံခြား သားတို့က မြန်မာ-အင်္ဂလိပ်အဘိဓာန်များ ပြုစုခဲ့ကြသကဲ့သို့  မင်းတုန်းမင်း၏ သားတော် တစ် ပါးဖြစ်သော မက္ခရာမင်းသားကြီးသည် အင်္ဂလိပ်ကုန်သည်များထံမှ အင်္ဂလိပ်စာကို သင်ယူလေ့ လာခဲ့ပြီး ၁၈၃၃ ခုနှစ် တွင် “အင်္ဂလိပ်-မြန်မာအဘိဓာန်”ကို စတင်ပြုစုခဲ့ရာ မစ္စတာချာလိန်း (Mr.Charles Lane) က ကူညီတည်းဖြတ်ပေးခဲ့သည်။ ထိုအဘိဓာန်ကို ၁၈၄၂ ခုနှစ်တွင် အိန္ဒိ ယနိုင်ငံ ကလကတ္တားမြို့တွင် စတင် ပုံနှိပ်ထုတ်ဝေခဲ့သည်။ ထိုစာအုပ်၏ အမှာစာကို မက္ခရာမင်း သားကြီးက မြန်မာဘာသာဖြင့်ရေးပြီး မစ္စတာချာလီလိန်း (Mr. Charles Lane) က အင်္ဂလိပ်ဘာသာသို့ ပြန်ဆိုခဲ့သည်။ ထိုသို့ပြန်ဆိုရာတွင် မက္ခရာမင်းသားကြီးက “မြန်မာလူမျိုး”ဟု ရေးသည်ကို မစ္စတာချာလိန်း (Mr. Charles Lane) က Burmese People ဟုလည်းကောင်း၊ “မြန်မာဘာသာ” ကို Burmese Language ဟုလည်းကောင်း ပြန်ဆိုထားသည်။

မှတ်ချက်။     ။

မြန်မာသည် လူမျိုးလော? နိုင်ငံလောဟူ၍ သုံးသပ်နေခြင်းဖြစ်၍  နိုင်ငံခြားသားတို့၏ အခေါ်အဝေါ် သုံးသပ်မည်မဟုတ်ပါ။ ထို့ကြောင့်  နိုင်ငံခြားသားတို့မှ ခေါ်ဝေါ်သော ဘားမား၊ ဗန်မာ၊ မြန်ကျင့် အသံထွက်များကို မှတ်ချက်ပေးရန် မရှိပါ။

ပထမ-အင်္ဂလိပ် မြန်မာ အဘိဓာန်ပြုစုသူ မင်းသားကြီးကိုယ်တော်တိုင် အင်္ဂလိပ်-မြန်မာ ၂ ဘာသာ၌ ကျွမ်းကျင်သူဖြစ်ပါသည်။ အကျယ်သိလိုလျှင် ပထမ အင်္ဂလိပ်-မြန်မာအဘိဓာန်ပြုစုသူ မက္ခရာမင်းသားကြီး (မင်းယုဝေ) တွင်ဖတ်ပါ။

အင်္ဂလိပ်-မြန်မာ တတိယစစ်ပွဲအပြီးတွင် မြန်မာတို့သည် အင်္ဂလိပ်ကိုလိုနီဘ၀ ကျရောက်ခဲ့ကြသည်။ ကိုလိုနီခေတ်တွင် မြန်မာတို့အမျိုးသားစိတ်ဓာတ်များ နိုးကြားလာပြီး ၁၉၀၆ ခုနှစ် တွင် ၀ိုင်အမ်ဘီအေ(ခေါ်) ဗုဒ္ဓဘာသာကလျာဏယုဝအသင်း (Young Men Buddhist Association/ YMBA) တည်ထောင်ပြီး အမျိုး၊ ဘာသာ၊ သာသနာအတွက် ဆောင်ရွက်ခဲ့ကြသည်။ ထိုအသင်းသည် ၁၉၂၀ ပြည့်နှစ်တွင် ပြည်မြို့တွင် အဌမ အကြိမ်မြောက် ကွန်ဖရင့်ကျင်းပပြီး ၀ိုင်အမ်ဘီအေဟူသော အမည်အစား ဂျီစီဘီအေ (General Council of Burmese Association/ GCBA) မြန်မာအသင်းချုပ်ကြီးဟု အမည်ပြောင်းလဲ ခဲ့သည်။

၁၉၃၈ ခုနှစ်တွင် သခင်ဘသောင်းဦးစီးသည့် တို့ဗမာအစည်း အရုံး ပေါ်ပြီးသည့်နောက် ပိုင်း မှစပြီး “ဗမာပြည်/ ဗမာ” စသည့် အသုံးအနှုန်းများ တွင်ကျယ်လာခဲ့ပြန်သည်။ ၁ အောက်တိုဘာ ၁၉၃၉ ခုနှစ်တွင် ဗမာ့ထွက်ရပ်ဂိုဏ်းကို ဖွဲ့စည်းသည်။ ၂၇ ဒီဇင်ဘာ ၁၉၄၂ ခုနှစ်တွင် ဗမာ့လွတ် လပ်ရေးတပ်မတော် ဖွဲ့စည်းသည်။ ဂျပန်ခေတ် (၁၉၄၂-၄၅) ခုနှစ်တွင် “ဗမာနိုင်ငံတော်၊ ဗမာအမျိုး သား” အသုံးအနှုန်းများ တွင်ကျယ်ခဲ့သည်။

 ဂျပန်ခေတ်တွင် ဗမာနိုင်ငံတော်အုပ်ချုပ်ရေး၊ စည်းမျဉ်း များ ဥပဒေရေးဆွဲသည်၊၊

ဖြည့်စွက်ချက်။    ။

အချို့ပုဂ္ဂိုလ်များက လည်း အာဓကပ္ပ ကမ္ဘာဦးကျမ်းအရ လူသည် ဗြဟ္မာက ဆင်းသက်သည်ဟူသောအယူဖြင့် ဗြဟ္မာလူမျိုးဟုခေါ်ရာမှဗြဟ္မာကို သရ ချေပြီး ဗမာဟူ၍ ဖြစ်လာခဲ့ကြောင်း ပြောဆိုကြသည်။ ဤသည်မှာ ပါးစပ်ရာဇ၀င်မျှသာဖြစ်ပြီး သမိုင်းကြောင်းအရမူ ခိုင်မာသည့် သက်သေအထောက်အထားတခု မဟုတ်နိုင်ချေ။

မြန်မာဟူသော အမည်ကိုသာ စာလုံးပေါင်းသတ်ပုံ အမျိုးမျိုးဖြင့် လွန်ခဲ့သော နှစ် ပေါင်း ၉၀၀ခန့်က အစပြု၍ ကျောက်စာမင်စာတို့တွင် တွေ့လာခဲ့ရကြောင်း သိရှိရသည်။ ဗမာဟူ၍ မရှိ။ ရှင်းရှင်းဆိုရလျှင် ဗမာ သည် သခင်ဘသောင်း ဦးစီးတည်ထောင်ခဲ့သော တို့ဗမာအစည်းအရုံးသမိုင်း စာမျက်နှာ ၁၃၃နှင့် ၂၁၅တို့တွင် တို့ဗမာဟု အဘယ့်ကြောင့် သုံးနှုန်းရပုံ၊ ဗမာဟူသော အသုံးအနှုန်းနှင့် ပတ်သက်၍ ရှင်းလင်းချက်နှင့် ဗမာပြည်ဟူသော အခေါ်အဝေါ်အပေါ် တို့ဗမာ အစည်းအရုံးဝင် သခင်အများစု၏ သဘောထား စေတနာကို ဖော်ပြထားသည်။

တို့ဗမာ အစည်းအရုံး”ဟူရာ၌ တို့ဗမာပြည်ထဲ၌ရှိသော လူမျိုးအားလုံးကို ကိုယ်စားပြုသည့် အဓိပ္ပါယ်ဖော်ဆောင်ခြင်း အထိမ်းအမှတ်အဖြစ် “တို့ဗမာ”ဟု ခေါ်ဝေါ်သုံးနှုန်းခြင်း ဖြစ်သည်။
  
မြန်မာဟူသောစကားမှာ မြန်မာ၊ မာသည် ဟူသော အဓိပါယ်ကို ဆောင် သော်လည်း နှာသံပါ၍ ဘောင်ကျဉ်းသည်။ အားနည်းသည်။ 

ရှမ်း၊ ကရင်၊ ချင်း၊ ကချင်၊ မွန်၊ ရခိုင်၊ ပလောင်၊ တောင်သူ၊ ဆလုံ၊ နာဂ၊ မြန်မာ စသော ဗမာတိုင်းရင်းသားအားလုံးကို ခြုံ၍ ငုံမိစေရန် “ဗမာ”ဟူသော စကားလုံးကို ရွေးသည်။ 
  
အသံထွက် မာကျော ၍ သုံးစွဲသည်။ တဖန် “ဘ”ကုန်းနှင့် “ဘမာ”ဟု မရေးဘဲ “ဗ”လချိုက်နှင့် ရေးခြင်းမှာလည်း “ဘ”သည် ရံဖန်ရံခါ “ဖ”သံထွက်သ ဖြင့် စိတ်မချရသောကြောင့် “ဗ”လချိုက်နှင့် “ဗမာ”ဟု ရေးသည်။ (တို့ဗမာအစည်းအရုံးသမိုင်း၊ ခေတ်သစ်လူငယ်တစုနှင့် တို့ဗမာ ၀ါဒအစ၊ စာ ၁၃၃) (ပုံ-၁))
ဗမာ ဆိုသည်မှာ (တို့ဗမာ အစည်းအရုံး သမိုင်း စာအုပ်မှ)

အစည်းအရုံးကြီး၏ အမည်ကိုယ်၌က အသင်းဝင်များ၏ အမျိုးသားရေး စိတ်ဓာတ်အယူအဆနှင့် ရည်ရွယ်ချက်တို့သည် ပြိုကွဲခဲ့သောရှေးရိုး အမျိုးသားရေး အဖွဲ့အစည်းတို့နှင့် ကွဲပြားခြားနားကြောင်း၊ ကိုယ်ပိုင်သီးခြား နိုင်ငံရေးသတ်မှတ်ချက် ထူထောင်ကြောင်း ထင်ရှားပေသည်။

အမည်တွင် တို့ဗမာ နှင့် အစည်းအရုံး ဟူ၍ နှစ်ပိုင်းပါဝင်ပြီး အခေါ်အဝေါ် နှစ်မျိုးစလုံးသည် အသစ်တီထွင်ထားခြင်း ဖြစ်သည်။

တို့ဗမာဟူသော ဝေါဟာရတွင် "တို့" နှင့် "ဗမာ" ပါဝင်၏။

"တို့" ဟူသည် "ငါတို့" ဟု တိုက်ရိုက်အဓိပ္ပာယ်ရသည်။ စုစည်းမှု၊ စုရုံးမှုသဘောဆန်သည်။ သခင်ဘသောင်းသည် အမြင်ကျဉ်းမှုသဘောကို ချေဖျက်ပြီး စိတ်ပိုင်းဆိုင်ရာ တိုးတက်စေရန် ရည်ရွယ်ချက်ရှိရှိ အသုံးပြုခဲ့ခြင်း ဖြစ်သည်။

"ဗမာ" ဟူသော ဝေါဟာရသည် မြန်မာတို့၏ ရုံးသုံး၊ကျောင်းသုံး၊စာသုံး၊ပေသုံး ဝေါဟာရ (Formal Term) မဟုတ်ခဲ့ပေ။ တကယ်လည်း "မြန်မာ"ဟူသော ဝေါဟာရကို  "မြန်မာအသင်းချုပ်ကြီး" (ဂျီစီဘီအေ) =General Council of Burmese Associations (GCBA)  အမည်တွင် အသုံးပြုထားပြီး ဖြစ်ပေသည်။ သခင်ဘသောင်းတို့က "မြန်မာ"ကို အသံပျော့သည်ဟု မကြိုက်။ ထို့ကြောင့် အသံမာသော "ဗမာ" ကို ဝေါဟာရအသစ်အဖြစ် တီထွင်သည်။

တို့ဗမာအစည်းအရုံးဖွဲ့ပြီး မကြာမီ မြန်မာ့အလင်းသတင်းစာ၏ အယ်ဒီတာ ဦးစိန်နှင့် ဝါရင့်အမျိုးသားရေးသမားများက "ဗမာ" ဝေါဟာရအသစ်ကို သုံးခြင်းသည် ရိုးရာမြန်မာဝေါဟာရကို ဖျက်စီးခြင်းဖြစ်သည်ဟုဆိုကာ ရှုံ့ချကြသည်။ သူ၏ မြန်မာ့အလင်းသတင်းစာမှ ပြည်သူများအား လွဲမှားသောအမည်ရှိ ထိုအဖွဲ့အစည်း၌ မပါဝင်ကြရန် ဆော်ဩရေးသားခဲ့သည်။ 
ဝါရင့်နိုင်ငံရေးသမားကြီး ဦးဘဖေဦးစီးသော သူရိယသတင်းစာမှလည်း တို့ဗမာအစည်းအရုံးသတင်းများ ဖော်ပြရာတွင် "တို့ဗမာ" အစား "တို့မြန်မာ" ဟု (၁၉၃၀ နှစ်လယ်အထိ) ပြောင်းလဲပုံနှိပ်ခဲသည်။ 
သို့သော် သခင်လူငယ်များက ၄င်းတို့ တီထွင်သော အမည်သစ်ကို မဖျက်သိမ်းချေ။ သခင်လူငယ်များက အမည်သစ်သည် စိတ်ဓာတ်အင်အားကို တတ်ကြွစေသည်ဟု ယုံကြည်ကြ၏။ "ဗမာ" ဝေါဟာရသည် မြန်မာလူမျိုးသာမက မွန်၊ရခိုင်၊ရှမ်း၊ကရင်၊ကချင်၊ချင်းစသော တိုင်းရင်းသားပေါင်းစုံကို ကိုယ်စားပြုကြောင်း သတ်မှတ်ကြ၏။

ထို့အပြင် အစည်းအရုံးကြီးကို ထူထောင်သူ သခင်သိန်းမောင်က "မြန်မာ"ဟူသော ဝေါဟာရသည် ရှေးရိုးစဉ်လာ ကျောက်စာ၊ရာဇဝင်များတွင် ရေးသားဖော်ပြသော (လူနည်းစုတိုင်းရင်းသားများအပေါ် အာဏာလုချေမှုန်းသော) လူများစုလူမျိုး ကို ရည်ညွှန်းကြောင်း၊ လူမျိုးရေး ခွဲခြားဖိနှိပ်မှုသဘောဆောင်ကြောင်း၊ ထို့ကြောင့် "ဗမာ"ဟူ၍ အစည်းအရုံးအမည်ကို ရွေးချယ်ကြောင်း ပြောသည်။ သခင်လူငယ်များ၏ အဓိပ္ပာယ်ဖွင့်ဆိုချက်အရ "တို့ဗမာ" ဟူသည် "တို့အားလုံး ဗမာ" ဟု တိုက်ရိုက် အဓိပ္ပာယ်ဆောင်ပြီး "နိုင်ငံတွင်းနေထိုင်ကြကုန်သော သွေးစည်းသောပြည်သူများ" ဟု သွယ်ဝိုက်အဓိပ္ပာယ်ဆောင်၏။

ထို့အပြင် "အစည်းအရုံး" ဟူသောအမည်သစ်ကို ရှေးအသုံး "အသင်း၊အဖွဲ့"မှ ခွဲထွက်တီထွင်သည်။
"အသင်း၊အဖွဲ့" ဝေါဟာရသည် လူအချို့၊ အုပ်စုတစုကိုသာ ကိုယ်စားပြုသည်။
"အစည်းအရုံး" ဟူသည် စုစည်းမှု၊ စည်းရုံးမှုဟူသော ကျယ်ပြန့်သောသဘောဆောင်သည်ဟု ဆို၏။

ထိုမျှမက "အတွင်းရေးမှုး"၊ "အမှတ်စဉ်" စသော ဝေါဟာရအသစ်များကိုလည်း တီထွင်ခဲ့သည်။

ထို့ကြောင့် တို့ဗမာအစည်းအရုံးအမည်နာမသည် သူတို့၏ ပြည်သူပြည်သား တိုင်းရင်းသားအားလုံး စည်းလုံးညီညာလိုသော သခင်လူငယ်များ၏ စေတနာဆန္ဒကို ထင်ဟပ်ဖော်ပြနေပေသည်။  ရှေးလူကြီးများ၏ ပြိုကွဲခဲ့သော ယခင် မြန်မာအသင်းချုပ်ကြီး (ဂျီစီဘီအေ) အမည်နှင့် မတူ၊ စကားလုံးတိုင်း၊ဝေါဟာရတိုင်းကို ဂရုတစိုက် တီတွင်ကာ အစည်းအရုံးအသစ် ထူထောင်ခဲ့ကြ၏။

ဥပမာ။
တို့ (စည်းလုံးမှု) vs ပြိုကွဲမှု
ဗမာ vs မြန်မာ
အစည်းအရုံး vs အသင်း

ထိုကဲ့သို့ ဝေါဟာရအသစ်များ သုံးစွဲပြီး တို့ဗမာအစည်းအရုံးကြီးကို သီးခြားကိုယ်ပိုင် နိုင်ငံရေးလက္ခဏာဖြင့် ထူထောင်ခဲ့သည်။
(ဦး) ဇော်စိုးဝင်း "မြန်မာအမျိုးသားရေးလှုပ်ရှားမှုတွင် တို့ဗမာအစည်းအရုံး နှင့် သခင်များ ပေါ်ထွန်းလာခြင်းစာတမ်း"
စနေနဂါးနီ ဂျာနယ်မှ အတွဲ ၂ အမှတ် ၂၄ ၊ ၁၉၄၀ နိုဝင်ဘာ ၁၆

ဖက်ဆစ်ဂျပန်တော်လှန်ရေး ပြီးသည့်နောက် အင်္ဂလိပ်တို့ မြန်မာနိုင် ငံကို ပြန်လည်သိမ်းပိုက်ခဲ့သည်၊၊ ဖဆပလမှ ဦးဆောင်၍မြန်မာ့ လွတ်လပ်ရေးရရန် ကြိုးပမ်းခဲ့ရာ ၁၉၄၇ခုနှစ်တွင် ပြည်ထောင်စုမြန်မာနိုင်ငံ ဖွဲ့စည်းပုံအခြေခံဥပဒေ(The Constitution of Union of Burma)ရေးဆွဲနိုင်ခဲ့သည်။ ၄ ဇန်န၀ါရီ ၁၉၄၈ ခုနှစ်တွင် ပြည်ထောင်စုမြန်မာနိုင်ငံ (The Union of Burma) ပေါ်ထွန်းလာခဲ့သည်။ ထို့နောက် ဖဆပလခေတ်၊ တော်လှန်ရေးကောင် စီခေတ် စသည့် ခေတ်များ ဖြတ်သန်းလာပြီးနောက်  ၁၉၇၄ခုနှစ်တွင် ပြည်ထောင်စု ဆိုရှယ်လစ် သမ္မတနိုင်ငံ (The Constitution of Socialist Republic of the Union of Myanmar)ပေါ်ပေါက်လာခဲ့သည်။ထိုဖွဲ့စည်းပုံ အခြေခံဥပဒေအရ ပြည်ထောင်စုဆိုရှယ်လစ် သမ္မတမြန်မာနိုင်ငံ (The Socialist Republic of the Union of Myanmar) ပေါ်ပေါက်လာခဲ့သည်။

၁၉၈၈ ခုနှစ်တွင် မြန်မာနိုင်ငံ၏ အခြေအနေများယိုယွင်းလာမှုကြောင့် ၁၈ စက်တင်ဘာ ၁၉၈၈ခုနှစ်တွင် နိုင်ငံတော်ငြိမ်ဝပ်ပိပြားမှု တည်ဆောက်ရေးက နိုင်ငံတော်တာဝန်ကိုယူခဲ့သည်။ နိုင်ငံတော်ငြိမ်ဝပ်ပိပြားမှု တည်ဆောက်ရေးအဖွဲ့လက်ထက် ၁၈ ဇွန် ၁၉၈၉ ခုနှစ်တွင်  နိုင်ငံတော်အစိုးရက နိုင်ငံတော်သီချင်းတွင် ပါဝင်သော “ဗမာ” ဆိုသည့် စကားရပ်ကို တိုင်းရင်းသားအားလုံးကို ရည်ညွှန်းသည့် “မြန်မာ”ဆိုသည့် စကားရပ်ဖြင့်ပြင်ဆင်ပြောင်းလဲခဲ့သည်။ ထိုနေ့တွင်ပင် နိုင်ငံတော်ငြိမ်ဝပ်ပိပြားမှု တည်ဆောက်ရေးအဖွဲ့ ဥပဒေ ၁၆/၈၉ အရ စကားရပ်များ ပြောင်းလဲ သတ်မှတ်သည့် ဥပဒေကို ထုတ်ပြန်ခဲ့သည်။ ထိုဥပဒေအရ “Union of Burma” အစား “The Union of Myanmar,”Burma (သို့မဟုတ်) Burman (သို့မဟုတ်) Burmese အစား Myanmar ဆိုသည့်စကားရပ်ကို ထည့်သွင်းရမည့်ဖြစ်သည်။

ဖြည့်စွက်ချက်။  ။

 ဗမာ သို့မဟုတ် မြန်မာ ဟူသော အသုံးအနှုန်း အတွက် ပြည်ထောင်စု ဆိုရှယ်လစ်သမ္မတ မြန်မာနိုင်ငံတော် ဖွဲ့စည်းပုံအခြေခံ ဥပဒေ နှင့်ပတ်သက်သော အဓိပ္ပါယ် ရှင်းလင်းချက်များ စာတမ်း၊ စာမျက်နှာ ၁၈ အောက်ဆုံးပိုဒ်တွင် အောက်ပါအတိုင်း ရှင်းလင်းထားပါ သည်။ပြည်ထောင်စု ဆိုရှယ်လစ် သမ္မတမြန်မာနိုင်ငံတော်ဟု ခေါ်ထားခြင်းမှာ တိုင်းရင်းသားလူမျိုးစုံတို့ စုပေါင်းနေထိုင်သည့် ပြည်နယ် နှင့် တိုင်းများ ဖွဲ့စည်းထားသော ပြည်ထောင်စုနိုင်ငံဖြစ်ကြောင်း၊ သမိုင်းစဉ်တလျှောက် မြှော်မှန်းခဲ့ကြသည့် ဆိုရှယ်လစ်စနစ်ကို မြဲမြံခိုင်မာစွာ တည်ဆောက်ကျင့်သုံးသွားမည့် နိုင်ငံဖြစ်ကြောင်း၊ ဘုရင်စံနစ်ဖြင့် အုပ်စိုးသော နိုင်ငံမဟုတ်ဘဲ လုပ်သားပြည်သူတို့ အာဏာပိုင်စိုးသော နိုင်ငံဖြစ်ကြောင်းနှင့် တိုင်းရင်းသားလူမျိုးများကို သိမ်းကျုံးပေါင်းရုံး၍ ခေါ်ဆိုသည့် မြန်မာဟူသော လူမျိုးများ မှီတင်းနေထိုင်ရာ နိုင်ငံတော်ဖြစ်ကြောင်း ပေါ်လွင်ထင်ရှားစေရန် ဖြစ်သည်။

အထက်ပါစာတွင် တို့ဗမာအစည်းအရုံးက “ဗမာ”ဟူသော ဝေါဟာရနှင့် ပတ်သက်၍ ရှင်းလင်းဖော်ပြသလိုမျိုး “မြန်မာ”ဟူသော အ သုံးအနှုန်းအပေါ် သေချာကျနစွာ အကျိုးသင့်အကြောင်းသင့် ရှင်းလင်းဖော်ပြထားခြင်း မရှိချေ။ ကျင့်သုံးအုပ်ချုပ်မည့်ပုံစံကို မဆီမ ဆိုင် ဖော်ပြကာ ဘာ့ကြောင့် တိုင်းရင်းသားလူမျိုးများ အားလုံးကို မြန်မာဟု သိမ်းကျုံးပေါင်းရုံးခေါ်ဆိုရကြောင်း မရှင်းဘဲ မြန်မာနိုင်ငံဟု ဇွတ်အတင်း ခေါ်ဝေါ်လိုက်ခြင်း သာဖြစ်ကြောင်း တွေ့ရှိရမည် ဖြစ်သည်။(တို့ဗမာ အစည်းအရုံး သမိုင်း စာအုပ်မှ)

အချုပ်အားဖြင့်ဆိုလျှင် ပုဂံခေတ်မှ ကုန်းဘောင်ခေတ်အထိ မြန်မာ ဟူသော ဝေါဟာရသည် နိုင်ငံနှင့်လူမျိုးကို ရည်ညွှန်းသည်။ သို့သော် မြန်မာနိုင်ငံသို့ ခရစ်ယာန်သာသနာပြုများနှင့် အနောက် နိုင်ငံသားများ ရောက်ရှိလာရာ မြန်မာနိုင်ငံကို ခေါ်ဝေါ်သုံးစွဲရာတွင် ဘာမားဟု Burmah ဟုသုံး စွဲပြီး မြန်မာလူမျိုးကို ဘားမင်း Burman ဟုသုံးစွဲခဲ့ကြသည်။ ထို့နောက် ၁၉၃၀ ပြည့်နှစ်တွင် တို့ဗမာ အစည်းအရုံး ပေါ်ပေါက်လာသောအခါ “ဗမာပြည်” ၊“ဗမာ” အသုံးအနှုန်းများ တွင်ကျယ်လာခဲ့ သည်။ သို့စေကာမူ မြန်မာနိုင်ငံလွတ်လပ်ရေး ရချိန်မှစ၍ နိုင်ငံနှင့်လူမျိုးကို “မြန်မာ”ဟု တသမတ် တည်း သုံးစွဲခဲ့သည်။

မှတ်ချက်။     ။

မှန်ကန်ပါသည်။ လူမျိုးအမည် "မြန်မာ" ၊  နိုင်ငံအမည် "မြန်မာ" ဟု ရေးသားချက်မှာ မှန်ကန်ပါသည်။ သို့သော် ထို့သို့ ပြုလုပ်ခြင်းသည် သင့်တော်ပါ၏လော။

ယခင်က “မြန်မာ”၊“ဗမာ” မည်သို့ပင် အသုံးအနှုန်းများ ရှိစေကာမူ ယနေ့ အချိန်တွင် ပကတိအရှိတရားများနှင့် ကိုက်ညီသော မြန်မာ ဟူသည့် အသုံးအနှုန်းကို တရား ၀င် ပြောင်းလဲသုံးစွဲနေပြီ ဖြစ်သည်။ထို့ကြောင့် နိုင်ငံသူ၊နိုင်ငံသားများသည် သမိုင်း အထောက်အထားခိုင်မာပြီးပကတိအရှိတရားများနှင့် ကိုက်ညီသော “မြန်မာနိုင်ငံ” “မြန်မာပြည်သူ”အဖြစ် ဂုဏ် ယူဝင့်ကြွားစွာ တန်ဖိုးထား သုံးစွဲရမည် ဖြစ်ပါကြောင်း တင်ပြလိုက်ရပါသည်။
((((ယနေ့ခေတ်ပြည်သူများ သိရှိထားသင့်ပါသည်.)))

မှတ်ချက်။      ။

နိဂုံးချုပ်တွင် ဆောင်းပါးရှင် ကောက်ချက်ချသည်မှာ " ပကတိအရှိတရားများနှင့် ကိုက်ညီသောကြောင့်" ဟူ၍ ပြဆိုထားပါသည်။
အရှိတရားမှန်ပါသည်။ သို့သော် ဖြစ်သင့်သော တရား မဟုတ်ပါ။
တိုင်းရင်းသားပေါင်းစုံကို ကိုယ်စားပြုသော အမည်သာ ဖြစ်သင့်ပါသည်။
တို့ဗမာမူကို မကြိုက်လျှင် တခြားအမည်သာ ဖြစ်သင့်ပါတယ်။ လူမျိုးတမျိုးအမည်ကို ပြည်ထောင်စုအမည်မှည့်ခေါ်ခြင်းမှာ မသင့်လျော်ပါ။

မူရင်းဆောင်းပါး.
Link 1
Link 2
Link 3

မြန်မာလူမျိုး (ကုန်းဘောင်ရှာပုံတော်)

·

အိုးဝေမဂ္ဂဇင်းအယ်ဒီတာ၊ မြန်မာနိုင်ငံ သတင်းစာဆရာအသင်းဥက္ကဌ ဦးညိုမြ ပြုစုသော ကုန်းဘောင်ရှာပုံတော်တွင် ဖော်ပြသော မြန်မာလူမျိုးအသုံးအနှုန်းကို ဤသို့ တွေ့ရသည်။

********************************************************************************************************


********************************************************************************************************



********************************************************************************************************



********************************************************************************************************



********************************************************************************************************

မြန်မာလူမျိုး (အလောင်းမင်းတရားကြီး၏ အမိန့်တော်များ - ဒေါက်တာသန်းထွန်း)

မြန်မာ့သမိုင်းပညာရှင် ဒေါက်တာသန်းထွန်း ရေးသားပြုစုခဲ့တဲ့ The Royal Orders of Burma (အမိန့်တော်ပြန်တမ်းများ၊ တတိယတွဲ) A.D. 1598-1885 Part Three ( A.D.1751-1781) မှ ထုတ်နှုတ်တင်ပြအပ်သော အလောင်းမင်းတရားကြီး၏ အမိန့်တော်ပါ "မြန်မာလူမျိုး" အမည် အထောက်အထားများ။




- - - - - - - - - - - - - - - - - - - - - - - - - - - - - - - - - - - - -


- - - - - - - - - - - - - - - - - - - - - - - - - - - - - - - - - - - - -

- - - - - - - - - - - - - - - - - - - - - - - - - - - - - - - - - - - - -

- - - - - - - - - - - - - - - - - - - - - - - - - - - - - - - - - - - - -
"မြန်မာပြည်" ဟူသော အသုံးအနှုန်းလဲ တွေ့ရပြီး မည်သည်ကို ရည်ရွယ်ကြောင်း စဉ်းစားနိုင်ပါရန် အောက်ခြေတွင် ပူးတွဲ တင်ပြလိုက်ပါသည်။


- - - - - - - - - - - - - - - - - - - - - - - - - - - - - - - - - - - - -

မြန်မာလူမျိုး (ဒေါက်တာနိုင်ပန်းလှ၏ ရာဇာဓိရာဇ် အရေးတော်ပုံကျမ်း)

ဒေါက်တာနိုင်ပန်းလှ၏ ရာဇာဓိရာဇ် အရေးတော်ပုံကျမ်းတွင် " မြန်မာလူမျိုး" အသုံးအနှုန်းကို ဤသို့ တွေ့ရသည်။
---------------



******************

******************

******************

******************


*****************



=====================

ရာဇာဓိရာဇ် အရေးတော်ပုံကျမ်း


ဒေါက်တာနိုင်ပန်းလှသည် ထိုင်းနိုင်ငံ၊ ဘန်ကောက်မြို့ အနီးရှိ ပတ်လတ်ကျေးရွာမှ တွေ့ရှိရသည့် မွန်ပေမူကို အခြေပြု၍ မွန်နှင့် မြန်မာ ပေမူများ၊ ဦးကုလားရာဇဝင်၊ မှန်နန်းရာဇဝင်တို့နှင့် တိုက်ဆိုင် စစ်ဆေးကာ ရာဇာဓိရာဇ်အရေးတော်ပုံကျမ်းကို ပြုစုခဲ့ရာ နောက်အကျဆုံးနှင့် အပြည့်စုံဆုံး ကျမ်းအဖြစ် ထင်ရှားသည်။ ရာဇာဓိရာဇ် အရေးတော်ပုံကျမ်းကို ၁၉၅၈ ခုနှစ်တွင် မွန်ဘာသာဖြင့် ရှင်းလင်းချက်များ နှင့်တကွမြန်မာနိုင်ငံသုတေသနအသင်းမှ ထုတ်ဝေခဲ့သည်။ နောင် ဆယ်နှစ် အကြာတွင်မှ မြန်မာဘာသာဖြင့် ပုံနှိပ် ထုတ်ဝေခဲ့သည်။

=====================
 မွန်စာပေ ယဉ်ကျေးမှုဆိုင်ရာ သမိုင်းနှင့် သုတေသန ပညာရှင် ဒေါက်တာနိုင်ပန်းလှ



ဒေါက်တာနိုင်ပန်းလှကို ၁၉၂၃ ခု မတ်လ ၂ဝ ရက်နေ့တွင် မွန်ပြည်နယ် ဂျိုင်းမြစ်ကမ်းပေါ်ရှိ ကော့ဗိန်းရွာ၌ ရွာသူကြီး ဦးကြွနှင့် ဒေါ်ချိုတို့မှ ဖွားမြင်သည်။ မွေးချင်း ၇ ဦးအနက် စတုတ္ထမြောက် သား ဖြစ်သည်။ ငယ်စဉ်က ရွာဦးဘုန်းကြီးကျောင်းတွင် မွန်၊ မြန်မာနှင့် အင်္ဂလိပ်စာများကို သင်ကြားခဲ့သည်။

၁၉၃၉-၄ဝ တွင် မော်လမြိုင် ကရင် ကေဘီအမ် အထက်တန်းကျောင်းတွင် သတ္တမတန်း အောင်သည်။

မော်လမြိုင် အစိုးရအထက်တန်းကျောင်းတွင် အဋ္ဌမတန်းပညာ ဆည်းပူးစဉ် ဒုတိယကမ္ဘာစစ် မြန်မာသို့ ကူးစက်လာ၍ ဇာတိရွာတွင် ပြန်နေသည်။

စစ်အပြီး ၁၉၄၆ ခုတွင် ရန်ကုန်သို့ အပြီးပြောင်းနေသည်။ ရန်ကုန် မြို့မအထက်တန်းကျောင်း တက္ကသိုလ်ဝင်တန်းတွင် ၃ လ ကြာ ပညာသင်ကြားခဲ့သည်။ ရာမည မွန်အသင်းချုပ်တွင် အကျိုးဆောင် အတွင်းရေးမှူးအဖြစ် ဆောင်ရွက်ခဲ့ဖူးသည်။

၁၉၅၃ ခုတွင် ယဉ်ကျေးမှုဝန်ကြီးဌာန၌ မွန်ယဉ်ကျေးမှု အထက်တန်းအရာရှိအဖြစ် တာဝန် ထမ်းဆောင်သည်။

၁၉၅၈ ခုတွင် အမေရိကန်နိုင်ငံ Harvard တက္ကသိုလ်နှင့် ၁၉၆၇ ခုတွင် တရုတ်နိုင်ငံများသို့ နိုင်ငံတကာ လေ့လာရေး ခရီးစဉ်များ ထွက်ခွင့်ရခဲ့သည်။ ၁၉၈၆ ခု ဇွန်လတွင် အငြိမ်းစားယူသည်။

ဆရာကြီးသည် မြန်မာနိုင်ငံရှိ စာနယ်ဇင်းများတွင်လည်း မွန်-မြန်မာ ယဉ်ကျေးမှုဆိုင်ရာ သုတေသန ဆောင်းပါးများကိုလည်း ရေးသားခဲ့သည်။

ဆရာကြီး၏ ထင်ရှားသည့် လက်ရာဖြစ်သည့် ရာဇာဓိရာဇ် အရေးတော်ပုံကျမ်းကို မြန်မာနိုင်ငံ သုတေသနအသင်းက မွန်ဘာသာဖြင့် ၁၉၅၈ ခုတွင် ထုတ်ခဲ့သည်။ နောက်ထပ် ဆယ်နှစ်ကျော်ကြာမှ မြန်မာစာ ဖြင့် ထုတ်ဝေနိုင်ခဲ့သည်။

ရာဇာဓိရာဇ် အရေးတော်ပုံကျမ်း အမှာစာကို ကွယ်လွန်သူ သမိုင်းပါမောက္ခ ဒေါက်တာသန်းထွန်း၊ မြန်မာစာပါမောက္ခ ဒေါ်သန်းဆွေ၊ စာရေးဆရာမကြီး ခင်နှင်းယုတို့က ရေးပေးသည်။ (အောက်ခြေတွင် ရှူပါရန်-)

အမှာစာအတွင်း၌ ဒေါက်တာသန်းထွန်းက “ကျမ်းရင်းကလည်းကောင်းတယ်၊ ဘာသာပြန်ပုံလည်း ကောင်းတယ်၊ ဒါကြောင့် ကျွန်တော်တို့အတွက် အားကိုးစရာ ရာဇာဓိရာဇ် အရေးတော်ပုံ ကျမ်းတစောင် ပေါ်ထွက်လာပြီလို့ ဆိုနိုင်ပါတယ်” ဟု ရေးသား၍ ချီးမွမ်းကြိုဆိုခဲ့သည်။

၁၉၈၈-၈၉ ခုမှစ၍ ဂျပန်နိုင်ငံ တိုကျိုတက္ကသိုလ်နှင့် တိုကျိုအပြည်ပြည်ဆိုင်ရာ ခရစ်ယာန် တက္ကသိုလ် များတွင် ဧည့်ပါမောက္ခအဖြစ် အမှုထမ်းခဲ့သည်။

၁၉၉၁ ခုတွင် အမေရိကန်နိုင်ငံ လော့အိန်ဂျလိမြို့ရှိ အနောက်ပစိဖိတ် တက္ကသိုလ်သို့ ပါရဂူဘွဲ့ကျမ်းပြု ကျောင်းသားအဖြစ် ဝင်ခွင့်ရပြီး ယဉ်ကျေးမှု မနုဿဗေဒ အဓိက B.SC နှင့် Ph.D ဘွဲ့များရခဲ့သည်။

၁၉၉၂ ခုတွင် မွန်ဓမ္မသတ် ၁၁ မျိုးကို အင်္ဂလိပ်ဘာသာဖြင့် ရေးသားတင်ပြ၍ ဥပဒေပါရဂူ LL.D ဘွဲ့ ချီးမြှင့်ခံရသည်။ ၁၊ ၄၊ ၁၉၉၄ မှစ၍ ဂျပန်နိုင်ငံ အိုကီနာဝါကျွန်း Meio တက္ကသိုလ်တွင် အမြဲတန်း ပါမောက္ခအဖြစ် အရှေ့တောင်အာရှ ယဉ်ကျေးမှုနှင့် သမိုင်းဘာသာရပ်များကို အင်္ဂလိပ်ဘာသာဖြင့် သင်ပြရန် တာဝန်ယူခဲ့သည်။

ရန်ကုန်မြို့ ဗဟန်းမြို့နယ်တွင် နေထိုင်စဉ် မွန်ကျောက်စာနှင့် မွန်စာပေများကိုလည်း သင်ကြားပို့ချခဲ့သည်။ သူကွယ်လွန်ချိန်တွင် သမီး ၁ ဦးနှင့် သား ၆ ဦးတို့ ကျန်ရစ်ခဲ့သည်။

======================

"မြန်မာနိုင်ငံ" ဟူသော အသုံးအနှုန်းလဲ တွေ့ရပြီး မည်သည်ကို ရည်ရွယ်ကြောင်း စဉ်းစားနိုင်ပါရန် အောက်ခြေတွင် ပူးတွဲ တင်ပြလိုက်ပါသည်။


*******************


=====================

သမိုင်းပါမောက္ခ ဒေါက်တာသန်းထွန်း၊ မြန်မာစာပါမောက္ခ ဒေါ်သန်းဆွေ၊ စာရေးဆရာမကြီး ခင်နှင်းယု၊ ဒေါက်တာနိုင်ပန်းလှ တို့၏ အမှာစာ


--------------------


--------------------


--------------------


--------------------

မြန်မာလူမျိုး ( မြန်မာ့စွယ်စုံကျမ်း )

 မြန်မာ့စွယ်စုံ ကျမ်းကို စာပေဗိမာန်၊ မြန်မာနိုင်ငံ ဘာသာပြန် စာပေအသင်းက ၁၉၄၉ခုနှစ်တွင် စတင်ပြုစုခဲ့ပြီး ၁၉၅၄ခုနှစ် အတွဲ(၁)မှ စ၍ ၁၉၇၆ခုနှစ် အတွဲ(၁၅)အထိ မြန်မာအက္ခရာစဉ်အတိုင်း ထုတ်ဝေခဲ့သည်။ စာပေဗိမာန်သည် ကမ္ဘာ့နိုင်ငံအ များအပြားတွင် ထုတ်ဝေသည့် စွယ်စုံကျမ်းများနည်းတူ မိမိတိုင်းပြည် အပါအ၀င် တကမ္ဘာလုံးရှိ တိုးတက်တီထွင် မှုများ၊ သိပ္ပံပညာရပ်များ၊ ကမ္ဘာ့သမိုင်းနှင့် နိုင်ငံ့သမိုင်း၊ စိုက်ပျိုးရေး၊ မွေးမြူရေး၊ ကူးသန်းသွားလာရေးနှင့် ယဉ် ကျေးမှု၊ စာပေ၊ ဂီတ၊ ပန်းချီ၊ အနုပညာ အရပ်ရပ်မှ ကျော်ကြားထင်ရှားသူများ၊ နိုင်ငံ့ခေါင်းဆောင်များ၏ အတ္ထုပ္ပတ္တိအကျဉ်းများ၊ ကမ္ဘာ့နိုင်ငံများ၊ မြို့ရွာများ၊ သက်ရှိသတ္တ၀ါများ စသဖြင့် ကောင်းကင်၊ ရေ၊ မြေ၊ စကြာဝဠာ ကဏ္ဍအသီးသီး၊ ဒေသန္တရ အရပ်ရပ်ရှိ သိစရာ မှတ်စရာ၊ ဗဟုသုတ အဖြာဖြာကို စုဆောင်းလျက် စာပေဗိမာန်၏ ရုပ်ပြဗဟုသုတဘဏ် မြန်မာ့စွယ်စုံကျမ်းအဖြစ် ထုတ်ဝေခဲ့ခြင်းဖြစ်သည်။

စွယ်စုံကျမ်းများမှာ ကြားဖူးသိဖူးသော အကြောင်းအရာများကို ပိုမိုသိရှိလာစေသလို၊ အနည်းငယ်မျှ မကြားခဲ့ မသိခဲ့ဖူးသော အကြောင်းအရာများကိုလည်း လေ့လာသိရှိလာစေသည့် ဗဟုသုတ ဟင်းလေးအိုးကြီး များဖြစ်သည်။

၁၉၆၇ခုနှစ် ထုတ်ဝေသော မြန်မာ့စွယ်စုံကျမ်းအတွဲ (၁၀) (မြတ်-ယူး)တွင် မြန်မာလူမျိုးအကြောင်းကို စာမျက်နှာ ၃၃၇မှ ၃၅၃အထိ တွေ့ရှိရသည်။ မြန်မာလူမျိုးနှင့် ပတ်သက်၍ မျိုးနွယ်စု၊ မျိုးရိုးဗီဇ၊ မြန်မာဟူသော အမည်ဖြစ်ပေါ်လာပုံနှင့် အခြားမျိုးနွယ်စုများက ခေါ်ဝေါ်ပုံများ၊ မိရမာ၊ မရမာ၊ မြံမာ၊ မြန်မာ၊ မြမ္မာ စသဖြင့် ကျောက်စာ၊ မင်စာတို့တွင် ရေးထိုးလာခဲ့ပုံများနှင့် မြန်မာတို့၏ စစ်ရေး၊ နိုင်ငံရေး၊ ယဉ်ကျေးမှု၊ သမိုင်းကြောင်း အထွေထွေကို အကိုးအကား အထောက်အထားများဖြင့် အတော်ကလေး ပြည့်စုံစွာ ဖော်ပြထားသည်။

မြန်မာလူမျိုးအကြောင်းကို သမိုင်းကြောင်းနှင့်ချီ၍ ပြည့်စုံစွာ ဖော်ပြထားသော စွယ်စုံကျမ်းကြီး၌ တိုင်း ပြည်နှင့်အ၀ှမ်း တွင်တွင်ကျယ်ကျယ် သုံးစွဲခေါ်ဝေါ်နေကြသော ဗမာဟူသည့် ဝေါဟာရနှင့် ဗမာလူမျိုးအကြောင်း လည်း အနည်းငယ်မျှပင်ဖြစ်စေ ပါကို ပါရှိရမည်ဟု ယူဆကာ ရှာကြည့်သည်။

ထိုမျှ ဖတ်စရာ မှတ်စရာ ဗဟုသုတအထွေထွေ စုံလင်ကြွယ်ဝသော မြန်မာ့စွယ်စုံကျမ်း၌ အတွဲ (၅) (တူ-နိ) စာမျက်နှာ ၄၄ မှ ၄၉တွင် ဖော်ပြပါရှိသည့် တို့ဗမာအစည်းအရုံး အကြောင်းမှလွဲ၍ ‘‘ဗမာ”ဟူသော လူမျိုးအ ကြောင်းကိုမူ ဗထက်ခြိုက် အက္ခရာပါသော အတွဲ (၇) (ပဉ်-ဗီး)နှင့် အတွဲ (၈) (ဗီး-မဟော)တွင်သာမက ရှိရှိသမျှ အတွဲများအားလုံး ကုန်အောင် ရှာကြည့်သော်လည်း တစွန်းတစမျှပင် မတွေ့ရှိရချေ။ ကမ္ဘာတွင် ဗမာလူမျိုးဟူ၍ မရှိ။ မြန်မာလူမျိုးဟူ၍သာရှိကြောင်း မြန်မာ့စွယ်စုံကျမ်းက သက်သေပြနေလေသည်။ ပုံ-(၃)

မြန်မာ့စွယ်စုံကျမ်းမှ မြန်မာလူမျိုး

မြန်မာ့ စွယ်စုံကျမ်း အတွဲ (၁၀)တွင် ပါရှိသည့် မြန်မာလူမျိုးအကြောင်းတွင် ရှေးမြန်မာလူမျိုးတို့ ၀င် ရောက်လာပုံ၊ မြန်မာအစုဝင် လူမျိုး အမျိုးအနွယ်များ၊ ပြည်ထောင်စု၏ အပသို့ ရောက်နေသော မြန်မာများ၊ ရှေးဦးမြန်မာစကားပြောသူများ၊ ရှေးမြန်မာတို့၏ စရိုက်သဘာဝ ယျေဘုယျလက္ခဏာနှင့် မြန်မာများ ရွှေ့ပြောင်း ရောက်ရှိလာကြပုံ သမိုင်းကြောင်း အထောက်အထားများ၊ ခန့်မှန်းသုံးသပ်ချက်များဖြင့် ဖော်ပြထားသည်ကို တွေ့ရှိရသည်။

မြန်မာအစတကောင်းက ဆိုသည်မှာ မြန်မာလူမျိုး၏ အစကို ဆိုလိုခြင်းမဟုတ်ဘဲ မြန်မာမင်းတို့၏ အစ ကို ဆိုခြင်းဖြစ်ကြောင်း၊ မဇ္ဈိမဒေသ ကပ္ပိလ၀တ်မှ သကျသာကီဝင်မင်း အဘိရာဇာမှ အစပြုခဲ့သော တကောင်း မင်းဆက်၊ ၎င်းမင်းဆက်၏ အနွယ်တို့က၊ ဓည၀တီနှင့် သရေခေတ္တရာတို့ကို တည်ခဲ့ပြီးနောက်၊ သရေခေတ္တရာ အနွယ်ဝင် ပျဉ်ပြားမင်းက ပုဂံကို အေဒီ ၈၄၉ခုနှစ်မှာ တည်ခဲ့ကြောင်း၊ တကယ့်မြန်မာလူမျိုး၏ အစသည် တိဘက်ပြည် အရှေ့မြောက်ဖက် ကန်စုနယ်၏ တောင်ပိုင်းဒေသမှ ဖြစ်ခဲ့ဟန်တူကြောင်း သမိုင်းပညာရှင် ဒေါက်တာဂျီအိတ်ခ်ျလု(စ်)၏ အဆိုများကို ကိုးကား ဖော်ပြထားသည်။

ရှေးမြန်မာတို့၏ အရည်အသွေးများတွင် ရှေးမြန်မာတို့သည် ယဉ်ကျေးမှုနှင့် လူမျိုး၏ အခြေအနေ တိုး တက်မှုတို့ထက် လွတ်လပ်ရေးကို မြတ်နိုးကြသူများဖြစ်ကြောင်း၊ တရုပ်တို့၏ ဖိနှိပ်မှုကြောင့် မူရင်းဒေသ ကန်စုမှ ဖဲခွာရှောင်တိမ်းလာကြရာ ဆင်းရဲဒုက္ခကျပ်တည်းပင်ပမ်းမှုမျိုးစုံကို အခြားသော တိဘက်-မြန်မာ အနွယ်ဝင်များ ထက် ပိုမိုတွေ့ကြုံခံစားခဲ့ရသူများဖြစ်ကြောင်း၊ ဒုက္ခဆင်းရဲများကို ကြံ့ကြံ့ခံ၍ ရွှေ့ပြောင်းခဲ့ကြရာမှ ဆင်းရဲမှုတို့ကို ခံယူနိုင်ခြင်း၊ ဇွဲ၊ သတ္တိနှင့် အမျိုးအတွက် ဂုဏ်ယူတတ်ခြင်း၊ လူမျိုးစု ယဉ်ကျေးမှုနှင့် ဓလေ့တို့ကို ထိန်းသိမ်း လိုခြင်း၊ စည်းလုံးညီညွတ်လိုခြင်း စသည့် စိတ်ဓာတ်နှင့် အရည်အသွေးများကို ခိုင်ခိုင်မြဲမြဲ ရခဲ့ကြသူများဖြစ် ကြောင်း၊ ထိုအရည်အသွေးများအပြင် ယူနန်နယ် အနောက်ပိုင်း နန်ကျောဝ် (နန်ချောင်) ဒေသတွင် နေခဲ့ရစဉ်က ကိုယ်တိုင်ပါဝင်ဆင်နွဲရသော စစ်များနှင့် တိုက်ပွဲများမှ ရရှိခဲ့သော အတွေ့အကြုံတို့ကြောင့် စစ်ဆင်စစ်ထိုးအ တတ်နှင့် တိုက်ရည်ခိုက်ရည်တို့မှာ ပိုမိုတိုးတက်ကောင်းမွန်ခဲ့မည်သာ ဖြစ်ကြောင်း၊ နန်ကျောဝ်ဒေသတွင် နေစဉ် က ၎င်းလူမျိုးတို့အား မန်၊ မန်ကျောဝ်၊ ၀မ်ကျု၊ ၀မ်ဖိုင်ယု၊ ဖူ စသော အမည်များဖြင့် တရုတ်တို့က ခေါ်ဝေါ်ခဲ့ ကြောင်း၊ စစ်ထိုးကောင်းသူများ၊ မြင်းသည်ကျော်များ၊ ခွန်အားကြီးသူများ၊ သတ္တိကောင်းသူများဖြစ်ကြောင်း ဖော်ပြ ထားသည်။

စွယ်စုံကျမ်းမှ မြန်မာအကြောင်းတွင် မြန်မာ့ယဉ်ကျေးမှု၊ မြန်မာတို့၏ ရိုးရာဓလေ့ထုံးတမ်းစဉ်လာများ၊ ပွဲလမ်းသဘင် ဆင်ယင်ကျင်းပမှုများ၊ ဘာသာရေး ယုံကြည်ကိုးကွယ်မှုများ စသည်တို့ မပါရှိပဲ စစ်ရေးနှင့် ပတ် သက်၍သာ စစ်ထိုးကောင်းသူများ၊ သန်စွမ်းသူများ၊ နည်းပရိယာယ်ကျွမ်းကျင်သူများ စသဖြင့် စစ်ရေးကို အဓိက ထား၍ ဂုဏ်ယူစွာ ရေးသားဖော်ပြထားသည်ကို တွေ့ရှိရသည်။

စစ်ရေးနှင့်ပတ်သက်၍ ဖော်ပြရာတွင်လည်း လက်ဦးမဆွ ရောက်ရှိအခြေချနေထိုင်ကြသည့် ပျူ၊ မွန်၊ ကရင်၊ ပလောင်၊ ချင်း စသော တိုင်းရင်းသားတို့၏ နယ်မြေများသို့ ကျူးကျော်စစ်ပြု၊ တိုက်ခိုက်သိမ်းပိုက် နယ်ချဲ့မှုများ။ ယိုးဒယားနှင့် အာသံ မဏိပူရအထိ တိုက်ခိုက်သိမ်းပိုက်နိုင်ခဲ့ကြောင်းနှင့် တရုတ်တပ်များကိုပင် အနိုင်တိုက်နိုင်ခဲ့ကြောင်းများလည်း အကျဉ်းမျှ ဖော်ပြထားသည်။ တရုတ်တပ်ကြီးကို ရင်မဆိုင်ဝံ့ဘဲ အရှုံးပေးပြီး ပြေးရသည့် တရုတ်ပြေးမင်းဟူ၍ ရှိခဲ့သည့် ရာဇ၀င်ကြောင်းကိုတော့ တစွန်းတစမျှ မဖော်ပြ။

တိုင်းရင်းသားနှင့် မြန်မာ

ဗမာလူမျိုးကို စွယ်စုံကျမ်းထဲ၌ အဘယ့်ကြောင့် မထည့်သွင်းရသနည်း။ ဗမာလူမျိုးဟူသည်မှာ တကယ်မရှိခဲ့၍ ဖြစ်သည်။

ပထမ အင်္ဂလိပ်-မြန်မာစစ်၊ ဒုတိယ အင်္ဂလိပ်-မြန်မာစစ်များ နှောင်းပိုင်း၊ ဗြိတိသျှတို့၏ အခေါ်အဝေါ် “ဘားမား”ကို မှီး၍ မိမိတို့ကိုယ်မိမိတို့ ခေါ်ဝေါ်သည့် “ဘမာ”ဆိုသည်မှာလည်း စွယ်စုံကျမ်းထဲတွင် မရှိ။ နှုတ်အ ခေါ်အဝေါ်အားဖြင့်သာ ရှိနေသော ဘမာ စာလုံးကို ဘကုန်းဖြင့် မပေါင်းဘဲ အသံထွက် ပိုမိုမာကျော၍ ဖဦးထုပ် သံနှင့် အရောရောအထွးထွေး ဖြစ်စရာလည်း မလိုသော ဗထက်ခြိုက်ဖြင့် “ဗမာ”ဟု ရေးသားခေါ်ဝေါ်ခဲ့ခြင်းမှာ တို့ဗမာအစည်းအရုံး၏ တီထွင်မှုသာ ဖြစ်လေသည်။ တို့ဗမာအစည်းအရုံးသည် မြန်မာနှင့် မြန်မာမဟုတ်သော တိုင်းရင်းသားအားလုံးကို သိမ်းကျုံးပေါင်းရုံး ခေါ်ဆိုသည့် အမည်အဖြစ် မည်သည့်အခါကမျှ မရှိခဲ့သော “ဗမာ ပြည်” “ဗမာလူမျိုး”ဟူသော အသုံးအနှုန်းကို တီထွင်သုံးနှုန်း အသိအမှတ်ပြုစေခဲ့သည်။

ဤနိုင်ငံသည် မြန်မာလူမျိုးတဦးတည်း နေသည့်နိုင်ငံမဟုတ်။ မြန်မာများ ဤနိုင်ငံသို့ မရောက်မီ နှစ်ကာ လကြာရှည်စွာကပင် တိုင်းရင်းသားလူမျိုးအချို့ ရေကြည်ရာ မြက်နုရာ၊ အင်အားကြီးသူများ၏ ထိပါးနှောက်မှု အန္တရာယ်ကင်းဝေး ငြိမ်းအေးရာ ရှာဖွေရွှေ့ပြောင်းရောက်ရှိ နေထိုင်လာခဲ့ကြသည်။ မူလဒေသခံများဟု ဆိုနိုင်သည်။ ထီးကျိုးစည်ပေါက် သူ့ကျွန်ဘ၀သို့ ရောက်ခဲ့ရသော နိုင်ငံအား လွတ်မြောက်ရန် တော်လှန် တိုက်ခိုက်ခဲ့ရာတွင်လည်း တိုင်းရင်းသားတို့၏ အခန်းကဏ္ဍမှာ အတော်ပင် အရေးပါအရာရောက်သည်။ မိမိတို့ ထက် လက်နက်အင်အားသာလွန်သည့် နယ်ချဲ့ကို အရှုံးမပေး အညံ့မခံဘဲ တိုက်ခိုက်ခဲ့သော တိုင်းရင်းသားများ အကြောင်း နိုင်ငံ့သမိုင်းမှာ ရှိခဲ့သည်။

ဝန်းသိုစော်ဘွား၊ စကားစော်ဘွား၊ ရှမ်းပြည်မှ လင်းပင်မင်းသား၊ ကျိုင်းတုံ၊ မိုးနဲ၊ မောက်မယ် ရပ်စောက်၊ မိုင်းပွန်တို့မှ စော်ဘွားများ၊ ကယား စောလပေါ၊ ချင်းတောင် ဗိုလ်ဆွန်ပက်၊ ကချင် ဖုန်ကန်ဒူးဝါး၊ ဆမားဒူးဝါး၊ လွယ်ဆိုင်ဒူးဝါး၊ ဆဒုံးဒူးဝါး၊ ၀နယ်မှ စောမဟာ၊ နော်ခမ်းဦး၊ ဓနုဖြူနယ်သား ဗိုလ်မြတ်ထွန်းနှင့် မန်းလုံး၊ ရခိုင် ဗိုလ်ဇော်ဂျီ၊ ဗိုလ်မျက်ကန်း၊ ပအိုဝ်းအမျိုးသား မရမ်းချောင်းဘုန်းကြီးနှင့် ဗိုလ်ခန့် ဦးစီးသည့် မွန်အမျိုးသား ကရင်အမျိုးသားများ စသဖြင့် နယ်ချဲ့လက်အောက် သူ့ကျွန်မခံ ပြန်လည်တော်လှန်တိုက်ခိုက်ခဲ့ကြသော တိုင်း ရင်းသားများ၏ အခန်းကဏ္ဍကို အသိအမှတ်မပြုဘဲ နေ၍ မရ။ ဂျပန်ကို တော်လှန်ရာတွင်လည်း တိုင်းရင်းသား တို့၏ ကြိုးပမ်းမှုကို လျစ်လျူရှု၍ မရ။

ထို့ကြောင့် ဗမာပြည်လွတ်လပ်ရေး တောင်းဆိုရာတွင် တိုင်းရင်းသားတွေမပါဘဲ အလုပ်ဖြစ်မည်မဟုတ်။ ဗြိတိသျှက ပြည်နယ်နှင့် ပြည်မကို တသီးတခြားစီ ခွဲထုတ်ချင်သည်။ တိုင်းရင်းသားတွေမပါဘဲ ပေးမည့်လွတ်လပ် ရေးမှာ မြန်မာတို့အတွက် အကျိုးရှိနိုင်မည့် လွတ်လပ်ရေးမဟုတ်။ ပြည်မနှင့် ပေါင်းစည်းရန်အတွက် တိုင်းရင်း သားတို့၏ သဘောဆန္ဒကို ရယူဖို့လိုသည်။ အထူသဖြင့် တောင်တန်းဒေသ တိုင်းရင်းသားတွေကို စည်းရုံးဖို့ လို သည်။ တိုင်းရင်းသားတွေကို စည်းရုံးရန်မှာ ၎င်းတို့အပေါ် သဘောထား စေတနာမှန်ဖို့ လိုသည်။ ၎င်းတို့၏ အခွင့် အရေးတွေကို သိနားလည်ရမည်။ ၎င်းတို့ကို နေရာပေးရမည်။ ဗိုလ်ချုပ်အောင်ဆန်းသည် တောင်တန်းဒေသ တိုင်းရင်းသားများ၏ ယုံကြည်မှုကို ရယူနိုင်ခဲ့၏။

မြန်မာလူမျိုးနှင့် တိုင်းရင်းသားတို့၏ သမိုင်းကြောင်းကို သိထားနားလည်ကြသော ခေတ်ပညာတတ်များ သည်လည်း ထိုအချိန်တွင် တိုင်းရင်းသားတို့အနေဖြင့် ဘမာလည်းမြန်မာ၊ မြန်မာလည်းဘမာဟု နားလည်မှုလွဲစွာ သိမြင်ထားကြသည်ကို ချေဖျက်ရှင်းလင်းပြီး တို့ဗမာအစည်းအရုံး၏ ရပ်တည်ချက်နှင့် “တို့ဗမာ”ဟူသော ဝေါဟာ ရအပေါ် အဓိပ္ပါယ်ဖော်ဆောင်မှုများအားဖြင့် ဗမာနှင့် မြန်မာ အသုံးအနှုန်းကို ကွဲကွဲပြားပြား သဘောပေါက်စေခဲ့ လေသည်။

“မဟာ” ပြဿနာ

တိုင်းပြည်လွတ်လပ်ရေးအတွက် တိုက်ပွဲဝင်နေသည့်အချိန်က တိုင်းရင်းသားအားလုံးကို ကိုယ်စားပြု သည့် အခေါ်အ၀ါ်အဖြစ် “ဗမာပြည်” “ဗမာလူမျိုး”ဟု ခေါ်ဝေါ်ခဲ့ကြသော်လည်း တိုင်းပြည်လွတ်လပ်ရေးရသည့်အခါမှာတော့ မြန်မာလူမျိုးအပါအ၀င် တိုင်းရင်းသားလူမျိုးများ နေထိုင်နေကြသည့်နိုင်ငံကို မြန်မာနိုင်ငံဟူ၍ မှည့်ခေါ် လိုက်ခြင်းမှာ သခင်ဘသောင်း စတင်တည်ထောင်ခဲ့ပြီး ဗိုလ်ချုပ်အောင်ဆန်းနှင့် သခင်ကိုယ်တော်မှိုင်းတို့ ပါဝင် သော တို့ဗမာအစည်းအရုံးက ချမှတ်ထားခဲ့သည့်မူကို ပြောင်ပြောင်ကြီး ဖောက်ဖျက်ကျူးလွန်လိုက်ခြင်းပင် ဖြစ် သည်။ ဗိုလ်ချုပ်အောင်ဆန်းနှင့်တကွ တိုင်းရင်းသားတို့ အရေးကိစ္စအပေါ် နားလည်ထောက်ထားတတ်သော ခေါင်းဆောင်ကြီးများ လုပ်ကြံခံခဲ့ရပြီးဖြစ်၍ တိုင်းရင်းသားတို့အရေးအတွက် ကျန်ခေါင်းဆောင်များကို ဂရုစိုက်စရာ မလိုဟု ဖဆပလတွင်းမှ မဟာလူမျိုးကြီးဝါဒီများက မှတ်ယူခဲ့ကြသည်။ ထိုသူတို့မှာ ဗိုလ်ချုပ်အောင်ဆန်းနှင့် မည် သည့်အခါကမျှ မတည့်ခဲ့သော စားဖားကြီးများ၊ ကိုယ်ကျိုးရှာသူများ၊ ၀ိသမလောဘသမားများ၊ ဒီမိုကရေစီ အရေ ခြုံနိုင်ငံရေးသမားများဖြစ်သည်။

မြန်မာလူမျိုးဟူသည်မှာ သမိုင်းကြောင်းနှင့်ချီ၍ ရှိနေခဲ့ပြီး ဖြစ်၏။ ဗမာလူမျိုးဆိုသည်ကတော့ မရှိ။ ဤနိုင်ငံ၌ မြန်မာလူမျိုးဟူ၍ ရှိနေသည်ကို မြန်မာနိုင်ငံဟူ၍ အမည်မှည့်လိုက်ခြင်းမှာ မြန်မာလူမျိုးတို့၏ နိုင်ငံဟု ဆိုလိုရာရောက်ပြီး။ ရှေးယခင်ကတည်းကပင် ရောက်ရှိနေထိုင်နေခဲ့ကြသော တိုင်းရင်းသားလူမျိုးစုများ
၏ သဘောထားကို ဂရုမစိုက်ဘဲ နိုင်ငံအပေါ် လက်ဝါးကြီးအုပ်လိုက်သည့် အပြုအမူပင်ဖြစ်သည်။